124 Aaden's 1st Birthday Party@PLAYTOWN

生日會規模小小，不過場地就好大 ....

呢度 .... 好難訂場，一見有時間又係星期日、唔係正日生日都要埋佢，同埋最緊要遷就到其他人嚟囉 ....

雋ma攪攪震，都幾多樣攪作，所以唔知點解小小生日會又攪到好似好忙咁 .... :P

不過為個囝，冇計啦!!! 第一次，就真係得呢一次，隆重少少少少咁多，當留個紀念囉 ...

haha又攞啤太個女心心扮一家四口 ....雋ma行來行去，竟然唔記得食阿囝嘅生日蛋糕wor ....
屋企成日唱生日歌畀雋雋聽，其實佢已經記得、又知道係要攞起玩具刀仔切假蛋糕 .... 不過是日1-2pm o個覺瞓得15mins.，好攰，心情不佳，全程扭眼瞓，真係唔好意思，又冇得同大小朋友影多d相添 ....
第一次有d咁嘅攪作，加埋雋雋扭眼瞓，雋ba ma心情都有d混亂，所以大懵到連大合照都唔記得影，帶咗DVC去又唔記得揾人幫手拍片，自己就當然連部機o係個袋都唔記得啦 .... 總之真係招呼唔到，希望大家見諒呀 ....

雖然冇影大合照，不過傻瓜瓜嘅雋ma有帶Fuji Instax，亦同在場每位來賓一家大細都影過相，總算衰唔晒，起碼雋雋大咗、雋ba ma都仲可以介紹返每個家庭畀佢認識嗎 ....

雋雋，泥ba ma抱咗你好耐，又抱埋你瞓覺，你知嗎?? 你咁重，真係抱到手都軟呀 .... 多謝晒!!!

JumpMa同泥ba一樣，有充當客席攝影師，代baba mama幫你影咗好多相，又要多謝 ....
希ma就生，大住個肚都嚟，到走時雋ma又唔知，byebye都唔記得講，唔好意思 ....
多謝Wendy，幫雋ma去攞蛋糕，多謝你哋!!!
啤生公事煩忙，啤太又攰又要湊住兩個細嘅，又住o係深山，咁畀面出席，好感激!!!終於第一次見到啤太個女心心，好cute，頭髮好濃密 ....
多謝Vally 5pm前趕到嚟，學校無啦啦assign佢要帶隊去大棠旅行wor、仲去到4pm，佢係由元朗飛的士嚟西環再會合個女同阿妹，好感動!!! 要你咁破費，唔好意思 ...

我哋嘅前新聞女主播，忙 + 大頭蝦，不過最後都趕到嚟，多謝!!!
Danni，老公要返學，單拖兩個囝又冇柴可夫接送都嚟，多謝!!! 如果細妹丹貝一家都可以一齊出席就更開心嘞 .... 希望下次有機會啦 ...再次多謝每位出席嘅大小朋友，多謝大家嘅幫助、仲有送畀旨雋嘅禮物，亦因為你哋、旨雋人生第一個生日會真係生色不少。

雖然佢自己唔係好多機會玩/食，不過係旨雋第一次、又一次過接觸咁多uncles/aunties同小朋友，相信將來佢大個咗、爸爸媽媽講返畀佢知道、一齊睇返d相，都係會好值得懷念 ....

無聊相 ....

雋ma cup cakes，為雋雋而整，不過佢就唔係有份食 .... hee ....

不過見佢生日就到，未夠一歲，但都破例畀幾啖仔佢試吓，唔好失手勢啦 .... 幾啖仔就真係幾啖仔，全部都係零碎散粒粒，加加埋埋都唔知有冇一隻T/T匙羹咁多 ... 或者都有一羹半嘅 ....

見到已經想搶嚟食 ....
雋ma唔畀，仲要影相，個樣幾無奈!!!
開始唔耐煩 ....
有冇攪錯 .... 生日都咁對佢 .... hahaha ...


又啜手指 ....
開始咆哮嘞 .....好得生日會o個日佢唔係咁ja .... 不過扭眼瞓囉 ... 大家都見到 ....


上年10月去大阪，o係 Comme Ca ISM買多頂賊仔帽畀雋雋，因為間條o個頂唔啱戴 ... 個頭發大咗好多呀 ..... 不過囝大咗，同好多小BB一樣，開始唔鐘意畀人戴頂帽落個頭度 .... 買咗 = o徒，真冇癮!!!

一戴即掉 / 咬，咁只可以O係屋企同佢戴，點都要影幾張相掛，唔係咪好浪費囉 ....

未影又想除佢落嚟 .... 雋MA執咗N次先影到呢幾幅相 ....


