聖誕樹重現 ....

光纖聖誕樹先生，一年冇見，2008年佗住BB又要執屋企嘅嘢，所以冷落咗你，又冇將你由櫃裡帶出嚟透透氣 .....

2004年的禮物 ....

2009年聖誕又要出場 ....

今年雋雋出咗世，當然要畀佢睇吓雋ma點佈置聖誕樹啦 .... 佢見到d光纖閃閃吓仲好開心呀!!! :D

好好哋一棵樹，執拾 + 清潔 + 佈置都攪咗雋ma成大半個鐘，仲冇得同雋雋玩 ....

一吓唔該，雋氏出街後，當晚回巢發現唔同晒樣，阿Li話d嘢自己"num"咗落嚟，佢話佢都唔知點解 ....

唔好當雋ma係豬!!! 唔係傻、更加唔係好惹!!! 雋ma當然狂追猛打問佢係咪棵聖誕樹"num"過，佢都死口話冇 ....

話多佢幾句，開始又轉軚，承認係佢自己吸塵嘅時候整"num"咗，d嘢散咗、吊飾又"num"晒 ....

原本諗住返嚟影相，冇得影，因為冇時間即刻執返好d嘢 ....

白費心機 .... 都算 .... 當黑仔，再嚟過 ....

(呢d相係第2晚砌返棵樹先再影ga ...)

重點係，佢唔係第一次整爛嘢、做錯嘢之後想講大話去掩飾 .... 根住畀我哋話幾話又變不同版本 ....

最近，雋氏上上下下都唔係好妥佢 ...

雋婆話佢o係27/F都成日做錯嘢 .... 心不在焉 ....

雋氏終於理解點解有d朋友同舊同事都話，工人 ... 好多好極都係兩年，一到臨滿約 / 再續約 .... 就會同開頭差好遠 .... 以前都唔係好信 ...

一定係有例外 .... 不過真係唔多 .... 有嘅，你好命，恭喜你!!!

冇嘅，真係身邊朋友多的是如此，更差情況都有，所以好多人請工人都請到化嘞，唯有再揾過囉，God Bless You!!!

雋氏其實都代佢好不薄，唔駛佢湊小朋友，只係主打幫手做家務，同埋行行企企買吓外賣，真係有時飯都唔煮多餐ga，雋雋起居飲食亦係雋ma一手包辦，雋婆中過風，一早好返好多，可以自己顧自己，好多時仲要顧埋阿Li，因為佢愈來愈荒失失 ....

又有幾多工人，有時冇嘢做到要問老闆可唔可以瞓晏覺?? 唔好問我，唔介意係一件事，不過日日如是聽到都有d"慶" .... 事關仲成日做嘢做成咁 .... 雋婆答啦，好人留畀佢做啦 ....

識得人多 .... 唔知好定壞，都有影響掛 .... 成日做嘢呢埋o係廚房toilet睇SMS，成日望住部機傻笑，見到雋氏就立即收機及收起笑容 ....

可惜，印印動作慢就係慢、警覺性低就係低d，成日有人離遠監視緊佢都唔知 ....

I am CCTV!!!

雋ma .... 天生就係一頭警犬 .... wah ha ha ha .....

認人、認物、認路、認乜認物、臭覺、聽覺 .... 同記性，唔好挑戰我 ....

雋氏屬意 ... 郁咗佢 ....

好可惜，未有更好把握去揾到更合心意嘅人 ....

重點，係2010五月雋婆間租屋又到生約期，未知業主去向如何，玩玩手又要搬屋 (當然最好唔好又攪呢d嘢 ... 好煩!!!)，雋ma又要湊住個仔，雋ba又話要考試，如果再換過個新嘅，都真係好惡攪 ....

唔想又浪費好多時間心力口水去教另一個人 ....

唔通，真係要忍多個約???

志在參與 ... 創造傳奇一刻 ...

