雋雋 の第一次 - 打、針

打 - 自招嘅

因為有小朋友唔乖，近月經常性妁將d有轆嘅家居電器推來推去 .... 因為鐘意車、當車咁玩 .... 又試過一次掉d玩具入個抽風口，已經成日警告佢，咁亦都玩少咗好多 ....

但係今次就玩得太癲，竟然襯媽媽轉身入廁所一刻，將成部抽濕機向前推跌 ....


抽濕機就當然立即停咗冇反應啦，不過最嬲係、部機個水箱係可以抽八公升水 .... 當時都已經超過一半 .... 咁都起碼有五-六公升啦，成個水箱跌埋出嚟，成地濕晒，由廁所到媽媽房門口到雋雋房門口好大範圍濕得好緊要 ....


當然剛剛幫呢位小朋友換完屎片，已經未洗手、好dirty，突然間整單咁嘢 ....

有人仲立刻逃離現場，知道事敗畀人鬧仲一路都唔敢行近媽媽身邊 ....

屋企係櫸木地板，濕得太緊要好難攪，又滲晒水落去，出晒水印 ....

抽濕機當時運作緊，其實好驚會漏電就真 .... 而且部機好重，一"窄"親都唔知點算 ....

加上部機都唔平，雋ma當年未嫁時買都要三千幾啦，宜家差唔多嘅型號都唔止 .... 當自己見到連抽風口入面都入埋水，仲唔識郁，真係乜火都撥起晒 ....

今次實在太曳太瘋狂，要狠狠警告一次、亦都真係要打一次 ....

平時太曳係咁打吓手板、pat-pat、噴口水時彈吓咀都會，不過今次都真係唔留力，打到佢隻手留晒紅痕ga ....

緊係唔會開心啦，不過去到有d位只係講係已經冇用 ... 太過份，就要嚴一次 ....

雋ba ma深信呢次係一個大教訓，之後 .... 佢都唔敢再掂部抽濕機嘞 ....

而且事後媽媽叫佢say sorry .... 佢今次都知衰，好快做咗 ....

係呀 .... 佢好攪笑，佢幾個月前已經識say sorry，學大人咁擺隻手o係額頭上面拍幾拍，每次就係咁say sorry .... 今次 .... 係最快一次 ..... haha ^^

後來見媽媽抹地又抹返乾部機辛苦，又走埋媽媽身邊、錫返媽媽 ....

媽媽都有say sorry呀 .... 因為，知道今次真係打咗佢兩掌好好痛 .... 後來隔咗陣　抹乾d水，部抽濕機都識郁返嘞 ....

希望你以後乖啦，唔好咁搗蛋 .....

針 - 係無奈 ...

呢頭好日 .... no ...應該係好年都冇蚊針，但一針就好勁 .... 媽媽半夜已經痕醒咗，根住連雋ba都係，凌晨買點幾瞓都瞓唔到要開燈捉隻衰蚊 .... 係隻白紋伊蚊，好毒o個隻添呀 .... 因為針到又紅又腫 .... 仲係針係面 .... 雋ba好d，只針腳 ....



以為雋雋冇事，第二朝先見d反應出晒嚟，紅晒一點點，面同手都有，幼嫩嘅BB肌膚好似針到出紅疹咁 ... poor!!!

雋ba話因為BB嘅免疫系統未發展完全，所以就未識痕、又唔會腫起，只係出咗紅點咁 .... 但係雋ba ma婆睇見都肉痛 ....

今朝，仲自己唔知o係邊度玩時又"界"損手背，又痛多樣啦 ....

雋ba今晚立即去買電子驅蚊器，ALFRESCO 好有效嘅草本防蚊保濕lotion當然要旁身啦，夏天到又濕又熱，小朋友新陳代謝快又體溫高，冇咗呢d嘢坐陣真係唔得 ....

雋雋16個月 -- Wise-Kids@CyberPort

雋雋踏入人生第16個月 ... 一歲0四個月大嘞，點解時間會過得咁快??


仲有雋雋嘅身段，有如一個兩歲或以上嘅小孩子，有d接受唔到你個BB樣會消失得咁快 ....


而且重咗好多，媽媽抱到對手好有斷臂感覺 .... 用sling，兩個膊就好似背住千斤石咁，唔可以企直嚟行路 ....


