Many THXXXXXXXXXX

琴 晚LA Phil.場concert幾好ah，個conductor Esa-Pekka Salonen同piano solo Yefim Bronfman都好正!! 而且呢個樂季會係 Salonen o係LA Phil.嘅最後季度，所以今次可以聽到呢場concert都係好有意思，連小BB都有聽到郁郁吓，好多謝Michelle請我同小BB一齊聽呢場concert .... 另外仲要多謝佢借個Fitball畀我用，唔駛我專登買一個之外，佢今日仲攞埋上嚟我屋企，雖然話係順路，不過真係好感激!! Many Thx!!!

琴晚著條泡泡褲、換著以前著真係鬆到不得了，所以有咗都仲著到，因為有橡筋褲頭又好舒服ma，不過近呢兩個星期已經開始覺得緊、著完個肚仔又有條痕，坐o係度又有d谷，我諗泡泡褲又要退役ga la，希望天氣快d涼d啦，等我可以著娃娃裙、著boots，咁就可以好舒適嘞 .....

是晚節目 ...

Concert by The Los Angeles Philharmonic
8pm CH, HKCC
Programme: (揀聽今晚o個場因為有我喜歡嘅repertoire .....)
Stravinsky Fireworks, Op.4
Tchaikovsky Piano Concerto No.1 in B-flat Minor, Op.23
Stravinsky The Firebird

I loves Stravinsky & Tchaikovsky!!! ....... 好耐冇聽concert嘞，希望StephenSon都好喜歡聽啦!!! 今晚同埋Michelle同佢d 同學仔聽，賣"luck"咗老公 ... heehee .... 順路又可以探舊同事，而且今晚場concert係 Viola開場，又會見到佢，唔知今晚又可唔可以搬緊我少部份物資走呢?? 實在太過份，走咗6個月都未攞走d嘢，雖然佢哋話有d舊同事幾年後先返去攞走晒d嘢，不過好似太懶，都係要揾日同老公一齊返office執執佢 ....

25週 ...

今日StephenSon BB踏入25週嘞，baba mama 祝您身體健康、快高長大、又滿有神嘅恩典、喜樂同和平 .... 您要乖乖ah ........ God Blessing!!!!!!

StephenSon mama今日又有d唔舒服嘞，可能連出兩日街太攰啦，所以今日要好好咁休息多d ....

嚇壞baba mama ......

其實呢兩日小BB StephenSon好似郁少咗，個心點都有d忐忑不安，因為平日同佢玩 / 講嘢 / "gum"佢 / 祈禱.....etc 都郁得多ga ma，所以有d唔開心，又忍唔住話咗畀老公知，唔講由是可，一講攪到老公都好緊張，佢話baby movement少咗好多都有d驚，加上我呢幾日耻骨又好痛呢，之前又病病哋呢，畢竟呢個係自己個BB真係會緊張好多，所以我最後o係今早凌晨一點幾畀老 公捉咗我上 PMH A&E睇症，佢話都係用 doptone 聽吓BB心跳安全d。我其實驚好似好小事又麻煩到佢d同事，不過佢話好多孕婦都會咁ga，總之聽到冇嘢就走、有事就收入院lor，總之得個安心、好過有乜 事第時後悔，sighs佢咁講完攪到我更加驚青，掙扎咗十幾分鐘，最後就換衫飛的上醫院嘞 .... 好攰、又好驚，去到A&E 又好凍，總之好不安咁，唯有不停祈禱 .....

好 感謝神今晚 A&E係出奇地平靜及好少好少人 (起碼知道佢哋唔忙、就算冇嘢都唔怕麻煩到人ma ...)，真係得小貓幾隻，都好少係咁ga，所以都唔駛好耐就入得去，而且都唔係用 doptone聽，個女MO直情帶咗我入去間房照 ultrasound ..... 都唔駛驚lor，多謝天父支probe 一放o係個肚仔StephenSon已經轉轉吓、又見到佢個小小心臟仔跳得好快好正常，醫生同老公都話小BB冇事ah，所以立即放下心頭大石 .... o個吓真係好想喊 ... 其實返到屋企都喊啦，除咗好感謝天父保守小BB冇事之外，就係覺得人真係好渺小，乜都做唔到，真係要好好倚靠神，呢個小BB係天父畀我哋嘅產業--「兒女是耶和華所賜的產業；所懷的胎是他所給的賞 賜。」(詩127：3)，我哋要好好珍惜之餘、亦都要好好倚靠衪，好多時候有好多嘢、真係唔係人可以控制到或者做到d乜嘢，唯有靠住上面o個個先可以安然 渡過ga ....

