原來 ......

幸福? 唔知呢? 每個人標準唔同，又或者旁人睇同局內人自己經歷又係天與地兩回事 ....實在太多可能性嘞 ...

好唔鐘意明明覺得有d人唔好，但旁邊每個人都讚佢好 ... 係好主觀，她自己先係受眾，當然自己感覺經歷行先啦，係真係覺得唔好就係唔好ga 。好多人一直都唔理解，以為她是身在福中不知福咁，有苦又幾多個人同明白呢? 幸福嘅人、又或者一生冇乜大上大落、又家庭完整嘅人係永遠都唔明呢種人，可能有人會覺得怪，其實一d都唔怪，只係旁人見得少、經歷得少....

唔開心經歷同記憶係唔會被時間洗去，因為係發生過、係事實，有時亦唔需要刻意抹走去，抹走咗，就唔再係自己人生一部份，呢部份係可以提醒自己好多好多口嘢ga ... 天父有時都係要人經歷好多唔同又特別嘅事，為嘅係要人去更認定神、認識自己、又令人更堅強。不過通常又會有兩種結果，好嘅係更堅強更堅定，相反係變成咒詛、行咗去另一個方向囉。

每次事件都會有不同結果，有d係令人堅強咗，有d別人以為冇乜重要性又唔特別起眼嘅事就 ....唔駛多講啦。其實事情嘅開始同終結都真係好人為，到最後個結果係唔好，有時好可能係當日有d人處理得唔好，識同唔識處理、要黑/白/或要做別人討厭嘅牆頭草常站於灰色地帶而令人生厭 .... mmmm ....其實種種，都唔係自己可以控制得到 .... 因為係別人自己選擇，不過唔好事後成日講後悔囉 ...

有多一樣令自己開心嘅人或事出現，亦都唔等於可以洗刷以往嘅一切 ....因為一個人並唔等於另一個人 ... 有個傷口就係有，唔會貼塊膠布遮一遮就同自己講個傷口冇咗 .... 仲要有一種人好鐘意係人哋傷口洒吓鹽，咁又有冇可能好返或者冇疤痕呢???

輔導也好、臨床心理學家也好，佢哋成日提醒人，唔好叫唔開心嘅人「你唔好唔開心啦」、唔好叫滿眼眶眼淚嘅人「你唔好喊啦」、「你諗多d開心嘢啦」、去喪禮唔好同人哋家屬講「節哀順變啦」 ...etc.，呢d所有所有，其實無補於事，理智上係知道出於好意同關心，不過，情感上對人哋係一種傷害同壓抑。

傷心嘅人想喊，你叫佢喊出嚟啦，唔開心嘅人想講說話想抒發，係好朋友嘅就畀佢講同發洩啦，已經諗唔起開心事嘅人就唔好再迫佢諗開心事啦、諗到又有幫助就唔會唔開心啦 .... 其實種種都只不過係聖經所講 --「與哀哭的人同哭」嘅道理，冇錯，受傷的人、難過的人，就只係需要呢種最簡單嘅對待，陪佢哭、陪佢笑、好想有人同行，好朋友也好、家人也好、弟兄姊妹也好，唔係最簡單就係咁嗎?? 愛同關心就係咁簡單囉。唔需要多說話、多教訓、多道理，有對聆聽嘅耳朵、有個真心、有雙可以隨時相借一用嘅膊頭、有對溫暖嘅手 .... 好多受傷嘅人就係咁諗ja ma ....

又有幾多人真正明白呢??

好朋友出嫁嘞 ....

小學四年級認識嘅好朋友結婚嘞!!! 當然係大件事同埋一定要出場，帶住雋雋去飲去到咁夜都係第一次，但係呢單真係唔可以唔去 (之前好多單都因為雋雋要早瞓去唔到呀 .... )，多咗個仔已經乜都冇幫手，如果再唔出現真係好對唔住自己同呢位認識最耐嘅朋友啦!!!

兜兜轉轉，為你能找到最終幸福嘅落腳點而快樂，美兒 ... 今日之後就係何太，雋氏一家衷心祝你同Henry，永遠幸福、白頭到老、永結同心，願主祝福你一家呀!!!

