好耐冇上過Ourbaby，加上近期H1N1都唔敢帶雋雋出去玩，好似好悶咁，所以見佢有新貨返咗又上去睇吓 .... 今次為慶祝雋雋618踏入第20週，所以買咗頂cap(佢大得太快、舊o個頂戴咗一次已經唔啱 ...)、一張Bumbo Baby Sitter同埋一個玩具畀佢。
講開呢隻新玩具，之前睇網上介紹又唔覺有乜特別，不過去到現場睇又幾ok，同埋一畀雋雋睇真係兩眼發光咁，一聽埋聲就好有反應同傻笑 .... 呢位雋雋新玩伴、就係來自法蘭西嘅天然樹膠長頸鹿Sophie小姐，原來好出名，都成46歲添。初時以為佢係膠玩具好硬又好臭臭，點知雋BaMa玩過都覺得好得意，同埋陣味係好好聞，唔怪得雋雋好似玩得好開心，瞓覺又攬住佢，仲食Sophie食到好似食燒鵝髀咁，好攪笑 .... 同video裡面個baby真係有得揮 ...
http://www.ourbaby.com.hk/product_info.php?products_id=831
睇吓佢，嘆到呢 ...真係成個大爺咁款呀 ....
