超好成仔 VS 串爆醫師

今早食完早餐又唔可以瞓，其實好攰、不過冇辦法，因為Eva派成仔嚟幫我哋較短個飯廳波波燈 + 送埋兩個訂造嘅窗台儲物櫃嚟，本來係下午送，不過Eva知我要去睇中醫所以改咗0930。成仔一向都好好 ... no .... 應該係Eva間公司個個都係超好，Eva就更加唔駛講，當我妹咁、由呢間屋裝修開始 ... 到之後訂造 / 維修每樣嘢都係畀個超級特惠價我，重點係quality係極之好、樣樣實木嚟 + 有埋design ga，佢公司平日d客都係明星/富豪/大公司、如果唔係同豬皮一家嘅交情，我諗咁嘅價錢服務真係IMPOSSIBLE!!!!!!!!!!! 真係好感激成仔，佢見我大肚，個櫃又專登o係門外裝好先搬入屋 .... 唔止，費事我清潔辛苦，佢竟然幫我抹乾淨埋個櫃 (搬入房前又抹、裝好咗又抹)，見佢禽高禽低又整燈、又抹嘢，我都真係有d唔好意思，佢又自己一個人整、由九點幾整到十一點幾，辛苦晒 ..... 所以我同老公真係衷心咁多謝佢 ......

下 晝終於可以去會一會我成5個月冇見過嘅孟教授，今次改咗地點唔係TST、返去大學中醫學院睇，遠咗、又勁多人、我又瞓晏咗遲到、最後要等好耐 .... 1630一路等到 1745，眼瞓到我痴線 ...... 浸大有d中醫都幾串ga，都明白嘅，佢哋個個都係好權威、有學歷有背景，唔係博士都係教授講師，所以d語氣同出面一般中醫都好唔同；我都畀孟教授話唔少，唔食 藥又話我"驕"、又話我成日發脾氣 (重點係佢話一睇就知我蝦老公 .... hahaha) ...etc.，佢唯一係唔會話老公，孟教授好鐘意老公ga，老公次次陪我嚟佢就好開心咁成日同佢傾計，有時同佢講嘢仲多過我呢位病人，又讚老公好 .... etc.，總之就超級攪鬼啦，不過點都好，佢串極都係一個好好、又好勁嘅中醫，所以我哋好尊敬佢 ..... 好多時孟教授話我哋、都係出於好心、醫者父母心ar，就正如老公o係醫院有時睇唔過眼都會話吓d病人，只不過佢個格冇咁串jeh，最緊要係睇得好我就OK 啦 .... 不過琴日個對話實在太攪鬼：

孟教授：(我一開門入房、我都未坐低就問) Qiu Xin Yi (我個名ah ...)，真係你ah (佢唔expect我去大學睇ma ...) ，你係唔係佗仔ah??

我：係ah ..你點知ga? (5個月冇見，所以佢未知小BB性別 ...)

孟教授：你醜樣咗AH ，個鼻大咗d、對眼又細咗、皮膚又乾咗，係冇乜水腫 ，以前個樣漂亮好多ga，係佗仔就會醜d .....
(孟教授我其實塊面係腫咗ga ... 條小腿都腫過以前一吋ga ... 大腿腫咗兩吋幾 ... 盆骨又大過以前兩吋半ah .... 好似boogie同老公佢哋話我只係整體都好似好瘦ja .... )

老公：hormone影響有d關係 ... (望住我話孟教授講笑 ...唔係，我覺得好認真，係事實!!)

孟教授：對對對 ... 係會醜樣d .... (我真係滴汗ah ... )
(佢對住d同學仔咁講、有中醫實習生o係度ga ma ... 仲笑笑口重覆"醜樣咗"、"冇以前咁靚嘞"、"醜怪"、"以前好看好多" ... etc.唔知幾多次，係講咗好多好多次，講到我由O咀變到扁晒咀都仲講 .... 激死我 !!!!!!! 攪到我個頭真係愈"dup"愈低冇面見人咁ah ....... 不過佢真係講咗個事實出嚟，我自己都覺得係咁ga、真係醜怪咗，自己都好唔滿意自己，著d衫又好似冇以前咁好睇，只係老公夠包容 (或者審美標準低 / 我要求太高 ... kakaka )先成日安撫我話冇變冇問題 ..... haha，面對孟教授突如其來嘅一擊，我真係無力招架，所以我、老公、同d同學都一齊大笑，d同學仔仲安慰我話之後就冇事會靚返晒ga la ..... 多謝佢哋ah ....)

