18週 ....

18週，冇乜異樣、一切安好，冇腰痛、冇抽筋、冇水腫、好靈活、食得好瞓得好又去得到 kakaka ，116 lb.，好耐未試過咁重磅 .... 因為 "Fit for Life" 係我終身目標，不過為咗小BB冇計啦，最緊要肥晒畀小BB就好嘞。因為aunt同我講肥人唔肥BB就即係唔養胎、唔好ga；如果肥B唔肥人就 very good嘞、即係好養胎、d營養去晒小BB度。不過為咗生產順利，老公都唔會畀我同小BB overweight，佢話 6-7lb.BB係最好最理想ga ...

琴日無啦啦又o係度執我個"身家性命財產袋" - 真係最重要最貴重嘅文件雜項都塞晒落去ga .... 我無意中揾度張"廣華醫院打針及出院紀錄卡"，我當年原來係 9/10 出世、6.14lbs.，好標準！然後就 13/10出院、6.8lbs.，見返張卡覺得好得意ah .... 小BB你會唔會好似mama咁 fit嘅呢??

投票日 ......

今日mama同baba好早起咗身，一來baba今日要on call要準備吓d行裝，二來呢幾日我都聽到佢哋成日講話乜嘢投票，唔知乜嚟ga，淨係成日聽到好多人名 .... mama 未試過有一次咁早去投票ga，不過baba要 0930前去投、咁就食完早餐一齊去wor .... 聽mama講今年好好ah，個票站就o係屋企樓下個 LCK社區會堂，超近又方便。你知一般要 18歲先可以投票ga ma，今次我都係搏慻"lay"埋o係mama個肚肚度、然後畀佢偷運咗我入埋去ja .... 第時大....，因為呢個係義務、亦都係權利 ah ....

後記：

baba投o個個"醫生叔叔"、同埋mama投o個隻"狂貓"都當選咗，baba初時話我哋要自己配票、將另一票投畀"aunt毛毛"，不過最後畀隻"老鼠芬"嬴咗，佢哋幾唔開心ah。我聽佢哋話以前教會個"S牧師"公開呼籲叫人支持佢ah (其實重有柏良叔叔都係，唔駛唔認嘞，好多教友打去電台話聽到佢又咁講，好唔公平；重有o係佢哋兩個嘅宣傳單張都有"S牧師"張相同文字叫人支持佢地ah ....)，隻"老鼠芬"話獨立、其實有工聯會分票畀佢ga，正一大話精，重學人教法律，唔怪得cityu 呢科咁"摺"、讀完都冇人請；只係好唔明d咁嘅人點解阿牧師會支持佢lor ..... 而柏良叔叔最後輸咗，baba係佢帶佢信主ga，都有諗過投佢，不過"醫生叔叔"幫過好多前線醫生好多，所以baba最後好似揀咗佢lor ....

傳聲筒 ...

小BB，mama 琴日手多多整咗個古靈精怪傳聲筒畀你ah，諗住用個最傳統又攪笑嘅方同你對話ma .... mama 畫咗d得意公仔o係紙杯度ga、又貼咗stickers，你鐘唔鐘意ah??? 我同baba 試過都ok用到wor ...

其 實 baba 一早都攞咗個 stetho 返屋企用嚟聽你嘅心跳，不過暫時只係聽到水聲，同埋可能你個身又擰轉咗，而且又重係好細個，所以重未聽到ah。Stetho 其實掉轉嚟、個聽筒放o係肚肚度，你都應該會聽到我哋講嘢ga，不過驚太大聲嚇親你，所以都係用個自製紙筒好d ...

A or B Blood Type BB ......

