雋雋的第一次 -- 2009聖誕節篇

旨雋出世後的第一個聖誕節 .... o係平淡、同埋o係白濛濛煙霞、乜都睇得唔係好清楚嘅日子中渡過 ....

一早有人要返醫院巡房 .... 都係有d掃慶ga la ... 不過唔駛on call，咪算偷笑囉 ...

同雋雋一齊等，等好耐，因為天氣一轉凍又係多人入院時節，仲要好多症好ill呢，實惡攪啦 ...

冇辦法ga，雋ma要帶囝出街，咁就要等，ma囝暫時未可以自己遠行住，因為雋ma仲要補多幾次鐘先可以再渣返車呀 .... 8年冇渣嘞，雖則自己都係膽粗粗照渣可也，不過 .... 費事害人啦 ... 嘻嘻 ...

一個月前有人想訂洲際食buffet ... very sorry .... 已經太遲，因為d人10月已經訂咗枱 ....

member ... 可以留waiting .... oh ... 都係sorry，因為都排隊排到第35位 .... 等嘅話，咁就蚊瞓啦 ....


所以，轉戰迪迪尼酒店，oh .... 再一次sorry，喜歡嘅翠樂亭又係full晒 ....

不過，由於需求者眾，酒店開埋個Cinderella Ballroom嚟畀人食聖誕buffet，都有公仔到，不過唔好期望好似o係翠樂亭咁多隻公仔成日走來走去囉 ....

1730到，超級多人多人多人 ... 因為多人食buffet之餘，是晚仲有兩場婚宴 .....

好驚中招，因為近日知道好多人去完迪迪尼都變咗流感精 ... 好大程度及有理由相信，係同好多好多 "Da Lu"嚟咗呢度有關，唔係bias，而真係o個d人成日口水鼻涕滿天飛，又唔興用口罩，唔抹手又會周圍摸 .....

所以 ... 要加倍小心 ... 唔好畀雋雋亂掂嘢，亦都唔好畀人亂掂佢 ....

不過，一去到等lift，竟然有個似印裔女子又遠處走過嚟雋雋BB車旁，仲伸出隻右手、想同雋雋握手，嚇死人，佢呢個舉動好古怪囉，可能雋雋都有d驚，冇同佢笑、亦唔肯同呢個女人握手，避過咗可能染病機會 ....

好大煙霞，全日好似置身於仙境中 ... o係青馬大橋上，係連個海面都睇唔到ga ....

都話Cinderella Ballroom少好多公仔，全晚得兩隻鴨情侶走來走去 ... 唯一有幸o係lift撞到聖誕老人，不過雋雋都唔知呢個肥叔係邊個呢 ...

好似女仔呀 ...

佢真係好鐘意percussion同埋好有節奏感 ....

有人扭眼瞓，扭到喊到七彩，七彩到隔離d阿豬阿狗八掛大叔搭爹話邊個喊到咁淒涼呀 ....

save 啦大叔 .... 自己d囝百厭到暈，扯爛d紙同玩具走來走去滿天飛都未管得掂，又去八掛人哋喎，真係好想掌佢幾巴咀 .... 我個囝扭眼瞓又瞓唔到，BB囝嚟，佢都唔想ga ma ...


咁安樂影大人相，緊係終於有人瞓咗啦 .... 好攰呀 ... 負責睇住佢o個兩個大人 ... 雋雋攰極，出街都仲有張龍床吖 ....

自己攰 ... 阿囝係唔會知亦唔會理ga ...

所以透一透氣影吓相先走囉 ....

臨上車都未醒，瞓到成隻豬仔咁 ...


今次出嚟行新路 -- 昂船洲大橋 ... 超快!!! 唔駛15mins.已經返到屋企嘞 ...

以前都快，不過都要25mins，有呢條新路，車又少好多，咁以後又多個藉口去多d樂園囉 ... :)2009聖誕節就此渡過，雋雋，等你大個咗，mama畀你睇返你第一個聖誕係點樣過 ...