孟教授問老公：點解你胖咗??

老公：係ah，我成日陪佢一齊食嘢 / 佢食唔晒我幫佢食埋佢ar ma .... (老公你一向咁瘦 ...唔怕啦 ...)
*****************************************************************************************************************
畀佢串完，又要講d正經嘢，我問佢「孕婦臨產前係咪要煲白蓮鬚飲、以幫助去胎毒ah??? 」跟住得出意想不到嘅答案：

孟教授未答、有個同學已經好大反應答咗幾句：唔駛ga，唔駛食d咁嘅嘢ga，o係度睇中醫、食開教授開嘅中藥嘅孕婦都唔會食d咁嘅嘢，而且個個都生得好好又好快、亦好健康 .... (Amazing!!! 佢用"d咁嘅嘢"去形容 ....)

孟教授隨後開腔回答：唔可以食白蓮鬚，冇益又唔好、不利生產ga，(佢跟住講咗d四字成語同d中醫嘅terms，我唔記得亦唔明)...

然後孟教授用冇咁抽象方法解釋一次：唔可以食，食咗會好難生，就好似有d嘢 (即係BB)明明好順暢出緊嚟，而食咗白蓮鬚會令呢d嘢倒轉頭推返入去，簡單講都會拖長生產過程同埋係冇益 ....
(我同老公都覺得好出奇、因為出面好多人係咁食 ... 當然我哋緊係絕對相信孟教授啦，不竟o個d都係民間傳說及所謂秘方，我唔要人云亦云，我要有益、make sense 同 does work呀!!! )

我呢位小病人多口問身邊同學一句：出面好多人都話生之前要食又話去胎毒同生快d ??? (未講完孟教授已經打斷我 ...)

孟教授又話我 (用串串哋權威口吻)：你宜家信出面d人講定我吖??? 你聽唔聽我d說話吖??? 我講咗唔好食就係唔好食、冇益嘅 ..... 根本冇需要食呢d嘢 (後跟一大堆說話話吓我 ... )

孟教授及同學最後重覆：產前煲白蓮鬚飲只係一d民間偏方、係傳來傳去唔可靠嘅，叫我千祈唔好試 ....
(我知有人飲咗真係生好耐 .... Vally有飲、不過只飲咗一兩次，最後佢生得都算快，只痛咗3個幾鐘，唔知係咪真係同呢樣嘢有d關係呢??? )

之 後幫我睇埋d感冒、開d藥畀我，孟教授好好，佢話我好stable又冇乜特別嘢，叫我之後冇乜特別嘢唔駛專登嚟睇佢wor .... 老公話佢唔"dum"波鐘真係好ah。咁就希望我到生之前都唔會再病，到生咗之後要調理先再揾孟教授啦 .... anyway今次對話有d hurt 又好攪笑，不過我同老公都係咁鐘意佢因為佢其實真係好好ga .....

小BB30週嘞 ....

今日1530去Dr MAK度產檢，剛好今日係30週，小BB好活潑、體重大約1.5kg，佢同我都一切正常同好標準，Dr MAK 叫我畀心機繼續做yoga、同多d練習呼吸，佢話我都高大、應該唔太難生，總之要繼續努力呢!!!