有其他小玩意先放頂帽一馬 ....


就係咬雋MA張結婚相 .....





又豬咀 ...

Patiserrie Tony Wong

其實買都已經係前幾日嘅事，不過食晒所有嘢就係今日嘅事 ....

前帝苑餅店行政總廚 Tony Wong 開設的蛋糕店@福佬村道，近期大熱中，條龍成日都保持咁長 ...

想食好嘢，要order，請早過12nn ....

貴d，不過真係好好味呀 ....

雋ba買嘅都係佢嘅招牌出品 ....


雋ma最鐘意呢個 ... 車厘子拿破崙 ... 雪過一日，酥皮一樣咁好味，脆卜卜唔太甜 .... 車厘子大大粒，好新鮮!!!


香蕉麻麻哋，士多啤梨都okay，最想試招牌芒果拿破崙，不過一早畀人買晒 .... 下次請早 ....

仲有一個推介，Tiramisu，好食到雋ma一口氣食晒、只留低隻膠杯仔，有隻朱古力mini spoon跟埋，畀雋ba食咗，同樣好味!!!

由帝苑開始已經係招牌，chocolate truffle cake，好味，中間有脆米，不過雋ma一向怕太甜，咁佢又唔係好似出面o個d咁甜，不過唔好多食，有d滯呀 ....

想買mini版試吓，又斷晒，全場最後一個4份3磅，雋ba買埋返嚟，今晚先完成到 ....


有時間試試啦 .....

又做阿茂 ....

今日，去咗呢度 ....

Cake 1 Cake .... 以前雋ma同豬皮姨s一齊學整餅、蛋糕嘅地方 ....

為嘅，當然係聽日雋雋嘅生日會啦 ....

因為雋氏屋企地方淺窄、又冇大焗爐、又冇好工具、又有個BBo係度攪攪震、又唔想開粉攪到通屋通地都係、又冇時間買材料 .... 雋ma又身痕，好耐冇整吓餅 ....

各種原因，促使雋ma去揾Bonnie老師上咗一堂兩個幾鐘嘅私人班，場地材料有人庶雋ma預備好，又有好老師教，不過其他工序又開粉、搓粉、裝飾同後期包裝都係雋ma一手包辦 ....

容許雋ma今次偏心，時間唔多、唔可以離開屋企唔理雋雋咁耐，所以今次唔可以親手做一個生日蛋糕畀雋雋同大家食，只能夠為出席生日會嘅小朋友做咗cup cakes .....

唧icing 面，好好玩 .... 睇吓雋ma唧到d icing高低起伏幾不一 ... WAH HAHA 牛油蛋糕cup cakes有d大有d細，不過水準咁不一，咁先似係雋ma homemade cakes .... HAHAHA!!!同埋作為回禮嘅chocolate chips cookies ..... oh ... 搓咗百幾塊，耐冇呢d攪作，都幾係嘢 ....

都有蛋糕ga，不過大人食o個個就唔係雋ma整囉 ... heehee ....


希望各位小朋友鐘意，問咗老師，1歲都已經食得ga la，唔食嘅，就乖乖進貢畀各位baba mama啦 ....

食得ga，唔駛驚!! 以前雋ma整d蛋糕，雋ba同d朋友食過都話ok ga ....唯一係今次d材料都係有人預備晒，雋ma o係焗好之後未食過，希望唔會太甜啦 ...

小小心意，希望大家都唔會嫌棄 .....

雋雋，好快到你生日會，又好快到你生日，有d緊張，雖然忙，不過興奮 ....

希望下星期正日可以約酊雋爺一齊食飯啦，雋ba ma知道爺爺其實好掛住你呀 ....

雋爺 ... Cancer

秘密 ... 獨自一人承受??

做戲咩 ...

佢又真係做到咁 ...

仲指明唔好同雋ma多講，免令雋ma又多一樣唔開心 ....

其實佢真係好錫雋ma ....

不過，佢忘記自己個囝係大夫，一開個電腦睇 ... 乜都知啦 ....

咁發現，仲唔開心 ...

唔知大夫自己睇到o個一刻有何感受??

難以至信??

難過、擔心，都必然 ...

都唔知乜頭乜路，係愕然到 ... 都唔知可以講d乜，仲係o係最唔開心嘅時間知道 ....

sorry ...

只有祈禱 ....

衷心一句，給每個人 .... 身體健康最無價 ....

好人，希望有好報，天父保守 .... 因為你都係佢嘅兒女其中之一 ....

