雋雋返崇拜 ...

今早第一次帶雋雋返崇拜，新手baba mama好"le hea"，遲咗、雋雋又扭眼瞓，所以全程都好唔專心、聽唔清楚司徒講道講乜嘢 .... 繼續努力，希望下次會好一d ....

如果可以選擇 ....

我之前話著唔返嘅skinny jeans，今日竟然有一條新d嘅竟然著得返、雖然有少少"鑑粗嚟"，起碼扣到鈕又過到個盆骨，舊d o個條就真係唔得，所以好驚喜 ....

不過可以選擇嘅話，我會希望面面嘅濕疹冇出現過。今日係第2次去見黃醫師，琴晚開始又紅多咗又痕多咗，面積又大咗，成個人又好熱咁，好辛苦好唔開心ah ... 初時佢擔心我紅斑狼瘡，不過老公話佢知我以前驗過升血冇呢個gene，所以就排除咗呢個可能性 .... 老公問佢我可唔可以好返，黃教授話其實佢見過好多孕婦產前產後都有咁嘅情況，有好多仲比我嚴重好多，中醫係重調理、係會慢少少，但只要過一段時間係會ok嘅，宜家因為我仲餵人奶，所以好多重d嘅藥唔可以用住，所以時間又會長d lor .... 之前孟搏士都有講過，開好多藥都會遷就返我要餵人奶嘅需要，但係食完個人就真係冇咁熱lor .... 有好多人/醫生都話餵人奶唔好食中藥，因為驚會影響BB同d奶會苦，不過經過呢個幾月係咁食中藥、仲係勁苦，但係雋雋仍然好喜歡食人奶，而且BB亦一d影響都冇，孟搏士佢哋直情好有信心話中藥對BB都有益添；但係係因為佢兩個ja，如果睇其他中醫我同老公都唔敢試，真係信心問題lor ....

老公見我唔開心，又打咗畀肥虎，睇吓佢知唔知邊個derma.有得做skin prick test又睇eczema係好嘅，跟肥虎就叫我地去CSB佢clinic睇同驗血，驗血就可以測試晒我對乜嘢敏感，希望揾到致敏源再對症下藥，但好貴 ... 成二千幾蚊，另外又開d靚d嘅steroids同抗敏藥畀我，肥虎又係話佢都醫過好多係我咁嘅case，都口9呂知點解，可能係氣候/溫度轉變、有致敏源　同埋好多時係產前產後 + 餵人奶d hormone變到七彩又亂晒龍，所以會有eczema .... 肥虎知我性格，知我會好唔開心同唔適應，緊係啦，平時咁貪靚，呢d咁嘢真係想死ah....

多謝佢哋嘅幫忙，更加多謝老公唔去上堂陪我周圍去睇醫生，我知佢好攰ah ....

今日唯一開心係買咗新衫同鞋畀小雋雋，係我揾咗好耐、花子姐姐都幫我o係日本揾又揾唔到嘅綠色Converse canvas，今次係美版、原來仲舒服過日版d Converse ga，仲揾啱條scarf畀雋雋，係Edwin ga、一千0一條logo scarf，等mama遲d買埋tight pants畀你襯，一定會好型 !!!

生仔變有濕疹...

終於告別用咗兩年0三個月嘅xanga、專心留o係呢度寫吓嘢嘞，其實都唔會好多時間成日寫，因為宜家生活上真係有好多轉變，有咗小BB根本連上網時間都少咗，寫網誌就更加少之又少啦，今日係雋雋比較穩定 (由食rotarix疫苗後日日肚痛、到呢幾日d食奶同瞓覺時間又亂晒龍，又胃液倒流啦，所以成日喊又扭抱，我同老公都攰到七彩 .... )，所以我先可以又online一陣，仲要婆婆隨時stand by幫手治吓呢個小霸王呢 ....

人哋成日話女性生BB有多嘢要犧牲，自由同時間就係首當其衝，不過對我嚟講最唔開心係皮膚敏感，由有咗BB開始就已經有d皮膚敏感，到第3、4個月開始眼皮又會無啦啦痕、紅、同腫，跟住又到面額，斷斷續續咁、又好又唔好吓 ...好困擾。到生完BB o係醫院o個幾日係完全乜事都冇，老公都話生咗應該會好好多。點知一返屋企後又開始斷斷續續皮膚敏感，又係痕、紅、同腫，好好好好好 ..... 唔開心又辛苦，個人已經好攰，都唔知理得邊樣。去揾Dr Tsui，佢都係叫我停咗d 用開嘅skincare、只用Aqueous Cream，但都係時好時唔好，沖完涼/一熱/轉天氣就會發作.... 我去孟博士度，佢話我原來係上火、肺虛風燥，好多嘢 (包括人哋產後要食嘅 / 進補，通通我都唔可以食 ...)，飲咗佢d藥的確好好多，但係皮膚都係唔可以回復原狀 .... 終於忍唔住又要睇埋黃霏莉，佢係勁多人睇 ... 係浸會中醫內睇皮膚最好最叻嘅，不過好難book到。好感恩畀我後補到一個期去睇咗，佢話我又係好熱、不過d皮膚紅腫位已經變咗做濕疹，我自己都冇乜信心可以斷尾 ....好灰ah .... 係無止境咁痕，好煩 .... 不過就好體會到老公又細到大有濕疹o個種痛苦。黃教授開咗d好苦好苦又好黑嘅藥畀我 + 外用"fu"面用嘅藥，係好似好d，老公安慰我話會斷尾 .... mmmm 我都唔知ah，估唔到有BB都會攪成咁ga bor，o係有d人話內分泌失調會引發濕疹，加上我又有鼻敏感，所以都係有d玄機ga la .... 求天父畀我快d好返啦，仲有老公嘅濕疹都係，希望佢少d翻發啦 ....

