雋雋的第一次 -- 發燒篇

今早凌晨雋雋已經突然醒咗又玩又笑又唔係好肯瞓，攪咗好耐換埋片先肯瞓返 ... (其實已經係第三晚係咁 ... 唔知點解???)

今朝起身後都好似冇乜嘢，一切如常，11am一餐餵粥都食得晒大半碗，但跟住到雋ma餵奶雋雋就好扭計、典來典去典到傻，摸摸佢個頭好慶合合呀，即刻幫佢探熱，原來都38.1度 ... 係發燒呀!!!

本來今日係約咗1點去影証件相ga，雋ba 1230返嚟我話佢知雋雋發燒，佢緊係好緊張好緊張好緊張 ....啦，係仲緊張過雋ma好多好多倍(拿拿拿 .... 咁唔=我唔緊張，係有時佢over咗，雋ma有事佢都會係咁 ....)，又係職業病發作囉 .... 雋ba再幫佢探，又38.3度，咁當然隨即取消appt.、改為帶雋雋睇醫生啦 .... 可惜當時都接近lunch hr.，所以唯有約下晝，Dr Leung最快都要330pm先有得睇 .... 有諗過去Dr Wong度，不過見只係發燒、Dr Leung又唔駛等咁耐，所以都係決定去Dr Leung度算啦 ......

2pm餐奶飲多咗，不過雋雋個人就好熱好攰又好忟咁，好得仲肯玩又耐唔耐大笑同尖叫，雋ba佢哋話只要小朋友病得嚟但playful都係好徵兆，唔係太差，所以都安心少少 (雋ba ma諗其實d人奶都幫佢唔少，唔係可能仲病d呀 ...) .... 唯一係可能太攰，有兩次玩玩吓自己唔夠力就成個人向前"hum"親個頭、喊到七彩，換轉係平日佢呢個鐵頭BB點會喊吖，今日都係唔舒服又詐吓嬌囉 .... 不過對於唔舒服嘅佢已經算好乖，而且今日肯飲多咗水，用少少蘋果汁開畀佢飲佢都肯飲呀，5pm o個餐因為出咗睇醫生、同買返多d退熱貼、加上o係始創等外賣(工人day off冇煮飯 ...)同等lift(真係耐到離晒譜 ....)，加上雋雋又大部分時間都瞓咗，所以冇食到粥同奶，到夜晚又唔肯食粥，淨係肯食雪梨同飲奶ja .... 希望佢聽日胃口好d啦 ...

其實baba mama都少少心o翕ga，如果可以雋ma都寧願病嘅係我唔係雋雋囉，因為好想佢健康同開心快樂呀 ..... 想起小時候的雋ma成日發高燒，以前同公公佢哋住o係唐8樓嘅地方，次次都係雋婆半夜三更"咩"住我落樓飛的去廣華睇急症、之後又咩毅我上樓，又成日冇得瞓睇住我、又抹身又餵藥，真係好辛苦 .... 宜家做咗人mama都好明白唔想自己嘅仔女病同辛苦，相比起以前雋ma病，雋雋已經算少事 .... 起碼佢好錫住我呢個mama，唔駛我好辛苦咁照顧佢，多謝您呀雋雋!!! 求天父醫治您、又畀您早d退燒，同埋好似醫生話最好呢兩三日都唔會再高燒過39度，咁就會好好多嘞 ....另外希望您今晚一覺瞓天光，唔駛又醒咗攪到心情唔好啦 ...

去 / 唔去 ...

已經自己plan咗路線圖，亦都諗晒要買d乜嘢，目標好明確 ....

申請passport & ID 嘅form已經打好晒，星期一帶旨雋去影証件相，寄埋出去，15個工作天就收貨啦，10月頭一定趕得切 .... 雋ma亦都為阿仔預備好型仔Ray-Ban款sunglasses、kid's sun spray，CX package亦揀好嘞，連超鐘意嘅Trunki 喼都訂咗等星期三返貨 (其實雋雋係牛仔，好想買乳牛款，不過原來係limited edition已經唔再賣，2009 limited edition有Ladybud同埋Tiger 隆重登場，好鐘意Ladybud，又好似自己喜愛嘅dot-dot pattern，所以最後揀咗佢 ... :D)

萬事俱備，雋氏只欠d乜呢??