咁大個女一直都唔知自己係乜嘢血型，因為冇捐過血，平日d抽血檢查又唔會幫你驗呢一part。係上次去KWH產檢抽咗血，不過要等9月中覆診先知。

琴 日老公攞住份嘢返嚟叫我估吓係乜嚟 ....神神秘秘咁。原來佢o係醫院幫我"gum"電腦print 咗份抽血報告出嚟 (因為我有去過PMH 睇症、老公又幫我出過"gold label"，KWH又係同一個 cluster，所以佢就可以攞到我d report 嘞 ....)，佢叫我估係乜嘢血型 .... mmmm .... 我知個男人係A型嘅，所以我都估自己係A or AB type la。冇錯，我終於證實自己係AB血型嘅 ..... 而其他幾項血液檢查亦全部正常冇問題 !!

小BB血型分析如下：

BB MaMa - AB 型 (即係 universal recipient，個個捐畀我都OK ....)

Bear Bear BaBa - O+型 (即係 universal donor，可以捐畀所有人 except O- 嘅人....)

總結 - 我哋兩樣加埋，即係小BB 血型將來只會係 A型 or B型 .....

報告完畢！

2yrs11mths + 17th wk......

今日係我同老公結婚兩年0十一個月紀念日、再加上係小BB嘅第17週嘞，d時間真係好似過得好快咁 .... 下個月就三週年添，今年重有小BB同我哋一齊過，雖然佢o係肚肚裡面，不過d感覺都好得意咁 ....

1845先去上Yoga class，老公好好陪我坐巴士去，因為佢怕我有危險；事緣上星期有個阿叔攞住一盒重嘢，我又見得兩個站、有位 坐不過好後wor，我咪冇坐企o係度，點知阿叔一上車唔理三七廿一將盒嘢就咁"pat"o係地上，不過好可憐 ... 佢係將盒嘢拋咗落我隻右腳度，我重要係著住對 open-toe shoes，唔駛講啦，痛到我屎，我重鬧到佢死ah .... 所以今次老公係都要陪埋我坐巴士lor ....

今日我早到咗好多、老師比平時遲咗返嚟，等咗15mins. ah，好得有個同學仔A都早到一齊傾吓計、冇咁悶。同學A係佗第2胎，我問佢第1胎有冇做Pre-natal Yoga，佢話有、而且生得勁快，前後又只係痛咗 2hrs.，重要一入院已經開到3度半、要即刻入產房，d nurses都話佢勁；因為咁所以佢今次第2胎都繼續嚟做Yoga .... 我又問佢係咪好勤力成日o係屋企做，佢又話唔係，通常都係睇電視時做蝴蝶式 (佢話全靠做得多呢個式子ja，唔係生o個陣兩隻腳一路咁"擗"開，一般少做運動嘅人好多時都會好痛 / 抽筋ga ... 就算行得多、相對於做得多呢d開盆骨式子係兩回事嚟ga .... )、腰痛就做貓式、再加埋d防腳腫抽筋嘅拉筋動作，原來已經有咁好效果，呢d真係同平日有做開運動有莫大關係ah .... 重有係呢個同學個肚肚雖然6個月但大到似8個月，不過佢又係全身都好似Vally咁、一d都唔肥又冇水腫，又輕盈，真係好到不得了 ....

老師到，我換完衫坐o係出面warm up緊，有個同學B打畀老師，之後老師話佢要報產後修身Yoga，同埋最重要係同學B只係痛咗45 mins.又生咗個BB出嚟嘞，同Victor太一樣，都係第一胎，快到得人驚 .... 45mins由1度開到10度，勁ah ....

接近上堂時間，又有另一個好耐冇嚟、佗緊第2胎嘅同學C到咗，老師又問同學C用咗幾耐時間生第一胎，佢話都係approx. 3hrs，入咗院但未好痛o個時佢又偷偷地"lay"入 toilet做開盆骨嘅式子 (都係類似蝴蝶式、不過係踎吓企吓咁做 .... )，跟住一陣痛入到產房 "bla bla聲"個BB就生咗出嚟 ..... 呢個mom好fit好slim，又係得個肚肚 ....

