彈彈吓 ....

小BB成日都會彈吓彈吓，好攪笑，不過老公成日話好羨慕，因為佢永遠都感覺唔到亦唔會了解o個種咁得意嘅感覺 ....

琴晚十點幾我"灘"咗係張床度，小BB突然郁得好勁，我重見到個肚皮彈咗一彈，我即刻叫老公試吓放隻手落嚟feel 吓，唔係次次得ga，不過今次小BBo係同一個位再好大力咁彈一吓，所以老公終於第一次feel到胎動，佢好開心咁傻笑、重話真係好得意ah .... 係ah，真係好奇妙同好得意ga，佢可以feel到就好嘞，希望之後再有多d機會畀老公感覺吓小BB嘅活力啦 ....

有時真係唔好以為小BBo係肚子裡面乜都唔知，好多時老公同我同小BB一齊祈禱時、小BB都會踢我ga，我知佢係知道ga，佢對baba mama同天父都有反應ga，真係好奇妙 .... 咁當然連我嘅開唔開心都會感覺到啦 ..... 所以真係要成日提醒自己要小心行事ah ....

因為中秋假期，成12日冇去過yoga class，我自己都有o係屋企做ga，不過d筋骨好似硬返d咁，拉筋痛到我屎 .... 今日有返堂上嘞，不過又想出吓街，好唔好留返星期一先去上堂呢??? 心大心細添 ....

KWH 照結構 ...

心情興奮又緊張，因為好想confirm係baby boy / baby girl ....

老公放 工返嚟接我出去廣華街間新星飲茶，見到門口好多人都打定輸數，但係入去問又有位，原來個個阿叔阿嬸同靚太們都係等緊下午茶時段 (2pm開始，平好多咁 ... )，我地當時係 1355 ah，咁我 1445照結構都唔會咁樣同人迫啦，所以緊係第一時間入咗去，好快叫晒d點心，到d人衝入嚟我哋已經食緊，重好快 1430就走人嘞 .....

今 日係個女MO幫我照ultrasound，係Dr CHO，老公話佢當年初出道o係QMH見過佢，當時Dr CHO都係houseman，話佢好好 .... 今日佢幫我照都真係幾好，雖然係d好routine嘅嘢，不過佢d態度好好又細心，所以好過之前見o個d好多 ....

今日一 去照時小BB就爬咗o係度，又有時周身郁，不過都重照到需要照嘅嘢嘅，唯一係Dr CHO想睇清楚d心臟嘅血管，所以叫我出去行個圈又等咗一陣之後再入返去照多次lor .... 第二次小BB返番轉嘞，跟住好快咁再睇多一次個頭、鼻同咀仔，wow 話咁快小BB又爬返轉嘞，Dr CHO話小BB真係好畀面，一照完就返轉、重同佢講唔該添 ...hahaha ... 老公就話小BB好唔鐘意人攪佢咁，次次支probe一落肚"gum"佢、佢就好大反應，一路照我都好感覺到佢踢我ah .... 不過有d我都唔識睇，淨係覺得小BB好cute同好有活力 ....

係 男定係女?? 其實自從Dr MAK講過話似仔之後我哋兩個都打定輸數。我一早亦都幫小BB諗定d英文名ga la .... 女嘅我鐘意 Cheryl / Sheryl / Chaeli，男嘅就有 Aaden / Ethan / Eugene，除咗 Chaeli & Aaden呢兩個名外、其餘個個英文名都係有屬靈意思同埋有所屬嘅聖經經文ga，同埋我鐘意 "so-do"嘅音lor，同baba個surname "KWOK "比較 match、讀起嚟又響亮d ma (Eugene 除外 ... 因為係"mi-so")，最緊要又少d人用lor ..... 根據今日照結構嘅結果，睇嚟小BB會叫做 Aaden / Ethan / Eugene 嘅機會都極之高嘞 ....

