雋雋の第一次 - 自己爬落床 ....

雋雋亂嗡一通新生字：

gog = God
jes = Jesus
men = Amen / 門 ... = 阿們
top = Stop (加手勢：向前舉起手叫你停，好明顯係學阿媽咁做 ... kakaka)
瓊 ... = Drinking

太平館waiter??? kaka ....

啤太，似唔似我哋個舊老闆嘅陳年舊照樣呀?? 想像吓加副老花鏡就好似嘞 haha ....

宜家d小BB真係唔可以睇少，d學習、模仿能力同記憶力真係好厲害，有時學咗唔係即時講/做返出嚟，而係特然間有一日會好 驚人咁爆晒出嚟，剎你一個措手不及 .... hahaha .....

Baby Playboy .... *0*

另外，雋雋今日自己第一次爬咗落床，仲係諗一諗先落左腳，轉身再落埋右腳，係有諗清楚先落、唔係亂咁走落地，雋ma見到時初頭都有d驚，不過佢識自己落都係好事，所以唔理佢、由得佢試吓，從旁齋睇，又okay喎!!! 呢個囝，真係大個嘞，都唔似得13個月嘅，真係好似食咗好多老積散咁呀 ....

點呀??扮拉丁舞王子??

去街呢，就好似「郭家親善大使」咁，基本上都逢人say hi & bye ... 仲係不分國藉，當然扭眼瞓 / 心情差時除外啦，攪到d三唔識七嘅人都心花怒放，小姐阿太當然好高興啦，不過有趣在有時連d阿叔同公仔人都對佢有興趣囉，hahaha ....


以上有d相片，係雋ma攪事之作，雋雋未做花仔，只係貪得意同佢影吓相jeh .... :P

勁 ....

雋雋一睇呢個video，見個細路打drum set睇到眉飛色舞、全身又"un un"吓，睇到半路仲走去攞個麵包超人鼓一齊打 ....當然亂打啦，笑屎雋bama ....

囝，你會唔會真係會向percussion呢邊發展呢?? 睇見你咁有節奏感，mama真係好開心呀!!!

BTW, 個細路仔真係好叻仔，手腳協調又好，由打hi-hat轉去打tom-tom攪到跌咗鼓棍個吓仲只係笑又跟得返d拍子，真係攪笑得嚟又有紋有路，10個鐘意!!!!!!

10-13個月期間發音認字進程 ....

可以正確或讀到8-9成似、又可以指出 / 做到嘅字及動作：

Hi, ByeBye, Car, Clock, Clap, Bike, Baby, Nine, Blue, Daddy, A, B, I, P, Tap, Cup, Bat, Hat, Cake, Bear, 吉, 爸, 媽, Bed, Puff, Ball, Eyes, Bee ....


小BB攪笑發音 VS 正確生字：(呢位小BB都係可以正確指住o個樣嘢　不過好多音未發到，好攪笑 ....)

ish = Fish
all chu = Orange
tuck = Truck
geen = Green
pin / pan = Pink
bark = Black
eat = Car Seat 個 Seat
卜 = Book
卡 = Cat
dar = Duck
tra = train
mon = Lemon
dar / tar = Star
bang bang bang = Drum (模仿打鼓聲bang bang bang囉 .... 教極都係咁 ....)
bot = Bottle
cok = crocodile
egg = Shake
er = S
fu = F
pay = Plate
福 = Fork
潘 = Spoon
bo = Bowl
pot = Teapot
浦 = Purple
班 = Brown
po po = 婆婆
該/ 架 = 蓋
poo = Shampoo
chu = 蕉
it = Sit
ed = Red
bock = Block
keeb = Crib
索(高幾度講啦 ...) = Socks
gee = Congee
ball = 又係Ball、又係Balloon ....
e = Ear
扑 = Box
car = Colors
包 = Anpanman ... 麵包超人呀 ...hehee


同佢講、佢又未識/未肯講，之不過又明白可以正確指出嘅嘢/字：

Wave, Toilet Paper Roll, Toilet, Diaper, Knees, Head, Toes, Fingers, Hands, Nose, Mouth, Tongue, Teeth, Television, Telephone, Baby Boy Aaden (拆開3個字咁問佢都會識得拍自己心口 ...), Square, Circle, Octagon, Triangle, Watermelon, Knife, Heart, Mat, Brush (會自己梳埋頭...), Comb, Toothbrush (識自己刷牙，不過有時會用嚟梳埋頭 ...hahaha), Toothpaste, Yellow, Light, 燈 ...


