聽到心跳嘞 ....

其實次次產橡都會聽到小BB心跳、的確冇乜新奇，琴晚咁開心係因為老公用聽筒試聽BB心跳，yeah終於聽到嘞 .... 因為去診所係用 doptone 聽、係可以將d心跳聲放大好多倍、易聽好多，但一般用聽筒就可能要36週後先可以聽到，仲要睇埋當時BB係乜嘢位置。之前試過聽唔到，琴晚終於可以好清楚 o係肚仔右下方聽到ah，好開心、感覺好得意、好近ah ......

呢兩三日冇出街，耻骨好d、但都仲好痛，但起碼慢動作轉到身、同埋行吓、執吓嘢都ok lor .....

痛死我同嘈爆嘅一日 ....

琴晚 ... no ... 應該係今早凌晨5am又起身VV，耻骨都痛、但都習以為常。去完返去瞓，知死嘞，一瞓低舊耻骨痛到我想死、今次係真係痛到我標眼淚，嚇醒咗老公、佢仲即刻 問我係咪生得，因為我真係好慘叫，我都未試過咁ga，係痛到瞓唔低又轉唔到身，就係咁，我就坐o係張床坐到 0730am .... 冇耐老公都起身，然後一齊食早餐，食完，好似冇咁痛、又好攰，所以都要去瞓，但都係轉唔到身，一郁就痛到死 .... 好灰ah ...

可 能太攰嘞，我可以瞓著、連老公返咗工我都唔知。但係安睡嘅日子亦唔長久，去到十點幾，我都要醒 ..... 係畀人嘈醒 .... 其實我已經好勁，因為我唔係九點幾即時醒，我都好佩服自己 ... 真係好似隻豬 ....... 係邊個嘈醒我ah??? 係支風砲 ....... 係風砲ah .... 即係o係街人哋爆石、堀地o個d風砲 ah，我就係一路畀人o係我頭頂o係到爆爆爆、轉轉轉足成5-6hrs，我想死 ....帶咗耳塞、開住30幾volumn Hi-Fi聽Mozart都抗衡唔到d咁癲嘅噪音 ....好想喊，又忍唔住o係間屋癲咗 大叫，剛好老公買lunch返到嚟、佢一開門就聽到我叫嘞。佢話一上平台已經心知不妙，不來嘈到o係平台、大堂都聽到，知道係二座，但唔知咁近我哋，老公 返到嚟都慶慶哋，因為大堂同lift都冇出通告知會大家，如果mgt. ofc.早響我就走出街啦，唔駛o係度受罪咁。跟住老公上咗10/F睇，一開lift門已經係d 地磚爆到爛晒、再睇，係全層地磚都爆開，落樓下管理處問阿姐，佢只係話d地磚唔平有危險，所以要爆晒再鋪過，但話唔可以叫佢停，老公話好擾民、又唔事前通 知，根據法例，就算佢哋o係限定時間咁做，但只要係騷擾到人、都係可以報警，可能因為咁、老公上返嚟就停咗一陣，估計阿姐通知咗mgt. ofc.。以為可以食吓飯、安好一陣，食咗幾啖又爆過，我哋覺得自己好似街上嘅石屎地畀人爆開緊咁，老公又打去mgt. ofc.，我又打去鬧多次，都係咁，好官腔嘅答案，但知衰、因為佢哋真係冇出notice 知會住客，啞口無言，大家都聽唔清楚大家講乜，佢話上嚟同我講、我話唔駛，因為同一時間老公已經打咗去報警 .....

報警時阿 sir都係畀上面嘈到聽唔清楚講乜，到d警察叔叔嚟，就爆到細聲咗一半，不過事後阿sir打嚟畀老公話其實佢哋o係平台已經聽到、好嘈好得人驚，擾攘一 輪，老公叫阿sir同佢哋講大家各讓一步，唔該佢地停30-45mins.、等老公可以帶我出街，話夜d先返，話佢哋攪到個大肚婆喊晒、好精神困擾。 sighs ...... 我就係咁畀人轟轟轟轟轟 ...咗咁多個鐘，好無奈，好癲 .....