各位幫雋ma做靚靚姊妹團嘅好姊妹，你哋認得佢嗎??

阿舜呀 .... 係呀 ... 真係佢呀 ...

12月10日

荔枝角室內運動場

1900

代表香港出戰 ...

2009東亞運動會...

男子85公斤舉重項目 ....

真係唔講得笑 ....

是項得4個參賽者 ....

佢係香港唯一代表 ...

wowwwwwwwwwww 好多聲，因為舜uncle佢只係一個業餘玩舉重嘅人 ....

玩玩吓 ... 玩到去俄羅斯 & 烏茲別克 ...etc o個d地方參賽又攞吓獎 ....

今次仲代表埋香港 ....

佢只係一個IT人 + 數學資優奇才 .....

(雋雋，如果你學到佢一半，baba mama相信你d數學都已經冇得頂，假如你將來仲有會考，有舜uncle一半功力 ... 應該都起碼坐B望A冇走雞，佢 ... 數學真係好癲又好叻，雋ba話以前d老師都唔及佢 .... 而佢 ... 仲可以用筷子夾死烏蠅，呢個仲叻 .... hahahahahaha ....)

今次對住嘅選手，係全職，仲好好好大力 ....

雖則佢話自己只可以舉到人哋一半重量，不過都有成171公斤，300幾磅啦 ....

夠嘞!!!

辛苦晒 ...

亦都恭喜你完成一個任務，又挑戰自己另一個極限 ......

朋友，proud of you!!!

繼續努力 ...

雋雋未好返 ....

[注意：相中人笑係唔=心情好 / 冇病冇痛ga ...]

"Au"咗三日，雋雋鼻水愈流愈多，瞓覺先慘，好多鼻水倒流，佢咁細個根本唔識呻d鼻涕出嚟，幫佢吸 / 用棉棒清潔又唔多鐘意，緊係啦，已經唔舒服，平時都ok，病咗攪佢就發惡囉 ..... yelllllllllllllll ......... 好noisy ........

雋ma幫雋雋改咗個花名，就係"嘈爆"，可以同曹格做friend，一個打一個鬧 .... hahahahahaha ....

LOW B!!!!!!!

不過佢真係好嘈 .... 咁講只係自我麻醉 .....

其實呢幾日雋bama真係好攰同幾唔開心，因為雋雋心情真係有史以來未試過咁差，以前發燒都冇咁忟，可能宜家大個咗又開始有自己性格啦，加上佢出緊牙 ... 所以本身已經好燥底，又病埋，咁就怨氣甚重。過去呢兩晚，每晚都係惡夢，成日醒，大喊小喊加埋都起碼有十次，未戒夜奶之前都冇咁緊要 ..... 好辛苦，成日醒，最慘雋雋係會自己突然紮醒坐起身，時咕時傻笑，點都唔肯瞓返低，瞓低咗又好快要坐返起身 .... 沒完沒了 .....

雋ba還好，因為工作關係、佢已經鍛鍊到銅皮鐵骨，何時何地時間有幾長幾短都可以輕易入睡 .... 而雋ma .... OMG，係唔可以!!! 總之就係好攰、同埋每晚都好驚恐 ....

已經每日都長時間對住"嘈爆" .....


呢三日壓力好大 .... 好似係未試過呢種感覺 ....

雋ma決定 .... 忍心 .... 自己走咗出街去shopping兩個幾鐘，出門口時，頭也不回 .... 明知雋雋見自己出街會大喊 .... 事實未正式出、而佢見到雋婆同工人出現已經喊定先 ..... (冇錯，係雋婆同工人嚟陪佢嘅幾個鐘都會不停喊，好多時又唔肯飲奶，最後瞓到　都只係因為佢喊到攰冇晒力 .... 可能雋雋大個，以前唔會咁，近呢兩個月一唔見雋ma就會咁 ....好癡身 .... 自己湊，就係會咁 ....雋ba o係度都好少少，不過都係雋ma要出現o係佢身邊先放心囉 ....)