每年10月除咗結婚周年更加係雋ma生日，兩個大日子，當然會去慶一慶啦。去年有咗BB，思前想後一段時間、以及經各路友好勸籲下都係最後冇去旅行，已經忍咗好耐嘞 .... 雋ma一定要返鄉下 (heehee ...係日本，唔係大陸、雋ma連深圳都未去過呀 .... 去到日本，連當地日本人都以為雋ma係日本人、仲揾雋ma問路 ...係講日文ga，試過都唔知幾多次，老係咁、嫩嘅都係咁，自己又超級鐘意去日本同埋日本d嘢，簡直每個月去幾次都唔會厭，咁係咪好有返鄉下嘅感覺先??? haha ^.^ )

本來都好firm會去，去Osaka，因為覺得去呢度比去Tokyo適合，Hokkaido又好似遠咗dd，始終同埋小朋友(仲係小BB添 ... )去同自己去係兩回事，d太潮人地方實在唔太啱，Osaka樸實d又有晒雋ma想去嘅地方同想買嘅嘢，最緊要自己都熟路ma，所以諗住去囉 .... 但當每日terrible 6-8時段一到又有d驚，加上坐飛機時d氣壓會令BB唔舒服好易喊又好忟，好唔想騷擾到其他人呀，雖然雋雋未必一定大喊，不過佢宜家成日冇時停，要困住係機上幾粒鐘都唔知會點 ..... 每當諗到呢度，雋ma又有d唔知點咁 ....

點好呢??? 宜家只係差畀$$買個package，定係等旨雋一歲家d先去呢??

心癮同購物慾發作真係弊家伙呢 ..... 好痕呀 ....

旨雋您想唔想去ah?? 您話點好呢?? (mama雋雋都未去過，唔知呀，唔好玩我啦，你有嘢買畀我就得ga la .... ) kakaka ....

621 變 913 .... NO WAY!!!!!

原本都唔想提，但係都有d勞氣 ....

鐘意晴天，因為想心情好，特別o係呢個網誌亦盡我最大能力同包容忍耐咁去克制自己寫d好嘢，因為由Xanga轉過嚟都係想有新開始，由我有BB開始到BB出世、再慢慢長大，我真係好想去記載多d開心事，等旨雋大個咗睇返 / 我有日死咗佢都可以知道發生過乜嘢開心事，係我哋一家嘅成長記錄 ..... 不過我真係忍唔住要為佢又留多一個污點，而且仲係關少少旨雋事，唔知佢大咗見到會唔會唔開心呢???

原本兒童按手禮係621舉行，兩個育兒工作坊亦都完成，好期待，突然剎出swine flu都冇預計到、亦冇人想，教會兒童主日學都要停課，咁按手禮當時都好應該要停埋，每個人都好理解 ....

無限期擱置wor，擱到上星期突然話913舉行，仲係午堂，又唔講係開始定最後先做。

勞氣 + 唔開心原因：

1. 621 按手禮係兩三個月前已經問冇人參加，雋ba份工係要返shift 嘅，而且call list 係每個月尾o個幾日先出到下個月嘅，而且攞假係唔可以隨時攞，urgent leave唔可以成日攞，仲要我生旨雋時早咗個幾星期，已經攞多左好多日urgent leave，個OPD老蔡已經煩到佢嘔，真係攞得多會畀人投訴ga .... 生仔係一個好例外嘅例外lor .... 3個月前firm晒所有嘢，同老闆秘書request no call + 唔要星期日am巡房先可以肯定出席到 .... 但係人哋話wor，宜家有三個星期通知改為913已經好足夠!!!!! 不如叫佢攞假啦 (你話攞就一定有咩 ... 吹脹!!! 而且3個月同3個星期係絕對地兩樣嘢 ...)，再唔係同人swap囉 (call weekend係畀weekday多好多分ga，佢哋每個月duty係計分制，唔通突然要佢少左分又call多一次、人地又減一次咩?? 有冇人又肯用weekday嚟同佢調個sunday呀!!!! 10個有9個都係有家室嘅人，個個都想family day啦，真係彩你都傻呀 .... 雋ba都試過唔少啦，真係好熟人地又有大件事先會swap ga ja，唔係一般都有共識唔會提出呢個冇乜可能會成功嘅要求囉 ....)