不過，重點係，以後每到呢個節日，你知道唔單止係食、玩同收禮物，而係 ... 要記念同感謝主耶穌，一切已經好足夠 ......

mama其實都有個心願，係好想好想過一次白色聖誕，當然係去最愛嘅Hokkaido!!! 秋天去過，但係未試過冬天去，希望等你大個d，可以一齊去呢個冰天雪地嘅地方一齊過聖誕 ...... ^.^

聖誕燒錢大行動 ....

一年一度 .... 唔係為自己慶祝 .... 緊係知道呢個係記念同感謝主耶穌嘅大日子啦 .... 不過有時要買嘢，都係揾個好藉口姐 ....

琴日都算係最"金"嘞，電腦、電話、鏡頭一次過咁買，最燒得大舊錢係呢日囉 ....

不過都唔太關自己事，首先某人係電話尅星，今次唔係唔見、係又壞咗，大夫係一定要有隻街貓ga ma，所以唔食飯唔去廁所都唔可以冇咗個電話，點都要買過部啦 ....

電腦，屋企部都唔係好夠用嘞，雋雋出世後多咗好多好多相同video，多到雋ma都未曾有時間燒過落碟 / 晒過相囉 ，好灰 ..... 加上大夫耐唔時又要present .... 好多journal要download，有時o係office又要打定d嘢以備又"失驚無神揾佢present"之需，所以多一部勁嘅laptop都少不免啦，出外旅行都可以帶吓出去，雋雋又可以睇佢喜歡嘅YBCR & Sesame St DVDs 啦，因為呢部輕過雋ma部呀 ....


鏡頭，都預咗雋雋大個咗崩崩跳嘅時間都要買多支遠距離變焦鏡啦，今次都去開Broadway揾輝哥買嘞，既然有discount，咁不如就一劑過啦，以減少痛苦嘅次數吖嗎 .... 今次冇接納專業攝影師Boogie嘅提議買Tamron，最後改買咗輝哥提議嘅Canon，其實都係費事煩、諗住一站式攪掂佢、又原廠嘢、亦係心水之選，其實都係mama影多，總之mama話ok就ok啦，hohoho ...

計埋之前嘅衫褲鞋襪化妝品美髮用品同埋首飾，仲有雋雋嘅禮物，wow .... 都唔敢篤返條數出嚟睇嘞 .....

算啦，生完囝都冇乜買嘢畀自己，今次一次過啦 ...


不過今個聖誕雋ma最重要嘅禮物卻係一支soy shampoo，FRESH，真係令人又愛又恨，愛佢真係好好用 .... 雖然佢都算中等貴，恨，係經常性賣斷貨又好多時返得好少貨。得返唔夠半支，話12月中返貨，但今期shipment竟然冇返貨，check吓US 網站，美國境內都斷晒貨，前日有貨，想訂，又唔接受境外信用卡訂購，又眼白白睇住d貨愈來愈少 ... 想死 ....

多謝雋ba，幫雋ma o係Amazon搶埋最後兩支soy shampoo畀雋ma，過幾日坐船返嚟嘞，安樂晒，唔係雋ma把頭髮都唔知揾乜洗頭水好 .... 唔係講笑ga，雋ma頭髮幼細，以前用過平又用過貴嘅都好多，唔係隻隻都okay，有d真係愈洗愈衰ga，加上生完又脫髮，所以呢幾年用開佢見好就唔會亂轉，呢個係專業髮型師Vick嘅強烈建議 .... 用完d頭髮真係健康好多，一分錢一分貨、佢又成日賣到斷晒貨，真係好嘢嚟ga ....

總結，燒錢大動作係有點兒肉赤嘞，不過最緊要唔係燒自己d錢就得囉 .... HAHAHA


o係度多謝埋pigskin一族，今日已經又打攪Eva幫雋氏揾輝哥，買完一大輪仲去埋pigskin家食hotpot，工人放假，又有得癡一餐，好好味，多謝晒，記得下次畀雋氏請你哋食返餐勁嘅 .... 同埋唔該大家姐幫雋氏買嘅靚花膠 ...... Manyyyyyyyyyyy THX!!!

預早祝大家聖誕快樂!!!