買咗好多嘢，不過好似都全部係雋雋嘅 .... 乖囝，請你原諒mama再一次令你大喊又掛心，好想出街透啖氣，因為咁，mama先可以再有力氣同動力去照顧你 .... 知道嗎，baba聽晚又on call嘞，又得mama自己照顧你嘞，好驚呀，mama都唔舒服好攰，所以需要充充電先 .... 病都要shopping，就係mama充電嘅其中一個好方法 .....


今晚 ... 唔知又會點呢，雋ba見唔對路，因為雋雋流鼻水情況嚴重咗，鼻水倒流又令佢瞓唔安坐唔落又成日無端大喊，所以 .... 今日開始落藥!!! 有眼瞓藥水，不過頭先餵完奶一過床冇耐又自己瞓瞓吓坐起身，擾攘好耐瞓返，不過又yell咗幾次 ....

真係好想今晚、聽晚、之後每一晚 .... 雋雋都可以安然入睡，同埋一覺瞓天光，Amen!!!!!!

*********************************************************
多口又長氣都係要講多句 ..... 無論抱自己 / 人哋個小朋友，或者為咗個人衛生，請清潔好雙手，有病 / 未完全病好，請帶返個口罩，咁就功德無量嘞 .....

雋雋又病咗 ...

[同場加送瞓醒之後頭髮亂了-都真係幾亂-寫真] *.*

琴晚雋ba on call，雋ma帶住雋雋出去同pigskin一族飯局，其實一整日心情都ok，唔知點解一去到柏苑冇耐又嚟料 ... 愈yell愈勁，比上一次去柏苑同去pigskin屋企仲厲害，真係唔知點解，就算雋雋去"飲"見咁多人，yell極都唔會好似呢幾次咁 ...

雋ma當然都係冇啖好食ga la，雖然其他人都好鐘意同雋雋玩或者想抱佢，不過雋雋真係最想揾mama囉，冇辦法，夜晚呢d扭眼瞓高危時段，唔搵mama揾邊個?? 有時雋ba o係度都攪唔掂啦 .... 所以有時候，知道有心人想幫，不過未必真係幫到太多 .... 最後雋ma決定未食完都要走嘞，都八點有多，而且雋雋已經喊到個人好攰好攰，雋ma仲要返去自己同佢呢個大隻B沖涼呀 ....

呢一晚雋雋瞓得好"num"，成隻小豬咁，mama當然開心啦，唔駛得自己一個仲要成日半夜爬起身睇佢 .... 不過今早起身就有d唔對路，首先雋雋鼻水長流 + 聲變咗，雋ma個喉嚨都有痛 .... 唔知係咪琴晚出去惹咗d病毒呢??? mama自己抱仔之前緊係有用消毒搓手液清潔清潔啦 .... 其他 ... 就 .... 不得而知嘞 ....

之前成日去芽庄同去洲際食飯d員工又話雋雋得意，好多都走嚟抱去玩，都好驚ga，唔係我個仔特別"經"貴唔畀掂，事實雋bama都唔係太介意、雋雋亦唔會喊 ...仲好開心添 .... 不過係雋雋生得大隻、但佢都只係一個小BB、宜家d菌又惡又勁、又仲係流感高峰期，加上d員工都係工作緊、咁又點會係洗乾淨對手先嚟玩BB喎???

雋ba成日好介意，大家知佢做o個行，佢真係好alert，成日話要小心小心小心、乾淨乾淨乾淨 .... 平時雋bama帶雋雋出街，都只有baba去"gum" lift 或者掂街外d門柄，雋ba係唔會畀雋ma掂ga，佢話呢d嘢好高危、太多人掂過，費事又惹咗d菌落雋雋度ma .....

肥虎uncle成日都話作為一個大夫嘅仔，真係都好易、好應該、又比其他人多機會惹好多不同惡菌上身，亦因為咁，大夫仔先會有好多好多唔同抗體、等第時冇咁易病 .... 明白、亦都合理，不過免得就免啦 .....