StephenSon .......

小BB 嘅中英文名其實都有咗頭緒，只係有待落實jeh，不過老公已經幫小BB改多個英文花名，佢話佢係Stephen、所以小BB係佢個仔、咁就即係 StephenSon，激屎 ... 中文譯到好似史雲生咁 ....... 不過冇所謂啦，呢排個個都問我哋改好名未，咁o係我哋未正式公佈小BB個名之前，我就暫時稱呼佢做 StephenSon 啦 .... heeheee

小BB24週 + BaBa MaMa 6年03個月紀念日

24週嘞，小BB活力充沛，成日轉轉轉同郁吓郁吓，宜家仲會見到個肚皮彈彈吓，真係好得意，老公見到都好開心ah .... 希望小BB繼續健康成長、又求天父保守佢一切平安啦 ....

今日我精神又差d，可能琴日又出過街攰啦，畢竟都未好得返晒，把聲都係有d變咗咁，同埋成日咳lor，一到秋天就係咁ga la，氣管好敏感ar ma .... 老公今日早放，可以一齊食lunch，開心，原本諗住今晚出去食飯慶祝吓，二來阿Li今日又係off day呢 .... 不過大家都好攰，所以都係留o係屋企叫外賣算嘞 ..... Pigskin mom今日打嚟，aunt實在太好，因為Vally同我講話食多d海參對mama 同小BB都好，咁aunt知道後話幫我去買海參、仲要幫我浸埋，佢話真係好有益，叫我食多d，浸咗仲可以放o係冰箱慢慢煮嚟食，所以好多謝aunt 呢 ...

8-9 Oct 2008 @ HK Disneyland Resort ... To celebrate my birthday!

23週 loo ....

小BB大隻咗，我個肚肚又大個咗，成123lbs. la，不過醫生話我呢個mama同小BB個size都好好、一切好正常wor，但係我就真正感覺到自己"論盡"咗，同埋覺得自己好似個小路寶，因為d手手腳腳幼幼哋，但係塊面同個身就包咗 ....重有就係食嘢好快飽同頂住個胃及心口，有d辛苦 ...

Visit Dr MO .... 4D ultrasound

今日老公都攞埋 V/L ah，所以又可以陪我去Dr MO度照多次結構 .... 其實廣華同Dr MAK度都係咁意照咗，不過Vally一早同我講咗Dr MO係照得好好、好detailed、仲要係用4D照、價錢又平過其他醫生，所以我先會再去，而且我本來係想早d照 、只係Dr MO佢太full先要攪到今日咁遲 ........

科技嘅發達唔單止拉迎人與人嘅距離、亦將好多以前冇可能嘅嘢變成有可能。4D雖 然都只係一個好rough 嘅影像、並唔係真係嘅模樣，不過因為有咗4D，我哋呢d心急嘅準baba mama先可以咁快見到小BB，at least有個概念佢會大約係點樣lor，所以當我哋一見到小BB o個刻真係開心到難以形容，同埋覺得好神奇，天父做人真係太奇妙嘞，有個小人仔o係我肚裡面一日一日長大亦都係極大恩典ah ..... 小BB ... baba mama 好掛住你ah，我哋好錫你ga ....

老公同希ma都話小BB個樣好似我 ...esp. 個鼻鼻同咀咀，我睇返我小時候d相都真係幾似ga .... 我就覺得面形同眼眉似老公lor

小BB一開始就擺好pose 畀Dr MO照佢個樣，仲有張開個口仔、郁郁吓好得意，兩隻手仔又郁來郁去ga ....

成日用手仔"gum"住眼同口ga bor ....

另 外，原來Dr MO同老公又係識ga，Dr MO以前都係o係PMH O&G做、咁緊係Dr MO senior d啦，不過最攪笑係老公唔認得人，我哋一入房坐低、Dr MO見到老公 ... 佢即刻：「yi .... 係你ah .... 」老公覺得人熟口面又唔肯定lor，激屎ah .... Dr MO真係好熟手，佢clinic部 4D機又係靚嘢兼好貴，照出嚟d影像好過廣華(最舊嘅機)同Dr MAK (都ok新嘅機)度好多，而且Dr MO又nice又講解得好詳盡，所以今日真係冇嚟錯呢度，佢最後仲畀咗個半價 discount我哋添，thx alot!!!!!!!!!

小BB第一次同爺爺飲茶....

同老爺飲茶@CWB 鳳城，12點幾就去到，老爺仲一早去攞定位，不過隔離大枱係超級"噪"，側邊枱嘅人都為之側目，小BB都有踢我，可能佢都好唔like同埋覺得好煩擾呢 ....