農曆生日快樂 ....

大年初四，旨雋第一個農曆生日 ....

再一次祝您生日快樂，


身體健康，


快高長大，


主恩滿溢 ....


最愛扮打噴嚏 ....

爸爸媽媽爺爺婆婆叔叔 .... 還有很多很多人都愛您 .....

都有好多不足之處，不過希望您在這個小安樂窩中仍可以感覺到幸福、快樂、溫暖、和安全感 .....

小小一雙手想捉摸甚麼???

爸爸媽媽心願：

希望您一生不單用手、更能用心去捉緊神、倚靠神，任何時候都捉緊衪每個吩咐及說話，還有衪給您的每個機會 .....

旨：神的旨意，亦有美好的意思 ....

雋：雋永，優雅，才智出眾，能幹 ....

但願這一切都能活現在您一生之中!

給豬皮一族 ..... thx thx .....

唔係賣廣告 .... 因為一d廣告費都冇收 ....

不過真係雋雋雋用開嘅嘢 .... 經要求多多嘅mama挑選之下，當然都係好嘢啦 ....

呢一代嘅小朋友，幸福滿瀉 .....

入正題，上星期日同豬皮一族午間茶聚，Eva姨問起雋雋用開乜嘢奶粉同尿片，因為佢又識得BB-Land嘅老闆，可以幫忙問吓有冇得再折 .....

嘩!!!!!!!!! 真係baba mama加埋買4隻眼又立即發光啦 .....

其實BB-Land都出晒名係全行水貨店最平咁滯，不過雋bama有時自己出去開街就自己買埋返屋企，好少訂奶粉，緊係啦，雋雋人奶主打，都真係慳咗唔少錢ga .... 只係佢開始大又要學戒奶，所以先買咗第一箱奶粉 ....

尿片，最好又安全都係香港代理度訂啦，間唔時用晒先去樓上鋪買咋 ....

所以，極度期待 ..... 再一次可以托Eva嘅鴻福，幫雋雋買到以下咁常用、亦都係好似倒水咁用、用到好有燒錢感覺嘅BB日用品 .......

Eva 好忙嘞，唔該豬皮姨或者其他姨姨s路過似地時，幫雋雋print咗呢段嘢再交畀Eva睇同幫佢攞多d discount啦 ..... HAHAHA .....

Many ........................ thanks!!!!!!!!!!!!!!!!!!!!!!!!!!


星期日又去咗帝京酒店飲茶，係豬皮一族幫雋雋慶祝生日呀 .... 一d都冇遲，129係西曆 ... 過咗，不過農曆年初四先係雋雋舊曆生日、未過，加埋uncle & aunt、大家姐&姐夫、其他姨姨s之大利是及禮物，又要你哋破費，10x多謝 .......

大家姐，順便撘單講埋，托你同姐夫之妹夫鴻福買到嘅平又靚花膠，畀雋婆倒水咁用嘅情況下又就快食晒嘞，唔該下次你買開同雋氏講聲呀 .... :P

*******************************************************
Order@GOO.N 香港代理 - (3個月內可換其他尺碼)

GOO.N 紙尿片- (L) 日本內銷版
54+2片 (增量裝)
單價: 港幣135

GOO.N 紙尿褲 (L) 男仔 日本內銷版
25片
單價: 港幣79

************************************************************
Order@B&M (特價再有9折)

大王GOO.N 紙尿片(大碼)54片
特價 $ 160

大王大碼 (男) 學習褲 42+2枚
特價 $ 160


Bean Stalk(雪印)罐裝奶粉820g (9-36個月)
特價 $ 170
以上價格為1-7罐價

Bean Stalk(雪印)罐裝奶粉820g (9-36個月)
8罐優惠裝
特價 $ 140

Unicharm 濕紙巾 5包裝 - 80片 (清潔pat pat用)
特價 $ 60

Akachan 365 99%超純水手口專用濕紙巾
特價 $ 57

Akachan 365 除菌濕紙巾2包裝
特價 $ 25

近日 ....

每晚雋雋瞓咗就分批包吓利是、執吓嘢，預備CNY ....