所以雋氏溫馨提示，大人點都唔緊要，小BB小朋友真係要小心d，佢哋一病真係會辛苦同好惡攪 .... 唔止自己個仔，就算去掂其他人嘅小朋友前，雋氏都會基本清潔一吓，所以 .... 希望其他人都會注意 ....

都話雋雋由o係雋ma母胎開始已經聽慣風筒聲，自細已經一聽呢種聲就收聲唔喊，宜家大咗一聽都會呆咗，跟住開心傻笑，仲會搶埋嚟咬添 .... 所以mama成日頭未吹乾就要陪雋雋瞓 .... 第時有頭風，一定賴你呀 ....

雋雋第11個月大 ......

又大一個月嘞 ...

仲有唔夠60日雋雋就會到一歲 ...

好快 ... 一切都好快 ... 快到有d唔太真實 ....

乜我做咗mama有11個月嘞??????

(都係諗緊點同佢慶祝 ... 又或者攪唔攪生日會 ... 又想佢大d先大攪，因為佢咁細都冇嘢好玩，都係食同瞓 .... 細攪又細成點呢?? 唔知，不過係傾向同d熟 & 有小朋友嘅朋友聚吓舊咁 .... 屋企人同埋代雋氏如至親嘅pigskin family當然要好好食一餐啦 .... sighs ...算把啦，其實一切計劃都未有 .... 如果係搬到大屋o係自己屋企攪就最好不過嘞!!!)

自己每日都一手一腳照顧佢、湊大佢、又餵大佢，覺得時間過得特別快之餘，其實由雋雋出生開始 ... 到每一日見到佢嘅進步同成長，真係好驚嘆天父造人嘅奇妙 ...... 亦都感受到神嘅恩典 ......


雋雋的11個月成長記事薄：

下排中門側齒又爆緊出嚟 ... 另外6隻未出得晒又加多兩隻，牙痕到暈 .... 真係睇見佢都辛苦 ...


成日豎起隻右手食指，可能就咁舉高睇、可能指住人或物件、可能周圍"督" ... 最愛"督"雋ma的食指 ...


認得多咗好多生字、數目、形狀及顏色 .... 睇到呢d嘢都好大好大反應 ....

鐘意睇書，係有時寧願睇書都唔玩玩具喎，仲要好嗲咁爬去雋ma度，然後要坐o係雋ma膝頭上咁睇，初時幫佢翻吓書，宜家好多時佢自己會翻去自己有興趣o個幾頁睇嘞 ....


好鐘意玩玩具車輪，鐘意踩三輪車(當然有對"義手"推佢啦 ... kaka...)，又鐘意掉任何嘢落地下、鐘意玩水、鐘意睇泳池d水，鐘意o係窗旁睇巴士 ... etc.


呢期又鐘意玩申痢 ... 又"番兜"鐘意玩"boo"口水 ...


成日見到車就講"Car"，可以準確發音嘅單字有：爸、媽、Car、Yeah，試過有兩次又講"奶"，唔知係唔係撞彩 ...


終於呢個星期肯爬 .... 唔係佢唔想，只係雋雋好長(佢企直已經到165cm高嘅雋ma嘅hip位嘞，真係唔講得笑 ....)、好大隻(唔知過咗25lbs.未呢??)，好重磅、要爬對佢嚟講真係有難度，因為佢好難提起佢個身體ma .... 其實企同行仲難，多謝天父賜佢一雙強而有力嘅腿先可以仲牚到起身 (同埋踢到mama傻 ...)


雋ma最欣慰嘅一樣，好有音樂同節奏感，除咗會同mama一齊"彈琴"，雋ma教佢打鼓都有一排，到宜家雋雋真係可以自己揸住drum sticks同個小鼓打餐飽 .... 有時係有節奏、可以regular咁打好多吓，唔係亂打ga ....


haha ...雋ma發夢都係話想雋雋跟到立德、龍老師等勁人學percussion ... 真係瘟上腦呀!! 人哋有時間收我個乖囝先算啦 ....