2. 雋ma我一向被譽為撩事鬥飛型人士，有唔妥一定會出聲bla bla bla .... 所以"dup"咗粒email 去反應佢地嘅漠視民意同埋行政混亂，冇其他意思，亦冇諗過可以有所改動、甚至諗參加唔到，因為我哋好早之前已經報咗9月份開始嘅Baby Sign workshops、係一連6堂到11月，逢星期日1215-1315，咁午堂後又冇乜可能去到wor，成千幾蚊嘅course，仲得6堂，唔係特別大件事都唔想唔去ah .... 而且按手禮今次唔得咪下次囉，神又唔會因為呢次旨雋參加唔到而唔祝福佢係咪??? 跟住人哋話wor，同d同工商議後加一場按手禮o係早堂，係特別因為你地咁做ja (但又攪笑在有其他家長及細路係返早堂，又會話一齊o係早堂進行按手禮wor .... 咁即係我哋唔係唯一一個family返早堂同有咁嘅需要啦 ....做乜擺我哋上枱jeh???? 只係你地唔畀人選擇ja，如果有，都會有早堂嘅人揀囉 ..... )，又話如果雋ba要call就會cancel早堂呢場 (wow好多謝你地咁為旨雋著想wor，但又要加完又畀一大堆說話你聽 .... )... 大佬，唔駛call，唔=唔駛星期日返醫院巡房，arrange咗係你嘅發高燒都要死返去呀，星期日成個team就係得兩個MO巡ja，邊個頂你呀??? 有d人唔知人哋職業嘅難處又o係度亂講廢話同冇建設性提議，好煩囉 ...

3. 又話冇其他細路好似旨雋咁煩 (super hateful x 100 ......... 可惡!!!) (因為次次返午堂佢都大喊，因為佢要飲人奶，又撞咗食奶時間，雖然佢宜家肯飲奶樽，但係pump milk，奶粉都係麻麻哋ja，遇著心情唔好又唔肯瞓又攰實喊到拆天，咁都唔知點，人奶都係1hr內要飲ga ma，唔通帶支冰奶再+warmer返去整咩 .... 我只係講個事實jeh，我地咁懶瞓宜家都寧願返早堂費事煩啦 ..... 加上真係唔止我地一家返早堂，咁又唔係做show，點解要迫埋o係最多人嘅午堂做wor??? 一邊又話怕人多、swine flu又影響小朋友，咁愈多人咪愈高危 .... 根本自相矛盾 .... ) .... 旨雋係一個BB，佢哋嘅作息食奶時間亦唔係全人控制到，人哋講完話唔係有心話我哋 (係，不過冇用腦囉 ....)，不過聽者好有意囉，就算唔係o個回事，我好相信如果旨雋長大後知道細個時畀教會d人咁話佢一定好唔開心 ....

4. 同d同工商議後覺得913最合適，因為係家庭主日崇拜，好希望你哋每個family都出席到 .... ok，如果你地係將每個family都放o係優先考慮、又咁想每個兒童出席，咁都係十個人都唔知有冇，又唔係以前yanfook咁乜禮物禮都動輒百幾二百人，你揾人每個family打去問一問再firm個日子都得啦，唔通全教會得雋ba係返shift嘅?? 大把人係返irregular hours + shift duty啦，雋ma以前文化o個行都係啦，大有人在呀 ..... 而之前621都唔係家庭主日嚟ga，你哋又定o係呢日舉行?? 到宜家你定好晒、又有問題出現、又有人出席唔到，先多多聲氣及廢話，雋ba ma都覺得好唔高興、好唔舒服又好無謂 .....

果真係simple & naive 呀，都理解、亦冇意外，以前church係咁，宜家呢間好d但唔代表冇行政混亂，亂、冇planning、冇insight都唔係一朝一夕嘅事，不過難為咗好多b/s，只係好多時有人冇出聲jeh .... 好麻木，不過好確切睇到播道style係咪就係咁呢??