Wedding Ceremony @ 沙浸
mama，發生緊乜事?? 好多人遮住雋雋，見唔到Auntie Jessi 呀 ....My Dear Friend ... 唔好喊呀 ... 個靚妝花嘞 .... (成個婚禮好感動呀，雋ma聽佢兩個講嘢都聽到眼濕濕 .... 好難頂呀 ... sobsobsob ... )其實同場好多小朋友及小BB，雋雋比雋ba ma預期中嘅表現好，起碼大喊冇雋雋份、大叫得最大聲嘅亦唔係佢，全程都好穩定，不過一到4-5pm時段 .... 由於平日係nap緊，所以雋雋同雋ma嘅情緒都開始緊張，聖殿食嘢係唔好嘅，不過為咗婚禮可以順利進行、雋ma又可以睇足全場，所以都要星星餅+青蘋果puff打救吓先 .... 多多見諒 ...

oh .... 終於等到影相嘞，影完要快閃快屋企煲粥、餵粥、幫雋雋沖涼、同埋換衫呀 .... 多年冇見嘅世伯伯友仲送上利是畀雋雋，多謝、又唔好意思呢....雋雋攰到傻呀，上車冇耐又瞓咗，呢隻小吉仲係咬住個水樽、邊咬邊瞓著咗loo ....
Wedding reception @ 帝京

駐場攝影大叔，你 .... 唔係好識用G10咁wor .... 莫非對你嚟講呢d機太cheap???

呢張雋雋原本應該幾好樣，不過另有某人o係度試機 ... 試得各種mode已經唔知影咗d乜出嚟 ...

雋雋好鐘意枱面d羽毛同花花，見到拍晒手好興奮呢!!!

又畀某人影到爆晒光嘞 ....

2015 去酒店車程雋雋瞓咗，雋ba ma懷住戰戰兢兢嘅心，好希望雋雋可以瞓到我哋食埋第5道 .. .heehee 即係碗唔人道嘅魚翅囉 .... 先走，好唔容易搬雋雋落車又上到酒店放返佢落車都照瞓返，真係10個哈哈笑啦!!! 但到片頭一出就大鑊，MC一定大聲講嘢 ... BB車開始震震吓，一dim埋houselight 去片 .... 加埋美妙而大聲嘅background music，已經聽到有喊聲，雋雋喊醒咗囉，唔係嘈，應該係好黑嚇親佢，o個刻仲要係雋ma唔係佢身邊添 .... (雋ba o係隔離冇用ga，佢喊就要揾mama .... )

之後點?? 全程輪流抱，因為已經一圍13人、亦唔可能加highchair畀BB，仲要雋雋多數揾雋ma抱，當然啦，平時雋雋係8-9pm期間一定飲咗奶瞓埋覺，攪到9點幾，唔揾mama都唔係雋雋啦，佢冇發癲已經係出乎意料之外嘞 ....

好多謝美兒二哥Samuel個外母，因為佢好鐘意雋雋、雋雋又ok癡住阿伯有wor，所以全程都幫輕咗雋ba ma唔少，又有其他小朋友同雋雋玩呢，真係好好呀，多謝天父!!!

不過愈來愈10pm雋ma都知要走嘞，一直都唔見好朋友行到埋嚟影返幅相 .... 好緊張，因為一到場就開席，一幅合照都冇點得呢?? 唔係美兒唔想，係佢結婚前已經跌斷腳，未好返晒又要今日踩足全場，真係好攰，仲要可能有時加埋d冇乜人性99呢 (同雋ma當年一模一樣 ....可惡!!! 唔係淨係雋ma講ga，同枱阿伯有同Samuel太都係咁講ga ....)，好似唔係想人高興而係想人死咁囉 ....

到最後雋ba ma要打尖走去新娘房揾好友影相然後要早走嘞，雋雋真係太攰，心情又開始麻麻哋成日yell，又咆哮雋ma .... 不過最令雋ma唔開心唔係咁，係見到好朋友個樣唔開心，當雋ma捉住好朋友對手話要走、叫佢保重，見到佢係眼泛淚光望住雋ma，好多唔開心、好攰、好多無奈o係雙眼湧晒出嚟，雋ma都好唔捨得美兒，不過好無奈因為阿仔都要走，唔可以全程睇住好朋友出嫁 .....

雋ma知、亦都好明白，因為結婚當日的雋ma都有好多唔開心，不過冇乜人知，知嘅亦都冇乜點理，到今時今日 .... mmmm .... d人後果自負嘞 ....

今次去飲本來係去另一友好阿鵬婚宴嘅試金石，不過 ... 似乎機會又微d嘞，今次尚且o係九龍又近屋企、先可以好早走又好快到屋企安頓雋雋，阿鵬o個單o係深灣遊艇會雋ba ma真係唔知雋雋一發癲(不論大小 ...)會點算，唔通食完個乳豬全體就走咩 ..... sighs ....