用BB車，架車本身都大又重，好得係咁大架，唔係其他型號牌子車種根本好難仲可以載得落你、而你又可以感覺舒適 .... 難處係，加上個仍然好重嘅奶粉袋，媽媽推住架BB車經常出現左搖加擺情況 .... 好重呀!!!


近日唔見天氣晴，想同雋雋出去海灘玩沙、去海浪公園、去赤柱、去西九長廊踩單車 .... etc.，全部都唔駛諗 .... 認真冇趣!


突然醒起Wise-Kids Playroom，不如去CSB啦，室內有嘢玩又可以出吓去行吓，唔駛雋雋成日陪媽媽shopping，商場又唔多嘢啱佢玩 ....


點知，摺埋咗 .... 不過CyberPort個總壇都尚在，1600-1715個session仲有位，即刻去啦，20 mins車程，去到都仲有45mins玩，仲平d，所以又帶雋雋去玩咗陣 .....

時間雖短而且又剛剛瞓醒入去玩，不過雋雋都玩得好開心，因為有好多玩具玩，又有佢最愛嘅車仔同埋啱BB嘅遊戲，最後又同其他小朋友一齊唱遊，都幾好呀!!

相?? 冇得睇，因為playroom內根本唔畀影相 .... 要睇，自己去玩啦，個setting成日轉，都okay嘅 ....

停晒雨，出去海傍行吓、又畀雋雋睇吓狗啦，係呀，呢度好多人嚟放狗ga ....

住唔起呢d地方，嚟影吓相、行吓　同索吓d海水味都好嗎 .... 睇吓有幾cyber囉 ... hahaha ....

同場撞到雋ba中學同學堅老爺，banker .... 當然都係住呢個咁cyber嘅屋苑啦 .... 仲帶埋隻比熊同埋大肚老婆一齊散步，好日都唔見吓，傾咗陣啦 ....

雋雋o係美麗嘅海景前嘆完奶，到爸爸媽媽要醫肚，餓c人 ....

@酷酷 .... 除咗好似浸晒咸水嘅台式豆腐，其他都幾好味呀 ....

希望快d出現天氣晴，等雋雋嘅互外活動可以再次進行!!!

2010東京親子購物自駕遊 - 後記

係咪出得好遲呢? 我自己都覺得係 ....

不過由去東京前、中、後都係病緊，返嚟後雋ba同雋雋都病過，本身已經攰又病又燥底，加上自己要善後一大堆行李同戰利品，根本唔想郁，日日前所未有咁早瞓，最早嘅十點就灘o係床瞓到第二朝嘞 (當然中間有人要飲奶又會攪醒我一至三次不等啦 ....)

加上唔係好高興，已經灰到想停blog .... 因為我連上網check email嘅動力都冇乜 .... 又或者開咗機都冇動力去熄機 .... hahaha ....

因為想停blog，攪到宜家要追blog，真攞命 ....


好 ... 返嚟正題!!!

總括呢個2010東京親子購物自駕遊，算係幾順利同ok，加埋上次帶住9個月大嘅雋雋去大阪，其實雋bama o係帶BB去自遊行都算好成功嘞，起碼8成想去嘅地方去到，想買嘅嘢都買到 .... 呢個都全靠以前係shopaholic 嘅自己，老咗又生咗個囝、不過仍然有對摩打手同腳，加上貪靚、貪玩、貪食、同埋一對探射燈咁嘅衰眼，樣樣都睇中，雋雋一瞓我就去瘋狂購物，醒咗就揾人推囝周圍睇周圍玩，好等呢個日本之旅唔好白費 .... 買唔到心愛又有用嘅嘢，自己會好好好好好好 ........ 唔開心囉 haha .....

自駕遊重點，車同GPS。去之前有好幾個朋友都叫我哋坐火車，因為東京成日塞車、加上火車方便wor .... 我知，不過佢哋冇小朋友係唔明ga，冇車，落雨、BB瞓覺、餵食、發眼瞓癲、shopping後又要推stroller又要攞好多戰利品 ...各樣各樣，根本係冇可能ga，日本有d火車站舊，未必一定有lift上到地面，一係又行到無雷公咁遠，好唔方便囉 ....