基於咁同自己需要，雋氏決定唔參加，唔想煩、又唔想浪費$$同上Baby Sign機會，更重要都係o個句，只係一個見證jeh，由有咗旨雋開始到今日見到佢咁活潑可愛又健康、每一樣嘢都係天父保守，天父唔會因為佢出席唔到而唔祝福佢，冇按手嘅兒童亦大有人在，機會又唔係得呢一次，唔要咁難受，唔開心就無為勉強嘞 ...

雞肋 ......

雞肋就是雞肋，食之無味、棄之可惜 ......

真的嗎??? 真的棄之可惜嗎???

旁人尚且覺得可惜，但事實呢？或者有些事情、有些人一點也不覺得可惜，那又如何？

改變就是改變，只怪早知今日、何必當初，很多時回頭已太遲。人每日在變、但事情沒變、記憶猶新，時間亦不會停下來等候遲疑的人或事 ......

選擇和決定總要作，但可以盡如人意嗎???

人是這樣、事情是這樣、這裡 ... 那裡也是這樣 ...... 應該怎樣???

雞肋 ...... 只要想想最常見最後的命運是怎樣，那就應該知道結局是怎樣、亦知道路應如何走下去 .....

Give me 5!!!

有兩隻牙嚟 ... 第3隻正蠢蠢欲動 ...

仲有一日雋雋就滿7個半月，去到呢個階段其實佢好應該學/識爬，佢唔係未爬過，只不過又係懶，唔係成日肯爬，但係當身處危險位好似換片墊上又成日反轉想爬，又或者要瞓覺時唔肯瞓又會嘗試爬又亂咁轉，完全攪錯晒 ... haha，雖然唔係好識用力同爬得未好好，不過希望雋雋繼續努力。

近一個星期扶住雋雋都可以企到起身，有時見到一d佢好好奇嘅事物，佢自己已經可以用到力、然後好八掛咁望囉，雋ma只係輕輕托住佢已經ok嘞 ...

坐都叻咗，宜家唔駛扶都可以自己坐到一陣 ... 懶惰時除外 ....

最成功就係雋ma由6個開始教雋雋Give me 5動作，到7個月佢已經識做嘞，宜家識自己伸手出嚟同mama Give me 5!! 心情好仲加個十指緊扣添，笑屎baba mama呀，不過好開心!! mama古靈精怪，所以教埋阿仔d古靈精怪嘢，kakaka ...不過都因為咁，所以無論見到熟人、定o係街外見到嘅陌生人都話雋雋好精靈好得意ja ma .... :D .... 琴日開始，雋ma就係教雋雋Give me 10 .... Heehee ...

想影佢玩緊嘅攪笑樣，點知佢對鏡頭實在太敏感，一見mama影相就唔玩又停低笑住望鏡頭 ..... 不過星期一要去影証件相嘅佢應該係好事，起碼雋ba ma都好有信心佢嘅証件相一定交足功課、影得會幾好 .... 唔係本passport同ID card都會跟您跟到十幾歲，所以真係要影好d，第日d相要嚟報學校都好好多啦，yeah!!!

好似雋ma小時候呢 ...

飲完奶幾滿足!!!

雋ma及雋雋的第一次 ....

雋ma唔係冇試過單獨同雋雋出街，不過真係笑屎人 ...只係局限o係LCK、冇去其他區，因為出BB車又好大架，要雋ba一齊有佢揸車就好好多 .... 一係用Sling，不過宜家雋雋已經21lbs.，真係重到嘔 (相對我嘅體重...)，用BB車就輕省好多，出到街時連d陌生人/遊客見到都話佢好嘆ga .... haha

今日雋ba on call，雋ma雖然同雋雋一齊都好開心，不過星期日懶o係屋企好似有d那過 ... 而且好"yim"悶，所以揾吓好想見雋雋嘅auntie pigskin，攪攪吓就變咗同埋佢哋成家一齊食飯 ... 所以雋ma就首次用Sling咩住雋雋殺出太子會合佢哋嘞 .... 好緊張，唔知雋雋會唔會又發作ma ... Terrible 6-8!!! 呢d時段一喊真係一發不可收拾ga，得我一個湊佢出去仲驚呢 ... :P

今餐又有好嘢食，去咗JD栢苑，o係以前老yip前一條街，原來好好味，未生雋雋之前佢哋一家又帶我哋去西環加記，已經好味又抵食，不過呢間仲好好多... hee 因為係冇味精，涼瓜炆大大大條青班好味、超滑豆腐花同超鬆化蛋散又係好味呀 ....