明白係乜動物嘅聲音：

Moo Moo = Cow
Quack Quack = Duck
Tweet Tweet = Bird
Buzz Buzz = Bee
growl = Tiger
roar = Lion

不過衰在見親有"碌"嘅就以為係車，包括屋企部吸塵機、暖爐同抽濕機，見到發光嘅第一吓又話係星星，好funny ....

其實都係盡寫盡記，有d可能都唔記得咗 ...

記得，係好緊要ga，因為雋ma宜家係屋企嘅人肉快譯通，雋ba雋婆少聽阿迷眼CEO講嘢，有時都唔知佢想表達或者想要乜嘢，呢d都係靠晒雋ma即時傳譯嘞 ....

2010新年事件薄

2009農曆新年 ...... 雋雋仲係小BB又剛剛出世，所以邊度都冇去、陪雋mao係屋企坐月渡過啦 ...

2010農曆新年，係雋雋出世後第二個新年，今年大咗d，可以做d嘢嘞，一切由年廿九開始 .....

年廿九@Outback，陪雋bama辦少少年貨又買吓嘢之後食埋晚飯先打道回府啦，不過雋雋只有玩同睇、冇份食 :P

年三十@柔氏家，雋氏同埋泥氏、Jump氏一齊去探仍在坐月中嘅柔ma同小BB靖靖，自雋雋出世後已經好耐冇抱過咁初生嘅小BB，好懷念呢種感覺!!!

BB好得意、好靜，本身對「靖」好有親切感、亦鐘意呢個字 .... 點解?? 因為雋ma嘅爺爺個名叫「永靖」，感覺好優雅 :) .... 雋ma估自己個爺爺後生時都可能真係幾優雅，佢係文人、仲係開書齋ga ....

嘩 ... 影到d頭髮好啡，其實一向都啡，不過今次啡到好似染髮咁 .... 雋ma重申，自己冇染髮 hahaha ....
多謝柔氏嘅款待，薑醋、pizza、沙翁+椰bun，好味!! 好味到，由呢日開始，雋bama成日去九龍冰室買沙翁+椰bun食，雋ba又介紹埋畀醫院d同事知，又去一齊買嚟食，食到傻，反式脂肪爆燈呀!!!!雋氏都好似好耐冇出現o係團契b/s之間嘅聚會，今日好開心，雋雋又第一次同其他小朋友一齊玩，希望以後仲有多d咁嘅機會啦 ....

是晚都係團年飯日子，不過雋爺要同親友打牌，佢話叫我哋自己食先喎，好攪笑 ....

初一，在家休息，夜晚同雋婆打邊邊，印印姐姐放假，自己家人食餐飯真自在，再加上雋ba豪買日本水產同澳洲和牛肉做打邊邊材料，呢餐飯真係好和味又好爽呀!!!

唔知攪乜東東自己擺d咁嘅pose畀雋ma影相，又係食咗大量老積散嘅小孩典範 .... 笑屎人!!! 有冇人要B模呀，佢識望鏡頭，都算cute，應該okay掛，haha!!
影完自己還原 ....
初二上午，啤太一家四口大駕光臨 .... 心心好得意，最愛佢好爆嘅髮型、同埋成日好似陰陰咀笑好開心咁樣!! 只於一一同雋雋，影相時又係心有靈心犀、一齊唔知望緊d乜 ....
下午，同雋爺雋婆飲茶@西苑，雋爺見到雋雋就萬個歡喜啦，新年願望，希望兩老同雋雋都身體健康，雋婆信埋主、雋爺個病又有得醫就very good la .....

三代同堂，雋叔又冇影，因為又畀報館派佢出trip，仲新年流流自己去三個地方做嘢農曆年後先返香港loo ....
初三，上午雋ba要巡房，下午去探希ma、Hayley、Charis，有帶相機，不過唔記得影相，sigh .... 今日又可以抱初出世小BB，好開心!!!

