慶祝雋雋18個月大 ...

係咁意 ... 簡簡單單 ...

去沙田食一餐 ...

@Parkview ... 有機食物最鐘意啦 ... 咁當然都好味道 ....

不過雋雋都係最愛婆婆湯同埋媽媽煮嘅飯 ... 街外嘢，只係幫襯個餐包 ...


去COVA買個小蛋糕，雋雋都唔食得，都係滿足爸爸媽媽食慾，有個大藉口囉 .... haha ...

杏仁果醬蛋糕，好味!!


順道去埋YATA買埋欠缺嘅下水禮配件 ... 同埋生果及有機菜，最緊要係雋媽最愛 ... momo .... 日本水蜜桃呀!!! yumyumyumyumyummy .....

返到屋企樓下平台又畀雋雋玩多一陣 ...

出咗12隻牙，宜家又出緊另外4隻大牙 ...


度高 ...

又長咗 .... 最少都85cm loo ... 超過媽媽一半身高 ....


盡得雋媽娘家"高人一等"嘅優良遺傳 .... 不過雋媽係表兄弟姊妹之中已經係最矮嘅一個 .... 平均個個都5呎8以上，6呎都係閒事，雋太公就係一例 ... 仲成個盛智文咁樣 ....


好多人話雋雋有些少混血兒咁樣 .... 唔知係唔係隔幾代遺傳呢?? ^^

祝您身體健康，繼續快高長大，每日都開心!!!

雋雋18個月 ....

18個月嘞，咁就一歲半 ....

鐘意追月同追星 .... ^^

好快雋雋又到兩歲 ... 時間可以過慢一d嗎??

18個月，依舊古靈精怪，又精力旺盛四處跑，追到雋媽氣咳 .... 每日都好疲累，而且已經好有自己主意，感恩佢都仍然係受教嘅，期望到trouble two時期都會係合作同埋情況唔會太差啦 ....


開始咗返Anfield後，覺得佢更加大個咗，好似真係返緊nursery 咁，佢自己食嘢、用杯飲水、幫手執玩具 .... etc. 好多樣都係由Anfield開始同埋進步咗好多，見到佢進步，媽媽真係覺得好開心 ... .唯一係冇時停，成日都要揾車，上普通話時段最癲，成日都想逃走出去玩車 .... haha ^^

穿上校服的雋雋 ...

最值得要讚，琴日已經係第四日 ... 乜東東?? heehee 就係唔駛用奶咀瞓覺，雋爸媽幫佢戒奶咀行動有個好開始 .... 讚讚讚!!!


其實都好多人知雋雋出世後喜歡啜左手中指 + 無名指，係真係啜舊骨，唔係咬手指，慶幸未咬爛過指甲，但畢竟成日啜都唔係好事 ....


一直唔畀奶咀，因為知道唔好 .... 最後妥協，全因2009年大阪之旅，因為take off同landing怕佢耳痛同埋有時扭眼瞓，所以先買第一個奶咀 .... 其實雋雋當時都唔鐘意又唔係好識啜，真正用，都係11個月大嘅事 .... 而且只限於瞓覺時用，或者外出時好扭計大喊先用 ...


遲開始用，好 ... 就係佢識自我控制幾時要同唔要奶咀，唔會因為用奶咀影響出牙、講嘢同發音 ... 跌咗，佢都識自己執返擺入口 ... 當然有時瞓緊覺除外，但就好少因為跌咀而大喊囉 ....

唔好，就係用開有依賴有感情，其實都係要安全感同安慰啦，心理需要多於一切，但就好難唔用佢而瞓得著啦 .... 瞓到嘅，都係大喊又典好耐囉 ....


好怕見d小朋友去到 2、3、4歲仲"擔"住個咀周街行、周街玩，咁大個又唔係瞓覺，好似唔多好睇 ....

雋爸媽超級驚雋雋變成咁嘅衰樣 ....


自佢明雋媽講乜，已經同佢洗腦個奶咀只可以用到18個月，咁個盒又真係咁寫嗎 .... 我冇講大話 haha ....

四日前因為佢一次大扭計，下定決心又順個便同佢戒咗佢 ....

有時做爸爸媽媽，都係要學習忍心 ....

見到小朋友大喊又唔開心，眼淚在心裡流啦 .... sighs ...


第一日要瞓覺 ... 都幾典又幾癲 ... 不停話要 "fa" ... soother ...

第二日，頭一覺ok，一到瘋癲1600就大件事，因為呢一覺係講緊用soother都會發癲好耐都唔肯瞓嘅，所以冇咀，都係差一d ....

第三日，o係車上冇咀用又唔肯瞓，不過o係屋企好似接受咗亦明白咗會冇咀，情況好咗好多 ....

昨日，已經好好，完全唔會再提要奶咀，1600一覺就繼續唔肯瞓，其實係心野想玩車睇車，所以都唔關奶咀事，夜晚，瞓得好好嘞 ....


重點，冇咗奶咀就都係要雋媽攬住先瞓得好又瞓得快啦 .... 同埋要不停唱歌講嘢 ... :P

其實最重要都係要安全感jeh ....

冇咗奶咀呢四晚，佢其實仲瞓得好，因為半夜唔會因為跌咀而紮醒或者yell ....


雋雋，爸爸媽媽知你其實好叻囝嘞，希望我哋繼續努力，之後仲有好多嘢要戒，戒尿片，應該都唔會太差，最驚都係幫你戒媽媽奶，戒到呢一樣，你就真係好好好叻嘞 ....

不過樣樣都有難度，要分段進行 .... 但期限就 .... 唔知嘞，天父幫佢戒啦，要戒嘅，總係會做到 ....