Visit Dr MO .... 4D ultrasound

今日老公都攞埋 V/L ah，所以又可以陪我去Dr MO度照多次結構 .... 其實廣華同Dr MAK度都係咁意照咗，不過Vally一早同我講咗Dr MO係照得好好、好detailed、仲要係用4D照、價錢又平過其他醫生，所以我先會再去，而且我本來係想早d照 、只係Dr MO佢太full先要攪到今日咁遲 ........

科技嘅發達唔單止拉迎人與人嘅距離、亦將好多以前冇可能嘅嘢變成有可能。4D雖 然都只係一個好rough 嘅影像、並唔係真係嘅模樣，不過因為有咗4D，我哋呢d心急嘅準baba mama先可以咁快見到小BB，at least有個概念佢會大約係點樣lor，所以當我哋一見到小BB o個刻真係開心到難以形容，同埋覺得好神奇，天父做人真係太奇妙嘞，有個小人仔o係我肚裡面一日一日長大亦都係極大恩典ah ..... 小BB ... baba mama 好掛住你ah，我哋好錫你ga ....

老公同希ma都話小BB個樣好似我 ...esp. 個鼻鼻同咀咀，我睇返我小時候d相都真係幾似ga .... 我就覺得面形同眼眉似老公lor

小BB一開始就擺好pose 畀Dr MO照佢個樣，仲有張開個口仔、郁郁吓好得意，兩隻手仔又郁來郁去ga ....

成日用手仔"gum"住眼同口ga bor ....

另 外，原來Dr MO同老公又係識ga，Dr MO以前都係o係PMH O&G做、咁緊係Dr MO senior d啦，不過最攪笑係老公唔認得人，我哋一入房坐低、Dr MO見到老公 ... 佢即刻：「yi .... 係你ah .... 」老公覺得人熟口面又唔肯定lor，激屎ah .... Dr MO真係好熟手，佢clinic部 4D機又係靚嘢兼好貴，照出嚟d影像好過廣華(最舊嘅機)同Dr MAK (都ok新嘅機)度好多，而且Dr MO又nice又講解得好詳盡，所以今日真係冇嚟錯呢度，佢最後仲畀咗個半價 discount我哋添，thx alot!!!!!!!!!

小BB第一次同爺爺飲茶....

同老爺飲茶@CWB 鳳城，12點幾就去到，老爺仲一早去攞定位，不過隔離大枱係超級"噪"，側邊枱嘅人都為之側目，小BB都有踢我，可能佢都好唔like同埋覺得好煩擾呢 ....

20週嘞 .... 產檢日

琴日崇拜後同希氏食咗個lunch，之後我同老公就出咗去TST，主打買返d麵包生果，其次又睇d BB嘢，o係Polo睇中一件BB仔連身衫，又斷咗碼嘞，都話今年真係勁多仔ga啦，唔係講笑，太子大廈間鋪有一件，又要等佢哋送過嚟 ... 行咗冇耐又肚餓嘞，去咗Oliver's食個最愛芝士火腿菠蘿飛碟，好開心ah，老公見我係咁食就話：「你真係好肚餓咁bor，不過見你食得好開心、個樣 好得意，成個小朋友咁」 係呀，我宜家真係好為食咁呀，好易肚餓 ... 不過我都好有節制嘅、揀食物都好小心。今日踏入20週嘞 .... 都係118lbs.，算係咁啦，不過個肚就真係大咗、心口碎大石情況亦嚴重咗，好辛苦ah .....

條腰其實仲未係點痛，係行得耐之後盆骨有d痛。呢排條腰痛親都係我d老毛病 - 風濕，近期次次打風落雨前都會痛幾日，真係萬試萬靈準過天文台，落完雨之後就唔會再痛 ....