今日順道約埋雋ba中學同學去阿總裁一哥屋企拜年，因為總裁一哥就住o係希氏對面個座，好近呀 .... 好耐冇見過一哥一嫂，亦係第一次見一仔，雖然好係短短一聚、不過都係好難得，因為呢班男士及其家屬都好難先約到晒出嚟ga ....

初四打後 .... 雋ba返工，即係雋ma同雋雋多數都留守o係屋企，間唔時夜晚先有街出，接住又有人call兩次，都係冇乜好做嘞 ....

雋雋最愛咪係玩車囉，成日都都講 Car Car Car / Bike Bike Bike / "tuck tuck tuck"= Truck Truck Truck呀，佢未發到R/捲痢音ma .... 又係笑屎人 ...

見佢推嚟推去、又扶住嚟行都咁開心，雋ma都睇得好開心 ....小朋友就係咁簡單同天真無邪，雖然有時老積，不過佢哋都係好容易滿足 .... 陪住佢哋玩同成長，就係最好嘞 ...
起碼雋雋每一樣轉變、每一次進步，到目前為止 ..... 雋ma都係可以親身見證到，雋ma好記性，一定會永遠都記住，好難忘、好感動、好幸福、好滿足 ....

農曆生日快樂 ....

大年初四，旨雋第一個農曆生日 ....

再一次祝您生日快樂，


身體健康，


快高長大，


主恩滿溢 ....


最愛扮打噴嚏 ....

爸爸媽媽爺爺婆婆叔叔 .... 還有很多很多人都愛您 .....

都有好多不足之處，不過希望您在這個小安樂窩中仍可以感覺到幸福、快樂、溫暖、和安全感 .....

小小一雙手想捉摸甚麼???

爸爸媽媽心願：

希望您一生不單用手、更能用心去捉緊神、倚靠神，任何時候都捉緊衪每個吩咐及說話，還有衪給您的每個機會 .....

旨：神的旨意，亦有美好的意思 ....

雋：雋永，優雅，才智出眾，能幹 ....

但願這一切都能活現在您一生之中!

給豬皮一族 ..... thx thx .....

唔係賣廣告 .... 因為一d廣告費都冇收 ....

不過真係雋雋雋用開嘅嘢 .... 經要求多多嘅mama挑選之下，當然都係好嘢啦 ....

呢一代嘅小朋友，幸福滿瀉 .....

入正題，上星期日同豬皮一族午間茶聚，Eva姨問起雋雋用開乜嘢奶粉同尿片，因為佢又識得BB-Land嘅老闆，可以幫忙問吓有冇得再折 .....

嘩!!!!!!!!! 真係baba mama加埋買4隻眼又立即發光啦 .....

其實BB-Land都出晒名係全行水貨店最平咁滯，不過雋bama有時自己出去開街就自己買埋返屋企，好少訂奶粉，緊係啦，雋雋人奶主打，都真係慳咗唔少錢ga .... 只係佢開始大又要學戒奶，所以先買咗第一箱奶粉 ....

尿片，最好又安全都係香港代理度訂啦，間唔時用晒先去樓上鋪買咋 ....

所以，極度期待 ..... 再一次可以托Eva嘅鴻福，幫雋雋買到以下咁常用、亦都係好似倒水咁用、用到好有燒錢感覺嘅BB日用品 .......

Eva 好忙嘞，唔該豬皮姨或者其他姨姨s路過似地時，幫雋雋print咗呢段嘢再交畀Eva睇同幫佢攞多d discount啦 ..... HAHAHA .....

Many ........................ thanks!!!!!!!!!!!!!!!!!!!!!!!!!!


星期日又去咗帝京酒店飲茶，係豬皮一族幫雋雋慶祝生日呀 .... 一d都冇遲，129係西曆 ... 過咗，不過農曆年初四先係雋雋舊曆生日、未過，加埋uncle & aunt、大家姐&姐夫、其他姨姨s之大利是及禮物，又要你哋破費，10x多謝 .......