結果呢，多謝有d有BB又去過自駕遊嘅網友強烈推介要租車，真係10個方便，好多地方泊車根本又唔駛畀$$，一係求其有d消費又有長時間free parking，塞車??? Super thanks to GOD!!!!!!!!! 係冇塞過，係連號稱返親Shinjuku都例牌塞嘅高危點代代木都冇塞過一次，只係由Mother Farm返Shinjuku o個吓去到涉谷附近有交通意外，但都只係慢車咗15-20mins.，係可以接受 ，o係東京、咁唔可以叫塞車嘞 .....


GPS，係第一日用時未好慣同好識分辨IC / PA / JCT o個幾類有料道路出口分類，係兜咗d路，不過都ok，之後識睇而且第二日都習慣咗好多，所以就揸得順咗又快咗好多 .... 全部預定目的地都去到，只係有時去到附近就當你到咗，不過d入停車場位 / 泊車位唔係好對路，所以必須要停低入多次個目的地(唔係個個點有show埋停車場畀你揀ga...)，又或者試過專登唔跟GPS、一直向前行唔係佢帶嘅路 (當然又唔駛兜好遠啦 ....)，然後停低再入一次目的地，咁就可以出咗第二條路，又可以揾到正確入口入去停車場嘞 ..... (大家必須理解個地方嘅入口唔一定 = car park入口ma ....)

車，都係租TOYOTA最好。想分享d網友經驗，就係租NISSAN嘅車，車行d人冇set好個car seat，跟住試過剎車時成個car seat飛咗出嚟夾住個細路，又有人試過收到錯嘅還車車行電話，攪到還車去錯地方、兜餐懵。所以呢，租車係有好多公司，不過大公司都係好d，如果你想租TOYOTA就去豐田Rent-A-Car，HONDA / NISSAN也好、就幫襯返佢哋自己嘅公司租，唔好揾其他嘞，因為自己公司車嘅租車服務、安全、性能都係會好好多，學麥師傅話，有得揀，都係揀豐田啦，日本車最好都係佢嘞 .... 事實呢，Rent-A-Car嘅職員真係好好，部車都冇問題，唯一唔慣係唔記得request要埋皮坐位車，今次坐得有少少唔慣呢 .... 同埋自己香港部車避震隔音真係好好多呀 :P


是次租車租4日3夜，原因係，我plan好晒頭幾日要去Anpanman Museum / MotherFarm / Kawasaki，預多一日因應天氣而改行程做後備，之後去Disney有free hotel shuttle，Shinjuku shopping，唔駛用車啦，最後一日自己揸車去機場?? 咪傻啦，已經多行李又趕住checkout，加上GPS係好ok，不過都有時帶錯路，佢唔錯不過人可以睇錯，要趕去機場check-in，趕唔到就冇得返香港，唔趕得笑，塞車要計，加上去到又要攪還車，d職員又要check吓嘢，還之前又要揾油站入返滿油 (東京唔係好多地方有油站ga ...)，既然酒店樓下有Airport Limousine，又有人幫你搬行李，咁緊係坐巴士啦，我地覺得坐巴士係仲好過Express 添呀 ....


行程同天氣，多謝天父保守，應該落下時就落雨，要去老遠戶外地方時又唔落雨 / 臨走先有雨，令到雋雋一家可以去到晒預定嘅大部份行程，起碼好想去同埋真係好遠嘅都去到囉，好開心!!! 真係不枉我o徙咁多時間心血去plan個行程同揾咗咁多資料呀 .....

最愛日本，係所有嘢 .... 食嘅雖然冇o係香港咁多選擇，不過欣賞日本人o個份用心同誠意，就算o係food court食都好，有好多都會煮得好好味、又乾淨，本身d水土又好，所以食物質素又高，咁樣煮出嚟都差極有限。買嘢，好均真，平嘅就係次一等，唔好講價，貴嘅就係好d嘅，一定唔呃你，真係明碼實價。仲有我最愛日本shopping，d sales真係好禮貌到不得了又服侍周到，就算我試到成枱衫到最後都揀唔啱，so far咁多年來都冇試過畀人白眼過一次，仲係90度鞠躬送你出門口，有買嘢同冇買嘢都係一樣待遇，我鐘意，呢d $$咪抵畀佢賺囉!!