不 過今日有唔好嘅消息 ... 我諗Dr MAK 都唔知點同我講、又一路幫我安排緊，等到今次先講。就係佢 21/1 - 10/2有個long vacation ah，小BB 預產期係9/2，我估小BB都唔會做過21/1出嚟、除非佢逾期居留啦 (呢個係我同老公都唔係好想嘅 .... )，唔係Dr MAK如無意外都幫唔到我接生 。 其實如果係順產嘅，我知道Dr MAK都唔會involve好多，因為有助產士，佢都係剪&縫傷口jeh，肥虎老婆當年生都係Dr MAK接、又係唔係involve太多工序，所以佢都叫我唔駛咁介懷。mmmmm 其實老公同肥虎都知我係d乜嘢人，好需要安全感lor，好難得揾到一個好醫生、自己又好信賴嘅、加上Dr MAK d手作仔做得好又細心ma，我又一定要女醫生wor，所以都好想Dr MAK接生lor，宜家好突然咁知到呢個消息，都幾shocked同有失望 ...... 我同老公冇嬲佢，只係失望同可惜，我睇Dr MAK 咁多年來都冇收過我一分一毫ga、佢又好好人，你話我哋點會 / 點敢嬲佢，佢而且已經幫我問咗另外兩位同佢一樣咁資深嘅女醫生、睇吓可唔可以幫我接生，不過佢哋都會放農曆年假、只係唔會好似佢放咁長時間，希望搏到期間 佢哋都o係香港、又可以去浸會幫我接生；其實浸會有個老宗都非常好、係resident 添，不過係男醫生，我諗除非去到冇得選擇情況，唔係我都唔會考慮男醫生。Dr MAK介紹o個兩個女醫生之中有一個係Dr CHOW，好似都勁同幾好人，呢個都係Dr MAK第一個recommended嘅，如果冇乜變動可能我哋都會揀呢個，睇吓兩星期後再見Dr MAK時佢問成點啦 (我會繼續o係Dr MAK度產檢，因為我係stable case，到時pass我d patient record畀個新醫生就ok .... )，希望有好消息，亦希望件事快d settle。小BB幾時出嚟真係冇人知、只有天父先知個時間，我哋知道佢一定會有最好嘅安排，求天父保守同開路、又畀我同小BB揾到最合適又令我最安心 嘅接生醫生啦 ....

(其 實我哋一直都煩緊唔知送乜禮物畀Dr MAK，一係好似肥虎咁去Lane Crawford買份勁嘅，一係就用佢個名捐一筆$$ 畀慈善機構/Chris一家然後等佢可以退稅，因為佢唔會收同行嘅醫生費，我哋真係唔好意思，所以都好惆悵 ..... 我有時諗今次要轉醫生，未知個新醫生收唔收我哋$$$，就算收同行都係收半價多，我同老公就諗咁樣都未必係壞事，起碼佢象徵式收返d $$我哋安樂d、又唔駛煩送乜大禮畀Dr MAK，咁樣又可以煩少一樣嘢嘞 .... 不過Dr MAK咁好，每年嘅X'mas gift又點少得呢，所以我哋一樣會照送畀佢ga )

睇 完醫生行去Cameron Road，竟然撞見Boogie，佢去PolyU睇完眼wor，見咁耐冇見，我哋一齊去咗Mirama tea 一tea，佢宜家全職freelance做返老本行 -- 攝影師，好似好free好開心咁，佢重同我提起影maternity photos，其實我一直都想影ga la，不過心大心細、又唔想o徙老公錢，所以都冇定案影唔影。上星期收到Wendy fwd畀我嘅maternity photos，又重燃起我影相留念嘅諗法，今日Boogie竟然話可以唔收錢幫我影ah，我上過佢網站、見佢同人哋影d結婚同雜誌相都好靚ah，可能佢以 前都係讀呢科、又係攝記出身，佢影相出嚟d角度同感覺係好唔同ga，老公話如果佢係早幾年重出江湖就好嘞、因為我哋就可以揾佢幫手影結婚當日嘅相ma ..... 今次機會嚟嘞，佢話可以去我屋企幫我影，我都考慮緊，不過都幾想影lor，等我得閒再同佢商量吓、希望快d有決定啦，唔係遲d再凍就好難影ga la.....