我份人真係七情上面，老公同d朋友都話我開心同唔開心個樣永遠都呃唔到人，一照完上半場知道係仔，老公話我個樣即時變咗，離開醫院時重"bin"咀添 ，都真係幾失望ga，連老公事後都話o係見到o個一刻都心想「如果係女就好嘞 ....」就知我哋都想要女，連老爺都係鐘意女ah .....

不過失望還失望，我哋始終都係好開心同埋好感恩，小BB又一切正常好健康又in good size，我哋相信佢係男仔但都會好乖ga (係怕佢第日考學校多男仔爭好煩jeh)，所以我同老公都一樣會好錫小BB、因為佢係我哋同天父嘅小寶貝 ... 小BB你要乖ah ....

同埋呢幾日小BB都郁得好緊要，特別聽歌同埋我唱歌畀佢聽嘅時侯，真係好得意ga ....

Dinner with Pigskin's Family @金滬飯店

今日老公都係放假，連續3日假、真係好難得 .....

今日又係小BB嘅第19週 ....

是日重點項目 .... 換床單同大清潔我哋間房，攪完空氣好清新、不過攰同熱到屎ah，要瞓個覺先可以出去同豬皮一家食飯 ....

去到荃灣廣場先去JUSCO買返張 mattress mat，因為宜家o個張好似有d霉菌咁、可能太潮濕(其實都唔知點解，已經成日開抽濕機啦 ....)，都係換咗去安全同乾淨d ....

今日又係我so-called嘅農曆生日，冇錯係8月16，不過正式係閏8月16、10年先一次ga，不過老公都照當係 .... 今次重有豬皮一家同埋佢地姑姐姑丈同我一齊慶祝添 ，本來係當一齊做節咁食多餐飯，不過老公又order咗個壽包畀我，所以個個都知，都好開心 ....

累咗老公運吉添 ......

今朝 0930 KWH 2nd 產檢，七點幾就醒咗嘞，因為要食d早餐先出得去，雖然上次nurse已經編咗我係第一個睇，但費事唔知等幾耐會餓壞我，所以勁攰老公都要整醒我食嘢 .... 本來老公諗住六點幾起身返LKC 巡房添、佢想巡晒自己d舊症就嚟KWH 陪我、然後又要 1130前趕返PMH 睇Geri. 門診 .... sigh 我知佢呢幾日好忙又好攰，但係又唔方便OPD 攞假wor，我都覺得好唔好意思 ....

我準時去到、驗VV、度BP，等到 0950老公就飛的到咗KWH嘞，睇見佢就趕 ， 不過佢陪我我都好開心。到1010 d MO應該round完落嚟，見到個女MO入咗我將會入嘅RM.4，d nurse真係冇呃我，我係全場第一個被叫入房睇，不過過程快到及竇泥到無倫，係繼睇江炳輝之後另一"超快超hea"嘅檢查，唔夠5 mins.就咗咗嚟，只係聽吓BB心跳、MO "gum"吓個肚、然後埋位就print返下次覆診紙出嚟，張chair都未坐到3秒就同我講話冇乜嘢可以下次再嚟覆診、同埋提我 16/9照structure ..... 結果未到1020我哋就走咗嘞 ...... Oh NO!!!!!! 我真係覺得好對老公唔住，莫講話佢嘥成$80的士錢趕嚟陪我、今朝又晨早爬起身趕返醫院巡房，竟然係竇泥到咁???? 我同老公都覺得好odd ， 因為老公以前o係贊育做過O&G ga ma，佢話平時 antenatal clinic都有得聽BB心跳+照吓肚睇吓小BB，佢都唔expect KWH 平時覆診係冇得照ga lor，我哋都話果然期望愈大失望愈大 (因為諗住KWH O&G 比其他政府醫院應該好少少ma ).... 唔怪得上次個nurse問點解老公唔帶我返 PMH覆診就算啦，可能佢哋都知平日佢呢度覆診同其他醫院都冇乜分別，醫生亦唔見得特別好，只係d nurses 係好好多；但係聽返Vally講可能有d母嬰健康院覆診重好 ....

