思前想後、一直想做又驚有難度 ....
今晚雋爸不在，因為係HA GERI.每月例會，所以雋媽膽粗粗自己一個帶囝落會所游水 ....
驚，係因為佢正直扭眼瞓時段 .... 有乜事，又係自己一個受晒 ....
再驚，係更衣室內好濕滑，雋雋實在太活潑，四圍走。上次去游都係雋爸媽輪流照顧雋雋，一個攪掂晒就接力再睇囝，今次就怕自己攪唔掂 .... 不過最怕都係雋雋跌親.....
結果 .... 又成功咗，一切安好，只係媽媽自己得返半條人命，累爆仲要抱住雋雋返屋企、再加煮飯、餵飯、沖涼 .....
不過好開心，同埋以後會好放心咁自己單拖帶雋雋去游多D水 .... 因為雋雋好鐘意玩水呀 ^^
今日都係一個值得記低嘅日子，就係雋雋唔駛再用奶咀瞓覺已經一個月 ....
其實雋雋都算幾乖嘞，727 .... 媽媽以前成日同佢講奶咀係用到18個月咋，之後唔會再用，咁頭2-3日瞓覺前都有提起，到第6-7日其實都已經冇再提，瞓前都係有D掙扎，換嚟係要媽媽攬住 / 唱歌 ....
不過陪佢瞓著再走開，總好過第時大個囝仲要咬住奶咀瞓覺為好係咪??
真係好怕D小朋友2、3、4歲咁大，甚至唔係瞓覺都要咬住奶咀，我唔想雋雋咁 .... 唔靚仔呀 ....
奶咀，由雋雋10個月大開始，一直陪咗佢都有8-9個月 ....
其實兩、三個星期前雋媽都已經將佢哋封存晒嘞 .... 係時間正式講再見 ....
雋雋，媽媽多謝您嘅合作，希望你愈來愈叻，可以唔駛媽媽陪都可以自己瞓著就更叻!!! 加油!!