今 日呢堂換咗好多全新式子，等我地冇咁悶，不過難度又係高咗，重叫我地預咗聽日會肌肉酸痛、但唔駛驚wor 。我琴日大腿已經"yuen yuen"哋，反而做完鬆返晒，係有d肌肉痛、不過好ok lor ...... 老公接我放學後我同佢講返晒今日同老師及同學嘅對話，佢今次嘅反應係：「唔係ah，真係個個都生得咁快?? 真係快到有d得人驚，我首先驚自己趕唔切嚟幫小BB拍video同影相，第二亦都係最驚係你生咗阿Dr MAK都未趕到，45 mins.真係太快，好"mun"水，如果有返個幾兩個鐘佢都可能趕得切，唔係都好大機會係助產士幫你執仔嘞 ..... 快係好、又痛少d時間，不過快到好恐怖ah .... 」kakaka 笑屎我 ， 我之前已經同佢講d同學個個average都係2hrs內就生ga la ... 多極都係3hrs.，因為做得多yoga個盆骨係會開得好快ga，所以我同老公嘅信心都大咗好多。我叫老公要有定心理準備，不過我當然想老公在場陪我又親 自幫小BB剪臍帶啦；重要o個時係農曆新年，我都想到時Dr MAK 趕得切嚟，所以希望天父保守我生得快之餘、又可以畀老公睇到小BB出世啦 ，小BB你要乖乖ah .......

今 晚突然好想食好味嘅蜆肉意粉同肉丸球，所以老公就專登陪我去好耐都冇去嘅Fat Angelo's 食飯慶祝，出到TST都成8點幾嘞，好多人，好得book 咗枱。我鐘意呢度嘅蜆肉意粉，因為d蜆大隻又煮到好juicy，唔會"鞋 sap sap" (不過我都只係食咗4隻ja ...)，肉丸球又好好味，整體d嘢食又唔咸唔油又冇乜味精；另外又order咗意式菜湯同埋意式雲吞清雞湯，都好味；今晚老公重畀我食咗兩片杏仁雪糕磚 (with mixed berries sauce)，好開心ah，因為我已經成5個月冇食過雪糕嘞，真係少食多滋味，而老公都一樣，因為佢話要陪我，所以佢都好耐冇食過雪糕ah ..... Thx

Dinner with Michelle ...

今日雖然打風，不過都係聽日先打8號 (咁肯定又係因為黃昏宣佈咗貨櫃碼頭停止交收 ...)，不過今晚同Michelle 嘅飯局係一早約咗，冇落雨、咁緊係照出啦，唔係又唔知幾時先約到呢 ...... 我地又去咗"住家菜"，好味ah，order咗阿麻雞、美極汁燒鱸魚、魚湯柱貝雜菜煲、中式牛柳、沙魚骨螺頭湯，全部都好好味ah，最重要係冇味精又少 油，GOOD! 今晚食得好開心，一來好耐冇見Michelle、真係傾到唔停咀ah，二來佢好有心、畫咗幅插畫畀小BB，係我哋嘅花子姐姐專項wor、重錶到幅畫靚靚， 緊開心啦，好多謝你ah

(Hanako 姐姐，好多謝你咁早送咗幅插畫畀我，我好鐘意ah，雖然mama & baba未知我係男仔定女仔，不過唔緊要，我好想你遲d再幫我畫多d插畫同整d模型仔畀我，到時應該可以match返d顏色ga la .... Many Thx!!!)

(雖然我重o係mama肚肚裡面，不過等我幅畫畫先同mama & baba 影幅合照 ... )

15th week 疑似阿女變疑似阿仔 ...

其實由星期日開始已經成日咳，呢幾日重嚴重咗，又多痰又多鼻水，都係作病咁款，總之係攰同咳到七彩啦 ，都冇乜點出街，因為老公要我o係屋企休息，同埋佢話呢排係流感同紅眼症高峰期、醫院收咗好多呢d症ah，佢驚我畀人傳染，而且天氣又鬼屎咁熱，所以叫我冇乜特別事都係少出街為妙 ......