10月的第3個蛋糕 ....

增肥?? no way ... 只係有d 口痕 + pat pat痕 + moody，咁最好就係食同買啦，湊住個B嘅mama - 我，又點可能好似以住咁發神經shopping呢??? 所以最好就係狂食囉，咁又有人自願、又專登渣架車過CSB買個過雋ma食，咁又唔驅ga ......
真係好好味!!! 香濃、滑溜、唔太甜，好滿足到雋ma暫時嘅慾望及口癮 .... 雋雋，你聽日有朱古力奶飲嘞，HOHOHOO ......

夜晚10點幾先嚟食四份一個，肥死，好得雋雋每日分咗mama好多卡路里，宜家就有恃無恐，第日就千祈千祈千祈唔好再攪d咁嘢呀 ....

聽日等mama再消滅埋你 .... wah ha ha ....
食開呢個，又令雋ma諗起Peninsula Bangkok 免費送o個個好好味又靚嘅朱古力生日蛋糕，各有所長 .... 不過好食就okay啦!!!

玩濕紙巾盒 - 進階篇

前文"9個月的進步"曾提及雋雋識得自己開濕紙巾盒、然後又攞d濕紙巾出嚟、再掉埋落地下，而呢一系列動作都係會o係雋雋開餐前出現嘅 ....

今日BB佢發展到學雋ma"cum"埋個濕紙巾盒蓋 .... kakaka ... 有待學習啦，可能聽日自己就"cum"得埋唔會夾住手指ga la .... 去片：

仔，你d觀察同模仿能力好似幾好喎!!! 繼續努力，同埋大個畀心機讀書呀，希望你做個有用又成功嘅男孩子，同埋最緊要開心!!!

甜睡時間 ....
緊係啦，飲完奶"bok"一聲瞓咗，一瞓就瞓足40mins.，抱住22lbs.嘅佢，真係有d腳痺嘅感覺 .....
醒嘞 ... 你就爽啦 ....幾精神!!! (不過幫佢影相o個位就謝晒囉 ..... )

瞓得好、心情好 ....

剛剛瞓醒 .... 又影人哋個咁嘅樣啦!!! 又唔同人梳返好個頭先喎 .....

瞓得好、心情又靚，畀畀面部相機咋，所以先笑得咁開心嚟影相 ....

交足功課啦mama，收手啦 .... 唔好再影雋雋我呢個凌亂美模樣嘞 .....

雋雋的第一次 -- 自己扶住站立篇

聽日9個半月大嘞 ....

近一個星期又有d進步 ....

1. 成日o係度自己 / 同人揮手 ....

2. 雋ba唔o係屋企就成日叫"Ba BA Ba BA Ba ..."，雋ma行開咗就成日"Ma MA Ma MA Ma ..."，咁係咪有理由相信雋雋已經分辨到baba mama呢???

3. 愈來愈識享受囉，呢幾晚開始由雋ma幫佢"馬沙慈"咁再慢慢瞓著，嘆到佢吖，成個人大字型咁瞓著，直情連佢最愛o個兩隻左手食指&中指都可以暫時忘記唔再咬，真係唔講得笑ga .... 點解要"馬沙慈"?? 話說雋雋一眼瞓、但又心野唔肯瞓就會好癲狂，癲到不停碌來碌去、踢來踢去(雋ma餵緊奶咁緊係踢到mama死死吓啦 ...)、又會搣住人哋d肉、爪人哋、又會反轉"pa"o係度 (包括飲奶都係咁，係絕技之一!!!)，總之兩個字 --- 癲、喪!!! 真係baba mama一齊都"gum"佢唔住.... 直到有一次幫佢 "馬沙慈"，初時癲、慢慢就放鬆、然後好快瞓到好"num"又唔咬手指，開心到mama死，所以就開始咗呢個mama專人睡前按摩止癲服務囉.....

4. 今日1021自己第一次扶住床邊企咗起身(每次起身之前都要"吖...."咁大叫一聲，笑屎mama，好似人哋玩挺舉咁 .... wah haha :D) ....

好得係雋ma自己湊雋雋、又可以親眼目睹呢珍貴一刻，而且仲有時間拍video同影相 .... 好開心!!! 雋雋，你又大個仔咗嘞!!!

懶型咁做乜呀??? (不過mama好鐘意.... hahaha ...)