今日係我同1010講再見嘅日子，告別11年情ah haha，以前佢d service真係好好ga，又收得好，貴少少都值得，不過自從CSL & 1010賣斷畀New World之後實在service好差好差，加上老公係Smartone嘅，我成日同佢SMS攪到o徒好多錢，因為Smartone係新鴻基、 service亦好好多，d plan又平d啦 (其實都唔只係d ...係1010三份一價錢都唔駛ah ....)，加上我用埋Smartone咁網內SMS係免費嘅，所以老公同Boogie都極力游說我轉咗佢，咁啱12月我同1010約滿嘞，所以今日狠心 咁同佢分手、告別貴貴月費同服務差嘅歲月 ........

行程未完，Boogie走咗後我同老公行落Jordan，因為想去攞埋小BB張SLEX chair，好重好大盒，辛苦晒老公 ... email 咗畀Danny訂埋畀小BB用嘅SLEX chair配件，呢part又大功告成!!!

(張SLEX由BB到大人都可以用，好好! 不過唯一冇咁滿意係thru HSBC換領嘅唔可以揀心水顏色 - 桃紅色，只提供綠色，不過真係平過 o係O/3買好多，同埋最緊要好用同實用，所以都算啦 ....)

市道差 ...

本 來琴晚book咗枱去銀杏館食飯，不過好攰咁、而且又要去supermarket入貨，所以最後取消咗冇去，只係去咗附近嘅奧海城食，然後買完嘢就走嘞 ...... 周圍都冇乜人、見到金滿庭都冇乜人龍，個市真係差咗嘞，加上又係星期一又再少d .... 一路o係風月堂食飯都係得幾枱人，靜到吖 ...不過我哋鐘意

(老公揀畀我嘅外套，好鐘意，多謝!!!)

個市一差就賤物鬥窮人，有好有唔好啦。近日明報都有promotion，畀昇仔住戶12月份免費睇半個月報紙、係送埋上門o個隻wor..... 以前我o係屯門都係訂報紙嘅，不過呢頭冇乜相熟檔又冇訂lor。我哋仲join埋佢個package，之後再訂半年明報、每份平$1.2之餘、仲有supermarket coupon送、又係免費送上門，very good!!! 咁阿Li 又可以幫我哋買少一樣嘢嘞 ....

29週嘞 ....

bone bone痛 ..... 不過都係瞓o係度 / 瞓完坐起身最痛，行開郁開就冇嘢ga bor，Dr MAK都話d關節同韌帶鬆弛就會咁，之後就會冇事，不過就希望唔好咁痛lor。好得我宜家瞓覺都唔反瞓，有時瞓開一邊就一邊咁、直到第二朝，唔駛成日轉身就好d嘞 ..... mama加油ah!!

Fellowship BBQ

今早輕瀉兩次，都唔知做乜，我希望係關今朝支鮮奶事咁簡單啦 .... 今日4pm BBQ ah，加油ah，唔好咁謝ah .... 不過都要小心飲食 ...

老 公前日收到HA send畀佢哋所有員工嘅通訊，係講關於今期流感，呢封email令我哋迷底得以解開。事緣每年流感都有佢不同嘅特性同病徵，有時可能係個個都會喉嚨痛、 可能又好多痰、亦可能會咳，而今次嘅流感特徵就係 ..... 肚瀉，肥虎都話近來睇親d流感 cases都有包括 肚瀉。我咪話我同老公都有肚瀉，即係"nai"晒嘢中招啦，呢兩三日我好好多嘞、少咗好多鼻水同咳，老公都冇乜嘢，不過我琴晚都仲有d輕瀉lor .... 都總算將疑團解開，我唯有安慰自己今次流感咗就即係有咗抗體，我希望咁就一了百了嚟緊呢年唔會再咁易嘢到，但係都要繼續好小心，同埋大家都一齊要小心 呢!!!

Baptist 2nd Antenatal Class

• 
  

  今晚上堂前o係醫院附近食嘢，係我哋以前(同宜家好多浸記學生)飯堂"六合"ah，好有親切感， 價錢都唔貴，最鐘意佢d粥底、好味，我已經同老公講定到時生完可以o係度買嘢畀我食，其實浸會醫院canteen d 嘢都ok，不過宜家好似冇咗學生同校友discount，老公HA嘅飯堂都係呢間、有7折、但係呢度又唔用得，勁貴!! 所以我都係要為自己揾定另一條覓食出路 :P ...
  