近兩星期又有3次畀人問雋雋係唔係女仔 / 係男仔定女仔，前日落club house玩，有個婆婆叫個孫仔唔好同妹妹(即係雋雋 ...)爭車玩，又話妹妹對眼好靚 .... 滴汗!! 雋ma話係仔，佢話唔好意思 ....... 其實雋ma都成日檢討自己幫雋雋揀嘅衫，但諗足一年、都諗唔到邊一忽似女裝?? 個樣有時係似女仔d，不過整體都好boyish 啦，但係今時今日雋雋都一歲0一個星期，都仲係有人咁問咁講，好funny!!!!!!

都好，咁一個囝都可以幫雋ma兩個願望囉 ....


近排下午茶熱選 (不過次次都係雋ba外賣速遞 ....)，K11 銀座梅林吉列豬排包，真係好好食!!!!! 不過其他，雋氏都係鐘意返Tonkichi多一d .....


多謝啤太好介紹，雋ma先可以又買套型仔花仔裝畀雋雋著，真係好型，唔係傳統d人著o個d款，又抵呢 .... 10個開心!!!!

唔好誤會，雋雋唔係做花仔，因為原本阿鵬同celia結婚想雋雋做ga，可惜佢未識自己行，都可惜，但冇辦法啦 .... 係可見嘅一段時間內，飭氏見唔到身邊仲有邊個未結婚 / 有可能結婚住，除非有人情商外借啦，唔係都未必可以趕得切o係雋雋咁細個又最得意好玩嘅時候做花仔嘞 ....

有見及此，雋bama決定買套tux幫雋雋影吓相、留為紀念!!! 先試試件西裝外套先，襯tee + 紅色converse，都好ok呀!!! 係咪成個小明星咁??? 得唔得?? simple but stylish，雋ma揀衫之道，等mama同雋雋度一度點襯至好，遲少少畀大家睇吓佢著全套tux嘅樣啦 ....

試食新嘢 ..... @iSquare .... 7/F
(商場carpark未開，係唯一唔好處，地鐵仲有lift直達，good!!)

食之前 .... 先要砌飽雋雋，有雋婆靚湯260ml + 雋ma愛心粥一大碗 .... 仲有好多架車仔同書畀佢消磨時間 ...

呢度服務好好，d人好nice，為咗畀雋雋架BB車擺得舒服又安全，轉來轉去d枱都冇問題 .... 食嘢前，有人幫你"nam"小圍裙 .... 之後，仲有人幫你燒燒d肉 ..... 可能見雋氏有BB，所以走嚟幫啦。其實食燒肉，雋ma都鐘意自己燒嘅，不過今時唔同往日，開始時就畀人幫幫忙啦 .....

仲有一樣雋ma好滿意，就係呢度抽風系統好好，食完個身同d頭髮呀、衫呀都冇味，讚!!!

不過，價錢就唔讚啦，香港食呢d又咁嘅服務，都要嘅，但日本就平好多 .... 宜家食一次，你預去間6星級酒店食餐二人buffet價啦，仲係基本ja .... 以食飽個肚嚟計 haha

新開張，以下推介款式有20% off .....

黑毛和牛三拼 ....... 黑毛和牛西冷 (最好味，之後要追加一客!!!) +　黑毛和牛牛柳 (雋ma麻麻、雋ba ok ...) + 佐賀和牛肉眼 (都好食...)


海鮮拼盤 ..... 有手掌咁大個殼嘅大帆立貝 (咁都好大舊肉ga，加清酒燒，好好食!) + 佔咗三份二個爐頭嘅大虎蝦 (好好食!!!!!!!) + 原隻鮑魚 + 好多條長腳蟹腳 & 唔記得乜蟹 .... 好粗個d呀 ....嘅蟹腳 ... 燒呀燒呀燒呀 .... 等呀等呀等呀 .... 雋ba另外order咗一大碗好味嘅日本白米飯同雋ma至愛冷蕎麥麵，想食sushi同刺生，見隔離食好新鮮好好味，不過兩個人真係食唔落咁多，而且雋ma今年想立志戒食魚生，所以可免則免嘞 ....

後段雋雋有d扭計，一扭眼瞓、二扭坐o係度太耐 .......


