大阪 Day 2 .... 間中有雨

今日行程：

一早先去港區海遊館，係全球最大嘅水族館，8層樓高，好值得去，小朋友更加應該要去見識一吓!!!


雋雋呢個瞓覺樣就係其中一個得意樣wor，每日o係街同百貨公司都有d姐姐同auntie們走埋嚟話佢kawaii，行過咗又再走返轉頭一次同baba mama講佢真係kawaii baby ... 笑屎人嘞 ...海遊館隔離係天保山商場+摩天輪

餵完佢飲奶當然開心啦，不過幾分鐘前心好差又大喊ga，因為o係授乳室內百厭周身郁成個人跌咗落地，好得係個身先落地、再打側"hum"個頭落地ja，"bom"一聲!!! 當時嚇到雋ma個心都離一離，雋雋喊到七彩呀!!! 如果個頭頭落先都唔知點好嘞 ....第一次o係日本d靚靚又乾淨先進嘅toilet換片，又係第一次坐o個d 廁所BB椅，雋雋覺得好新奇咁...

望乜呢?? heehee 好多小丸子好乖咁排隊洗手呀，o係度八掛緊人地囉 .....
呢度嘅洗手盆一個就習齊晒自動洗手泡抹機、水喉、乾手機在內，係TOTO出品，好方便又先進，請問香港幾時有??? 同埋日本d小丸子真係好有禮貌同有規矩，雋雋你大個都要向佢哋好好學習一吓呀!!!準備就绪，等雋ba去用300YEN租埋部5種語言翻譯機就可以入埸嘞 ....

嚇到雋ma心仔"bokbok"跳係由2/F搭電梯直上8/F，畏高的雋ma真係想死同埋好腳震 .... 好得之後一直係行斜路落返去，唔係雋ma會嚇死o係呢度 ...

好，就由頂樓一路掃落去，係一個8層樓高又大嘅海洋世界，好緊張!!!! 一切由小白鷺同鴛鴦開始!!!

皇帝企鵝瞓晒覺?? 瞓都瞓得抵死過人 ...睇到呆咗 ... 生平第一次見咁多又咁大嘅海洋生物ga ... 呢條big shark應該重過部鋼琴ah ... 長過我哋間書房呀 ....好似書房天花板咁大嘅魔鬼魚 ... 不過有張哈哈笑臉 ...

全部都係沙甸魚嚟ah ...

行完要醫肚先，阿仔又想瞓，竟然發現天保山都有平靚正嘅Kan-Ko Sushi (雋ma只知天王寺同Kansai機埸有ja ... )，咁當然要去食啦!!!

有和式非吸煙區太好嘞，可以放低雋雋畀佢瞓 ...

好境不常又喊醒，最終要一邊食一邊抱雋雋瞓 ...手都斷 ...

兩份大餐埋單先百幾蚊，又好食，好過香港o個d貴格唔飽鋪頭好多呀 .... 好大雨，要去下一站掃貨 ... 食完快閃!!!

回程：本町Akachan本館+別館，勁掃BB用品同埋Anpanman玩具，因為真係平好多!!! 其實香港嘅B&M、好多水貨店都係o係呢度入貨ga ja，所以自己嚟買仲多款揀 .... 奶粉尿片平呀，都想托一大箱返香港，不過宜家日元高企，所以同B&M o個d又唔差得太遠，費事搬餐死，所以都係冇買，只係主打買Anpanman玩具同埋一d香港唔入嘅貨 ....

想買Anpanman大廚房同大樂隊仲有摺得埋單車畀雋雋，不過計返原來香港嘅童夢國度訂貨都係差唔多價 (香港呢間嘢嘅麵包超人玩具真係最平ga la ....)，所以又唔買返香港嘞 ...因為實在太重太大舊 ...

最後狂風掃落葉買咗3大袋，放工時間又落雨實在不宜再坐地鐵，仲要本町呢站係冇elevator 落去車站，10個想死ga!!! 所以決定 .... 第一次o係日本坐的士，返梅田盛惠HKD 16x，都真係幾貴，不過都貴唔過Hokkaido分分鐘成千幾二千蚊的士錢囉 .....