同意朗B mama所講，係Merry CHRISTmas，唔係Merry X'mas，大家唔好X咗個Christ，因為聖誕節係屬於JESUS CHRIST 耶穌嘅日子 .... 所以 .... 以後唔好懶、同X咗我哋個耶穌去 .... ^.^

********************************************

無聊後話 ... 雋雋終於被人第一次拒絕，hahaha，係呀，佢一向o係街都幾受歡迎ga，男女老幼都有，宜家隻衰豬又好friendly咁見親大部份人都同人揮手又笑容滿面，又學緊講"Hi"呢，所以d人通常都會同佢玩又打吓招呼 ....

今晚，雋雋畀個女仔拒絕，幾靚幾高ga ... 高過雋ba .... 係鐘嘉欣，唔知幾時佢搬咗嚟雋氏同一座做咗樓上樓下鄰居喎，佢架車仲係雋ba架車隔幾個位ja，今晚由泊車、落車、搭lift到上埋樓都一齊，雋雋一入lift又例牌向鏡及眾人揮手啦，人哋即刻擰咪面wor .... 雋氏都唔為意ga，佢又笠晒冷帽同冇化妝，不過佢一咁做就畀人更加留意咗佢囉 .... haha 囝，算啦，d明星姐仔係咁ga la，你唔駛咁介意呢位小姐唔蘇你呀 ... 佢走寶ja .... :P

去 ... 不如不去 ....

有d嘢真係呢 .... 唔做好過做、唔去好過去、去咗就自己攞嚟衰 .... haha (苦笑嚟ga ...)

總之唔係得自己一個覺得唔開心啦 .... 都一早預期ga la ....

少少嘢又有返d相同感受 .... 勾起晒d唔好回憶 ....

一模一樣 ...

仲要畀屋苑d員工點到雋氏頭都暈 .... 真係 .... 好火!!!!!!!!!!

冇嘢嘞，明就明，唔明亦都唔意外；知道雋氏呢日去o個邊嘅人就知 ... 唔知就算啦 ....

但都好感激有心人嘅禮物 .... 多謝!!!

嘈大少要瞓覺飲奶，遲晒出門口 .... 不過早與遲，其實分別已經唔大 ...

雋雋仲細，冇嘢好做 .... 帶佢去club house玩 ...

之後去Elements .... 近近哋，之前食唔飽，嚟醫肚，同埋帶雋雋睇o個所謂2900棵聖誕樹、影吓相 ....

最鐘意下面呢張，亦係某人少有影得好之作 .... 不經意、最滿意 ... hohoho

阿舜上電視 ....

http://www.rthk.org.hk/rthk/tv/hkcc/20091213.html

今晚o係鏗鏘集又見到佢，終於睇返佢比賽嘅片段同埋訪問，又好似重新認識咗佢多一d咁 ....

以往大家眼中嘅怕醜仔，一d都唔怕醜，做起佢想做嘅事真係10個認真同投入，講嘢依然make sense同頭頭是道，又多一分欣賞你 .....

大家都覺得你好勁同型咗 .... wah ha ha .....

真心ga，大家都知呢個訓練過程好艱苦 ...

另外 ...

雋ba有嘢要修正 .... 佢話我低估咗阿舜少少。前文提及如果雋雋將來大咗仲有會考，雋ma曾經卜話如果雋雋學到舜uncle一半已經坐B望A，雋ba極大反應 .....

雋ba好確實表示，只要有接近舜uncle 三份之一數學根底，係已經可以攞A ... 雋ba話佢真係一d都唔講得笑 .... 阿舜唔係自己數學叻，係仲好識得教人、仲教返老師轉頭，唔止畀準確答案你，有晒方程式，仲會解構埋畀你知出呢條問題呢個人背後嘅動機同真正想問d乜嘢 ..... 數學、A Maths .... 雋ba話當年個個都受過阿舜過幾招而攞好成績ga ....

可惜佢唔會咁做 .... 唔係佢做補習天王，一定會賺好多好多好多 $$$ .... 咁就可以投資返o係佢醉心嘅舉重項目度嘞 ....

聖誕樹重現 ....

光纖聖誕樹先生，一年冇見，2008年佗住BB又要執屋企嘅嘢，所以冷落咗你，又冇將你由櫃裡帶出嚟透透氣 .....