都 冇得計，睇開private真係冇得比，次次都可以見到小BB wor，開心好多ga，等我哋以為今日會照到係男仔定女仔添 .... 希望 16/9照得好d啦，不過我都book埋巫少慈ga la，佢照structure & 4D照得好ar ma，如果下次KWH又竇泥我都重有個back up可以照多次 .... Dr MAK 又V/L，22/9先有得睇返佢 .... KWH下次覆診係17/10，多謝畀面我老公、又係編我睇第一個症，都好，等我快d睇完早走早著ma ....

見咁早老公就陪我去廣東燒味茶餐廳食早餐，然後再坐的士送咗我返昇仔先、佢就再上返PMH睇OPD .... 多謝老公，又好唔好意思，今日真係好運吉feel .... 我諗第日KWH覆診咁竇泥我都係自己去好d嘞，除非照structure你先陪我啦，費事又嘥晒你d時間同$$ ah ....

• 
  

胎動???

上星期三四開始覺得個肚仔有時會有d嘢o係裡面彈彈吓咁，唔係好強烈，不過一定唔係平日條腸郁o個種，呢幾日重多咗，有時 聽音樂重會明顯d ... heehee 小BB係唔係你郁緊或者轉嚟轉去ah?? 個種感覺好得意、好實在、又好奇妙，好鐘意ah .... 小BB你郁多d啦，等mama可以感覺到你多d

18週 ....

18週，冇乜異樣、一切安好，冇腰痛、冇抽筋、冇水腫、好靈活、食得好瞓得好又去得到 kakaka ，116 lb.，好耐未試過咁重磅 .... 因為 "Fit for Life" 係我終身目標，不過為咗小BB冇計啦，最緊要肥晒畀小BB就好嘞。因為aunt同我講肥人唔肥BB就即係唔養胎、唔好ga；如果肥B唔肥人就 very good嘞、即係好養胎、d營養去晒小BB度。不過為咗生產順利，老公都唔會畀我同小BB overweight，佢話 6-7lb.BB係最好最理想ga ...

琴日無啦啦又o係度執我個"身家性命財產袋" - 真係最重要最貴重嘅文件雜項都塞晒落去ga .... 我無意中揾度張"廣華醫院打針及出院紀錄卡"，我當年原來係 9/10 出世、6.14lbs.，好標準！然後就 13/10出院、6.8lbs.，見返張卡覺得好得意ah .... 小BB你會唔會好似mama咁 fit嘅呢??

投票日 ......

今日mama同baba好早起咗身，一來baba今日要on call要準備吓d行裝，二來呢幾日我都聽到佢哋成日講話乜嘢投票，唔知乜嚟ga，淨係成日聽到好多人名 .... mama 未試過有一次咁早去投票ga，不過baba要 0930前去投、咁就食完早餐一齊去wor .... 聽mama講今年好好ah，個票站就o係屋企樓下個 LCK社區會堂，超近又方便。你知一般要 18歲先可以投票ga ma，今次我都係搏慻"lay"埋o係mama個肚肚度、然後畀佢偷運咗我入埋去ja .... 第時大....，因為呢個係義務、亦都係權利 ah ....