今晚雋雋同雋ma真係又食又煩到piskin一家，因為佢哋好好要畀我專心食嘢，全程9成時間都幫我抱住佢玩，最後auntie仲"um"埋雋雋瞓覺，然後Eva又送埋我返昇仔，又唔駛我畀$$$，仲唔係又食又麻煩??? 不過好開心，多謝晒pigskin family!!! 多謝你哋陪雋雋同雋ma過咗一個開心星期日晚上，雋ma知道雋雋今晚都玩得好開心，佢雖然冇份食，但雋ma食嘅嘢將會以精華之中嘅精華、即係母乳方式傳送畀雋雋，hahaha ... :D

雋雋上學去??

NO .... 只係個樣好似好大個、又咩埋個書包仔十足十要返學咁jeh ...

買咗個印咗好多青蛙仔嘅backpack畀雋雋，佢好鐘意，以為都會用到好耐 ...mmm起碼都一歲幾掛.... 但一咩上身 .... oh 發覺應該唔會用好耐，因為雋雋好長條好大隻呀，佢都未識行、7個半月都未夠，宜家都唔咩得住，咁佢自己可以用嘅時間真係會好少咁bor ....

不過仔呀，當有一日您真係要上學去時，您又係咪會捨得mama、又唔會喊住返學呢?? 又會唔會笑到好似呢幅相咁開心呢?? baba mama希望您將來讀書開心又讀得好 .... mama真係會好唔捨得您，不過您要長大，呢d都係必經階段，baba mama要學習、雋雋亦都要學習，所以希望您都會做得到!!! 有天父陪住，去邊都唔駛怕，因為baba mama唔會時時刻刻陪到您，但唯有主 ... 佢先會永永遠遠活o係您心中，而且時刻保守您 ......

7個月大 ....

2009813，雋雋又踏入第7個月嘞，佢不斷長大嘅同時，雋ba ma雖則都同佢一齊長大(湊佢嘅技巧或其他方面)，但同時亦不停縮小(阿仔就愈來愈重同長條，雋ba ma冇矮到但就好似愈來愈瘦) ... 由於時間實在唔多、加上每日都好攰，所以只好用一大堆近照去介紹一吓雋雋嘅近況 ....

爆咗兩隻牙，又好似谷緊第三隻咁，近一個星期又狂食手指、又忟、又流得多口水 ... 人又偏懶唔愛咬牙膠，最愛手指，其次就係Sophie the Giraffe ...

第一次o係YATA食街外嬰兒餐，好大份，根本食唔晒，$25對BB嚟講又食d糊仔嘢都算貴，不過都叫試過一次吖，o係冇預備粥出街食嘅時間都係唔太差嘅選擇, 再補奶粉當然亦冇興趣飲啦 .... 不過o係BF Room餵奶就唔多順利，因為太細太焗促，雋雋唔多鐘意，典來典去典都我手都斷咁滯 ....

每朝最開心就係7-8am雋雋會自己早過雋ba ma醒，係有時太餓會yell yell yell .... 一般佢都係自己o係床尾個睡籃度周圍望、玩公仔，或者玩佢最愛嘅向左大翻身，然後叫醒雋ba ma，睡眼惺忪之際就會見到雋雋好似o係水底潛上水面咁 ... 可以一開眼就見到雋雋，o個種感覺真係好開心好幸福!!!

其實知道佢唔會再跟雋ba ma房瞓多好耐時間嘞，都好唔捨得，但係知道佢需要學習、亦都係必經階段。近來佢反得好犀利，一"pa" o係度瞓又會喊醒，所以暫時都係要近距離嚴密監管住先 ..... 好得除咗有時餵奶係跟埋雋ma瞓，其他時間都係佢自己瞓(可能係佢房嘅BB床、可能係BB車、可能o係廳，而夜晚就係雋ba ma床尾個睡籃..)，所以希望到要轉去佢自己房又自己瞓時會較易適應啦 ... 反而係 ... 到時雋ba ma會唔捨得多d，因為唔係隨時隨地一起身見到佢 ....

