2月有車位嘞 ....

管理處覆咗話最快2月可以offer到個車位畀我哋，雖然未必趕得切o係小雋雋出世前有，不過比起最初話要等起碼半年已經好好多好多嘞，多謝天父!!! 一日未有車位、一日都未出到架車，莫講話肥虎想試我哋架車、就算Baba & Mama想去補鐘都補唔到住，唔通去車行攞去玩幾粒鐘然後又泊返架車返去咩，認真玩嘢 ...... 唯有用忍耐嘅心去等等等等等 ..... 希望到時慕慈個老爺朱師傅仲會肯教車啦，當年佢教得好好ga，可以嘅我都想揾返佢教我ah ....

33週 ... KWH產檢 ...

今朝去產檢，其實係上星期五去嘅，不過太攰起唔到身所以改咗今日。遲咗去所以又等耐d先有得入，老公本來係唔得閒陪我 ga，不過今朝又好moody喊起上嚟，所以老公由原本送我去搭的士、變咗送我去醫院、再變到最後陪埋我一齊產檢先走，臨時攞half-day leave啦，真係有d唔好意思，好得佢今個星期一唔駛開會同d case都stable，唔係就麻煩嘞 ..... 個女MO問我係咪去私家開刀，我都答咗佢三次係去私家順產，但佢都係再問係咪開刀，真係唔知佢做乜。 佢話小雋雋個頭落咗去嘞，上星期一去Dr MAK度都未落，不過都係言之尚早，仲有咁多個星期、小雋雋可以轉返上嚟、又可以臨尾先再轉返落去，所以我哋都係抱平常心啦，只有天父先知個時間，望就緊 係望小雋雋keep 住咁就最好啦，不過有d嘢未到最後一刻都真係話唔埋。唔知點個女MO又突然叫我跟佢出去 ultra sound 房照，make sure個頭真係向下之後又叫我跟返佢去RM.4，走嚟走去咁lor，最後話我如果有去私家產檢、而其他嘢驗晒又一切正常，其實都唔駛騰嚟騰去嚟公家 check，老公都認同，不過安全計都book埋12/1，如果下星期去Dr MO度check又冇乜嘢，咁到時12/1先取消唔去lor ....講真 ....我都唔係好想成日兩頭騰、又去公家同咁多人迫ga，畢竟宜家個人都真係輪盡過又易攰過之前，所以有得揀我都寧願淨係去私家睇算嘞 ....

仲有係要多d祈禱，求天父保守小雋雋係3/2-9/2期間出到世就最好，因為Dr MO放假放到 2/2 ah，咁又唔想佢過早出世wor，免得失預算嗎 ... 費事老公又攞唔到假ah，因為佢1/1開始要調返落PMH嘞，所以雋雋您要乖ah，又求天父o係呢件事上開路、畀個最好安排我哋啦

大玩具 ......

終於都係忍唔住嘞 .... 老公都係買咗呢個超大大玩具 .....

小雋雋 ... 你要多謝baba ah，佢好錫您ga，因為您、又有少少因為mama，baba就好快做咗呢個決定，雖然話快、其實都考慮咗又忐忑咗好耐，只不過因為某d原因令baba mama成日心大心細，身邊朋友都話有呢個需要、成日叫baba快d買，都手痕咗好耐ga la，係baba好錫好錫好錫您、加上又到減價期限 (係今日3pm ... 之後又加返價...)，所以就促使baba琴晚做咗呢個決定。你要好好記得baba為你所做嘅，將來要好好孝順同愛baba ah .....

32週 .... fellowship X'mas Party

不經不覺今日又踏入第32週嘞，好開心、好幸福，同小雋雋o係埋一齊嘅日子真好，不過都係我自己感受得最多，仲有唔知夠唔夠8個星期小雋雋就會出嚟同大家見面，唔計我、我諗老公會係第一個開心，因為一直佢都係隔住我個肚皮同仔仔溝通，到真正見到面時一定會好開心同感動呢 ....

今日4pm又去Dr MAK度產檢，唔知小雋雋一見醫生又會唔會彈彈吓呢，之前幾次都係咁，好cute!!

小雋雋 ... 好多小朋友同小BB等緊你出嚟一齊玩，你要乖、又要畀心機，要健康快樂咁成長，我哋好愛您ga .... 就嚟聖誕節，今年因為要執間屋又好快到CNY，baba mama今年冇整X'mas Tree，不過一諗起出年同你一齊過X'mas同佈置X'mas Tree就好開心呢，不過唔緊要，你o係我肚裡面都要記住，X'mas係主耶穌生日嘅大日子，唔好淨係掛住玩，你要記念佢、包括佢嘅恩典同將您帶到呢個世 界，耶穌好愛您ga!! 你要記得多d祈禱同記念佢ah!!

