剛過去嘅星期六老公要 on call，所以約咗豬皮陪我去睇吓d Pre-Natal Yoga class嘅資料同食飯。五點幾收到佢電話以為一齊出去食飯，不過我先要上佢屋企還d盒盒同埋湯壺，因為上次aunt煲咗d雞湯畀我，但係一直未有機會見到佢。上到去先知中計，原來aunt煮緊飯ah、係預埋我食添，其實同佢哋一齊食我都好開心，不過好驚又麻煩到佢，因為我宜家d胃口唔係幾好、有好多嘢又食唔落，所以費事lor。都唔止，uncle自己浸咗d子薑 (因為呢排係子薑當造嘅季節、比較靚 ...)，係無糖ga，我食完話好好味佢就即刻又走落街買咗兩大舊子薑同白醋、話要幫我浸一樽wor，然後又斬料買多盒叉燒；至於aunt就煮咗好多碟餸：豉汁蒸排骨(我宜家食唔到豆豉...)、煎三文魚扒(我以前勁鐘意食、宜家又食唔到，不過佢地畀d海鮮醬我點之後又食到 ...)、木瓜雜豆湯(冇飲到...)、蒸魚(都食唔到...)、上素炆節瓜菜菜 (個腐皮素菜包好好味、好大個，得三個畀咗兩個我食，飽晒...)、重有兩碗鮑魚湯，好味ah，最開心係aunt煮嘅餸係我哋最主張嘅超低鹽、油、糖，所以我都食得好開心ah。我影咗幅相畀老公睇，佢不知幾羨慕ah，同埋最重要係佢知我食得健康同開心就好放心嘞，因為佢每次on call都怕我唔食嘢ga ....
uncle之後又話要幫我去八珍買酸梅醬畀我可以點餸食飯，話等我開胃d；又話第日可以幫我地煲薑醋 ....etc，總之就好感激同感動啦，佢地又明白事理，同佢地講嘢個心都舒服好多，當然會比起留o係屋企更開心啦 .....
食完飯豬皮陪我去Pure Yoga 攞d Pre-Natal Yoga 資料，參觀完一輪加埋聽個Customer Representative講咗"一大輪"之後都成 2100嘞，佢重係一個煙剷，d味係由皮膚滲晒出嚟lor...好臭，我一路聽一路反胃想作嘔ah，豬皮都話好惡頂。其實佢一直"nur"我即時join、話1st time visit可以waive咗 joining fee wor，又話有d特惠package畀孕婦、係可以同時去 Langham & Peninsula兩個 centres上堂 (其實我覺得係因為Pre-Natal Yoga class相對較少，所以可以畀我地兩邊去玩 ....)。$788/mth + 6-mth contract (其中一兩個月可以係產後去修身玩都ok ....)，我地都覺得ok，都預咗Pure係貴d，但我都係想train好自己d muscles、防止腰痛同隻腳水腫，最主要都係學呼吸、唔好變得太肥、同幫助順產jeh，老公都好贊成、重叫我去埋游水添，因為會好舒服。不過o個度環境係好就好la，都好鐘意，不過Langham o個度8-9樓都係Yoga classrooms，但要o係9樓行樓梯落8樓，都幾長幾直、梯級又窄又冇CCTV，豬皮同我都覺得孕婦自己撻住拖鞋上落會有d危險，特別係後期個肚好大時就更甚，所以我都要再考慮吓。heehee我地屈到個sales肯畀我8月先再嚟報名、同埋到時仍然會waive咗筆joining fee，咁計落6個月$4800都重可以接受嘅 ....
今日我打埋去荔枝角呢邊有一間 Yoga Studio，係細細間自己一個老師教嘅，但都幾多人報佢嘅Pre-Natal Yoga，而且個miss都係qualified instructor嚟，最緊要係平好多同埋幾近我屋企，時間亦都幾好，對我嚟講如果呢間ok、我可能去得重冇咁大壓力又自在d ..... (個人大咗好似重怕咗去d咁大咁多人嘅地方。我2000年開始join咗California Fitness，開頭一畀就畀兩年$$可以玩四年，我真係玩到癲ga，係近幾年已經冇去玩，一來懶、二來耐冇去有d驚，除非撞得返以前玩Body Combat & BodyPump班 friend啦，唔係宜家咁雜重唔敢去。不過我冇停個會籍，因為我已經係永久$88月費重可以間間ctr 都玩得，宜家根本好難再有咁平嘅會籍。加上產後都要keep fit，所以咁嘅情況下我更加唔會停住啦 ....)
8月頭我會去呢間Yoga Studio 度試堂，$100 jeh，順便參觀一下，希望一切ok，咁我就可以疊埋心水去join呢度嘞 ....
2008年7月21日 星期一
開唔到Xanga ......
近來都係多災多難ga la，繼我壊咗電話、老公唔見電話、一座門鎖壞咗、至壞埋部 printer .... 今日最新傑作係入唔到 Xanga 寫 blog，唔知係咪 Kaspersky 太利害，佢一通知我話有 hacker 我咪跟佢指示掃毒lor，都唔知係咪又"gum"錯制，宜家連 Xanga 所有網站都 block晒，起碼o係我自己部腦一定開唔到，我諗又係要揾阿Pan先可以攪得掂 ..... sighs ... 好灰ah，竟然連自己d記憶同生活點滴都開唔返、睇唔返，係兩年嘅日記ah ..... 十萬個唔開心。
其實呢度o係今年1月已經開張大吉，不過見 Xanga 一直用咗咁耐 ... 都接近兩年嘞，所以先費事搬家；其實我o係Yahoo 都有個 blog，不過都係唔捨得所以先冇轉會。點知今次竟然發生d咁嘅事 ..... 最慘係連有d朋友嘅Xanga blog 都睇唔返ah .... o係揾阿Pan打救我之前， 唯有用住呢個頂檔先啦，唔係我都唔知可以點 ....
重諗住BB出世後先再為佢開多個新 blog，估唔到阿ma已經咁大懵，唔知我個腦係咪又壞埋呢?? 定係天父都想我有個新開始???
不過如果你哋想睇返我 7月19日或以前寫嘅 blog 就要去返 Xanga 先得，我估其他人睇係冇問題，宜家係我部腦入唔到呢個網 jeh ....
其實呢度o係今年1月已經開張大吉，不過見 Xanga 一直用咗咁耐 ... 都接近兩年嘞，所以先費事搬家；其實我o係Yahoo 都有個 blog，不過都係唔捨得所以先冇轉會。點知今次竟然發生d咁嘅事 ..... 最慘係連有d朋友嘅Xanga blog 都睇唔返ah .... o係揾阿Pan打救我之前， 唯有用住呢個頂檔先啦，唔係我都唔知可以點 ....
重諗住BB出世後先再為佢開多個新 blog，估唔到阿ma已經咁大懵，唔知我個腦係咪又壞埋呢?? 定係天父都想我有個新開始???
不過如果你哋想睇返我 7月19日或以前寫嘅 blog 就要去返 Xanga 先得，我估其他人睇係冇問題，宜家係我部腦入唔到呢個網 jeh ....
訂閱：
文章 (Atom)