不過我最開心，係去親日本我條風濕腰都唔會痛，坐骨神經痛一丁點都冇神經，日日正常，健步如飛又唔會瞓唔安坐唔落 .... 唔好問我點解，有醫護界人士話呢d同氣壓濕度都有關係，香港好濕，所以成日 .... 係幾乎日日都都周身唔舒服，我條腰仲準過天文台呀，好似三日前我已經骨痛，琴晚天氣預報就話今個weekend會落雨嘞，萬試萬靈!!! 日本Phiten tapes就全年伴隨我左右，因為咁 ... 次次去日本都要掃貨，平香港成一半嗎 .... 今次，係掃咗4盒 = 4000粒，以我平均每3-4日貼10至16粒不等，應該會捱得到下一次日本之旅掛???

一定會，因為我又心郁郁諗緊我嘅北海道之旅 ... wah hahahaha .......


唔鐘意，日本乾d利我條衰腰，不過好不利皮膚，加止瞓酒店冷氣房，乾到d皮膚好敏感，有地毯 .... 最dirty最討厭，冇鼻敏感嘅人唔會明ga la，今次酒店好新好乾淨都好，始終地毯就係唔會乾淨得去邊又會多塵蟎，我第3日開始已經日打夜打"克痴"嘞 ...

最後，係呢篇重點，我一定要講，係雋bama共同心聲 ....... 係關於旅行社 ....


由少女時代開始，去日本要跟團就只會跟"中環遊"、唔會參加"東ing遊"，近幾年買package自遊行都唔想跟呢間，因為佢個老闆係反骨仔 ... 其實好多人都知，佢係"中環遊"前高層，n年前唔妥跳出嚟自己攪一檔，d團仲樣樣跟到足，要頂難市爭生意，都明嘅，不過我唔like呢d人囉 ....

同埋老字號係"中環"，有人覺得宜家追唔上"東ing"，冇嘅，以前改個名咁東瀛、要追殺人哋，今日咪又攪到好似間"身心康泰"咁乜地方都去 .... 冇性格! 而且當年參加同一地方嘅團，其他朋友跟"東ing"，話d行程有d揾笨同蝕時間，所以更加冇好感，自己去，當年Chin San幫我哋d人o係Hokkaido揀海鮮，落手落腳、唔啱幫你揀到啱，對面"東ing"d皇馬褂導遊就求其揀咗畀d團友就算，所以一直都冇好感。其實大家有留意嘅，"中環"仲係堅持用CX、住嘅酒店都係好過"東ing"，"東ing"好似抵d又多promo聲勢浩大咁，但係好多時都係JAL/ANA/二線 cheap cheap airlines，連酒店都係咁 ....


CX Package，其實就間間差唔多，都係幫CX Holiday買，所以去邊度買都冇好大分別，就差在d售前同售後服務 .... 我哋今次揀咗好唔想揀嘅"東ing遊"，係呀，雋ba都同雋ma一樣唔like d反骨仔公司ga ... haha .... 但揀嘅原因：

原定揾返"中環"幫手，一來相熟劉小姐冇做，最重要係佢哋冇代租車服務。好失望! 自己湊住個痴身嘅囝，加上又病又要plan行程又要執行李，有想過不如去Rent-A-Car website自己book車，不過online booking要用日文，咁又唔想麻煩d朋友，有telephone booking，不過用英文，日本d人近年英文係進步咗好多，不過好多d口音都係怪怪哋唔係好肯定佢講乜，最慘有時佢都唔知你講乜，仲要係打IDD咁去book，book車牽涉到好多車型號、要求、攞車/還車地點、時間、$$ .... wow好多煩嘢，真係唔係好信得過係電話攪囉 ....

所以，兩個懶係正氣嘅阿爸阿媽都要屈服，揾有得代租TOYOTA車嘅"東ing"幫手 ... 百般無奈!!

因為，結果係令人好氣結!!!

由最初同"東ing"訂package，Milk Lau 小姐話班機唔係好full、又可以confirm CX機位、仲係window seat畀我哋 .... 不過隔咗一個星期話confirm唔到又冇window seat後，已經好唔老泥 .... 話咗佢一輪，又confirm到lor bor，不過後排咗，話突然好full喎 ....