好似外國人咁???

雋雋第一幅自拍照 .... 其實係佢搶咗雋ma電話亂"gum"而影咗 ... 一定要留返畀佢大個睇先 ....

似男仔 ...cool到屎 呀 ...

又似個女仔 .... 你想點???

mama最愛影呢d角度 ...因為最愛佢嘅眼睫毛 ... heehee

古靈精怪照 .... 不過baba mama睇到好開心 ....

(又係飲完奶嘅開心樣，好滿足咁 ...)

(sorry ...mama攪到雋雋露一點 .... )

買o左兩個月嘅 MamboBaby頸用水泡仔一直都冇用過 ... hee 因為未帶佢落會所游水ah .... 雋ma又手多多開缸水畀雋雋玩同試用 .... 初時極度不安，因為第一次畀d好緊嘅嘢"koo"住條頸仔 ....

玩落好開心，因為第一次發現自己係可以咁樣浮o係水面 .... mama最開心，因為個水泡仔可以阻住佢食手指 ...YEAH!!!

水泡之後當然不忘要玩埋小艇啦，今次仲唔影到你咬個軚???咬到傻晒一路唔放ah ....

(mama ...雋雋好攰，唔該帶返雋雋上水啦 .... 唔好掛住影ah ....)

又係討厭嘅健康院日 ....

標題已經完全表示咗雋ma幾咁討厭去呢個地方，又嘈、次次攪到雋雋瞓唔到又喊 .... 又多人、西九呢間係住香港最多人去健康院，又多人又多垃圾，都唔知點解成日都係咁，成地都係染升棉花，次次都係咁 .... 又等得耐、次次最少2hrs，雋ba咁啱今日要去兩間老人院，多症要睇所以遲咗d走，去到1500，雋雋本來係1430，最終要排到1545個time slot，悶到發荒，感謝天父今次雋人8仍表現都算良好同極度忍耐，加上雋ma出門口前餵到佢飽飽，所以冇o係健康院扭飲奶 .... 接近1700，人地都收工，我哋亦先可以走 ....雋少開始發忟憎，好得雋ma出門口前已經煲咗粥，唔係都唔知點算 ....

今日打兩支針，乖乖嘅雋雋又係"er"咗兩三聲就收聲嘞，mama真心痛，不過佢都係要學習 .... 政府遲d會幫初出生bb/未打 Prevenar 嘅人補打呢種針、一共4 doses，不過雋雋o係私家已經打咗3 doses 嘞，所以一直去到出年一歲再去健康院時一併打埋最後一支加強劑，都叫做慳返$850 囉 haha .... 最重要係，雋ba ma可以休息半年、唔駛再去健康院住、又唔駛畀d長氣嘅姑娘煩住晒囉 ...

仲有4日就7個月大嘅雋雋又大隻咗高咗嘞，雋ma正式宣佈雋雋已經衝破20 & 70 大關嘞，20係磅數，雋雋已經有9.10kg (連一條唔係好濕嘅片上磅，最多都係扣0.5kg ...)，70係高度，雋雋已經成75cm，呢幾日長咗好多 ... woowoowoo ...重屎mama嘞 ....

仲有係雋雋可以自己坐o係sofa，冇跣低、冇摺埋，非常好!!!!!!

Baby Expo 旋風兩小時 ....

繼書展後今日又同雋ba兩個人去Baby Expo掃貨，兩小時狂風掃落葉、終於滿載而歸，好多想買嘅嘢都已經落晒袋，包括GOO.N (只係買咗游水片，因為日本內銷版尿片竟然只設上網訂，冇優惠，好得雋ma冇失拖前幾日已經訂咗5大包畀雋雋用，唔係靠今日買就失晒預算嘞 .....)、BabyGanics 、B&M雜項、濕紙巾等，只係差四大箱Suzuran乾綿、另加濕綿同雜項要兩星期後先送貨，基本上全部都係雋雋嘅嘢，雋ba仲同場加送多兩件Fisher-Price大玩具畀雋雋添，佢完全係一個大贏家，雋ma僥倖買到把心頭好Kitty風扇，雋ba就當然係零啦，只係幫手做埋阿四同柴可夫 ... heehee ...