3:45pm係去Dr MO度產檢，終於有個地方可以去避一避。37週嘞，Dr MO話小雋雋好乖，仍然係保持o係枕前位、pa 咗o係度、係好生嘅位，個頭落咗d，已經落咗5份3 嘞，同埋佢做盆骨檢查已經摸到小雋雋個頭頂，個位都幾低，佢又話我個盆骨幾夠位又夠鬆 (所以耻骨又咁痛lor，希望到最後我唔會痛到要揸腳架行路啦 ...有d人真係會痛到咁ga .... )，而小雋雋size亦都會適中唔太大，佢都估我唔難生wor；所以可能隨時都有機會生得，叫我準備好嘞 .... 好緊張添，愈來愈近嘞，希望天父保守BB同我都一切正常，生產順利又平安啦 .... 感恩係今日見到小雋雋冇再畀臍帶纏住，因為上次好似有一圈，希望佢繼續乖乖唔好反斗，唔好臍帶打圈，咁樣mama就可以將佢順產出嚟見大家嘞 ..... God Blessing!!

心の孕照 ... 又多幾張 ...

http://www.slide.com/r/KNet0N7Oyz_2mEZ4KUsNr9LSlGb5zDZQ?previous_view=lt_embedded_url

Boogie今日又send 咗d 相嚟，今次佢upload 咗d相上佢官方網站bor .... Boogie-Capture Life (d 相我都upload咗上Facebook la ... )

其實上星期六影咗好多好多張相，唔知Boogie幾時整好呢?? 有d心急添 ... 宜家咁好吊癮ah ....

36週 ... 進入倒數階段la

時間真係過得好快，特別係懷孕後期，愈來愈有唔捨得嘅感覺 .... 唔捨得個"橙"，就係我個肚仔，好攪笑，成日同老公都覺得似個橙咁，Boogie Heidi又話"立立令"咁好得意，haha ... 係40吋嘅橙ah，真係冇乜機會係咁嘅樣呢 ....

不過對新生BB出現嘅感覺亦都好強烈，愈來愈近、愈來愈真實，有d緊張添ah ....

耻 骨係勁痛、特別係瞓完覺 / 坐得耐起身，冇warm up就係咁，郁開就冇問題；琴日同今日又試過突然唔痛、仲健步如飛，感覺好古怪 ... 不過當然係唔痛好過痛啦，但都係d hormone影響、又關小BB個頭落咗去事，所以我都控制唔到。總之，呢兩個星期我已經痛到做唔到yoga，因為好多動作都令我好痛，只可以自己o係屋 企做d簡單嘅 stretching .....

仲有係皮膚敏感，之前都試過、我講嘅係o係塊面，可能呢幾日好dry又好凍，所以又差d，痕屎人ah .... 以前未有BB都冇咁敏感ga，希望生完又係會好返啦 .....

今日Boogie send 咗其中幾幅相畀我睇住先，其實佢d構圖好好ga，我哋都好鐘意。heehee .... 只係個主角 ... 即係我 ... 有d問題，學孟博士話齋醜樣咗ma，仲咁後期先影，我呢個mama已經係一隻小肥豬 ... 特別係塊水腫面 + 水腫眼 + 水腫鼻，加埋有d混亂嘅頭髮，唔係嘅話應該會更加好，希望唔會嚇親老公、Boogie、同其他人啦 ...

但係第一次懷孕 ... 又真係值得影低d相做紀念嘅，第日畀小雋雋睇，我諗佢都會覺得好得意 ...

今次老公真係粉墨登場，連開工衫都攞埋返嚟陪我影相，全套武裝咁ah ...
仲要多謝Michelle o係日本買嘅Adidas BB鞋，得意之餘仲好襯今次影相d衫，多謝!!!

心の孕照 by Boogie

今日好開心又緊張，因為我要o係一個咁嚴寒嘅日子去影懷孕寫真，雖則o係室內、但係club house d冷氣勁凍，熄咗都仲好似好寒咁，大家又驚我冷親，所以攪到我都有d緊張 ......

十二點幾先同Boogie Heidi一齊o係宇晴軒飲茶，然後兩點就去咗會所 ，Boogie Heidi就 set up，老公就騰嚟騰去、又返上樓攞自己部相機、跟住又上去攞部暖風機畀我吹、最後又跑多次攡恤衫 (因為Boogie 叫我著白恤衫，我攞自己o個d，但係佢係想我著老公好大件o個d，所以又摷咗一輪 ... ) ....