其 實今晚原定去豬皮屋企食飯，因為uncle aunt又叫我哋去食飯；加上上星期aunt原來又煲咗日月魚湯畀我飲，不過太突然、之前冇通知我，佢叫我家務助理阿Li 出去攞，但佢上咗醫院ah，我哋又去咗KWH產檢，最後冇去攞d湯。其實都好唔好意思，不過上次同琴日都係因為太攰，佢哋又話琴晚食完飯一齊追劇wor， 嘩我諗我食完會瞓著lor，點可以捱到 1030pm先走呢??所以唯有過幾日再去豬皮屋企食飯啦 ... 不過點都好，真係好多謝uncle aunt 呢 ...

今日3pm Dr MAK度產檢，又有得睇吓小BB，好開心 .... 唔知老公嚟唔嚟到呢?? 佢次次都陪我ga，不過 John Chiu V/L，老公要頂佢d 嘢嚟做ah，驚趕唔切 .... 佢都好想睇小BB，希望天父畀佢快d做晒d嘢又趕得到嚟啦 ....

(後記：感謝天父 ... 最後老公趕到 1440返到屋企，再同我一齊去去Dr MAK度產檢，今日冇乜人，唔駛點等就可以入去，Dr MAK今日都係幫小BB照吓 structure，見到小BB好得意ah，佢又係成日爬o係度，初時幾驚又照唔晒要 去行，我個心一路同天父講叫佢叫小BB擰返過嚟啦，又心裡面叫小BB畀吓面，臨尾佢又真係反返過嚟wor，好乖好可愛ah .... 產檢後勁肚餓、老公亦未食lunch，所以走咗上美麗華嘅Focacino afternoon tea，order 咗件好味道嘅香蕉批 + 香草白汁三文魚闊條麵，鐘意!!! 老公仲外賣咗件 cheese cake + apple crumble 返屋企做甜品添，apple crumble都好味，不過cheese cake太"奶" & 好膩，所以我唔係好鐘意 .... )

彈彈吓 ....

小BB成日都會彈吓彈吓，好攪笑，不過老公成日話好羨慕，因為佢永遠都感覺唔到亦唔會了解o個種咁得意嘅感覺 ....

琴晚十點幾我"灘"咗係張床度，小BB突然郁得好勁，我重見到個肚皮彈咗一彈，我即刻叫老公試吓放隻手落嚟feel 吓，唔係次次得ga，不過今次小BBo係同一個位再好大力咁彈一吓，所以老公終於第一次feel到胎動，佢好開心咁傻笑、重話真係好得意ah .... 係ah，真係好奇妙同好得意ga，佢可以feel到就好嘞，希望之後再有多d機會畀老公感覺吓小BB嘅活力啦 ....

有時真係唔好以為小BBo係肚子裡面乜都唔知，好多時老公同我同小BB一齊祈禱時、小BB都會踢我ga，我知佢係知道ga，佢對baba mama同天父都有反應ga，真係好奇妙 .... 咁當然連我嘅開唔開心都會感覺到啦 ..... 所以真係要成日提醒自己要小心行事ah ....

因為中秋假期，成12日冇去過yoga class，我自己都有o係屋企做ga，不過d筋骨好似硬返d咁，拉筋痛到我屎 .... 今日有返堂上嘞，不過又想出吓街，好唔好留返星期一先去上堂呢??? 心大心細添 ....

KWH 照結構 ...

心情興奮又緊張，因為好想confirm係baby boy / baby girl ....

老公放 工返嚟接我出去廣華街間新星飲茶，見到門口好多人都打定輸數，但係入去問又有位，原來個個阿叔阿嬸同靚太們都係等緊下午茶時段 (2pm開始，平好多咁 ... )，我地當時係 1355 ah，咁我 1445照結構都唔會咁樣同人迫啦，所以緊係第一時間入咗去，好快叫晒d點心，到d人衝入嚟我哋已經食緊，重好快 1430就走人嘞 .....

今 日係個女MO幫我照ultrasound，係Dr CHO，老公話佢當年初出道o係QMH見過佢，當時Dr CHO都係houseman，話佢好好 .... 今日佢幫我照都真係幾好，雖然係d好routine嘅嘢，不過佢d態度好好又細心，所以好過之前見o個d好多 ....