大家姐，順便撘單講埋，托你同姐夫之妹夫鴻福買到嘅平又靚花膠，畀雋婆倒水咁用嘅情況下又就快食晒嘞，唔該下次你買開同雋氏講聲呀 .... :P

*******************************************************
Order@GOO.N 香港代理 - (3個月內可換其他尺碼)

GOO.N 紙尿片- (L) 日本內銷版
54+2片 (增量裝)
單價: 港幣135

GOO.N 紙尿褲 (L) 男仔 日本內銷版
25片
單價: 港幣79

************************************************************
Order@B&M (特價再有9折)

大王GOO.N 紙尿片(大碼)54片
特價 $ 160

大王大碼 (男) 學習褲 42+2枚
特價 $ 160


Bean Stalk(雪印)罐裝奶粉820g (9-36個月)
特價 $ 170
以上價格為1-7罐價

Bean Stalk(雪印)罐裝奶粉820g (9-36個月)
8罐優惠裝
特價 $ 140

Unicharm 濕紙巾 5包裝 - 80片 (清潔pat pat用)
特價 $ 60

Akachan 365 99%超純水手口專用濕紙巾
特價 $ 57

Akachan 365 除菌濕紙巾2包裝
特價 $ 25

近日 ....

每晚雋雋瞓咗就分批包吓利是、執吓嘢，預備CNY ....


近兩星期又有3次畀人問雋雋係唔係女仔 / 係男仔定女仔，前日落club house玩，有個婆婆叫個孫仔唔好同妹妹(即係雋雋 ...)爭車玩，又話妹妹對眼好靚 .... 滴汗!! 雋ma話係仔，佢話唔好意思 ....... 其實雋ma都成日檢討自己幫雋雋揀嘅衫，但諗足一年、都諗唔到邊一忽似女裝?? 個樣有時係似女仔d，不過整體都好boyish 啦，但係今時今日雋雋都一歲0一個星期，都仲係有人咁問咁講，好funny!!!!!!

都好，咁一個囝都可以幫雋ma兩個願望囉 ....


近排下午茶熱選 (不過次次都係雋ba外賣速遞 ....)，K11 銀座梅林吉列豬排包，真係好好食!!!!! 不過其他，雋氏都係鐘意返Tonkichi多一d .....


多謝啤太好介紹，雋ma先可以又買套型仔花仔裝畀雋雋著，真係好型，唔係傳統d人著o個d款，又抵呢 .... 10個開心!!!!

唔好誤會，雋雋唔係做花仔，因為原本阿鵬同celia結婚想雋雋做ga，可惜佢未識自己行，都可惜，但冇辦法啦 .... 係可見嘅一段時間內，飭氏見唔到身邊仲有邊個未結婚 / 有可能結婚住，除非有人情商外借啦，唔係都未必可以趕得切o係雋雋咁細個又最得意好玩嘅時候做花仔嘞 ....

有見及此，雋bama決定買套tux幫雋雋影吓相、留為紀念!!! 先試試件西裝外套先，襯tee + 紅色converse，都好ok呀!!! 係咪成個小明星咁??? 得唔得?? simple but stylish，雋ma揀衫之道，等mama同雋雋度一度點襯至好，遲少少畀大家睇吓佢著全套tux嘅樣啦 ....

試食新嘢 ..... @iSquare .... 7/F
(商場carpark未開，係唯一唔好處，地鐵仲有lift直達，good!!)

食之前 .... 先要砌飽雋雋，有雋婆靚湯260ml + 雋ma愛心粥一大碗 .... 仲有好多架車仔同書畀佢消磨時間 ...

呢度服務好好，d人好nice，為咗畀雋雋架BB車擺得舒服又安全，轉來轉去d枱都冇問題 .... 食嘢前，有人幫你"nam"小圍裙 .... 之後，仲有人幫你燒燒d肉 ..... 可能見雋氏有BB，所以走嚟幫啦。其實食燒肉，雋ma都鐘意自己燒嘅，不過今時唔同往日，開始時就畀人幫幫忙啦 .....

仲有一樣雋ma好滿意，就係呢度抽風系統好好，食完個身同d頭髮呀、衫呀都冇味，讚!!!

