K2 新年吊飾

夜闌人靜兄弟瞓晒，又係媽媽動手做手工時間。

有個別群組媽媽假期完結前收到風要交，漏夜趕工。問雋，好肯定話冇，咁我冇理。

6／1／2014
接放學，見班房有類似佈置，再問，雋終於話要整，但冇限期交！？！？

好得媽媽一向儲埋一大箱別人可能當係垃圾嘅美工材料，基本嘅材料都樣樣有啲，所以可隨時開工生產。一點半，眼瞓開夜車，約兩個鐘，等埋雋爸醫院返嚟，食啲嘢，終於完成。

銷了兩盒獅子銀行利是封，加釘到手軟。有啲寡，又整隻我最拿手嘅大吉同埋雋想要嘅揮春。所謂親子勞作，完成！

登登 。。。