呢 個club house 都幾攪笑，租親宴會廳都會送一大碟三文治 + 一壺咖啡 + 一壺奶茶 + 一壺水，所以我哋一路影又一路有下午茶食。影影吓出面BBQ樂園有人燒嘢食，好得有兩層捲簾，所以都唔至於畀人裝到晒 ... 但係房有CCTV，所以都預咗可能有職員睇到，不過算啦，有著衫，換衫都係有打底皇 + 呢埋o係Boogie d 黑布簾後換，所以都問題唔大 ......

Boogie有個賢內坐Heidi 做佢小助手，set up、試位、較燈好熟手，完全冇難度，最唔好意思係佢做埋我小褓母，一唔影就攞件大羽絨畀我著、又畀暖水我飲、又要一齊引我笑同教擺pose，認真照顧周到ah，多謝晒!!!

老 公o係Boogie幫我試位試燈光時又古靈精怪影埋一份，構圖實冇人咁好啦、d位都攞唔正，不過都好多謝佢影咗d snapshot 囉，特別鐘意同Heidi 影o個張，老公 ... 你進步咗好多ga la，加油、繼續努力練習ah，希望經過今日你畀專業人士指導完一輪之後會影得愈來愈好啦 ....

總結 .... 開心的一天!!! 再次多謝 Boogie & Heidi!!!!!!!!
仲要多謝老公專登走去買嘅花花 .... 係我心愛嘅馬蹄蘭，多謝!!!!!

管理處好煩ah ....

都唔知係咪耍我哋，12月時又confirmed 話2月1號有車位畀我哋用，今日又打嚟話比預期少人o係2月release d車位出嚟，可能又要等到3月，仲建議我哋不如都將封信 c.c. 去佢哋 Shun Tak 總公司反映吓、同埋可以將d成日空置嘅時租車位放返出嚟做月租車位wor .... 我做慣政府，我都好明佢哋想玩d乜、又係想用d群眾壓力去加快d行政手績ma，用公眾把口就好過佢哋自己d馬仔出聲 .... sighs，好煩，為咗2月有車位、唔駛佢講宜家咁樣我都會去做，不過唔該下次早響lor，佢唔好遲d先講 ....... 老公同佢哋講咗會追究ga，口頭承諾都係承諾、仲講到實牙實齒，宜家又話要畀人哋先，wei .... 咁你今日同我講3月、即係到2月時又可以同我講又唔夠分要畀其他人先、等到4月先有都得ga la ..... 點可以咁ga，我哋唔會畀呢個死人管理處咁拖累我哋嘅計劃 .....

SHK 嘅樓，如果係康業o個d公司管返就好啦，信德唔係衰、但亦唔見得好lor，又慢又蠢又冇效率，好灰ah .....

Car Seat ...

今年過完X'mas又好快到農曆年，不過我哋都唔係好得閒理、重點亦都唔係放o係呢d節日上面 .... 頭號處理嘅當然係小BB嘅所有嘢啦 ......

今年老公醒目，一早o係12月尾已經去揾蕭經理換銀紙，所以我一月一日元誕日已經完成咗封利是呢項工程，蕭經理話遲d送利是封畀我哋用wor，hey 太遲嘞、都包好晒，留返下年吧啦 ....

琴日Patrick 打嚟，終於出咗牌簿嘞，今次個車牌都ok 易記啦，wow 排到去NR 呀... 新到吖，同以前個HD 4001真係差成十萬百千里咁遠ah。不過出咗個牌就好嘞，起碼攪insurance、car parking、同上會都有著落，唔駛等到咁遲乜都做唔到 ......

不過car seat問題仍未解決，都係周圍托人問緊有冇d唔用嘅二手 Infant carrier (唔用多過5年、最理想有埋Iso Fix)，如果有我哋就直接買個 9m-4歲嘅Iso Fix car seat。如果最後冇，可能就要買個 0-4歲嘅 car seat、但就冇Iso Fix。有Iso Fix當然係最理想啦，安全又方便d 嗎，上次老公問完肥虎、Danny... etc. 都係未有乜嘢定案，希望2月小雋雋出世後可以settle晒啦，同埋呢排仲有減價呀，如果趕得切買就抵d lor ..... heehee 不過都係肥虎送ga，好多謝佢，不過我都會為佢荷包著想吓ga ...