好得有佢 .... mini DVD player。其實之前掙扎好耐，最後都買咗，不過未試過帶出去用。主要都係想第時出外去旅行 / 有時知道要出去食好長時間飯先帶，以備救忙 .... haha。費事佢成日睇電視 .... 雖則都係d英文DVDs / Sesame St o個類，不過唔想濫用 ....

今晚雋雋好扭計時，終於都要用到佢，係第一次，都係睇佢喜歡嘅YBCR英文教學DVD，立即安靜好多，起碼雋bama可以快快手又o係冇咁緊張(其實都仲 好緊張ga...)情況吓食埋餘下嘅嘢 ... 既然佢咁鐘意學英文，一家便宜兩家著，就畀佢睇一陣啦，haha ....


近來其實思鄉病又發作，都幾嚴重 .....

大家都知我講嘅鄉下 --- 就係日本，係 .... 又係日本，雋ma要努力達成o係雋雋兩歲前、要好好善用o個d小BB特惠機票，務求做到雋雋兩歲前去大阪 / 北海道 / 東京各一轉 .... 其實唔過份ga，以前都係一年起碼兩次旅行啦 hahaha ....... 舊年去咗一次，2011一月前去多兩次就ok啦 .....

東京天書，n年前買落，未夠update .... 雋ba醒目自己買咗本新嘅畀雋ma鑽研，鑽得嚟差唔多去ga la ..... 不過又想去Hokkaido，都係睇住先，加上之後去就會自己租車玩ga la，所以都要買埋d自架遊嘅天書呀 ....

話時話，隨住雋雋長大，雋氏都覺得如果可以同埋其他朋友一齊出外旅行仲開心，特別有小朋友嘅就更好啦，因為佢哋可以一齊玩，開心好多ga，而且幾個家庭一 齊租車周圍玩周圍食周圍買又有個照應，係比自己去好囉 .... 跟團，向來唔係雋ma杯茶，要去就自己去啦 ....

有冇人想一齊去呀，雋氏大召集呀，召到就perfect，召唔到都係會去ga la，有興趣記得call雋氏 .... wah haha .......


今晚係要買handcream用到冇晒都唔知，唔似雋ma風格，因為閒閒哋都有4567支存貨o係屋企嘅竟然用到冇都唔知，生完囝、真係記性差咗 .... 食得夜，都去唔切買 ...

不過，泊車個商場係必須經過吓d鋪頭先去到carpark嗎，咁順路，又啱 .... 咁就買件過年衫畀自己啦 .... 以前雋ma都幾shopaholic，不過隨住自己變做全職mama，shopping 時間大減80%有多，就算買、好多時都係幫雋雋買，除咗上次去日本時買過衫畀自己，好似返香港後都冇買過loo ..... 雋ba都係呀 ....

都係多一句，今時真係好唔同往日，好多嘢都係嘞 .......

再戰廸廸尼 ....

今日 ... 主打係去攞返雋雋件jacket，咁難都揾得返，話可以keep 3個月，不過都係早攞早著吧啦，況且前日雋雋生日玩得一樣嘢 .... 因為佢瞓咗又早收場，所以今日都想去玩多次 ...

但係，好多雋ma好驚又抗拒嘅"da lu" .... 幾乎去兩次就有一次同"da lu"衝突嘅機會 ... d人又煩，勁憎 ....

第一憎，以前o係MO / Festivals / HKCC都好，攪節目時實在遇到好多....好.....麻煩又無禮嘅"da lu"，同事間都好討厭 .....

第二憎，家族有d人包二奶，又憎，對"da la"印象絕無半點好感 ....

第三憎，宜家去TST / CSB 就好似返咗大陸咁，雋ma咁大個女都冇返過內地亦冇回鄉卡，但宜家都唔駛啦，根本就好似畀人攻陷咗咁，似自己返咗內地多d ....

第四憎，未生囝前，都經常畀"da lu"o係廸廸尼內碰撞打尖咁，佗囝時都係一樣畀"da lu"撞，去做產檢又試過畀d"da lu"女人撞，仲成日掉返轉頭話雋ma / 話雋ba唔識好好睇住雋ma / 又話雋ma應該o係lift內面壁、咁就唔會撞到雋ma .....etc.，好多極之攪笑又荒謬嘅原因，唔會咁易畀人蝦、又鐘意撩事鬥飛嘅雋ma又點會忍得住o個肚火呢????