好多人去Expo都瘋狂掃奶粉，不過都冇我哋份，因為雋雋仍然係一名母乳死硬派，如無意外都應該會去到一歲(如果天父保守佢阿ma仲捱得住嘅話 ... haha :D ..)，宜家又開始咗食埋固體食物呢，所以都唔係以前咁飲咁多 ..... 今時今日好間中出街有需要先餵佢奶粉，不過佢都唔係好大興趣囉，所以雋ba ma最後決定都係唔買任何一罐，免得又再o徙彈藥、唔飲掉咗又再折墮 .....

回想上年有咗BB四個幾月去Expo、又未買返架車時，兩口子真係買同行到想死，今年好好多嘞，雋ma唔駛龜速買嘢、又唔怕畀人撞親、又多返架車，買幾多都得，加上事前做足功課，揾晒要買嘅嘢格埋價，仲print晒label、買完入場券就揾晒d心水檔出嚟再撻個label落去，去換samples實在冇難度!!! 當見到好多人企o係度罰抄時，雋ba ma已經o係無聲無色間攪掂晒，對於今日呢個行動實在係好滿意 .... 唯一係好掛住雋雋，好似有成兩個星期冇離開佢，今次一去連車程又要2.5小時，所以好掛住 ...... 仲有要多謝Dr YEUNG，全靠佢今日返HA Qtr.開會，雋ba幸免唔駛返去2nd Round，唔係邊有得咁準時5pm就可以去Expo呢??? 實在太好嘞 .... 不過今年個場超級多人，比上年仲恐怖，好多唔知係咪傻嘅好狼咁推住BB車亂衝亂撞，癲咗 ....

攰到嘔 ...... zzzzzz .... 仲好有頭暈感覺，連上次書展，兩次都係掃風式咁，又攰又餓又口乾 (有帶水，不過忙到冇空檔飲 ...)，1930返到去用10 mins.掃個飯盒，跟住又餵奶、又再幫雋雋沖涼、再餵埋另一半、又陪佢瞓 ..... 自己乜都未攪，仲唔係攰到嘔???

要瞓嘞 .... 希望今晚瞓得好 .....

雋ma無聊snapshots

雋ma人工幫佢坐o係度 ....

一見mama影相立即擺好pose，坐直冇跣低過



好老積ah ...

不過有時都好懶 ... NO! 係好多時 haha ... 你睇，又玩跣低嘞 ....

不過仍然堅決要望鏡頭同保持笑容，好抵死 .... 不過好得意，baba mama好鐘意!!!

反斗B .....

細個阿媽成日話睇個小朋友係咪好心野，係可以由佢瞓覺嘅情況同頭髮混亂程度睇得出。雋雋嘅髮型十分之咁貼服，所以不能作準 .... 瞓覺，就同佢沖涼時不相伯仲，就係反反反反反 ....

佢成日好貪玩，好鐘意碌去左邊我都講咗好多次，眼瞓時又唔肯瞓o個陣就更加典到七彩，無論o係床 / 我餵奶時 / o係換片墊上(注意，係放o係一個四桶櫃上 ...) 佢都係碌到冇時停，好多時由橫向轉成垂直方向，嚇到你死呀!!!!!! 其實對雋ba ma嚟講係好嚇人，因為佢咁長咁大隻，都成20 lbs.，雋ma都係得o個110 lbs. ja，加埋佢d無情力同飛毛腿，有時真係捉佢唔住ga ... 琴日試過o係雋ma張床轉到個頭出晒界呀 ...

不過雋少佢仍然唔識死同埋係笑得好開心，唔驚ga ... 睇佢琴晚沖涼就知到平時點樣攪到張床同換片位好似打完風咁嘞 ....

罪證連橫圖：

上一篇見到雋ba同雋雋情深對望，洗頭之後抱佢去換片墊準備拆埋條片，都係擰側個頭1-2秒間就變成咁 ...

(弊!!揚咗 .... 畀阿ma影低咗我呢個樣添 ...)