後記：

baba投o個個"醫生叔叔"、同埋mama投o個隻"狂貓"都當選咗，baba初時話我哋要自己配票、將另一票投畀"aunt毛毛"，不過最後畀隻"老鼠芬"嬴咗，佢哋幾唔開心ah。我聽佢哋話以前教會個"S牧師"公開呼籲叫人支持佢ah (其實重有柏良叔叔都係，唔駛唔認嘞，好多教友打去電台話聽到佢又咁講，好唔公平；重有o係佢哋兩個嘅宣傳單張都有"S牧師"張相同文字叫人支持佢地ah ....)，隻"老鼠芬"話獨立、其實有工聯會分票畀佢ga，正一大話精，重學人教法律，唔怪得cityu 呢科咁"摺"、讀完都冇人請；只係好唔明d咁嘅人點解阿牧師會支持佢lor ..... 而柏良叔叔最後輸咗，baba係佢帶佢信主ga，都有諗過投佢，不過"醫生叔叔"幫過好多前線醫生好多，所以baba最後好似揀咗佢lor ....

傳聲筒 ...

小BB，mama 琴日手多多整咗個古靈精怪傳聲筒畀你ah，諗住用個最傳統又攪笑嘅方同你對話ma .... mama 畫咗d得意公仔o係紙杯度ga、又貼咗stickers，你鐘唔鐘意ah??? 我同baba 試過都ok用到wor ...

其 實 baba 一早都攞咗個 stetho 返屋企用嚟聽你嘅心跳，不過暫時只係聽到水聲，同埋可能你個身又擰轉咗，而且又重係好細個，所以重未聽到ah。Stetho 其實掉轉嚟、個聽筒放o係肚肚度，你都應該會聽到我哋講嘢ga，不過驚太大聲嚇親你，所以都係用個自製紙筒好d ...

A or B Blood Type BB ......

咁大個女一直都唔知自己係乜嘢血型，因為冇捐過血，平日d抽血檢查又唔會幫你驗呢一part。係上次去KWH產檢抽咗血，不過要等9月中覆診先知。

琴 日老公攞住份嘢返嚟叫我估吓係乜嚟 ....神神秘秘咁。原來佢o係醫院幫我"gum"電腦print 咗份抽血報告出嚟 (因為我有去過PMH 睇症、老公又幫我出過"gold label"，KWH又係同一個 cluster，所以佢就可以攞到我d report 嘞 ....)，佢叫我估係乜嘢血型 .... mmmm .... 我知個男人係A型嘅，所以我都估自己係A or AB type la。冇錯，我終於證實自己係AB血型嘅 ..... 而其他幾項血液檢查亦全部正常冇問題 !!

小BB血型分析如下：

BB MaMa - AB 型 (即係 universal recipient，個個捐畀我都OK ....)

Bear Bear BaBa - O+型 (即係 universal donor，可以捐畀所有人 except O- 嘅人....)

總結 - 我哋兩樣加埋，即係小BB 血型將來只會係 A型 or B型 .....

報告完畢！

2yrs11mths + 17th wk......

今日係我同老公結婚兩年0十一個月紀念日、再加上係小BB嘅第17週嘞，d時間真係好似過得好快咁 .... 下個月就三週年添，今年重有小BB同我哋一齊過，雖然佢o係肚肚裡面，不過d感覺都好得意咁 ....

1845先去上Yoga class，老公好好陪我坐巴士去，因為佢怕我有危險；事緣上星期有個阿叔攞住一盒重嘢，我又見得兩個站、有位 坐不過好後wor，我咪冇坐企o係度，點知阿叔一上車唔理三七廿一將盒嘢就咁"pat"o係地上，不過好可憐 ... 佢係將盒嘢拋咗落我隻右腳度，我重要係著住對 open-toe shoes，唔駛講啦，痛到我屎，我重鬧到佢死ah .... 所以今次老公係都要陪埋我坐巴士lor ....