2004年的禮物 ....

2009年聖誕又要出場 ....

今年雋雋出咗世，當然要畀佢睇吓雋ma點佈置聖誕樹啦 .... 佢見到d光纖閃閃吓仲好開心呀!!! :D

好好哋一棵樹，執拾 + 清潔 + 佈置都攪咗雋ma成大半個鐘，仲冇得同雋雋玩 ....

一吓唔該，雋氏出街後，當晚回巢發現唔同晒樣，阿Li話d嘢自己"num"咗落嚟，佢話佢都唔知點解 ....

唔好當雋ma係豬!!! 唔係傻、更加唔係好惹!!! 雋ma當然狂追猛打問佢係咪棵聖誕樹"num"過，佢都死口話冇 ....

話多佢幾句，開始又轉軚，承認係佢自己吸塵嘅時候整"num"咗，d嘢散咗、吊飾又"num"晒 ....

原本諗住返嚟影相，冇得影，因為冇時間即刻執返好d嘢 ....

白費心機 .... 都算 .... 當黑仔，再嚟過 ....

(呢d相係第2晚砌返棵樹先再影ga ...)

重點係，佢唔係第一次整爛嘢、做錯嘢之後想講大話去掩飾 .... 根住畀我哋話幾話又變不同版本 ....

最近，雋氏上上下下都唔係好妥佢 ...

雋婆話佢o係27/F都成日做錯嘢 .... 心不在焉 ....

雋氏終於理解點解有d朋友同舊同事都話，工人 ... 好多好極都係兩年，一到臨滿約 / 再續約 .... 就會同開頭差好遠 .... 以前都唔係好信 ...

一定係有例外 .... 不過真係唔多 .... 有嘅，你好命，恭喜你!!!

冇嘅，真係身邊朋友多的是如此，更差情況都有，所以好多人請工人都請到化嘞，唯有再揾過囉，God Bless You!!!

雋氏其實都代佢好不薄，唔駛佢湊小朋友，只係主打幫手做家務，同埋行行企企買吓外賣，真係有時飯都唔煮多餐ga，雋雋起居飲食亦係雋ma一手包辦，雋婆中過風，一早好返好多，可以自己顧自己，好多時仲要顧埋阿Li，因為佢愈來愈荒失失 ....

又有幾多工人，有時冇嘢做到要問老闆可唔可以瞓晏覺?? 唔好問我，唔介意係一件事，不過日日如是聽到都有d"慶" .... 事關仲成日做嘢做成咁 .... 雋婆答啦，好人留畀佢做啦 ....

識得人多 .... 唔知好定壞，都有影響掛 .... 成日做嘢呢埋o係廚房toilet睇SMS，成日望住部機傻笑，見到雋氏就立即收機及收起笑容 ....

可惜，印印動作慢就係慢、警覺性低就係低d，成日有人離遠監視緊佢都唔知 ....

I am CCTV!!!

雋ma .... 天生就係一頭警犬 .... wah ha ha ha .....

認人、認物、認路、認乜認物、臭覺、聽覺 .... 同記性，唔好挑戰我 ....

雋氏屬意 ... 郁咗佢 ....

好可惜，未有更好把握去揾到更合心意嘅人 ....

重點，係2010五月雋婆間租屋又到生約期，未知業主去向如何，玩玩手又要搬屋 (當然最好唔好又攪呢d嘢 ... 好煩!!!)，雋ma又要湊住個仔，雋ba又話要考試，如果再換過個新嘅，都真係好惡攪 ....

唔想又浪費好多時間心力口水去教另一個人 ....

唔通，真係要忍多個約???

志在參與 ... 創造傳奇一刻 ...

各位幫雋ma做靚靚姊妹團嘅好姊妹，你哋認得佢嗎??

阿舜呀 .... 係呀 ... 真係佢呀 ...

12月10日

荔枝角室內運動場

1900

代表香港出戰 ...

2009東亞運動會...

男子85公斤舉重項目 ....

真係唔講得笑 ....

是項得4個參賽者 ....