前日雋雋生日都o係buzz裡面同個死老粗男人鬧咗一輪，原因 ....

雋ba見後面個典型"da lu"男孩做d好典型"da lu"行為，就係打尖同猛咁向前撞人，雋ma .... 當時手抱住雋雋，已經好攰、又排緊隊，前面有d外籍人士好好，想等後面d朋友，仲讓畀雋氏叫雋氏玩先 ..... 不過人愈行前，個"da lu"男孩繼續推前，雋ba有d勞氣，大家都沉住氣 ... 係庶咗呢日係雋雋生日 .... 佢只係用手攔住，試圖阻一阻個"da lu"男孩唔好撞到雋ma同雋雋，等咗一陣，個"da lu"男孩都係好"yai"，個老粗老竇有d唔耐煩 .... 因為佢話極個衰囝都唔聽 ...


最後佢突然好大聲發火 .... 不過係一手拍落雋ba隻手度，然後大聲鬧雋ba，話佢做乜咁衰連個細路都蝦，仲話小朋友係咁，冇乜所謂 ...blablablablabla ......

sorry，唔係個個小朋友都係咁，係佢唔教jeh，雋ba仲繼續以柔和嘅語氣用廣東話同個男人講嘢，算啦，個男人根本聽唔明，雋ma忍唔住出聲 ....


係呀，見到呢d咁嘢，又蝦自己屋企人、又郁到雋ba同雋雋，無啦啦大叫又嚇親雋雋，雋ma覺得如果自己保持唔出聲係好唔啱同埋唔係自己性格囉 ....

初時都係用廣東話講，佢似乎都唔明，佢再鬧雋氏，用英文話佢，都唔明，因為佢真係d老粗，又唔係新興d"da lu "暴發戶，廣東話英文冇樣明，最反大大聲向住雋ma同雋雋嚟鬧，雋ma用普通話還擊，鬧爆佢話佢冇禮貌、又唔睇住自己個囝、又打尖，後面d人都知個男人衰，o係度蝦個女人同個BB，佢呆咗一陣，跟住死話雋氏蝦個咁細小朋友，雋ma覺得好好笑，佢個囝都起碼7-8歲，佢個囝撞到雋雋、雋雋係個BB，雋ma真係唔知邊個衰d囉 .... 明眼人都知啦 .....

後來d職員都叫個"da lu"男人唔好再出聲 .... 當然佢繼續嘈啦，又將雋氏同佢分隔開幾隻飛船嚟玩，仲安慰雋氏話廸廸尼宜家成日都係咁，佢哋都見慣晒，叫雋氏唔好太唔開心 ....

其實，雋氏都戥d樂園職員慘，今日走之前先見到coffee cups個女職員又無啦啦畀個"da la"男人鬧，仲係雋氏企o係winnie the pooh o個邊都聽到佢點鬧個職員 .... 老闆要賺da lu $$$$，不過香港員工就真受氣囉 .... 好多香港服務業人士都係咁話啦 ....

就係唔知係咪太勞氣，所以掛住抱雋雋又保護佢，連件jacket跌咗都唔知 ..... 多謝天父揾得返啦 ....

"da lu"，有好少數都ok嘅，不過真係太少嘞，佢哋有$$同讀多咗書，不過文化就係文化，d gene係咁囉，係好難變ga .....


唔好嫌長氣，只係想講，有時有d位係唔可以忍，記得以前教會有個牧者，佢太太有次o係戲院畀人蝦 .... 應該係幾無禮ga，個牧者忍唔住鬧個男人同打咗一拳，唔係話打人啱，個牧者事後都被停職咗一輪、又要上崇拜公開向各會眾道歉 ....

雋ma想講嘅係，有時自己嘅，可以忍就忍啦，不過郁到自己家人，真係火都上晒嚟囉，男人保護妻兒天經地義，不過有時見到個老公同囝咁樣畀人蝦法，我會覺得作為太太及媽媽嘅都好應該做d嘢又出吓聲囉 .....

忍氣吞聲而冇公義嘅，okay嗎?? 畀人蝦得多，大咗有能力，真係唔會眼白白咁畀人蝦囉 ....