不過成日向下望又"鐘"個頭+少少上半身出去，嚇死人，好似就快跌落地咁，sighs .... 睇嚟mama又要將你嘅床仔再教低一格嘞 ..... 咁mama要o係床仔抱你出嚟又再加倍辛苦 .... 緊係啦，雋ma有條風濕腰ar ma ....

飯局@豬皮家

有美味又豐富嘅晚餐.....

(雋ba ma代食 .... 請小BB你由母乳途徑吸收是日晚餐之精華啦 .... hahaha)

又不絕嘅喊聲同歡笑聲襯托 .....
又有好多好玩攪笑嘅uncles & aunties提供暫托暫抱幼兒、及不收費"jump"茶遞水夾餸服務 .....
仲有免費享用價值兩皮嘢嘅按摩椅 ..... (睇雋雋我幾舒服!!! Baba你幾時整張過我嘆吓???)
如此殷勤款待 ....
就像小雋雋嘅第二個家 .... (遲早成日嚟反轉埋呢間屋 ....)
咁一定要拍吓掌多謝pigskin一族 .....
Thx a million!!!!!!!!

(特別鳴謝：Auntie pigskin 提供相片 ....
唔該得閒畀埋條片我mama做記錄，thank you!!!)

2009 雋氏大阪自由行後記 ....

總括嚟講呢個行程係算成功嘅，雋雋比baba mama預期中乖巧同合作，不過mama就真係唔多開心 .....

總結一吓今次旅程中嘅點滴：

1. 同咁細個BB出外遠行、仲要係自由行，一定要事先好好計劃行程同埋做好資料搜集，唔好去到盲鐘鐘又興起想去邊就去邊，因為BB咁細個，盡量都要keep返佢哋基本作息食嘢時間，佢哋想瞓就要畀佢瞓、想食就畀佢食，唔好為咗shopping去玩就攪亂晒佢哋原本作息時間，唔係成個行程有排煩 .... 所以好同意帶d兩歲以下嘅小朋友去旅行嘅，千祈唔好去得遠 (Osaka只係要3.5hrs機程，所以比起去Tokyo / Hokkaido適合!!! 其他更遠地方根本唔會考慮，係都大個d先 ...)，又要去d可以隨時補給到BB日用品同物資嘅地方(日本都係必然之選!!!)，水要乾淨、地方夠衛生，要溝通到 (日本有漢字都okay!! 同埋去過咁多個地方，經驗中大阪d人英文叫做好好多嘞 ... )，好似雋ma咁要餵人奶嘅日本更加係不二之選，今個行程9成時間都係BF，雖然可能會覺得浪費好多shopping時間，不過BB唔係次次肯飲奶粉，已經幾日冇粥食，所以都唔好攪到佢想飲人奶都冇得飲，總之要盡量維持所有嘢同o係HK時差唔多....咁就會旅行得好順利嘞!!! 日本d餵奶地方又多設備又好，環境舒適，10個鐘意!!!

2. 雋雋6個半月開始已經係改咗去浴缸用花洒沖涼，仲係好鐘意o個隻!! 唔知點解去到用酒店浴缸好驚，雋ma抱住佢沖都大喊，返到HK第一晚都係大喊，第二日小喊，第三日先冇事適應番 ....

3. 同小BB去一定要隨身帶備一大袋佢哋玩開嘅玩具去，今次好得都帶咗唔少，可以閒時幫雋雋止吓咳，到夜晚雋ba ma要洗紗巾、洗奶樽時，唔得閒理佢都有一大堆嘢令佢分心唔會喊ma ....

4. BB車，一定要帶，仲要好似Susan mama講要大大架o個隻，千祈唔好係"士的車"，唔係shopping之後都唔知點攪ga，加上BB仔隨時要瞓，所以要有架舒適嘅畀佢瞓、baba mama就安樂好多.... 雖則今次用多$2000買咗架Peg-Perego SI，不過好得有買，真係好好用，話就話得12 lbs.，但係掛滿成車嘢都唔會反車，呢個亦都係Peg-Perego 嘅最大賣點!!! 底籃仲放到成個大奶粉袋，對ba ma嚟講係10個輕便!!! 有三個角度調教，雋雋可以坐直又可以瞓平，全程都好似坐緊原本部PlikoSwitch咁，再加埋個永遠包到BB"hum"一"hum"、橫風橫雨都冇整濕過BB任何地方嘅雨套，已經係再無話可說 .... 10個超值!!!