跟住，酒店方面要upgrade king size bed (double) + air purifier (雋ma去邊都一定要攞呢樣嘢，唔係個鼻會唔駛要ga ....有bb，更加要啦!!!) + baby crib + non-smoking room，初時一切順利，同o係"中環"做法一樣，要上述呢d嘢，除咗thru旅行社問，自己都要send email去同酒店講，咁會好好多 ....


衰嘢就開始出現，Keio PLaza Hotel就拖住"東ing"又耍佢哋，冇話d嘢唔ok，但就話間房細(唔係馬deluxe room + king size bed會細?)，又話twin bed room可能先放到crib (不過好重要係"東ing"話佢哋同Keio嘅人都相熟，可以傾傾攪得掂 ...)，但係酒店分成10次覆我哋就話「baby crib呢，就只係for 1 or below，一歲以上係唔suggest瞓bb crib，話有危險」、「一歲以上可以用safeguard」...etc.，妙在，有個網友上年10月、即係我地去大阪同一時段就住Keio Plaza Tokyo，佢哋都係deluxe room，只係住一晚，有air purifier + baby crib，個囝係22個月大!!! 咁冇可能雋雋得15個月都冇囉，請問15個月唔係baby嗎?? 香港邊d crib係唔可以畀一歲以上瞓ga?? 更嬲係我地用呢個case問酒店，一直迴避唔答，"東ing"同我地估應該係今年年頭出過意外，所以Keio怕死唔肯再借 ....

講咗10次都係咁，一開始就係唔想借，出過事，算囉，你老實講我地係唔會再問，佢根本知我地唔會要twin bed room，所以一開始諗住咁打發我地，誰不知我哋又係咁繼續問點解，酒店就愈答愈衰自打咀巴，後來仲攪笑，諗住咁煩咪要safeguard算，但知唔知呢間有1,400以上間客房嘅酒店有幾多個safeguard????? 係5個!!!!!! 係，ONLY FIVE safeguards!!!!!!!!!! 重點，酒店同我講，只有兩個借畀我用，係，ONLY TWO avb for us !!!!!!!!! 佢哋話有人借咗三個，所以只可以畀兩個我，攪錯!!!!!!!!!!! 100個嬲!!!!!!!!! 咁你叫我地用???? 好，再問佢高度，仲離譜，set咗埋床只得15cm高，咁SAFE乜嘢呀?? 佢話識行識企嘅不宜在crib瞓，話會跌落地，咁宜家呢?? 有一邊冇safeguard、另外兩邊safeguards又矮，雋雋82cm高喎，點呀??


其實雋雋都係跟我地瞓多，不過有時行開行埋未必每一刻睇到佢，佢宜家又周圍走周圍撞，好驚，都係有crib做後備好d .... 攪攪吓都傾到唔想傾，呢個"東ing"又成日拖字訣幫唔到手，費事煩，諗住乜都唔要，呢個時候就要多謝神，Keio 無啦啦話照借兩個safeguards我地，另外又借埋crib .... 不過，要我哋簽免責聲明咁，話有乜事跌落地受傷酒店唔會負責囉 ....

haha 我地諗，借safeguard都冇簽免責聲明，咁有一邊冇，如果出事，係咪我地可以告佢同要求賠償呀???

如果唔係呢間酒店翻新晒房又大、又有bell boy幫手攞行李 (係呀，日本有d冇ga，自己攞餐懵囉 ...)，仲有位置好，o係Shinjuku，但係近商業大學區o個邊，靜好多又少d人，不過行去shopping熱點又唔駛10分鐘，好方便，而且有Free DISNEYLAND Shuttle Bus，Keio門口又係Airport Limousine Bus Station，仲有免費房內上網，又多餐廳揀 (呢點對有小朋友嘅家庭好緊要，好似我哋咁，打風落雨又攰又夜都唔怕，因為碌落樓下都好多好嘢食 ... )，仲有自家嘅便利店，唔駛走出街都過到一日，泊車呢、都好抵，1,000YEN一晚，checkout一次過計，夠方便，所以終合以上種種，都係揀咗佢! 如果唔計其他小家嘢 (包括借crib / safeguards / 水壺 /膠紙 / 攪速遞 ...etc.)，其實各方面都幾好 .... 仲有係死都唔肯delay checkout，大阪d 酒店好多都肯 (可以去到2-3pm都得)，呢方面Keio真係好煩 ... 因為11am就要我地checkout嘞 .......