佢係香港唯一代表 ...

wowwwwwwwwwww 好多聲，因為舜uncle佢只係一個業餘玩舉重嘅人 ....

玩玩吓 ... 玩到去俄羅斯 & 烏茲別克 ...etc o個d地方參賽又攞吓獎 ....

今次仲代表埋香港 ....

佢只係一個IT人 + 數學資優奇才 .....

(雋雋，如果你學到佢一半，baba mama相信你d數學都已經冇得頂，假如你將來仲有會考，有舜uncle一半功力 ... 應該都起碼坐B望A冇走雞，佢 ... 數學真係好癲又好叻，雋ba話以前d老師都唔及佢 .... 而佢 ... 仲可以用筷子夾死烏蠅，呢個仲叻 .... hahahahahaha ....)

今次對住嘅選手，係全職，仲好好好大力 ....

雖則佢話自己只可以舉到人哋一半重量，不過都有成171公斤，300幾磅啦 ....

夠嘞!!!

辛苦晒 ...

亦都恭喜你完成一個任務，又挑戰自己另一個極限 ......

朋友，proud of you!!!

繼續努力 ...

雋雋未好返 ....

[注意：相中人笑係唔=心情好 / 冇病冇痛ga ...]

"Au"咗三日，雋雋鼻水愈流愈多，瞓覺先慘，好多鼻水倒流，佢咁細個根本唔識呻d鼻涕出嚟，幫佢吸 / 用棉棒清潔又唔多鐘意，緊係啦，已經唔舒服，平時都ok，病咗攪佢就發惡囉 ..... yelllllllllllllll ......... 好noisy ........

雋ma幫雋雋改咗個花名，就係"嘈爆"，可以同曹格做friend，一個打一個鬧 .... hahahahahaha ....

LOW B!!!!!!!

不過佢真係好嘈 .... 咁講只係自我麻醉 .....

其實呢幾日雋bama真係好攰同幾唔開心，因為雋雋心情真係有史以來未試過咁差，以前發燒都冇咁忟，可能宜家大個咗又開始有自己性格啦，加上佢出緊牙 ... 所以本身已經好燥底，又病埋，咁就怨氣甚重。過去呢兩晚，每晚都係惡夢，成日醒，大喊小喊加埋都起碼有十次，未戒夜奶之前都冇咁緊要 ..... 好辛苦，成日醒，最慘雋雋係會自己突然紮醒坐起身，時咕時傻笑，點都唔肯瞓返低，瞓低咗又好快要坐返起身 .... 沒完沒了 .....

雋ba還好，因為工作關係、佢已經鍛鍊到銅皮鐵骨，何時何地時間有幾長幾短都可以輕易入睡 .... 而雋ma .... OMG，係唔可以!!! 總之就係好攰、同埋每晚都好驚恐 ....

已經每日都長時間對住"嘈爆" .....


呢三日壓力好大 .... 好似係未試過呢種感覺 ....

雋ma決定 .... 忍心 .... 自己走咗出街去shopping兩個幾鐘，出門口時，頭也不回 .... 明知雋雋見自己出街會大喊 .... 事實未正式出、而佢見到雋婆同工人出現已經喊定先 ..... (冇錯，係雋婆同工人嚟陪佢嘅幾個鐘都會不停喊，好多時又唔肯飲奶，最後瞓到　都只係因為佢喊到攰冇晒力 .... 可能雋雋大個，以前唔會咁，近呢兩個月一唔見雋ma就會咁 ....好癡身 .... 自己湊，就係會咁 ....雋ba o係度都好少少，不過都係雋ma要出現o係佢身邊先放心囉 ....)

買咗好多嘢，不過好似都全部係雋雋嘅 .... 乖囝，請你原諒mama再一次令你大喊又掛心，好想出街透啖氣，因為咁，mama先可以再有力氣同動力去照顧你 .... 知道嗎，baba聽晚又on call嘞，又得mama自己照顧你嘞，好驚呀，mama都唔舒服好攰，所以需要充充電先 .... 病都要shopping，就係mama充電嘅其中一個好方法 .....