不過，價錢就唔讚啦，香港食呢d又咁嘅服務，都要嘅，但日本就平好多 .... 宜家食一次，你預去間6星級酒店食餐二人buffet價啦，仲係基本ja .... 以食飽個肚嚟計 haha

新開張，以下推介款式有20% off .....

黑毛和牛三拼 ....... 黑毛和牛西冷 (最好味，之後要追加一客!!!) +　黑毛和牛牛柳 (雋ma麻麻、雋ba ok ...) + 佐賀和牛肉眼 (都好食...)


海鮮拼盤 ..... 有手掌咁大個殼嘅大帆立貝 (咁都好大舊肉ga，加清酒燒，好好食!) + 佔咗三份二個爐頭嘅大虎蝦 (好好食!!!!!!!) + 原隻鮑魚 + 好多條長腳蟹腳 & 唔記得乜蟹 .... 好粗個d呀 ....嘅蟹腳 ... 燒呀燒呀燒呀 .... 等呀等呀等呀 .... 雋ba另外order咗一大碗好味嘅日本白米飯同雋ma至愛冷蕎麥麵，想食sushi同刺生，見隔離食好新鮮好好味，不過兩個人真係食唔落咁多，而且雋ma今年想立志戒食魚生，所以可免則免嘞 ....

後段雋雋有d扭計，一扭眼瞓、二扭坐o係度太耐 .......


好得有佢 .... mini DVD player。其實之前掙扎好耐，最後都買咗，不過未試過帶出去用。主要都係想第時出外去旅行 / 有時知道要出去食好長時間飯先帶，以備救忙 .... haha。費事佢成日睇電視 .... 雖則都係d英文DVDs / Sesame St o個類，不過唔想濫用 ....

今晚雋雋好扭計時，終於都要用到佢，係第一次，都係睇佢喜歡嘅YBCR英文教學DVD，立即安靜好多，起碼雋bama可以快快手又o係冇咁緊張(其實都仲 好緊張ga...)情況吓食埋餘下嘅嘢 ... 既然佢咁鐘意學英文，一家便宜兩家著，就畀佢睇一陣啦，haha ....


近來其實思鄉病又發作，都幾嚴重 .....

大家都知我講嘅鄉下 --- 就係日本，係 .... 又係日本，雋ma要努力達成o係雋雋兩歲前、要好好善用o個d小BB特惠機票，務求做到雋雋兩歲前去大阪 / 北海道 / 東京各一轉 .... 其實唔過份ga，以前都係一年起碼兩次旅行啦 hahaha ....... 舊年去咗一次，2011一月前去多兩次就ok啦 .....

東京天書，n年前買落，未夠update .... 雋ba醒目自己買咗本新嘅畀雋ma鑽研，鑽得嚟差唔多去ga la ..... 不過又想去Hokkaido，都係睇住先，加上之後去就會自己租車玩ga la，所以都要買埋d自架遊嘅天書呀 ....

話時話，隨住雋雋長大，雋氏都覺得如果可以同埋其他朋友一齊出外旅行仲開心，特別有小朋友嘅就更好啦，因為佢哋可以一齊玩，開心好多ga，而且幾個家庭一 齊租車周圍玩周圍食周圍買又有個照應，係比自己去好囉 .... 跟團，向來唔係雋ma杯茶，要去就自己去啦 ....

有冇人想一齊去呀，雋氏大召集呀，召到就perfect，召唔到都係會去ga la，有興趣記得call雋氏 .... wah haha .......


今晚係要買handcream用到冇晒都唔知，唔似雋ma風格，因為閒閒哋都有4567支存貨o係屋企嘅竟然用到冇都唔知，生完囝、真係記性差咗 .... 食得夜，都去唔切買 ...

不過，泊車個商場係必須經過吓d鋪頭先去到carpark嗎，咁順路，又啱 .... 咁就買件過年衫畀自己啦 .... 以前雋ma都幾shopaholic，不過隨住自己變做全職mama，shopping 時間大減80%有多，就算買、好多時都係幫雋雋買，除咗上次去日本時買過衫畀自己，好似返香港後都冇買過loo ..... 雋ba都係呀 ....

都係多一句，今時真係好唔同往日，好多嘢都係嘞 .......