琴晚Boogie打嚟，佢約咗我哋今個星期六影大肚寫真嘞，好開心、又緊張，其實呢幾日我都諗住揾佢ga la，佢又打嚟先，真係好!! 為咗費事又要執屋先影到、加上佢又要set 燈、帶d backdrop 嚟，所以琴晚老公落咗club house book 咗個房畀Boogie 幫我哋影相，thx alot!!!!!

小雋雋 35週 ...

今日係小雋雋第35週嘞.... 　

老公post-call 返嚟嘞，攰到佢呢 ... 琴日係佢重返PMH 第一次on call，仲有3個勁ill 要tubed住上房要佢攪，所以老公都冇乜時間揾我，到夜晚成12點幾先可以返房打畀我呢 .... 星期四為咗加分要call MO2，好得人驚，MO3都咁變態，佢都成一兩年冇做過MO2嘞，佢自己都好驚，唔知會點呢?? May God Bless Him!!!!!!!!!

孟博士又呃我、又話今次d藥唔苦，一飲落去就知死，苦到想嘔ah ... 係好似未試過咁苦，o係我完全冇心理準備之下"nai"咗嘢，sob sob sob ..... 好難飲ah .....

琴晚我好開心ah ... 因為係Music Office KTMC舊同事 Laura大婚之喜，除咗戥佢開心，另一高興係我可以見到Doda Anne同其實好多舊同事，雖然我離開咗都成5年、亦都換咗好多新血，不過都重有好多舊同事係識嘅，加上呢幾年我其實都係o係返 Music / Culture 呢個field做，好多時有節目出都會撞得返 / 再合作，所以都未至到好脫節。個個見到我有咗BB都好新奇咁，特別係中樂組d導師，因為佢哋都唔知我結咗婚，所以覺得好意外。講到最親切莫過於見返自己活動推廣組嘅戰友，大師姐Jackie姐又有第二胎、又係女(不過佢好似想追仔wor ...)，仲係二月中生，好啱呢，SMO(A&P) 仲笑我哋佗住個B嚟相睇ah ... 仲有個個見我自己琴晚一個人嚟都好照顧我，不停叫我食多d嘢又幫我開路，好攪笑，不過好多謝佢哋。琴晚我講得最多嘅說話係：「2月9號」、「牛仔」、「多 謝」、「浸會」、「順產」、「文化中心滿約唔再做嘞」...etc.，講到口乾同喉嚨痛，不過可以再見到佢哋，我真係好好好開心!!!

琴晚係得我同小BB兩個出街，Baba 擔心到我哋屎ah，畢竟我已經有咗9個月嘞、亦未試過冇老公o係身邊去咁遠同到去咁夜 ..... 夜晚晚坐的士飛來飛去過上環，我自己都有d緊張、又不停提醒自己要好小心、好小心、好好好小心 ... 咁保護自己同小雋雋、不容有失ah!!!!! 多謝Doda 接我又送我搭的士走、又多謝天父畀我一落樓下又坐到過海的士 .... 返到屋企都十一點幾嘞、無驚無險、總算平平安安帶住小雋雋重返家門 .... 是次歷險完畢!!!! ，連老公都話抹一額汗ar .... 我諗 ... 應該都冇下次ga la ...

好耐冇見嘅同學兼前AMO(NT)3 - Julia、仲有超好嘅師姐兼好partner AMO(K)2 - Doda Anne

又係師姐兼AMO(HK)2 - Jackie ... 佢都佗住個女ah ...

TMA好幫手阿菲 ... 前度AMO(K)1 & 小雋雋 ... 仲係現役中嘅AMO(K)2

我最欣賞嘅其中一個香港Symphonic Band Conductor + Composer + Arranger、兼係我BU Music Dept. 嘅大大大師兄游Sir ... 佢同時都係一個好嘅Hornist & Horn Instructor .... 出隊咁多年、做過晒中 / 管 / 弦樂隊嘅樂團經理 + 司儀，係游Sir最好、最有交帶、最合作，同佢partner一d都唔駛擔心，而且仲好肯教返你嘢 .... 多謝你游Sir!!!