AKachan不愧係一間乜都有嘅嬰兒用品公司，6層高已經可以畀人行成2-3hrs都行唔厭，仲有超舒適授乳室，香港真係冇一處地方可以比美 .... 基本上，係日本所有有餵人奶地方嘅都好好多好多 (唯一係成日唔畀baba一齊入 ....)，唔餵人奶都有好多餐枱+ microwave oven畀mama用，換片設施又好，男女廁都有，所以雋ba ma都覺得雋氏真係好適合o係日本住，因為樣樣都啱心水.... hoohoohoo ....

返到梅田去Hep5食好味蛋包飯，每次都要食，今次又點可以例外呢?? 食完仲要去雋ma喜愛嘅Love Girl Market買件厚衫，唔係聽日去Rinku o個實凍病呀 .... 好可惜，雋bao燧呢度買唔度啱心水嘅厚衫 ....

mama唔好影啦，9pm嘞，遲晒嘞!!!雋雋好攰，快手幫雋雋沖涼餵奶 ....

然後畀佢瞓到隻du du咁 ...不過baba mama要繼續努力執嘢　同洗紗巾奶樽 .... zzzzzzzzzzz

King size嘅床特別好瞓、點碌點反都得 .... 緊係啦仔，每晚要額外加$$ ga ...

大阪我又嚟嘞!!!!!!!! Day 1 - 晚間微雨

雋ma晨咁早5點幾就起身打點一切，冇計啦 ... 所有嘢都係雋ma安排、行李又係自己執，人哋唔知頭唔知路，畢竟今次仲帶住個小BB，仲要兩母子一齊帶病上機，真係隨時會有突發嘢，所以都係一切都要早d早d再早d咁進行 ....

不過都係好"mun"先去到機場，事緣8am o係昇仔淨係等lift落樓都等咗成20mins (因為撞正返工煩忙時間，竟然飛晒lift!!!! 可惡!!! )，去到平台轉lift落carpark又要等咗幾部，因為雋氏大大小小加埋都兩大個喼、又奶粉袋、又BB車、又手提行李，所以好唔容易先去到carpark上車，又執吓呢樣o個樣，去到機場2號停車場泊埋車，都成9am嘞 .... 好得前兩日已經做咗Online check-in ja .... 不過同雋雋入到禁區又餵藥又換片，佢又扭眼瞓呢，仲要去到Gate 65，遠到嘔呀!! 所以趕到去已經係final call，雋氏差一步就畀地勤開咪call我哋嘞 ... 好得有人遲過雋氏 (畀人開咪急call、好樣衰ga ma ... )

CX baby food難食到雋雋一d都唔"hou"，下次都係坐吓ANA，因為全部都係日本嘢，又有日本奶粉 .... sighs .... 點解CX好似又差咗d咁嘅?? d飛機餐難食咗好多好多呀 ....

首次機上BF，雋ma o係屋企都模擬過好多次，又要多得超好人地勤哥哥同好得意嘅雋雋 (因為佢話雋雋好得意，唔知係咪咁又幫雋氏多d ...) 幫雋氏block埋中間個位唔畀其他人坐，等雋ma可以好安心餵奶。雖然今次用唔到bassinet，不過都算啦，雋雋全程機都算乖乖，有雋ma抱住都冇大扭計，都係瞓吓又睇吓Nimo，係雋ba ma食嘢時有d攪攪震jeh，take off / landing又冇話耳痛大喊，仲o係呢班航機上學識唔用手渣住第一次食到個奶咀添 ...hohoho .... 另一樣要多謝超好人地勤哥哥係佢將雋氏所有行李都貼晒Business Class嘅Priority Baggage tag，通常都會貼BB車、等家長們可以落機o係doorside好快就攞到車，而佢就好人到貼晒o係雋氏所有行李上，所以claim行李都好快好暢順呀...

日本機場過關真係超級無敵慢，宜家又有生物認證又打字模又影相，之前已經等得耐，唔止雋雋，雋ba ma都等到發癲呀!!!! 不過又係雋雋好帶"hit"，佢嘅kawaii令雋氏過關過得好快，雋ba ma去親日本都會畀人開喼check行李，今次帶咁多嘢又帶樽裝水同熱水，好多網友都話要畀日本關員check水，但係雋氏竟然一d都唔駛check就放我哋走，追返之前等嘅時間，10個GOOD!!!!!!!!!
(*雋ma想講唔止日本d人話雋雋kawaii，o係香港過關時d ID精英已經有幾個話雋雋好得意，一般都好cool嘅佢哋竟然會對住雋雋同雋ma笑，仲幫雋ma o係個ID套度拆晒d身份証出嚟，冇畀人"啤"已經偷笑，仲要有人幫又同你笑，雋雋，真係好多謝您!!!!!!!!!!! 當然，o係飛機上嘅FA、甚至係阿大姐都走嚟讚雋雋好cute，10個開心!!!!!)