總之，酒店呢part，"東ing"其實冇乜點幫到我哋，係靠自己爭取囉 ....

車，更加之衰 .... 當然係"東ing"，日本Rent-A-Car 職員係超級好，點好?? 之後我講返d行程時先再講，"東ing"d衰嘢就宜家講咗先。我哋要求：Toyota WISH + Non-smoking Car + Silver Color + Car Seat + Narita Airport pick-up + 南新宿Toyota 還車(近Keio)。

"東ing" feedback，初時又係話乜都ok，事隔兩個星期，先話唔可以南新宿Toyota 還車、只可揀東新宿Toyota (係遠好多，要坐一個站火車返嚟 ...)，一般都真係咁回覆 .... 點解我地肯定得呢，又係多得d網友，4月剛去完，又係thru "東ing"租Toyoto車，大塞車，塞到火車東新宿Toyota要關門，d職員話其實去南新宿Toyota都可以，仲係收8pm，唔駛趕，所以先知道不來係可以咁揀。不過旅行社就話唔可以，如果係會有add. charge .... 其實我地都預咗有呢個變數，不過有大有細，如果加少少$$可以揀個近地方還車，咁都未嘗係壞事吖 ....


Milk Lau小姐問完，又話okay，點知過幾日，又話再問過都係唔得，話驚南新宿Toyota冇咁多位擺d還嘅車，所以Narita pick-up嘅車一定要還去東新宿Toyota。好、算 .... 又隔幾日，Milk Lau不在，駛個唔知乜水男仔打嚟，竟然話冇non-smoking car ........ 有冇攪錯，自己上網book都可以咁揀，唔可能冇囉，雋ba鬧到佢傻，因為有BB加止雋ma鼻敏感，平日o係香港上的士聞到有少少煙味都立即跳返落車啦，我有乜可能7日都坐架煙物jeh??? 仲要"東ing"一直都話冇問題，confirm晒豐田o個邊又畀晒全數，臨去之前幾日先話唔得，好過份 ... 妙處，第二日又話得嘞，我地覺得係"東ing"d人一早做洩嘢，諗住話乜都唔得就過到骨，好衰囉 .....


我知寫咗好長好長，不過容許我寫埋最衰呢part .......

去到Narita Airport當日，其實Rent-A-Car唔算好多人，其實人都好快攞到車 ...... 唯獨我地，好似之前有個網友咁 (又係thru"東ing"租ga)，等成45mins. .... 可能有多添 .... (一般15-20mins已經好快有人揸架車嚟ga la ....)，當地Toyota Rent-A-Car職員話，有雋bama個名，不過其他所有資料：包括租乜車種、係咪禁煙車、要唔要car seat、邊度攞車/還車、租幾多日、連"東ing遊"預先收好晒我哋嘅車租同手續費，OMG!!!!!!!! Rent-A-Car 竟然係一d都唔知、亦都冇收過，結果呢，雋ba要度重新填過晒所有資料，又要對d証件對咗好耐 ("東ing"係衰格到連最基本一定要有嘅國際駕駛執照copies都冇send畀Rent-A-Car呀，人地點信你又租車畀你揸jeh?? 根本衰d可以唔理我地添 ... )　問你c未又驚唔驚?? 最慘正直雋雋肚餓時段，坐完飛機又攰，餵食飯食咗唔多又扭計，扭眼瞓、扭餓、扭冇得郁 .... 樣樣扭，大喊，雋bama就餓到七彩冇嘢落肚 (大早出去冇食早餐、但飛機餐好唔夠飽呀 ....)，真係一個壞開始，好唔開心，好想喊 .....