5. 買咗兩對好滿意嘅鞋畀小旨雋，一對係最尾一日行 INGs 嘅時候o係SHIPS 見到嘅，就係雋ma由讀書時期開始已經推崇備至嘅B仔鞋，雋ma都鐘意啦、咁都一早plan咗要買對畀佢，可惜香港靚細路款B仔鞋實在唔多見有wor，o係度揀完件靚靚背心羽絨畀雋雋後竟然發現呢對B仔，10個鐘意!!!! 仲要得一對!!! o係香港冇見過，雖然有排未著到，不過唔理嘞，因為o係雋ma幫雋雋試穿嘅同時已經有兩個日本mama對呢對B仔虎視眈眈，所以立即決定要帶佢返香港!!! YEAH!!! 仔，我哋終於有對子母鞋嘞!!!
第2對係Comme Ca ISM嘅雨靴，好cute又係last一對，好大對，最想要黑色 ....超型!!! 不過最細得中碼，粉藍都ok 嘅，又係最後一對細碼，平香港咁多 (應該都成6折，再另加遊客95折優惠，死人都買定先啦 .... o個d咁嘅女裝布鞋都係HKD 80 ja，如果阿仔係女仔我都買定畀佢ah .... 不過d布鞋係硬到屎唔舒服ga ...KAKAKA)
經過呢一役，雋ba ma決定以後都唔會幫襯香港嘅Comme Ca Kids，因為真係貴到食人唔"nur"骨，要買我哋都去Ourbaby度買水貨，起碼會平d囉 ....

6. 自從911之後出入境o個d咁嘅100ml液體限制真係煩到嘔，連Vaseline都話唔帶得o係身 .... 繼2007年雋ma嘅Paul & Joe 返"dou"事件後，今年又重演一次，不過今次係早知係咁同埋無可奈可要走多轉 .... 呢個CX小盒內有d乜呢???就係去親日本都要買、藥房又成日斷貨、好好用、次次喉嚨發炎用佢都好快好返嘅KOWA mouthwash，係有一次去Hokkaido登別時突然又喉嚨發炎，o係7仔買咗之60ml濃縮版，用過之好以後去親都要買200ml pump裝，今次去咗梅田好幾間藥房都斷咗貨，仲係貴咗好多都斷貨wor (60ml以前賣4xxYEN，宜家要8xxYEN，200ml以前8xxYEN，加陣要去到15xxYEN，加上日元高企，真係貴到嘔!!!)，不過屋企d用晒，真係要買，又好好用，都冇辦法，去到Kansai Airport藥房見到有，兩眼發光，其實已經check-in咗又行李寄晒倉，都要走返轉頭去check-in counter將呢兩枝小液體又一次寄倉，今次好過上次，地勤畀咗個小盒雋ma，唔駛又用個袋仔唔知點咁攞去寄倉 .... 當然唔仍止呢兩支啦，之前已經買左幾支60ml濃縮裝嘞，驚死冇得賣200ml ma ...
7. 前所未有咁失計策，雋ma都有帶兩件Cardigan去，雋ba就大膽到一件jacket都唔帶，去到機埸已經feel到唔對路，可能落雨，唔係大阪10月都好少咁凍 .... 今次好明顯d人轉晒冬裝，一見雋氏就知我哋係遊客啦，著到咁夏天 .... 係雋ma醒目執咗d長衫長褲畀雋雋ja，唔係凍到佢又病都似 .... 最後o係第2-3日雋ba ma分別都要買長同厚衫過埋餘下日子，不過買時買，雋ma去日本都係前所未有買咁少衫，只係得4件，所有quota畀晒雋雋loo .... 冇ga，掛住睇佢o個d，邊有時間睇自己嘢wor .... 雋ba叻咗，有一件Beams jacket、佢至愛日本版Nike Presto、另加兩條褲，係前所未有買咁多嘢嘅一次 ....

8. 下次一定唔再帶咁多尿片濕紙巾去，帶一日份量就夠，去到Akachan一次過買好過，又平又多選擇 ....

9. 今次識咗窿路知道點express d 嘢返香港，又唔算貴，時間又快，真係返香港都輕便好多，特別係帶住小朋友，所以以後都會識得咁做，又可以多個藉口畀雋ma買多d嘢返嚟loo ....

好 .... 食過翻尋味，就等我又策劃下年嘅日本之旅先 .... 應該1月定5月去好呢?? Wah HaHa ....