去到Kansai airport首先過去對面南海電鐵站嘅海遊館counter買一日乘車+入場券，因為方便又抵，買咗聽日去就唔駛煩!!! 再返過對面坐limousine bus去酒店，剛好有車，去到梅田都係5pm，趕唔切去Akachan幫BB入貨，只係o係New Hankyu附近行吓買吓嘢食同水，之前酒店check-in又攪咗好耐呢，之後趕去買Phiten Titanium Tapes、再去食埋嘢，都成8點幾，唔想BB第一日就咁攰 ...其實坐完飛機大家都好攰，所以都係早去早回 ....

是日就此結束 ....

農曆生日wor...

雋婆畀咗封利是過雋ma，話今日係雋ma農曆生日wor .... 都唔記得looo.......

其實雋ma正確農曆出生日係o係閏年，所以係唔知10 / 12 年先會出現一次ga，不過老人家硬係鐘意記農曆生日，都係咁易 ...畀封嘢過你慶一慶咁囉 ... 多謝多謝 ....

又老一年 ... 又短一年命 ... 即係又死早一年 .... 慶唔慶都係咁啦，係幾十年前嘅雋婆生雋ma比較辛苦jeh ....

雋雋的第一次 -- 927 Adore 影相篇

雋雋的第一次 -- 919 Adore 影相篇

好靚、好得意、好滿意，唯一係攪到雋雋病咗 .... 兩次影咗二百幾幾張相，張張都想要，不過太"熔"!! 揀到106張、再減到九十幾張，都超標$1,200 再加埋靚靚大相架、仲有Adore前幾日先新返嘅靚相簿 .... OOPS!!!!!!!!!

不過都係物有所值，同埋抵過出面好多影樓囉，起碼質素好先啦 ...唯一係唔記得問泥/柔/希氏有冇referral coupon，唔係又可以平dd囉 ....

團號 AADEN2009OCT - 5D4N大阪親子購物自遊行

8個半月小雋雋闖關西
(首團只暢遊大阪，畀人生第一次外遊的雋雋小試牛刀!!!)

航班資料：CX
CX506 - 5 OCT 1005/1445
CX507 - 9 OCT 1810/2100

• 乘搭國泰航空班機，直飛關西國際空港，雋ba ma結婚4周年後出發、雋ma生日返港。

• 連泊4晚Hotel New Hankyu Osaka，無需轉換酒店，令帶住小BB去旅行嘅家長行程更自在。酒店坐落梅田購物中心，步行至梅田站及JR大阪站亦只需1-2分鐘路程，更有機場巴士直達酒店門口。
• 暢遊兩大生態景點：全球最大水族館大阪海遊館 及 歷史悠久動物多多天王寺動物園，讓小朋友開拓眼界、刺激大腦發展。
• 暢遊大阪著名Rinku Premium Outlet。
• 其他購物地點包括最適合小朋友之本町Akachan、住之江公園Toysrus、西松屋等!! (去到就去啦，去唔晒都要去Akachan掃麵包超人物品 .....)
  
• 加遊大阪黑門市場，選購海鮮水果名物，大飽口福!!
• 嚐盡風味美食 (帶住小B，食到就食啦，食唔到又係買外賣嘞 ....)

整裝待發，求天父保守各人身體健康、精精神神上機、又有好天氣、冇地震、行程順利、一家平安。

祝 旅途愉快!!!!!!

雋氏旅遊策劃謹啟

結婚4周年 ....

暫時一家三口都仲病病哋，所以都唔會有大嘅慶祝活動。之前係雋ba領先，宜家係雋雋最病，雋ma可能日日仲食緊好多supplement (都係為咗雋雋jeh ... )，所以呢個慣性藥煲竟然變成身體唔係太差嘅一個 ... 莫非Jany話坐月坐得好真係生完個身體仲好過以前??? 咁就要多謝天父、同埋o係坐月期間照顧得雋ma好好嘅舊教會好姊妹丹貝、雋婆同雋ba嘞 ....