今日一 去照時小BB就爬咗o係度，又有時周身郁，不過都重照到需要照嘅嘢嘅，唯一係Dr CHO想睇清楚d心臟嘅血管，所以叫我出去行個圈又等咗一陣之後再入返去照多次lor .... 第二次小BB返番轉嘞，跟住好快咁再睇多一次個頭、鼻同咀仔，wow 話咁快小BB又爬返轉嘞，Dr CHO話小BB真係好畀面，一照完就返轉、重同佢講唔該添 ...hahaha ... 老公就話小BB好唔鐘意人攪佢咁，次次支probe一落肚"gum"佢、佢就好大反應，一路照我都好感覺到佢踢我ah .... 不過有d我都唔識睇，淨係覺得小BB好cute同好有活力 ....

係 男定係女?? 其實自從Dr MAK講過話似仔之後我哋兩個都打定輸數。我一早亦都幫小BB諗定d英文名ga la .... 女嘅我鐘意 Cheryl / Sheryl / Chaeli，男嘅就有 Aaden / Ethan / Eugene，除咗 Chaeli & Aaden呢兩個名外、其餘個個英文名都係有屬靈意思同埋有所屬嘅聖經經文ga，同埋我鐘意 "so-do"嘅音lor，同baba個surname "KWOK "比較 match、讀起嚟又響亮d ma (Eugene 除外 ... 因為係"mi-so")，最緊要又少d人用lor ..... 根據今日照結構嘅結果，睇嚟小BB會叫做 Aaden / Ethan / Eugene 嘅機會都極之高嘞 ....

我份人真係七情上面，老公同d朋友都話我開心同唔開心個樣永遠都呃唔到人，一照完上半場知道係仔，老公話我個樣即時變咗，離開醫院時重"bin"咀添 ，都真係幾失望ga，連老公事後都話o係見到o個一刻都心想「如果係女就好嘞 ....」就知我哋都想要女，連老爺都係鐘意女ah .....

不過失望還失望，我哋始終都係好開心同埋好感恩，小BB又一切正常好健康又in good size，我哋相信佢係男仔但都會好乖ga (係怕佢第日考學校多男仔爭好煩jeh)，所以我同老公都一樣會好錫小BB、因為佢係我哋同天父嘅小寶貝 ... 小BB你要乖ah ....

同埋呢幾日小BB都郁得好緊要，特別聽歌同埋我唱歌畀佢聽嘅時侯，真係好得意ga ....

Dinner with Pigskin's Family @金滬飯店

今日老公都係放假，連續3日假、真係好難得 .....

今日又係小BB嘅第19週 ....

是日重點項目 .... 換床單同大清潔我哋間房，攪完空氣好清新、不過攰同熱到屎ah，要瞓個覺先可以出去同豬皮一家食飯 ....

去到荃灣廣場先去JUSCO買返張 mattress mat，因為宜家o個張好似有d霉菌咁、可能太潮濕(其實都唔知點解，已經成日開抽濕機啦 ....)，都係換咗去安全同乾淨d ....

今日又係我so-called嘅農曆生日，冇錯係8月16，不過正式係閏8月16、10年先一次ga，不過老公都照當係 .... 今次重有豬皮一家同埋佢地姑姐姑丈同我一齊慶祝添 ，本來係當一齊做節咁食多餐飯，不過老公又order咗個壽包畀我，所以個個都知，都好開心 ....

累咗老公運吉添 ......

今朝 0930 KWH 2nd 產檢，七點幾就醒咗嘞，因為要食d早餐先出得去，雖然上次nurse已經編咗我係第一個睇，但費事唔知等幾耐會餓壞我，所以勁攰老公都要整醒我食嘢 .... 本來老公諗住六點幾起身返LKC 巡房添、佢想巡晒自己d舊症就嚟KWH 陪我、然後又要 1130前趕返PMH 睇Geri. 門診 .... sigh 我知佢呢幾日好忙又好攰，但係又唔方便OPD 攞假wor，我都覺得好唔好意思 ....