今晚 ... 唔知又會點呢，雋ba見唔對路，因為雋雋流鼻水情況嚴重咗，鼻水倒流又令佢瞓唔安坐唔落又成日無端大喊，所以 .... 今日開始落藥!!! 有眼瞓藥水，不過頭先餵完奶一過床冇耐又自己瞓瞓吓坐起身，擾攘好耐瞓返，不過又yell咗幾次 ....

真係好想今晚、聽晚、之後每一晚 .... 雋雋都可以安然入睡，同埋一覺瞓天光，Amen!!!!!!

*********************************************************
多口又長氣都係要講多句 ..... 無論抱自己 / 人哋個小朋友，或者為咗個人衛生，請清潔好雙手，有病 / 未完全病好，請帶返個口罩，咁就功德無量嘞 .....

雋雋又病咗 ...

[同場加送瞓醒之後頭髮亂了-都真係幾亂-寫真] *.*

琴晚雋ba on call，雋ma帶住雋雋出去同pigskin一族飯局，其實一整日心情都ok，唔知點解一去到柏苑冇耐又嚟料 ... 愈yell愈勁，比上一次去柏苑同去pigskin屋企仲厲害，真係唔知點解，就算雋雋去"飲"見咁多人，yell極都唔會好似呢幾次咁 ...

雋ma當然都係冇啖好食ga la，雖然其他人都好鐘意同雋雋玩或者想抱佢，不過雋雋真係最想揾mama囉，冇辦法，夜晚呢d扭眼瞓高危時段，唔搵mama揾邊個?? 有時雋ba o係度都攪唔掂啦 .... 所以有時候，知道有心人想幫，不過未必真係幫到太多 .... 最後雋ma決定未食完都要走嘞，都八點有多，而且雋雋已經喊到個人好攰好攰，雋ma仲要返去自己同佢呢個大隻B沖涼呀 ....

呢一晚雋雋瞓得好"num"，成隻小豬咁，mama當然開心啦，唔駛得自己一個仲要成日半夜爬起身睇佢 .... 不過今早起身就有d唔對路，首先雋雋鼻水長流 + 聲變咗，雋ma個喉嚨都有痛 .... 唔知係咪琴晚出去惹咗d病毒呢??? mama自己抱仔之前緊係有用消毒搓手液清潔清潔啦 .... 其他 ... 就 .... 不得而知嘞 ....

之前成日去芽庄同去洲際食飯d員工又話雋雋得意，好多都走嚟抱去玩，都好驚ga，唔係我個仔特別"經"貴唔畀掂，事實雋bama都唔係太介意、雋雋亦唔會喊 ...仲好開心添 .... 不過係雋雋生得大隻、但佢都只係一個小BB、宜家d菌又惡又勁、又仲係流感高峰期，加上d員工都係工作緊、咁又點會係洗乾淨對手先嚟玩BB喎???

雋ba成日好介意，大家知佢做o個行，佢真係好alert，成日話要小心小心小心、乾淨乾淨乾淨 .... 平時雋bama帶雋雋出街，都只有baba去"gum" lift 或者掂街外d門柄，雋ba係唔會畀雋ma掂ga，佢話呢d嘢好高危、太多人掂過，費事又惹咗d菌落雋雋度ma .....

肥虎uncle成日都話作為一個大夫嘅仔，真係都好易、好應該、又比其他人多機會惹好多不同惡菌上身，亦因為咁，大夫仔先會有好多好多唔同抗體、等第時冇咁易病 .... 明白、亦都合理，不過免得就免啦 .....

所以雋氏溫馨提示，大人點都唔緊要，小BB小朋友真係要小心d，佢哋一病真係會辛苦同好惡攪 .... 唔止自己個仔，就算去掂其他人嘅小朋友前，雋氏都會基本清潔一吓，所以 .... 希望其他人都會注意 ....

都話雋雋由o係雋ma母胎開始已經聽慣風筒聲，自細已經一聽呢種聲就收聲唔喊，宜家大咗一聽都會呆咗，跟住開心傻笑，仲會搶埋嚟咬添 .... 所以mama成日頭未吹乾就要陪雋雋瞓 .... 第時有頭風，一定賴你呀 ....