一如往年，由於呢個紀念日子同國慶同日、又有煙花，所以去邊度食飯慶祝都會特別貴，去親Oyster & Wine Bar 都"nai"晒嘢啦，比平日貴到嘔 ... 所以攪攪吓都唔會特別揀o係呢日慶祝，寧願早/遲一兩日同埋之後去旅行囉，因為雋ma生日日子都好近，所以遲少少就可以一齊慶一慶，一舉兩得 ....

今年多咗個小B雋雋，都好開心，雋雋真係好得意，係天父送畀雋氏嘅最寶貴禮物，大家都病病哋，都係要好好調理身體，不過今年去返擺酒地方Sheraton食餐晏晝飯、係咁易賀一賀先囉，當然唔可以帶阿仔入Ballroom重遊舊地、亦唔可以重溫浪漫落雪景，不過可以去雋ma最喜愛嘅天寶閣飲餐茶、食返d攞獎叉燒包、攞獎蝦餃同埋好好味又多魚翅嘅灌湯餃都已經心滿意足 .... 因為最近一次去已經係生雋雋之前兩個月有多嘞，接近成年冇去嘞，好懷念!!!

新點心有脆皮燒腩仔，好味，唔咸又唔油，同乳豬都一樣好食 .... 唔知幾時開始，雋ma都鐘意咗食呢d咁"阿佬"嘅食物 ...hahaha。不過最愛嘅，當然都係蝦餃叉燒包啦 ...

灌湯餃真係yummy yummy!!!! 睇雋ba個樣就知啦 ....雋ma o個碗仲有食咁耐以來最大塊嘅魚翅 .... baba mama有得食，雋雋我冇得食，幾好都冇我份啦，都係食我最愛又暫時都係戒唔到嘅左手中指同無名指 ...好眼瞓，成枱玩具雜物畀雋雋玩，又睇書，係咁易消磨少少時間 .....

最後畀mama推出推入攪到瞓咗 .... 今日見雋雋瞓平o係度，發覺佢又長咗、可用嘅位又縮短咗，唔通發燒真係會令人變高嘅?? 雋雋瞓咗，要快速食埋甜品走人 .... 有雋ma喜愛嘅"懶富貴"金萡芒果布丁 .... 不過真係好好味，唔"粉"唔假唔甜又多芒果肉，況且成年冇食過，所以好濕毒又咳都要食返一個 ....

雋ba唔食最愛嘅蛋白杏仁茶走去試新嘢 ...最後係"nai"嘢，呢個千色流沙湯圓 .... 好甜!!! 雋氏一向唔食太濃味嘢，可能其他人okay，不過雋氏覺得甜得過份 ... NGGGGGG x 10 ........

入唔返去睇，咁o係度懷念吓先啦 ... 其實係雋ma好懷念呢吓落雪景，o個時o個刻都幾開心同幾sweet ga ... (不過 ..... 冇嘢嘞 .... )

好想睇真雪，不過成日怕凍，宜家帶住阿仔更加驚凍親佢，唔知何年何月何日先可以o係北海道過一個落雪嘅冬季呢???

今年雋ma結婚周年同生日願望係希望雋雋身體健康、聰明伶俐又精靈活潑，最緊要係愛神敬畏神，同埋一家上上下下、老老嫩嫩都平安、健康、快樂 .... 仲有係下星期旅程順利又開心、唔好病、有好天氣同唔好遇地震 (其實雋ma都遇過6點8級、又係大阪，不過帶住雋雋就唔好攪d咁嘢嘞，最緊要平安呀!!!!!! 真係要多多多多祈禱呢 ...)

返到屋苑平台影幅相先啦 .... 不過雋雋已經病到、攰到、又餓到呆晒又冇心機，雋雋今日猛打"克痴"、咳同流鼻水呀，baba mama見到都好心痛呀 .... 求天父醫治您畀您快d好返，唔駛帶病去旅行咁辛苦啦 ....

落晒形 ...泥ba ma，你哋見到下面幅相，有冇d熟口熟面嘅感覺呀??