  

  
  
  

  StephenSon Mama上完堂返嚟嘞、Baba仲帶埋我哋去mei foo 食宵夜 .... hee因為mama都有d肚餓。不過好攰ah，攰到個樣謝晒，但係今晚呢堂幾有用，係講入院同生產程序、又有BB禮物、產房同住宿d相睇，都幾開心，而且 又有一袋禮物添。上次都有，不過全部係mama奶粉，一d興趣都冇；今次唔同，係NUK 禮物袋，裡面有奶樽、wet tissue、唔同cream & shampoo samples、soother、breast-feed手冊，雖則未必樣樣都用，不過感覺好過收到奶粉 lor ....
  

  
  

  之前同宜家浸會婦產部都一路裝修緊，d房到我生時應該會好好多嘞，而且琴晚護士長話宜家有幾間專為香港孕婦特設嘅6-8人房， 當然住到3人房最理想啦，不過如果到時full咗、又有呢d香港孕婦6人房住我諗都會好好多 .... 因為我真係好驚d"Da Lu"好噪ah ....
  

  
  
  

  今 日去KWH產檢，係SMO Dr LEUNG 睇我ah，都係SMO好d、睇咁多次係佢最好又睇得最detailed，佢又識老公PMH d同事呢，所以又有傾有講。佢問起我去邊度生同睇邊個醫生，佢知道係Dr MAK之後都讚佢好好ga、仲要係早多佢幾屆嘅師姐 (大佬ah、Dr MAK直情係唐爺o個d同學、COS嘅level，緊係勁啦 ....)，不過我聽完佢咁講都幾開心、起碼信心又多咗好多嘞 ....
  

又嚟嘞 ...好辛苦ah

老公叫我唔好出咁多街真係有佢嘅道理，琴晚出咗幾個鐘頭街、我今日又唔舒服多咗，今朝打hug痴同咳到我痴晒線，打到我眼 /口/面腫晒咁 .... 最唔開心今日攰到我都唔可以出去上 yoga class，因為病咗再做運動真係唔講得笑，所以我都要無奈接受、乖乖留o係屋企，而且心情都麻麻哋，我明明見咁好太陽、以為可以出去晒吓行吓，點知又係 要困o係屋企度，唔開心ah，同埋覺得自己好冇用lor ，仲累埋老公陪我冇得出街悶o係度 (佢原本plan 晒同我去邊ga ...) 。StephenSon Mama 你要畀心機同乖d ah，要快d好返ah!!!

好病 ...

今次唔舒服咗咗好幾日嘞，好攰　攰得好緊要，打hug痴打到個鼻好似就快爛咁呀，又咳啦，我諗小BB成日聽到我d hug痴同咳咳嘅聲可能都覺得有d得人驚 ..... 都幾日冇出過街，老公都唔畀我出，佢話醫院都好多人流感呀、新聞見好多小朋友都係，所以都係少出去為妙wor。係今日中午有少少精神就落咗樓下商場買d 嘢，跟住都好快返上樓嘞，同埋聽晚要去浸會antenatal class 啦，有查經，睇咔到時有冇得早走、同埋最緊要好返未，唔係都係唔返住ga la，費事又再嚴重d，到時就攞苦嚟辛 la ......

27週 ... 又病咗 ... 又畀人傳染 .....