唯一好感恩係，我哋有BB前一直祈禱，因為我同老公都係"敏感高危一族"，好怕會連累咗雋雋、會遺傳畀佢，我求天父 寧願我有事都唔好BB有事、辛苦都留畀mama一個受就夠嘞 ... 終於 ... 結果係雋雋真係冇乜事，對奶又冇敏感，暫時各樣都ok，而皮膚敏感呢part ... 又的確由mama受咗 .... 算啦，雋雋健康就夠嘞，希望mama情況會好d啦 ....

出世紙 ...

今日係baba幫雋雋攞出世紙嘅日子，雖然要畀$140、另加copy又畀多$140，但總好過浪費時間去排長龍輪籌，之前網上又預約唔到出世40日內嘅日子，緊係啦，畀d大陸炒籌黨攞晒d期ar ma .... mama知baba好忙又好趕，所以好多謝佢咁辛苦為雋雋撲來撲去 ...

近一、兩個星期雋雋條頸有力咗好多，成日擰來擰去，又發出yi yi yo yo、he he ha ha ...好多古靈精怪聲，自己又成日傻笑、有時又望住我哋笑，好得意!! 雖然有時佢好百厭，不過一日一日睇住佢長大、改變呢種經歷同感覺其實係好好、好幸福，呢d時間好快會過去，今日看似冇咗好多私人時間，不過將來又會好唔捨得 ... 就好似懷孕嘅日子一樣，所以都係要好好珍惜 .....

多謝天父畀我哋去學做baba mama、有新體會、有新經歷 ...

又去TST ...

雋雋敢死隊今日又想去街，本來想去YATA，但太晏，又去咗TST。今次去咗行海傍，本來想返HKCC探同事，但後來baba要醫肚同雋雋又喊 ... 唔知點解架車一停o係度唔推就會喊，又餓啦，所以出咗個幾鐘又要折返 .... 今日最大發現係，我2005年手上有二十幾張新世界車飛，係o係老yip度做時、去HKCC rehearsal攞嘅免費泊車飛，oh ... 竟然仲係有效可以用bor，真係好開心!! 我諗呢個係老yip一族對我唯一嘅貢獻lor ...

第一次去TST ...

(望住Anpanman同天空，非常之新奇咁 ... )

今日baba mama第一次正式帶雋雋去吓街，雋雋亦第一次坐佢o係baba架車嘅car seat，真係好唔容易先攪得掂，因為呢張係Chicco 0-4m用嘅，唔係infant carrier，好難將佢擺得啱位 .... 攪咗好耐，我哋有d後悔，因最初都係想買Maxi-Cosi，因為係最好最安全、又有Iso-Fix，可惜有Iso-Fix嘅都係9m以上先用得。點知呢張所謂0-4m、其實都有d難度 ... 擾攘好耐，去到先醫肚，再周圍行行逛逛又要走嘞，因為雋雋小王子好肚餓又喊到拆天，而且又到沖涼時間，所以今日行程非常之短，但對新手1嘅我哋總算係個新體驗 ... 有驚無險 ...

累透 ...

今日非常之咁疲累，因為冇覺好瞓 ....

事緣Dr LEUNG話雋雋又重到5.23kg 嘞，去到75%重、大隻咗好多，其實都冇補奶粉乜滯，都唔知點解咁重手。o係clinic時雋雋又好似阿叔咁hee hee her her聲，原來Dr LEUNG話呢d係胃液倒流聲，雋雋個胃消化唔切d奶成日倒流，唔怪得佢有時o係鼻度流返d奶出嚟，有時食奶又典來典去又喊、谷到紅晒，應該係d胃 液"yip"住令佢好辛苦。Dr LEUNG話佢有時食完奶喊其實唔係唔夠飽，佢話我只係餵佢食人奶已經非常足夠，佢喊以後唔好再補奶畀佢，仲要定時餵 (其實我都係2.5 - 3hrs餵，一般都好regular嘅 ...)，然後食完 + 掃風後仲要抱佢多半個鐘先好放低雋雋，連張床都要調較到斜d畀佢瞓 .... sigh ... 一向唔係好想抱住佢瞓，不過宜家咁都冇辦法，而事實實行咗兩日之後佢d hee hee her her聲 / 有時食奶又典來典去又喊、谷到紅晒情況的確少咗好多好多，但就抱到我人都癲、隻手有d癱癱哋感覺，琴日老公on call得我一個湊佢、仲要全日埋身餵人奶，我真係有d虛脫嘅感覺。半夜三點幾佢又唔知做乜換片後醒晒，仲極之精靈，又扭食又扭抱 ... 但根本唔係餓，因為餵時又唔肯食，根住抱佢瞓又踢死你咁，Mama終於又忍唔住喊嘞，因為真係攰得好緊要 ..... Baba好擔心，半夜見有空檔o係醫院飛車返嚟睇我，又幫手抱咗阿B好耐，我知佢都好攰，到佢想瞓一陣時醫院又有個急症急call佢返去嘞，好對唔 住，Mama真係覺得自己好冇用ah ...