呢次，雋ma証明自己普通話雖然少用又退步，不過呢個北方土佬都完全聽得明雋ma鬧佢乜，真係好開心 .... HAHAHA .....

旨雋一歲生日快樂 ....

HAPPY 1st BIRTHDAY!!!!!

爸爸媽媽祝您身體健康、精靈活潑、主恩滿溢，神和人愛您嘅心都與日俱增 ....

當然，希望你渴慕主、愛神愛人嘅心同樣每日增長 ....

慶祝活動

下午 ... 速遊迪迪尼

去親都撞正巡遊時間 ... 今次都唔例外
雋雋食飽，雋bama未喎，為咗雋ma可以食先、又可以畀雋雋第一次出去睇巡遊，雋ba決定帶雋雋出餐廳外睇 ....

第一份兒童餐，不過主要由雋ma消滅佢，雋雋只可以食西瓜 :P超貴氣球，見阿囝生日，一路行不停回頭望、又指住d氣球、猛講"ball ball ball ..."，見你生日，買個畀你啦 ....

BEST shot of the day!!! ^.^ ...
雋ma好鐘意，兩個一笑原來好似樣 ... 香蕉眼 ... yeah!!!
呢個pooh pooh balloon係雋氏嘅隨身風向儀 ....heehee
未玩任何嘢 .... 已經攰到瞓咗 ....
咁雋bama只有周圍遊蕩同影吓相 ....

好朋友就係好朋友，閒日咁都o係度撞到Vally & Chaski，真係冇嘢好講 .... Fung Fung Sir 揸機影相，冇上雋氏部機鏡 ...

雋雋瞓咗都照影 ... 証明冇玩任何嘢係佢自己嘅選擇 hohoho ....
見到chip & dale，緊係要排隊影相啦，除咗因為雋雋都瞓咗又唔可以去玩，係因為 ....
2008年10月雋ma生日時嚟同佢哋影咗幅產前相 ... 雋雋在肚中 ...
雋ma同dale一齊監犯look .... hahaha轉眼間雋雋已經出咗世一年，之前次次去都撞唔返佢兩個，今次撞到，當然要影返張相留念啦 ....


同埋雋雋都好醒，臨到雋bama影相前一pair人影緊時突然醒咗，咁又可以一齊影，不過未瞓醒咁，冇表情 ....
飲完奶，醒晒啦 .... 要影佢笑樣，冇難度!!!

手指指，因為有車，又猛講"car car car car car ...."
6點幾先走，因為佢醒咗，順便玩一次buzz light year先走 ... 仲要返昇仔接雋婆，原定1845食晚飯，變咗1930 ....

晚飯 .... 西苑@太古城 ... 去咁遠，當然係就雋爺啦 ...

塞塞車，2000先到、要雋爺久等，唔好意思呀!!! 不過雋爺好開心，好耐冇見佢咁開心嘞 ...

好開心今晚食呢餐飯，好味 ... 雋氏上下都開心，因為見到雋雋都好開心囉 ^0^


後記：

傻瓜爸爸媽媽去太古城途中先發現雋雋身上件背心jacket唔見咗，開始緊張 ... 件jacket日本買，得一件，亦都唔平，雋ma非常之鐘意，仲要雋雋生日先唔見，10個唔開心 ....

立即打去迪迪尼報失，話1900完場，要等d員工返去office集合晒所有當日失物再揾揾先知，仲話有就覆，即晚冇電話就即係冇 ...

雋ma推斷o係玩buzz light year嘅飛船上唔見，加上對件衫嘅詳細形容 ....

thanks god!!!!!!!! 1.5hrs後迪迪尼打嚟，揾得返件衫，開心死雋ma ....

雋ba都係，因為雋ma話揾唔返要佢飛去大阪INGs揾返件差唔多嘅畀雋雋，嚇死佢 hahaha ....


返到屋企 ....

又發現唔見咗迪迪尼兩個annual pass，個証件套仲裝咗好多今日雋雋收到嘅貼紙，雋ma又再一次10個唔開心 ....

唔怕人冒認入場，因為要對指模，補領亦唔收費，嬲同唔開心你自己嘅唔小心，我諗 .... 雋ba ma今日真係太攰嘞 ....