31週 ... 感恩 .....

今日係小BB踏入31週嘅日子，愈來愈大個仔嘞，多謝天父嘅保守，希望小BB繼續健康快樂成長!!!

另外要感恩係 .... 老公打咗去Dr MO度問佢出年CNY放假放幾耐，nurse話佢係會接順產、同埋只係放 26/1 - 2/2 ja!!!!!! GREAT!!! EDC係9/2/2009，即係如果小BB聽話o係2/2之後先出世、咁Dr MO就可以幫我接生嘞!!! 同埋老公同事阿LO老婆兩年前都係Dr MO接生ga，當時揾佢又係因為Dr MO以前都係PMH人啦，佢同John CHIU 都話 Dr MO 幾好ga，叫我可以放心。宜家book 咗2/1去Dr MO度產檢、到時先再詳細同佢商量啦，不過現階段起碼多一個盼望，所以好感恩，要繼續祈禱，因為都要天父保守小BB要o係 2/2之後出世先可以肯定由Dr MO接生到ga ....

SLEX & Cell phone ...

今日下晝有開心有唔開心：

開心 + 驚喜!!! 我之前話 HSBC 信用卡優惠買咗張SLEX chair，不過一早講咗得一隻色 -- 綠色、係冇得揀嘅。今日我的起心肝拆箱攞咗張SLEX出嚟裝"hum" (hee .. 我最鐘意上鏍絲"dup"釘駁線呢d嘢，所以屋企內呢d手藝都係由我包辦 ... )，睇第一層全部都係小BB會坐o個部份 + 椅背 + 腳踏、係綠色，好正常。出奇在揭開個盒第二層，開心到我呢 .... haha 竟然大人坐o個part係我一直想買嘅顏色 -- 桃紅色 (影相出嚟淺色d ....)，我真係好好好開心同好多謝天父呢!!! 真係出人意表ah!! 我估d銀行職員都以為成張SLEX真係綠色ga .... YEAH!!! 有自己心愛顏色、再加上係自己一手"hum"出嚟，好有滿足感，希望小BB都會好鐘意 ...

試坐過張SLEX，好舒服，因為佢係有護脊功能，所以好適合小BB坐 ....

唔開心! 因為老公又o係的士跌咗部cell phone .... 係短短唔知4定5個月內第二次、地點一樣。 其實今日本來叫阿Li買lunch 畀我食、因為老公今日要上江爺堂、唔可以早走。點知好surprise佢又睇完OPD有少少時間淨，就專登買埋飯返嚟陪我食，食完就上返LKB上堂。隔咗 冇耐佢就o係CSW警署打嚟、話冇去上堂，因為又唔見咗cell phone去報失。d電話No. 佢又冇做back up，又唔見晒、又要再嚟過。經過上次一役同畀我鵝完之後，佢今次記低咗的士車牌號碼，阿sir好快揾到個司機contact仲立即打埋畀佢，個司機話老 公落車後接咗兩轉客，其中一客係一家人、佢留意到有個十幾歲學生落車時隻手攞住部cell phone，佢估可能係畀個死靚仔攞走咗。SIGHS .... 警署阿sir一"gum"電腦又check到老公記錄、知道佢冇耐之前先又係o係的士跌咗部電話，連我送畀佢嘅BV phone strap都畀人攞走埋ah，兩次加埋真係好肉痛，唔見錢都算，老公又要報失、又要去出過張SIM card (最弊係張card係佢細佬開，要佢寫授權書先可以開過張新card，但佢細佬仲開緊會未覆我哋 ... )，佢宜家又冇用"醫院貓" (pager)，所有call都係打佢cell phone ga，所以一唔見咗就超級大麻煩 ....... 可能經過上次我已經習慣咗d，反而今次見佢真係好唔開心，話自己冇用wor，我同小BB見佢咁都冇晒心機呢 ....

我想講宜家d時下年青人真係好差又好冇品，冇家教兼冇公德心，一d公民意識都冇，當然佢哋嘅父母都好有問題，都唔知點教d仔女，都唔知d人點解可以咁貪心，佢哋一定有報應ga!!!

傻mama ... 冇記性

一向記性都十分好、因為我係人肉記憶體，不過有咗BB之後就愈來愈冇記性 ... 琴日原來係KWH產前運動班，不過我完全冇咗件事，加上老公post-call返咗嚟、我同佢都係超級攰，所以一食完晏晝就走返入房took an afternoon nap .... ，兩隻冬日小肥豬ah .... heehee。不過算啦，平日自己都有做開運動，少佢一堂唔少，而且今晚浸antenatal class又係講產前+產後運動，可以補返數；加上呢一課係分咗星期二同今晚兩班，會少人d，我諗冇去KWH咁擠湧lor ....