雋雋你出世時得3kg，出院就2.9kg，第9日又去返3.1kg，3/3就4.82kg，14/3又去到5.23kg，好重ah，Baba Mama睇返你初出世個樣好細好得意，一支30ml奶都係飲到一半ja，好懷念ah ....

不過快高長大都係好嘅，但要求天父唔好畀你超重lor ...

打針 ...

今日去Dr LEUNG度幫雋雋打肺炎鏈球菌針同食Rotarix疫苗，Baba Mama 傻更更又唔記得帶針卡去，好得可以後補，跟住又得我哋兩個自己首次推BB車帶雋雋出街，點知Baba又未執好架車同整好car seat個角度，最終又係要我全程車抱住佢，去到診所樓下又冇得泊位、所以我自己抱住阿B上去，點知又畀老公老點咗去17/F，其實係15/F ... 我當時實在冇手再攞張覆診卡去睇地址，好啱 ... o係lift仲撞到Dr MO放工，不過都遲晒、唔得閒同佢講咁多 (星期一我又要去睇佢check傷口，到時再傾 ...)。最後攪咗好耐，Baba架車o係樓下兜來兜去再接我哋上新世紀買嘢同食嘢，已經好晏，因為Mama 1630要去睇孟博士。由於過咗食奶時間，雋雋太肚餓又喊到拆天，送佢返昇仔畀婆婆同姐姐接佢時，o係路上好心急仲差d同架taxi撞咗添，好危險ah， 因為雋雋唔係坐o係car seat呢，嚇死Mama ....最後mama睇中醫又遲咗10mins.，最終又要等多1.5 hrs.，攰到我哋痴線，就係咁，Baba Mama就過咗非常之奔波嘅一日嘞 ......

累透同掛念BB嘅感覺真係唔太好呢!!

舊同事探訪 ...

今日HKCC同事嚟探雋雋，好開心，好耐冇見佢哋，仲有其他sections同事好多都未見，希望遲d mama適應咗d時間後可以再返去同佢哋食飯聚舊 ...

Carrie, Karen, Marina，多謝你哋嘅egg tarts同畀雋雋嘅禮物，Thx alot!!!

驚慄 2hrs. ...

今日心血來潮想去揸車，加上好耐自己冇出過街，所以叫老公幫我call劉師傅，佢又ok wor，所以 約左1430 補鐘，老公咁啱要去wong chuk han 香港專科醫學院攞返張cert.又夠時間、所以仲車咗我出旺角警署等師傅添 .... thx!!!

7年嘞，咁耐冇揸車，心情都有點忐忑，所以老公叫我先揸師傅架車，佢個位都有brake安全d ma ... haha ， 加上老公宜家架車係新車、又好大架唔易揸，睇佢成日都好似揸巴士咁揸法，我都有壓力、老公又覺得冒險，所以都係唔好攪佢住。都係好似以前學車咁，去咗九龍 塘同九龍城一帶練車，呢度去o個度去，揸揸吓都ok，d信心返咗嚟就揸順好多；下堂先練返泊位，希望快d操熟返就可以用老公架車嚟練ga la ...好開心又緊張ah!!!!!

老公3年冇揸就補咗2hrs.就ok，唔知我要補幾多次呢?? 其實我都係鐘意跟朱師傅，佢係我朋友個老爺、以前教得我好好又勁好人，不過佢宜家只教van，所以先介紹我哋跟劉師傅、仲有特惠價添，原來劉師傅都係 christian嚟ga ... 1955年已經信主，仲住o係尖福樓上，都幾巧合，但就好long-air，我咁耐冇揸車心情已經有d緊張，佢仲不停問我嘢同我講嘢，我有時都唔知顧得邊 樣，總之初時就嚇餐懵啦 ....

回程老公趕唔切接我，自己去咗康妍買咗好多BB嘢，再坐MTR返屋企 .... 好陌生，因為由大肚開始我已經冇乜坐地鐵 .... 因為老公話危險，叫我坐的士多，大大話話都成8-9個月冇坐過，琴日放工時間好多人ah，加上揸完車咁耐好攰，所以好攰好唔慣，仲覺得自己同個社會有d脫節咁 ...