係星期一出咗去Dr MAK度做3rd 產檢，今次見到小BB 大個咗好多、有14cm 長嘞，Dr MAK話我同小 BB個size 都好標準；至於性別方面緊係好想知啦，不過而家都係算早、未可以confirm住。上次OSCAR Dr CHEN就話 "seems like girl" ... 今次 Dr MAK同老公都睇到有好細個白影wor、又話疑似阿仔，重畀老公發現我即時肩咀添 (又唔係唔開心，不過睇中好多好靚嘅B女嘢 .... 唔知點解女仔o個d係得意d嘅，我地本身又鐘意女多d，如果阿仔我就冇得買畀你嘞、重要睇返多d男仔嘢先得ah ...)。不過佢地都話太早，可能都要等下次照structure先confirm到。小BB今次好乖，佢都仍然係好活躍，支probe一落肚佢又郁來郁 去，不過今次就郁得好醒、好似知道我地要做乜咁。醫生要度頭仔、佢個頭就轉過嚟；度全身佢又瞓返直；跟住話試吓睇性別、佢又將個pat pat轉過嚟之餘、重好似換片咁伸起兩隻腳畀我地睇；又伸晒d手指出嚟say hi 咁，睇到我地好開心ah ，連Dr MAK都讚咗小BB好多次「好醒目」ah!!! 小BB你好嘢!!!

BBQ Dinner Buffet @ The Grill, Grand Hyatt Hotel

之前老公一直想帶我去食，不過唔係落雨(o個度係outdoor所以好天先開 ... )、就 係我哋好熱氣 ，所以遲遲未成行，見兩張 free coupons 17/8就到期、又冇落雨wor，所以琴晚的起心肝專登過去 Grand Hyatt 食咗呢餐 ... 初時驚好熱氣，因為怕樣樣都係 grill，原來都唔係ga，佢d海鮮同 salad 都好多種類又新鮮，成日耐唔耐又refill d 新嘅落去，我就衰啦，唔係咁食得海鮮，真係冇口福，老公就食咗好多、食埋我個份添，我淨係偷食咗一隻大蝦、一隻蜆、同埋一碗好好味嘅龍蝦湯ja ... 佢d 龍蝦好大隻 (可能出去食都要3-400蚊隻 ... )，其他大蝦、蜆、蟹拑、青口... 全部都好新鮮，老公話除咗o係 Oyster & Wine Bar食過d好好味嘅海鮮之外，都好少再食到咁好味，因為好多酒店buffet 嘅海鮮都係麻麻哋，但係呢度質素真係幾好 ... 係好鮮味o個隻ah。我無福消受海鮮，不過就食好多salad、重有係好好味嘅燒和牛牛肉 .... OISHI!!! d和牛重好味過以前o係日本買返嚟o個d ah .... 每人每次攞一份都係得一大片，但係我有兩大片，唔知係咪個chef 見我有d大肚咁款所以畀兩片我，好開心ah ...heehee 好為食 。Ah 重有佢地嘅秘製麵包配鮮茄醬、甜品(esp. Apple Tart & Crispy Apricot Tart) 都係好好味ga ..... 總括嚟講佢嘅buffet 選擇未必係最多、但係d 材料都係好好lor ....

老公一早reserve咗最近泳池邊又靜嘅枱，夜晚又有d海風、都唔算太熱，所以呢餐有情調、又好食、又寧靜，由6點幾坐到9點先走，好耐未試過咁優柔嘞，所以我好開心，同埋好多謝老公嘅安排