又病嘞，今次又係畀人害 .... 重係畀教會嘅人害，都唔知乜嘢人嚟，琴日崇拜時我哋嘅前後左右都有病人，入去時唔知，正式開始講道時d友仔先嚟料發作打"hug痴"、喪咳同"sung" 鼻涕，我真係避都避唔到、亦冇位可以畀我哋轉。老公左邊個男士最有公德心、知自己有病就帶咗口罩 .... 前方有個阿叔又係喪咳同"sung"鼻涕，唔係包唔包容問題，咁嘅情況我諗我哋會出去迴避一吓lor，亦無謂o係度騷擾其他人聽道、又散播細菌 ..... 至於我嘅致命傷就係我右邊個"神奇女子"，全程係咁咳咳咳 + 打"hug痴" + "sung"鼻涕，我已經盡量移去老公o個邊，但係都真係冇辦法，d位咁密又可以避得去邊jeh。 我同老公覺得，我係一個大肚婆、我冇病在身、亦不能夠缺氧 (琴日副堂好多人、已經好焗 .... )，唔通o個d缺德嘅"弟兄姊姊"expect 我呢個孕婦去帶口罩遷就佢哋?? 唔止我、佢哋係同時o係度散播病菌畀其他人，乜神嘅教導係咁樣ga??? 仲有，如果我係d司事，我見到咁多人係咁，我諗我會問吓佢哋呢d咁嘅缺德人需唔酬要一個mask lor .....

我哋唔係傳統守舊，我呢d平安福音堂出身嘅、又返開yanfook 嘅，都算係傳統講返d禮儀嘅教會，tsimfook 都係播道會，不過好明顯又有d嘢有盲點，可能呢度又多明星貴人啦，好多人成日戴帽、食香口膠崇拜，究竟佢哋知唔知入聖殿戴帽、食嘢、著短過膝頭嘅裙 / 褲 / 背心、講電話 ....etc. 全部都係不尊重同冇禮貌嘅行為?? 乜個幾鐘頭唔食香口膠、唔講電話、唔戴帽係會死嘅?? 其餘時間又唔做，講道又傾計傾到好大聲，好多時我哋前後仲有d o係度"E yup"嘅男女，好得人驚、好騷擾 .... 仲有d人勁鐘意留位，開始晒講道都仲霸住d位，好煩，程序表同主席都叫大家唔好，但係d人都係咁，好唔自律。仲有d司事，比著以前教會d司事已經會叫人攞 起d霸位嘅嘢叫人讓返d位出嚟嘞。其實以前yanfook 都見過d咁情況，不過起碼有人會去做d嘢，我哋唔知點解呢度成日冇人出聲，係怕事?? 隻眼開隻眼閉?? 定係佢哋盲ga???

26週 + 5th maternity checking ....

今日係小BB嘅26週，3pm會 去Dr MAK度產檢，一早同StephenSon講好要乖乖坐定個pose、除咗等baba mama見到佢清楚d，最緊要係畀Dr MAK 度到個size 好d又準d ma ....... 阿B仔真聽話，一瞓低佢又一齊轉身、Dr MAK用 doptone 聽心跳時佢仲好大力彈咗一吓，haha 連Dr MAK都見到好彈、好攪笑ah 。就咁一轉仲畀阿B仔個頭就入咗盆骨度，Dr MAK話佢好乖ah，不過時間尚早，佢都係會轉返出嚟、又成日轉嚟轉去ga la，我哋只係期望預產期前o個個月佢會keep到o係枕前位啦，因為咁係最好生ga ....

琴日上磅嚇死我 ，原來已經 129lbs. .... oh .... 原來不經不覺間又重咗咁多，對我嚟講實狂太驚人嘞 ...... 綜觀全身都只係覺得三個水袋好大、同埋塊而有d水腫，小BB亦硬淨咗好多 (約 2lbs. 多dd ... )，其餘都保持正常，Dr MAK 都話我同小BB個size 都好fit，不過我就愈來愈覺得下肢好攰，好似唔係好夠力托住龐大嘅上身咁 (比例上係龐大d .... 都話我似小路寶lor ... )，行得耐都幾攰ah；唯一好係我可能keep 住做運動，所以到宜家條腰骨都冇痛、背部亦有肌肉support到，手腳都冇乜大礙，所以Dr MAK都叫我keep攸做 ...... 比起阿May 家姐以前佗BB又嘔又要坐半年輪椅唔行得，我已經覺得神好保守我、又好舒服、同埋好幸福嘞 ....

StephenSon Mama個肚臍個幾星期前已經凸咗出嚟，好得意，好似粒蜆肉咁，有時著d冇咁鬆嘅衫都見到粒肚臍肉，好攪笑ah ...