受雋ma影響，雋雋都鐘意聽Mozart (唔係乜嘢莫札特效應，d study話咗係聽o個陣頭十幾分份鐘個腦較活躍ga ja ... 我哋唔buy 呢套theory嘅，只係雋ma有好多珍藏，一直都冇乜時間聽，擺o係度都係等發"mo"，咁就攞嚟感染吓阿仔啦，佢係雋ma個肚都聽唔少ga la ...)，不過雋雋唔多鐘意Bach，聽哮都咆哮 .... 遲d等我再播多d Chopin & Brahms先得。其實只要你唔討厭classical music就得ga la，鐘意聽就Very GOOD!!!!!!!! 雋ma好相信你應該都有d遺傳掛 ....


雖然雋雋人愈大愈多咆哮又成舊"忟薑咁 (呢樣都好似mama ... hoho ... 真係好學唔學 ... 希望只係近來出牙先係咁忟啦 ....)

不過雋ba ma都係會咁愛鍚佢 ... 但係又唔=寵壞佢 ....


多謝天父呢11個月來嘅保守，求天父繼續保守您，最緊要身體健康、開開心心、愈大愈愛神敬畏神 .... 做個合神心意嘅人呀!!!


mama真係好鐘意你瞓覺個樣，唔咆哮、好peaceful、好得意，頭髮又亂亂哋，好可愛 .... I LOVE YOU!!!!!!


少少題外話：呢幅係雋雋4-5個月大嘅"影後相"，好多人都話雋雋髮型好睇，成日問雋ba ma有冇修剪過。答覆係冇，個型真係天生，只係到8個大開始真係愈來愈長、耳邊d頭髮"撩"住佢好痕先間中修短 ..


個髮尾"dern dern"係雋雋一大特色，今日雋婆話原來雋ma出世時都係咁髮尾有個"dern dern"、而且d頭髮又係啡啡哋色，雋雋同自己真係一模一樣呀!!!

雋ma係冇染髮ga，係天然嘅啡、仲一日比一日啡、有d又金咗，咁都好難怪好多好多年前去salon d人已經問「小姐你駛唔駛補一補色呀??」，又或者d人以為雋ma係染髮囉 ....

囝，希望你唔會仲啡過mama，費事第時o係學校畀人捉你話你係染髮啦 ... :P　

早來的聖誕禮物 ...

一份人哋揀、雋ma心頭好，另一份自己揀、斷貨好耐見到有又身痕買咗.... 今年算係咁啦，Thank you!

雋雋呢?? 平時衫褲鞋襪都買唔少畀佢啦，今日又去心頭好B.M.買、前日又去N.B.買，已經好多份嘞 ....

至於別人的 .... hohoho .... 睇吓雋ma心情及時間點先啦 .... 唔好有期望就唔會失望ga la ...

近期愛上 ... 芽莊

越南料理 .... 兩個字，好味!!! 唔油、唔太咸，好啱雋氏河車 .... 對味精都幾敏感嘅雋ma食完都冇乜異動，即係唔多覺有味精啦，而且服務都好，10個滿意!!!

終於o係TST開咗嘞，唔駛過海食 .... 成日行經呢度都想去食好耐，但係又成日好多人。今日終於去到，有架大BB車，不過門口位夠晒大，坐正門口張枱又闊落又泊到車，所以食得好自在 ...

唯一係近門口d人成日"裝"你食緊乜仲攞埋本manual對照囉，好煩 ....

雋雋的第一次 -- 洲際buffet篇

雋雋邊恕有得食吖，淨係可以食西瓜ja ... 其他時間咪玩同攪攪震囉 ... 同埋咆哮 ... 呢樣一定唔會少 .... 好得酒店張highchair個tray好夠大，可以畀佢玩車睇書都ok，起碼唔會咁易畀個衰豬掉晒d玩具落地ma ....