好full ah，所以食完行咗去搭船過返TST，買埋生果就返屋企，好攰好眼瞓ah .... zzzzzzzz

如何走上豐盛人生路？

「教養孩童，使他走當行的道，就是到老，他也不偏離。」（箴22：6）意指我們自小便要走這條豐盛的人生路。很多研究也指出「三歲定終生」，我們要在孩子 六、七歲之前好好管教他、模造他。「教養」這詞在聖經中有另外一義，就是指將一些東西奉獻給神，這提醒我們要將孩子奉獻給神，願意神帶領孩子走人生的道 路，願意按照神的旨意教養和帶領孩子。最好的教養是由父母以身作則，用榜樣教養孩童，父母的言行舉止在不斷影響孩子。簷篤信（James Dobson）這位研究家庭問題的專家曾說：「小孩需要的是父母，而非父母買給他大堆垃圾般的禮物。」父母們要多用時間陪伴孩子，影響他，教養他走當走的 道路。亞拉伯人認為：「一個人如果有一個像洋裢的爸爸、如蒜頭的媽媽，不要期望他們能散發出馨香的氣味。」我們如何教養孩子呢？「使他走當行的道」，就是 按神予他的才幹恩賜，引導孩子善加發揮。許多父母只是按自己的意願，而沒有按照孩子的才幹恩賜去誘導他。另者，走路的不是父母，而是孩子，故我們須裝備孩 子的生命和性格，建立他們屬靈生命，讓他走上一條豐盛、自由的道路。當我們能這樣教導孩子時，他「到老也不偏離」，這條路也是耶穌降世為人所賜予人的道路 ──「我來了，是叫人得生命，並且得的更豐盛。」耶穌是道路，祂是我們人生道路的引路者，祂以真理為我們走路的規範，使我們得真正的自由。

兩日Baby Expo 戰利品...

9/8終於去咗Expo，好多人ah，好似Vally講嘅一樣！好多人推住架BB車好似大晒咁，乜都唔理、Vally咁大個肚嘅都唔理、亂推亂撞淨係顧住埋d booth度買嘢，真係好似唔駛$$ 咁 ....o個d人宜家有仔女，其實佢地都做過孕婦ga .... 但點解佢地好似唔明白亦都唔記得晒咁，個B生咗出嚟就唔駛理人地嘅??? 好自私lor ......

琴 日收穫都好豐富，首推最抵買係「思詩樂」嘅全線產品，全線都勁減，特別係d純乾棉，平日貴d又得120 pcs、Expo只賣 $20但一包有140 pcs，d人都係幾箱咁訂ga，我哋諗住都會買ga la、又好用、連我自己都用得，所以都買咗4袋；另外我地又買咗8盒濕棉($20一盒ja)、Total Hair & Body Foam (好方便，一pump出嚟就係好多泡泡，又唔駛再過水，同埋佢係冇香料冇色素，係低敏感geh ....)、重有紗巾 ($20/一包5條，d質料好好，好抵ah ...)、BB專用綿花棒；sales 另外重送咗兩包 40 pcs 裝乾棉同好多包純乾棉/濕棉samples， 所有嘢買咗三百幾蚊ja，好開心!! (想再買多d ga，不過怕冇位放所以都係到此為止 ....) 跟住重去Medela 買埋電奶泵/奶袋，最開心係竟然o係度見到Baby Outlet 擺檔，因為我本來都諗住去Mongkok 店度買 Slinglings，係BB 揹巾，好型好方便又安全，唔駛好似其他揹帶咁扣來扣去 / 左搭右搭， 只係好似條Miss HK彩帶咁、一揹上膊頭就ok，見過好多人都話好又唔會腰骨痛，所以決定買 .... 老闆娘好好，教我用不特止、重教我breast-feed 嘅technique同最佳時間，佢遲d o係HKCC有breast-feed 講座，佢叫我去之餘，我話佢知我o係HKCC做過，就猛問我book場 d資料，好攪笑ah 。Slinglings有分size ga，係base on我嘅身高同體重，老闆娘話如果我生完瘦返個size 唔啱用，只要冇洗過、佢可以畀我攞返去佢鋪頭換size 添 ..... 同埋Expo呢度比佢鋪頭賣重平，好抵ah .....

琴晚行完落咗wanchai 住家菜食埋飯先走，撞返TST鋪個哥哥，好有親切感、連服務都好d ah .... 第一日Baby Expo Tour就此完結。

(好精神咁出發la......)
(第一日戰利品 ......)