琴晚我洗咗第一機小BB嘅衫，好開心，d衫仔細細件真係可愛到暈，同埋隨住開始洗衫同執佢間房，o個種感覺愈來愈真實同實在， 唔捨得個肚仔o係2月會扁返、但又好期待小BB加入我哋呢個小家庭啦 ..... 琴晚係洗晒d白色嘢，之後就分批洗埋粉藍色系列同埋淺黃色系列 (BB仔d衫都係d咁嘅色ga la，女仔就會有粉紅lor ....)，其實牛仔係列可以遲d先再洗，因為小BB未會咁快著到。另外個手提籃、Pooh Pooh blanket、receiving blankets都陸續叫阿Li攞過隔離手洗，住咁近真係好，唔單止多間屋畀我哋"浪"衫、我哋買咗有d BB嘢未用住都可以放o係o個邊先，慳返唔少位ah ....

琴日同老公一齊 上網揾多d醫生資料、又順便睇吓肥虎介紹嘅醫生，其實之前去過Dr MO度照4D都覺得佢幾好，咁老公又同佢係舊同事呢，不過Vally就話佢只接開刀，但琴晚上網又見好多人試過順產揾佢接生(當然開刀係大比數嘅 ...) 加上醫生費唔太貴、老公有半價都好抵，所以今日都會試吓問佢得唔得 ... 但有網友問咗佢原來26/1/2009會 VL，唔知放到幾時，所以我都有定心理準備佢未必得ga la，希望佢如果到仲時o係香港的話、可以畀畀面嚟幫吓手啦 ....

成日都話 Dr MAK好，因為佢呢d咁senior 嘅都賺夠好有上岸feel、唔太aggressive，佢主力係接順產、已經好少幫人開刀、亦根本唔suggest人開刀添，最鐘意呢d醫生.... 唔會無嚟啦加"leuk"人一筆lor。無論點都好，我哋只希望可以揾到個一樣咁好又nice又唔貪錢嘅醫生，希望快d有好消息啦 ....

超好成仔 VS 串爆醫師

今早食完早餐又唔可以瞓，其實好攰、不過冇辦法，因為Eva派成仔嚟幫我哋較短個飯廳波波燈 + 送埋兩個訂造嘅窗台儲物櫃嚟，本來係下午送，不過Eva知我要去睇中醫所以改咗0930。成仔一向都好好 ... no .... 應該係Eva間公司個個都係超好，Eva就更加唔駛講，當我妹咁、由呢間屋裝修開始 ... 到之後訂造 / 維修每樣嘢都係畀個超級特惠價我，重點係quality係極之好、樣樣實木嚟 + 有埋design ga，佢公司平日d客都係明星/富豪/大公司、如果唔係同豬皮一家嘅交情，我諗咁嘅價錢服務真係IMPOSSIBLE!!!!!!!!!!! 真係好感激成仔，佢見我大肚，個櫃又專登o係門外裝好先搬入屋 .... 唔止，費事我清潔辛苦，佢竟然幫我抹乾淨埋個櫃 (搬入房前又抹、裝好咗又抹)，見佢禽高禽低又整燈、又抹嘢，我都真係有d唔好意思，佢又自己一個人整、由九點幾整到十一點幾，辛苦晒 ..... 所以我同老公真係衷心咁多謝佢 ......

下 晝終於可以去會一會我成5個月冇見過嘅孟教授，今次改咗地點唔係TST、返去大學中醫學院睇，遠咗、又勁多人、我又瞓晏咗遲到、最後要等好耐 .... 1630一路等到 1745，眼瞓到我痴線 ...... 浸大有d中醫都幾串ga，都明白嘅，佢哋個個都係好權威、有學歷有背景，唔係博士都係教授講師，所以d語氣同出面一般中醫都好唔同；我都畀孟教授話唔少，唔食 藥又話我"驕"、又話我成日發脾氣 (重點係佢話一睇就知我蝦老公 .... hahaha) ...etc.，佢唯一係唔會話老公，孟教授好鐘意老公ga，老公次次陪我嚟佢就好開心咁成日同佢傾計，有時同佢講嘢仲多過我呢位病人，又讚老公好 .... etc.，總之就超級攪鬼啦，不過點都好，佢串極都係一個好好、又好勁嘅中醫，所以我哋好尊敬佢 ..... 好多時孟教授話我哋、都係出於好心、醫者父母心ar，就正如老公o係醫院有時睇唔過眼都會話吓d病人，只不過佢個格冇咁串jeh，最緊要係睇得好我就OK 啦 .... 不過琴日個對話實在太攪鬼：

孟教授：(我一開門入房、我都未坐低就問) Qiu Xin Yi (我個名ah ...)，真係你ah (佢唔expect我去大學睇ma ...) ，你係唔係佗仔ah??