唔知點解對住450D先會好開心笑，但係見人用G10同佢影又冇乜反應又唔笑 .... 仔，你係咪唔知呢部都係相機呀?? 咁攪法即係迫baba mama要帶部大機同你去日本影jeh ....

Grace Alone

遊日前言 ......

為咗去旅行，唔單止酒店機票住宿用咗好多$$ (要自由行、又想阿仔住得舒服d就係咁ga la ...)，雋ma返親鄉下亦都一定唔會留手，今次就算自己唔買都要幫雋雋買好多嘢，仲有好多雋氏用開嘅"日"用品呢，日元高企呀，雋ma以前HKD5.5 對YEN嘅時代都係一去不回頭，HKD8.5 蕭經理亦都話算okay，總裁一哥亦都冇任何指示雋ba YEN會回落(一哥係外幣專家，樣樣都中，好堅ga ....)，真係冇眼睇 .....

正所謂「妹仔大過主人婆」，其實未出發已經又洗咗一大筆，因為雋雋架出街龍床 PlikoSwitch 好大架 .... 重到成24lbs. (冇法，舒適又安全嘅BB車就係要付上"沉重"代價...)，而日本d鐵路系統已經好耐歷史又舊，有d站根本冇lift，有嘅又行好遠又可能得一部 (去過嘅都知大阪鐵路系統又多又轉線轉到暈都得嘅，根本都唔知會唔會揾到lift又啱自己要去嘅出口....)，有d舊站上地面又要上好多好多樓梯，所以 冇可能帶PlikoSwitch過去 ....

雋ma有Sling、雋ba又問Vally借定Combi咩帶，不過雋雋太重嘞，日日咁咩會屎ga .... 所以決定買架輕便嘅車，心頭好係2009新出嘅Peg Perego "SI"，因為用開呢隻牌子嘅BB車真係覺得好好同安全穩固、唔會驚反車，加上呢架得12 lbs，又可以調較角度 (雋雋呢個月齡仲好需要較低嚟瞓 ...)、又同PlikoSwitch一樣夠闊夠長 (咁當然宜家o個架係最闊落ga la，不過SI都唔差，好過其他牌子好多，雋雋已經75cm + 22 lbs. 嘞，Combi就太迫太短、雋雋試坐過唔係好得，亦都好易反車；Quinny o個d亦唔輕得去邊、而且小朋友坐得唔舒服又唔可以較低嚟瞓 .... 有人叫我哋買"士的車"，不過試過實在太牙煙嘞，雋ba ma都極力反對 .... )、車底籃又夠大可以裝好多嘢，而且多架細車第時得雋ma自己一個又冇渣車時 / 去d山卡啦地方都可以用到，基於種種原因，又因為Ourbaby Joe叔叔好人，平到$2000畀雋氏 (Combi、Quinny o個d都差無幾甚至更貴都有 .... 0/3雋氏都有折，不過估唔到Ourbaby仲平d畀我哋 .... )，雋氏最終買咗SI返嚟，睇吓..... 好似輕便版嘅PlikoSwitch，雋雋試過坐同瞓都冇投訴，車身都係差不多高、瞓o係度雋雋對腳都唔會突晒出嚟，真係幾好ga .... 唯一唔慣係冇得switch，baba mama 唔可以一邊推車一邊面對住雋雋囉 ....

第 二燒$$$ 之作，相機 .... 都唔係純為旅行嘅，係本身部IXUS都好耐好傻瓜，而今次又唔想再買返一部普通傻瓜機，咁去旅行又唔想行李太重 (都想帶單反機去影靚靚相，不過第一次咁帶個BB仔遠行，已經多好多行裝、個仔又夠晒份量，所以應減得減，慳得幾多位就慳啦 ...)，所以又接咗G10返嚟 .... 貪佢都可以影吓淺景深，同埋係一部"扮大人嘅小朋友 / 扮單反機又唔係好傻瓜嘅傻瓜機" (係專業攝影師Boogie咁介紹ga ... haha ...)，希望輕便得嚟d相嘅質素好d囉 (Oh ... 不過未計人嘅質素 ... Wah Ha Ha ...)
真係罪過 ... 雋ma實在應該留返多d $$$去日本消費ga ma ... 點解o係香港已經咁?? 仲唔係罪過??? 所以雋ma決定，要返鄉下振興經濟、洗多d YEN ...YEAH!!!! HO HO HO .....