今朝崇拜之後見到希氏同Jump氏，所以我哋一齊去景逸軒飲茶。本來都想過去希氏會所睇Hayley參加爬行大賽、然後一 齊再去Expo買嘢，可惜希ba臨時有嘢做要夜d先去到，所以我地就自己去先，然後再會合Vally。我哋兩個都去第二次Expo因為大家都重有嘢想買、橫掂平d就 買埋唔駛煩。

今日去主要係想買埋個電蒸氣消毒煲，因為今早問咗泥ma & 希ma邊隻牌子好，佢哋用開NUK & AVENT 都幾好、同埋最緊要係放到BFreePlus嘅肥奶樽；而Vally同好多人都係買咗NUK sterilizer話ok，咁又見Expo平咗百幾蚊同護協一樣價錢，所以Vally都叫我哋買咗先；然後去思詩樂買多兩包紗巾同2合1潔淨泡沫、又係 送咗包40 pcs 裝乾棉同幾包純乾/濕棉samples； 最後去埋Tommee Tippee 買Bottle & Food Warmer，有折之餘重貪佢個size比其他牌子大d、連其他所有牌子奶樽同埋 Baby Food都可以放到落去加熱，，後來連Vally都買埋一份添 .... 買完頂唔住、行咗兩日實在太攰.....隻腳好似唔係自己咁樣，所以我地都係走先，等Vally同佢個friend繼續行。(其實我同Vally都諗住一 齊去買定一至兩權日本奶粉，一來今次Re-on個booth可以散買又平d，二來係好多有過經驗geh人同老公都話起碼要買定一權旁身，以防唔夠 / 冇人奶時唔駛咁 "le hea"，老公佢哋實在見得太多失敗例子，身邊亦有好多朋友都試過咁，就係原本好想好想Breast-feed，但有時壓力太大、愈想餵、愈緊張就愈冇， 原來竟然係有8成人係想餵而最後餵唔到 / 唔夠奶ga，所以我哋呢d well-planned 嘅總唔會坐食山崩，就算plan好咗要 breast-feed 都要買定一權旁身、又買定breast pump以備不時之需，唔通有乜事等阿B捱餓咩 ..... 到時先諗就遲嘞；加上Vally又好快要返學教書就更加要好好plan定啦。不過我真係頂唔順咁多人，最後先冇一齊買ja ...)

本來真係諗住返屋企，後來行去坐船、因為想去埋Ocean Terminal食嘢同買嘢，因為今朝希ma借咗MotherCare張VIP card畀我，所以都係去買埋 Pooh Pooh Changing Mat (連埋條毛巾ga...好靚)，好彩今日去埋ja，因為Pooh Pooh款竟然賣到淨返三張 (前幾日去都重有好多張...)，我都唔客氣即時"立"走兩張先、幫埋Vally買ar ma，同埋呢間鋪做緊Renovation Sale，其他d嘢都有7-9折，不過都冇乜心機睇，後來都係買多一張Grobag Swaddling Blanket就走嘞 ....

(第二日戰利品 ......)

呢兩日除咗買咗好多嘢，另外嘅收穫係收到好多好多samples，尿片、奶粉、stretchmark cream、bibs、bath lotion、牙膏牙刷、英語光碟、書、環保袋 ....etc.，好多好多嘢 .... ah 重有好多廢紙ah

重有係Vally好犀利，老公同我又忍唔住讚佢，佢真係好fit好標準、只係得個39"嘅肚肚，手腳面同前兩個月見佢一樣冇肥冇腫過又皮膚滑滑，好羨慕ah

(買 好多嘢係好開心，但係超級攰 ..... "謝"晒，"jit"都笑唔出 ....不過好多謝老公呢兩日好辛勞咁幫我攞咁多嘢 ... Thx!! ... 不過每逢呢d時候我地就好掛住架車 .... 有架車真係去邊買乜買幾多都冇問題啦 .... 又心郁郁嘞 ... )