我：係ah ..你點知ga? (5個月冇見，所以佢未知小BB性別 ...)

孟教授：你醜樣咗AH ，個鼻大咗d、對眼又細咗、皮膚又乾咗，係冇乜水腫 ，以前個樣漂亮好多ga，係佗仔就會醜d .....
(孟教授我其實塊面係腫咗ga ... 條小腿都腫過以前一吋ga ... 大腿腫咗兩吋幾 ... 盆骨又大過以前兩吋半ah .... 好似boogie同老公佢哋話我只係整體都好似好瘦ja .... )

老公：hormone影響有d關係 ... (望住我話孟教授講笑 ...唔係，我覺得好認真，係事實!!)

孟教授：對對對 ... 係會醜樣d .... (我真係滴汗ah ... )
(佢對住d同學仔咁講、有中醫實習生o係度ga ma ... 仲笑笑口重覆"醜樣咗"、"冇以前咁靚嘞"、"醜怪"、"以前好看好多" ... etc.唔知幾多次，係講咗好多好多次，講到我由O咀變到扁晒咀都仲講 .... 激死我 !!!!!!! 攪到我個頭真係愈"dup"愈低冇面見人咁ah ....... 不過佢真係講咗個事實出嚟，我自己都覺得係咁ga、真係醜怪咗，自己都好唔滿意自己，著d衫又好似冇以前咁好睇，只係老公夠包容 (或者審美標準低 / 我要求太高 ... kakaka )先成日安撫我話冇變冇問題 ..... haha，面對孟教授突如其來嘅一擊，我真係無力招架，所以我、老公、同d同學都一齊大笑，d同學仔仲安慰我話之後就冇事會靚返晒ga la ..... 多謝佢哋ah ....)

孟教授問老公：點解你胖咗??

老公：係ah，我成日陪佢一齊食嘢 / 佢食唔晒我幫佢食埋佢ar ma .... (老公你一向咁瘦 ...唔怕啦 ...)
*****************************************************************************************************************
畀佢串完，又要講d正經嘢，我問佢「孕婦臨產前係咪要煲白蓮鬚飲、以幫助去胎毒ah??? 」跟住得出意想不到嘅答案：

孟教授未答、有個同學已經好大反應答咗幾句：唔駛ga，唔駛食d咁嘅嘢ga，o係度睇中醫、食開教授開嘅中藥嘅孕婦都唔會食d咁嘅嘢，而且個個都生得好好又好快、亦好健康 .... (Amazing!!! 佢用"d咁嘅嘢"去形容 ....)

孟教授隨後開腔回答：唔可以食白蓮鬚，冇益又唔好、不利生產ga，(佢跟住講咗d四字成語同d中醫嘅terms，我唔記得亦唔明)...

然後孟教授用冇咁抽象方法解釋一次：唔可以食，食咗會好難生，就好似有d嘢 (即係BB)明明好順暢出緊嚟，而食咗白蓮鬚會令呢d嘢倒轉頭推返入去，簡單講都會拖長生產過程同埋係冇益 ....
(我同老公都覺得好出奇、因為出面好多人係咁食 ... 當然我哋緊係絕對相信孟教授啦，不竟o個d都係民間傳說及所謂秘方，我唔要人云亦云，我要有益、make sense 同 does work呀!!! )

我呢位小病人多口問身邊同學一句：出面好多人都話生之前要食又話去胎毒同生快d ??? (未講完孟教授已經打斷我 ...)

孟教授又話我 (用串串哋權威口吻)：你宜家信出面d人講定我吖??? 你聽唔聽我d說話吖??? 我講咗唔好食就係唔好食、冇益嘅 ..... 根本冇需要食呢d嘢 (後跟一大堆說話話吓我 ... )

孟教授及同學最後重覆：產前煲白蓮鬚飲只係一d民間偏方、係傳來傳去唔可靠嘅，叫我千祈唔好試 ....
(我知有人飲咗真係生好耐 .... Vally有飲、不過只飲咗一兩次，最後佢生得都算快，只痛咗3個幾鐘，唔知係咪真係同呢樣嘢有d關係呢??? )

之 後幫我睇埋d感冒、開d藥畀我，孟教授好好，佢話我好stable又冇乜特別嘢，叫我之後冇乜特別嘢唔駛專登嚟睇佢wor .... 老公話佢唔"dum"波鐘真係好ah。咁就希望我到生之前都唔會再病，到生咗之後要調理先再揾孟教授啦 .... anyway今次對話有d hurt 又好攪笑，不過我同老公都係咁鐘意佢因為佢其實真係好好ga .....