唔該你哋快d食完帶我走，唔好影啦 ....

估佢唔到，竟然鐘意睇"維港亂咁Fing" ，雋ma最厭惡.... 冇辦法，雋雋睇到呆晒仲O咀、睇完又o係度尖叫仲好想睇，咁唯有下次帶你出去海旁睇啦 ... 仲可以聽埋HKCO唔係幾好聽嘅中樂伴奏添 ....

點解又嚟食呢?? 唔知，有人又join咗個乜乜club，二人同行一人免費，咁有得食雋ma就食啦，因為又真係幾好食呀 .... 今晚先發現佢嘅自家雪糕好好味又唔太甜 (雋ma平時食buffet極少會食雪糕ga .... )，食咗好多，開心!!!

倆心不會變

站在教堂的門前, 看見這一張親切的臉, 期待著溫馨的這一天.
共挽手的行前, 齊願真心真意並肩, 同渡每一天.
回想袮那天給我夢想, 袮能令我孤單了的心再不惆悵, 無用再受傷.
同走進教堂編製夢想, 有神在我的路上.
用無限愛心, 祝福我一生, 倆心不會變!
但願倆心不會變, 到地老與天荒也不斷, 仍然願意相守到終點.
若愛心減退了, 期望恩主把愛加潻, 神伴每一天.
用無限愛心祝福我一生, 倆心不會變!

係近期雋ma好喜歡嘅婚禮音樂之一 ...

雋ma冇去過上面video中嘅羊仔婚禮，只係好巧合地阿Pan搵雋ma做司琴時搵唔到呢首歌嘅琴譜、佢又想托雋ma搵，跟住o係YouTube竟然發現呢段片 .... 先係覺得background熟口熟面，係恩福18/F禮堂!!! 再影埋個新郎 .... ai ya ...係羊仔!!! 估唔到6、7年冇見好似大個咗好多(不過花子話佢其實一向都唔細 .... 係雋ma以前低估佢 ... hoho ...)，再見到司琴係Jayson，仲有熟悉又好聽嘅古董Steinway & Son Baby Grand嘅琴聲(咁清楚 ... 梗係啦，雋ma當日有份幫d傻人...[只係草擬+打咋吓 ... ]"老作"一大堆原因要教會向播記總會攞$$(即係b/s嘅奉獻$$ ...)o係老遠英國買返嚟ga .... 成廿幾萬ga，不過都唔及2/F正堂個七十幾萬咁癲，呢個真係濕濕碎啦!!!)，Oh!! 總之成件事真係極之巧合!!!

其實呢首歌都係Pan o係婚禮上獻唱送畀新娘嘅歌，原本係搵藝人之家嘅b/s獻唱，攪攪吓就變咗Pan自己唱 + Amazing May鄺文珣彈囉 .... 效果當然好啦，一個唱歌好聽、一個彈得好，而且同羊仔一樣唱得好情深ga，"num"屎人嘞 ... ，好可惜冇時間幫佢拍段片放上網呀 ...

o係度要代埋阿Pan多謝花子契媽同埋以前恩福兒童詩班partner Cherry，如果唔係你哋幫雋ma，雋ma根本唔可以o係咁短時間搵到晒所有譜畀阿Pan，而自己亦都會練唔切琴，你哋知雋ma唔多想返去揾譜，無奈YF嘅譜存量實在超級多同個library system好易揾，所以都要麻煩一吓你哋，更加要多謝埋羊仔，估唔到Cherry同佢仲係一個團契，可以幫雋ma直接問新郎哥借譜，所以無限嘅多謝同感恩!!!