重磅 ...

今日1pm去見孟博士，一入房又贈我一句「Qiu Xin Yi 你胖了呀 ....」sighs .... 算啦，我都預咗ga la，佢冇又話我醜樣咗就算啦 ... 咁呢個都係事實ar ma .... HAHAHA ...

我真係肥咗好多，雖然個個睇落都話唔覺，我已經不知不覺重咗接近38lbs. 嘞、肚圍都成40"，its impossible & amazing!!!!!!!!!!!! 我一生人都未試過咁重磅。老公成日話我之前過輕 ... 得 101-103lbs、BMI 得17，連肥虎都話我below standard，所以可以懷孕時追返多d磅數。

(wow ... 今日面面好水腫 ....)

不過琴日去見Dr MO，一來我又著住鞋、厚衫、牛仔褲上磅，wow 有成143 點幾磅，Dr MO即時話我overweight 得好緊要，就算以前BMI 低都係重得太多，好得我就冇血糖高、妊娠糖尿o個d嘢。我已經有d唔開心，因為我真係唔想咁暴肥，不過一入房照ultrasound，Dr MO話我個肚嘅size 好fit 喎、唔太大，預期小BB出世都係6磅幾至7磅幾啦 (希望佢估得準啦，之前Dr Mak都係咁講。我同老公都係想呢個數ja，一過7磅半其實已經係超重嘅肥BB，會難生d ga .... 宜家d人營養好得滯，成日生d BB都過7.5lbs.，其實係冇咁好ga，不過宜家太多人係咁，所以d 人都唔覺咁係有問題。但係我哋就唔想lor，所以我成日努力keep 住同提醒自己好好控制體重!!!!! ) 。跟住Dr MO check埋d 胎水又好適中、又冇特別多 / 少，佢又見我個人唔係真係好肥，所以佢都話唔知我d磅數究竟重咗去邊 ，Dr MO只係提醒根據HKU standard 小BB 如果係6磅幾至7磅幾出世係最好最fit，又叫我keep住唔駛特別節食，話我以前咁瘦緊係老公冇畀飽飯我食wor .... KAKAKA ...

有 一樣失望係 ... 琴日見唔到小雋雋個4D樣；mmm ... 其實我應該開心，因為Dr MO話見唔到係好事，佢讚小雋雋好乖、話佢個頭已經轉咗落去、而且仲係"pa" o係度嘅姿勢 == 即係最利生產嘅"枕前位" 、背脊向我肚皮，Dr MO話宜家週數太後又轉咗落去、所以係影唔到個樣，佢仲叫我望都唔好望佢轉上嚟影到wor，因為宜家咁嘅姿勢係最好ga .... 小雋雋，baba mama 好掛住你ah，我哋知你好乖，唯有等到你出世時正式見你啦 .... miss you!

另外好消息 (但對Dr MO係壞消息 ...) 就係佢o係 UCH做嘅老公、因為consultant放大假，所以佢老公臨時唔可以放假，佢哋原定一家出外亦都要取消，所以Dr MO 26/1 - 2/2所謂放大假、其實都係會stay o係香港，咁即係我就可以揾佢幫我接生嘞，Dr MO話我哋有緣wor，咁就一切交畀佢啦 .... 不過最重要都係交畀天父ah ....多謝天父!!!!!!!! 我同老公都安心晒嘞!!!!!

2月有車位嘞 ....

管理處覆咗話最快2月可以offer到個車位畀我哋，雖然未必趕得切o係小雋雋出世前有，不過比起最初話要等起碼半年已經好好多好多嘞，多謝天父!!! 一日未有車位、一日都未出到架車，莫講話肥虎想試我哋架車、就算Baba & Mama想去補鐘都補唔到住，唔通去車行攞去玩幾粒鐘然後又泊返架車返去咩，認真玩嘢 ...... 唯有用忍耐嘅心去等等等等等 ..... 希望到時慕慈個老爺朱師傅仲會肯教車啦，當年佢教得好好ga，可以嘅我都想揾返佢教我ah ....