今日我早到咗好多、老師比平時遲咗返嚟，等咗15mins. ah，好得有個同學仔A都早到一齊傾吓計、冇咁悶。同學A係佗第2胎，我問佢第1胎有冇做Pre-natal Yoga，佢話有、而且生得勁快，前後又只係痛咗 2hrs.，重要一入院已經開到3度半、要即刻入產房，d nurses都話佢勁；因為咁所以佢今次第2胎都繼續嚟做Yoga .... 我又問佢係咪好勤力成日o係屋企做，佢又話唔係，通常都係睇電視時做蝴蝶式 (佢話全靠做得多呢個式子ja，唔係生o個陣兩隻腳一路咁"擗"開，一般少做運動嘅人好多時都會好痛 / 抽筋ga ... 就算行得多、相對於做得多呢d開盆骨式子係兩回事嚟ga .... )、腰痛就做貓式、再加埋d防腳腫抽筋嘅拉筋動作，原來已經有咁好效果，呢d真係同平日有做開運動有莫大關係ah .... 重有係呢個同學個肚肚雖然6個月但大到似8個月，不過佢又係全身都好似Vally咁、一d都唔肥又冇水腫，又輕盈，真係好到不得了 ....

老師到，我換完衫坐o係出面warm up緊，有個同學B打畀老師，之後老師話佢要報產後修身Yoga，同埋最重要係同學B只係痛咗45 mins.又生咗個BB出嚟嘞，同Victor太一樣，都係第一胎，快到得人驚 .... 45mins由1度開到10度，勁ah ....

接近上堂時間，又有另一個好耐冇嚟、佗緊第2胎嘅同學C到咗，老師又問同學C用咗幾耐時間生第一胎，佢話都係approx. 3hrs，入咗院但未好痛o個時佢又偷偷地"lay"入 toilet做開盆骨嘅式子 (都係類似蝴蝶式、不過係踎吓企吓咁做 .... )，跟住一陣痛入到產房 "bla bla聲"個BB就生咗出嚟 ..... 呢個mom好fit好slim，又係得個肚肚 ....

今 日呢堂換咗好多全新式子，等我地冇咁悶，不過難度又係高咗，重叫我地預咗聽日會肌肉酸痛、但唔駛驚wor 。我琴日大腿已經"yuen yuen"哋，反而做完鬆返晒，係有d肌肉痛、不過好ok lor ...... 老公接我放學後我同佢講返晒今日同老師及同學嘅對話，佢今次嘅反應係：「唔係ah，真係個個都生得咁快?? 真係快到有d得人驚，我首先驚自己趕唔切嚟幫小BB拍video同影相，第二亦都係最驚係你生咗阿Dr MAK都未趕到，45 mins.真係太快，好"mun"水，如果有返個幾兩個鐘佢都可能趕得切，唔係都好大機會係助產士幫你執仔嘞 ..... 快係好、又痛少d時間，不過快到好恐怖ah .... 」kakaka 笑屎我 ， 我之前已經同佢講d同學個個average都係2hrs內就生ga la ... 多極都係3hrs.，因為做得多yoga個盆骨係會開得好快ga，所以我同老公嘅信心都大咗好多。我叫老公要有定心理準備，不過我當然想老公在場陪我又親 自幫小BB剪臍帶啦；重要o個時係農曆新年，我都想到時Dr MAK 趕得切嚟，所以希望天父保守我生得快之餘、又可以畀老公睇到小BB出世啦 ，小BB你要乖乖ah .......

今 晚突然好想食好味嘅蜆肉意粉同肉丸球，所以老公就專登陪我去好耐都冇去嘅Fat Angelo's 食飯慶祝，出到TST都成8點幾嘞，好多人，好得book 咗枱。我鐘意呢度嘅蜆肉意粉，因為d蜆大隻又煮到好juicy，唔會"鞋 sap sap" (不過我都只係食咗4隻ja ...)，肉丸球又好好味，整體d嘢食又唔咸唔油又冇乜味精；另外又order咗意式菜湯同埋意式雲吞清雞湯，都好味；今晚老公重畀我食咗兩片杏仁雪糕磚 (with mixed berries sauce)，好開心ah，因為我已經成5個月冇食過雪糕嘞，真係少食多滋味，而老公都一樣，因為佢話要陪我，所以佢都好耐冇食過雪糕ah ..... Thx