終於制服佢再帶去沖涼 ....

暫時好似好定 ....

就發作la ...

係咪?? 轉眼間又發作變成咁 ... 第日肯定好似baba mama細個咁玩壁虎功呀 .... haha

因為每晚沖完涼就飲奶瞓覺，通常都迷到極點同唔知自己做緊乜，都冇佢乎，唯有係要小心小心再小心、同埋捉實佢，希望佢慢慢會冇咁激動啦 .... 唔計攪到雋ba ma超級攰之外，其實雋雋都真係好得意同埋好攪笑嘅 ...

雋雋的第一次 -- 健身篇

之前約咗今日1515返教會樓下間My Gym 去試堂，初時雋ba就擔心雋雋會喊 .... (因為近來有d social anxiety ，其實呢d月齡嘅BB都係會咁 ...所以佢見返Auntie Vally, Mayo呢d曾經見過面嘅人都喊，唯一冇咕就只係見Chris Jany一家 ...)，雋ma就唔係太擔心，因為都知佢膽生毛又幾貪玩，去d咁多嘢玩嘅地方又駛乜仇呢??最怕都0係小朋友多嘅地方比較易受感染jeh ...

今日全場最細就係Aaden，得六個半月，雖則個course係話6-12個月可以上，不過佔大多數都係8個月以上、而且識自己坐/爬/行，所以佢全程都要由雋ba抱住玩同呢度去o個度去 ... 似係雋ba gym多過雋雋gym囉 haha ...

同場有d玩吊環咁"fing"嚟"fing"去、又碌嚟碌去、又打韆鞦、滑梯 ...etc.，初時以為雋雋咁細又未識自己坐同爬、應該好多冇份玩，原來都唔係，係9成都玩到，有d動作都係交雋雋畀導師同佢玩ja ma。有好幾個大d又玩開嘅BB都喊、又爬返出去揾daddy mommy，不過雋雋好叻，今次冇雋ma o係身邊 (因為要揸機影相 + 拍video ...)、又唔係玩親都有雋ba抱住，雋雋佢一次都冇喊過，o係初時有d陌生 + zzzzz 所以呆呆哋，不過之後佢玩得非常開心，成日笑笑笑 ... 雖然雋ba話好攰，不過真係好開心，雋ma都有d羨慕，希望下次到雋ma陪雋雋入去玩啦 ...

(好後悔冇帶450D去影，因為太遠好多都影唔到/唔清楚，只係拍到video，所以雋雋玩吊環精彩片段冇得睇住 .... video .... mmmmm 雋ma未有時間處理，由出世到宜家都未攪 ...宜家變成好惡攪呢 !!!)

想join埋8月淨低o個4堂，費用可以prorata 計ma，加上8月雋ba竟然唔駛call星期六，好可惜呢個如意算盤唔得lor ... 因為呢班full晒!!!! 要9月開始先有呀 ....為咗雋雋有得做多d運動又有得玩又有得笑 (連發夢都笑 ... )，雋ma o係8月份會嘗試埋其他gym centre，每度都可以有一次試堂機會ma，咁雋雋又可以玩、雋ba ma又可以揾到邊間係最好同最合適lor ....

雋雋，baba mama其實除咗想你玩得健康又開心之外，其實最想你唔怕陌生人/地方 (雖然mama知你唔係 ...有時只係扮嘢同詐嬌 ...kakaka ... )，好想你勇敢堅強一d、又o係適當時候會獨立，為將來讀書要過群體生活做定少少準備，唔係到時突然畀雋ba ma "pat"低你、你實喊到七彩呀 .... 總之唔想你太內向太靜，亦唔想你太active，如果做個中庸健康嘅happy baby就最好不過嘞 ....

話時話 ... 雋雋你會唔會都鐘意classical music / 想學吓樂器、畫畫之類呢?? 一動一靜嗜好就最perfect!!! 不過baba mama唔會迫你，只係會誘發你對呢d嘢嘅興趣，然後畀你大個之後自己選擇，總之一切都要學同玩開心啦 :D

返到屋企有雋ba幫雋雋沖涼，拍低咗情深對望嘅一刻 ... 好溫馨咁wor ....