花子契媽呀 ... 見到羊仔呢段片又勾起雋ma好多回憶 .... 有時想，作為一個會友，其實o係自己母會行禮結婚應該又有深一層意義係咪??? 當年仲係新入伙、又係我哋一眾人睇住成棟嘢落成嘅，記得我哋戴住安全帽走入去地盤睇嘅日子嗎??? 不過唔好記得同傻仔一齊去囉 ...haha .... 以馬內利浸信會都一樣好靚、而且大好多，雋ma同樣咁喜愛，所以到今日都冇後悔揀呢個地方，只係睇到呢段片 ... 都會有些少唏噓jeh .... 你有冇呀??

雋雋的第一次 -- 跌落地篇

好多人都有類似經歷，好似唔跌過都唔係細路咁 ... 不過雋ma真係盡力去避免，亦都做足預防措施 .... 可惜捉唔切就係捉唔切 ....

今晚又係得自己o係屋企on call，睇住雋雋全日都已經累極 .... 因為佢一來好大隻好重 (應該25lbs. 或以上嘞 ...)，又成日好貪玩跳跳紮又鐘意"un un un"，今晚準備餵奶瞓覺之前佢就o係雋ba ma張床跌咗落地下 .... 仲要係個頭落地先，好大聲"bong"一聲，雋雋嘅激喊聲當然係立即爆出嚟啦，而睇住佢跌落地嘅雋ma都忍唔住大叫 + 流咗幾滴眼淚... sobsobsob ，都有d嚇呆咗幾秘先識反應跳落床抱起佢。雋雋真係喊得好淒涼，今次唔係詐嬌 .... 佢右邊額頭立即又紅又腫，右邊面珠同眼眉附近位置都紅晒，真係好痛 .... 應該佢出生以來都未試過咁痛 ....

當時雋ma係鋪緊雋雋d床鋪，雋雋o係身邊又坐又想扶住床欄企高咁，都已經捉咗佢幾次坐低，但都係貪玩要擒高擒低，就係o個一秒，佢個頭向外"鐘"到好出又好低，失咗重心，雋ma想捉住雋雋時佢已經連腰都跌埋出床欄外 .... 成個人倒轉向下"鐘"落地下，真係捉唔切。

雋ma都好對唔住，如果自己可以再快手d捉得住雋雋佢都係嚇一嚇 ... 唔會成個跌埋落地 .... :( .... 唯一係雋ba ma張床係唔高、矮過膝頭dd囉，如果張床再高咁跌法都唔知點算，已經得自己一個，真係嚇到個心都跌出嚟呀!!! 不過雋雋企o係度咁從頭落地都有返d高度，都係衰ga la ... 希望呢次係唯一一次啦 ....

其實呢兩日雋ma先諗緊不如買多d地蓆鋪o係自己床邊，咁隻衰豬就算百厭跌落地都冇咁傷ma。成日就係咁、未做就出事!!! 都係唔好諗咁多呢d嘢，同埋要快手將佢BB床都要再教低一格囉 (唔係唔想教，教咗啦，不過雋雋生得高大、企起身膊位高過床圍，係知危險，所以行開行埋都好小心又搵嘢圍住佢，只係雋雋未識完全靠自己坐 / 企起身，如果呢個階段將佢張床教到最低個格，要有風濕腰嘅雋ma由張床抱起佢真係好艱難，有時陪雋雋瞓覺想坐o係度拍吓佢都唔得囉，就算雋ba都話咁抱起雋雋有難度啦 .... )。希望雋雋乖d，經過呢次唔好再咁貪玩嘞 .... 雖然雋ma都知佢唔會，因為頭先激喊完一輪又開始作反想玩 .... 好明顯冇事囉 (人哋仲叫我點點點幫雋雋check呢度o個度、又點順序"gum"肋骨、又用電筒check瞳孔、又問有冇嘔....etc，攪到雋ma更加驚咁 ... 不過覺得自己好似醫生囉 .... hahaha .... )

雋雋瞓咗嘞，不過間中"er"幾聲 ... 發緊夢，希望佢唔係發惡夢啦 ....