主祐!

mmmm ....... 回想，過去呢大半年，成日約雋爺食飯飲茶都話好忙、一係又突然上咗大陸、一係又話「關心你的心」(瑪麗醫院中風康服病友嘅組織，d伯伯成日出嚟玩同食飯晒太極咁 ....)有活動、一係又話唔舒服發燒、怕惹畀BB，連中秋、做冬過節都冇食，一味話遲d，宜家回想，就係有d嘢囉 ..... 雋叔又成日只顧記者工作、又忙又難約，基本上，好似兩個都好忙，唔知幾耐冇見過嘞 ....

愛 ... 有盡頭

雋雋的第一份生日禮物 ....

之前花子契媽幫雋雋造嘅"雋腳"已經大功告成!!!

雋雋的右腳 ....

估唔到牙模粉倒出嚟嘅模係可以令d腳紋出得咁幼細，好過一般用石膏粉整好多好多好多 ....

雋ma心水銀色 ... 金色o個d，"娘" + 驚 ....

專業 .. 就係專業 .... 內層又用矽膠，出面o個層係錫 .... 係呀，錫紙d錫，成隻腳，好重手!!!

再嚟雋腳多角度 ....

前睇 ...

就係契媽話雋雋d腳趾"差"開晒好有動感 ... hahaha ...

右睇 ....

左睇 ...

底座燒咗兩次，用不同溫度先整到d錫咁樣有唔同層次 .... 好似樹嘅年輪 ....

靚!!!

代埋雋雋向花子契媽講多謝，多謝您送畀雋雋嘅土第一份生日禮物 .... 多謝您嘅心意同時間 .... 多謝您送埋嚟昇仔畀雋雋，10 x 多謝!!!!!!!!!!!

七日的終結 ...

過去呢七日，極之疲累 ...

係本身成個人已經體力透支，再加上生蛇，就更加攰，然後d藥嘅反應亦都係會令人攰，開始時又有少少輕瀉，又要繼續湊囝，所以都係唔多舒服得去邊 ...


唯一感恩係可能早食d抗病毒藥、又藥膏、又中藥，當然最重要係神嘅保守、同埋各位有心朋友為雋ma嘅代禱，所以雋ma先可以好得咁快，又或者咁講、o係生蛇嘅人嚟講雋ma都算唔嚴重，起瑪冇大痛、只係好痕 ...

不過生蛇可以恐怖在病緊唔痛、而係好返之後痛... 仲可以係大痛，因為d病毒依附o係神經線上、會成日整痛你 ... 可以跟隨你一生 ....

雋ma希望自己唔會，係好 .. 就希望完全好返 ....

七日，雋ma做咗七日BB，係呀，雋雋瞓覺，雋ma就即刻同佢一齊瞓，係連先抱佢去床仔瞓嘅力都冇，攰到要瞓就跟住一齊瞓，每日雋雋瞓幾多雋ma就瞓幾多，好似個BB咁，有時朝早佢爬咗起身o係雋ma側邊、雋ma都仲係瞓到迷迷糊糊，雋雋插雋ma眼、"lin"雋ma鼻、"hum"個頭落雋ma塊面同個肚皮 ...etc，雋ma都仲係瞓到隻DU DU咁，都係因為太疲累 ....


好多嘢，都分咗畀一樣疲累嘅雋ba做 ....

印印大家姐，就依舊o係呢D慌雋BA MA 唔死嘅日子不停做錯、忘記、做佢自己認為係啱嘅嘢，病咗 ... 都真係不忘仍要鬧爆佢 ... 同埋日日o係佢面前叫聲佢大小姐 ... 冇錯，係由雋ma我呢位小姐叫佢做大小姐，服未??? 雋ba鬧 ... 雋婆又鬧，日鬧3 x N次，唔知佢醒未呢??

不過雋ma醒咗好多嘞，琴日終於捱完7日抗病毒藥療程，再停一日等d藥氣過咗 (話18hrs後只淨最多1mg藥力wor ....)，今晚開始返可以BF嘞，好多日冇見過雋雋一飲完奶就爬起身笑又開心滿足嘅樣嘞，雋ma見到都好開心!!!

(病咗幫雋雋影相都衰過人ga ... haha)

今日去睇孟博士，佢都話雋ma好咗好多又好得快，唔駛針灸，不過要食多5日藥先 ....

希望快d好，唔好再痕 .... 因為宜家耐唔時都會突然好痕 ....

最緊要身體健康，祝人人都身體健康 ....


特別祝雋ma嘅寶貝囝雋雋要健健康康，兩星期潛伏期未過ga，而下星期日就係佢一歲生日會，希望天父保守佢可以安然過度呢個潛伏期，唔好出水痘、唔好敏感、要開心、要快樂、要健康，要有人生第一個值得紀念嘅生日會、又可以第一次同咁多哥哥姐姐同小BB一齊聚會 .....

God Bless ...

Amen!!!