我準時去到、驗VV、度BP，等到 0950老公就飛的到咗KWH嘞，睇見佢就趕 ， 不過佢陪我我都好開心。到1010 d MO應該round完落嚟，見到個女MO入咗我將會入嘅RM.4，d nurse真係冇呃我，我係全場第一個被叫入房睇，不過過程快到及竇泥到無倫，係繼睇江炳輝之後另一"超快超hea"嘅檢查，唔夠5 mins.就咗咗嚟，只係聽吓BB心跳、MO "gum"吓個肚、然後埋位就print返下次覆診紙出嚟，張chair都未坐到3秒就同我講話冇乜嘢可以下次再嚟覆診、同埋提我 16/9照structure ..... 結果未到1020我哋就走咗嘞 ...... Oh NO!!!!!! 我真係覺得好對老公唔住，莫講話佢嘥成$80的士錢趕嚟陪我、今朝又晨早爬起身趕返醫院巡房，竟然係竇泥到咁???? 我同老公都覺得好odd ， 因為老公以前o係贊育做過O&G ga ma，佢話平時 antenatal clinic都有得聽BB心跳+照吓肚睇吓小BB，佢都唔expect KWH 平時覆診係冇得照ga lor，我哋都話果然期望愈大失望愈大 (因為諗住KWH O&G 比其他政府醫院應該好少少ma ).... 唔怪得上次個nurse問點解老公唔帶我返 PMH覆診就算啦，可能佢哋都知平日佢呢度覆診同其他醫院都冇乜分別，醫生亦唔見得特別好，只係d nurses 係好好多；但係聽返Vally講可能有d母嬰健康院覆診重好 ....

都 冇得計，睇開private真係冇得比，次次都可以見到小BB wor，開心好多ga，等我哋以為今日會照到係男仔定女仔添 .... 希望 16/9照得好d啦，不過我都book埋巫少慈ga la，佢照structure & 4D照得好ar ma，如果下次KWH又竇泥我都重有個back up可以照多次 .... Dr MAK 又V/L，22/9先有得睇返佢 .... KWH下次覆診係17/10，多謝畀面我老公、又係編我睇第一個症，都好，等我快d睇完早走早著ma ....

見咁早老公就陪我去廣東燒味茶餐廳食早餐，然後再坐的士送咗我返昇仔先、佢就再上返PMH睇OPD .... 多謝老公，又好唔好意思，今日真係好運吉feel .... 我諗第日KWH覆診咁竇泥我都係自己去好d嘞，除非照structure你先陪我啦，費事又嘥晒你d時間同$$ ah ....

• 
  

胎動???

上星期三四開始覺得個肚仔有時會有d嘢o係裡面彈彈吓咁，唔係好強烈，不過一定唔係平日條腸郁o個種，呢幾日重多咗，有時 聽音樂重會明顯d ... heehee 小BB係唔係你郁緊或者轉嚟轉去ah?? 個種感覺好得意、好實在、又好奇妙，好鐘意ah .... 小BB你郁多d啦，等mama可以感覺到你多d

18週 ....

18週，冇乜異樣、一切安好，冇腰痛、冇抽筋、冇水腫、好靈活、食得好瞓得好又去得到 kakaka ，116 lb.，好耐未試過咁重磅 .... 因為 "Fit for Life" 係我終身目標，不過為咗小BB冇計啦，最緊要肥晒畀小BB就好嘞。因為aunt同我講肥人唔肥BB就即係唔養胎、唔好ga；如果肥B唔肥人就 very good嘞、即係好養胎、d營養去晒小BB度。不過為咗生產順利，老公都唔會畀我同小BB overweight，佢話 6-7lb.BB係最好最理想ga ...

琴日無啦啦又o係度執我個"身家性命財產袋" - 真係最重要最貴重嘅文件雜項都塞晒落去ga .... 我無意中揾度張"廣華醫院打針及出院紀錄卡"，我當年原來係 9/10 出世、6.14lbs.，好標準！然後就 13/10出院、6.8lbs.，見返張卡覺得好得意ah .... 小BB你會唔會好似mama咁 fit嘅呢??