唔好意思，有諗到多一樣"東ing"衰嘢，雋ma request CX 兩份blanc (低鹽餐) + 一份生果餐畀雋雋 (baby meal難食，雋雋都唔會食 ....)，"東ing"confirm晒、o係電子機票都打埋出嚟，不過香港同東京回程check-in時証實，"東ing"係畀錯資料CX，"東ing"竟然只係落咗一份blanc + 一份水果餐畀雋bama (去東京)、一入blanc + 一份baby meal 畀雋ba同雋雋 (返香港)，咁 .... 淨返個位食乜呀?? 煉仙呀?? 人哋唔一定多好多餐做後備、有時又係d crew 預出嚟畀大家ga ja ....

大家睇到以上"東ing"嘅不負責責任、同埋順口開河辦事方式，唔知覺得點?? 雋bama呢，就覺得係一個好好嘅引證 ..... 引證咁多年來唔鐘意呢間反骨仔嘢旅行社、唔會幫襯佢係明智之舉ga，初時貪自己方便，唔駛煩租車，點知樣樣都衰、仲係最衰、最多錯洩就o係租車呢part，以為可以藉住呢次對"東ing"改觀，宜家最後係仲衰過以前 ..... 好多嘢好荒謬!!!

我知可能仍然有好多人投佢信任一票，亦都可以有人話係我地黑仔，不過，明眼人如果見到上述種種怪事，就知道唔係偶然，係好好好好明顯係人為錯失，任你間公司有幾多幾浮誇嘅宣傳同口號，又有幾多讚好嘅員工同顧客，只要有幾個呢d咁嘅人o係度做嘢、又或者間公司內膽根本係咁，其他人冇我地咁黑係佢地好彩，我地遇到就係感恩又係一個經驗，起碼講到畀人知，就好似d網友話我地知一樣 ..... 下次，唔會再咁蠢同撞板嘞 .....

唔開心嘢講完，之後，我會慢慢追返雋氏7日東京之旅嘅點滴，期待中 ....

不過要等等 .... ^^

嬰兒房 ....

滿懷歡喜咁去，當然有期望啦 ...

不過呢個房呢，就真係好不利d有BB嘅家庭入去 ....

細過自己睡房嘅設計，加上係"L"型，有張換片枱，有幾個大紙箱 .... 係用嚟放地蓆，放乜吖，開都唔夠位開，有位家長開咗4塊都已經阻住出入.....

坐位 .... 得最後一排，第一次得6張椅，雋bama都輪流要罰企咁，仲要雋ma咩住雋雋瞓，唔好妄想加多一行位，好有o係戲院坐頭一兩行嘅感覺，睇到頸都攰.....

遇著有人要BF，拉埋換片位個簾，就好似雋氏書房咁上下大，mmmm .... 可能都冇，加埋BB車，好惡攪 .... 有同工話唔suppose有BB車入，不過有好幾個new born babies，就算雋雋都係15個月 (睇落雖然唔似 ...)，有BB要坐o係車餵食粥，有BB又要瞓覺，淨係講雋雋瞓覺啦，佢咁重又長，要雋ma一個由頭到尾抱住 / 企住抱佢個幾鐘真係會斷臂 ..... 要攞嘢換片、開奶，唔通叫個個行出行入咩 ..... d位只係剛剛好，唔好諗住有好多多餘位去放大家嘅奶粉袋 + 手袋呀 .... 而且，有人係帶埋工人嚟ga ...

唔好建議話其中一個家長入禮堂，有時真係一個人攪唔掂，個BB細，兩個都想係度嘅大有人在，加上費事有事行出行入，仲煩 ....

第一次時，多人到椅又唔夠、出入又唔方便，一個BB喊、其他又跟住一齊喊，surround sound，都幾攞命 ...

學孫太話，配套係新，不過就係細咗d ..... 同埋畀人感覺幾局促，雋bama唔係覺得好自在添 ....

雋雋呢 ... 似乎呢個地方幾不利佢，因為佢成日喊，加埋之前會去My Gym上堂，已經又攰又眼瞓，咁房細就變相又迫又嘈、根本瞓唔到 ....想落地玩又冇位玩，上次差d畀人開門撞親添，咁對d咁細嘅小朋友又o係間咁細嘅房，可以點呢??

雋ma呢，咪=冇崇拜，因為要行出去電梯 / toilet附近行來行去等雋雋瞓 ....

都係o個句啦，唔係多聲氣，只係構思嘅人未必係有BB / 小朋友已經長大，對呢間房嘅需求唔了解 / 唔熱切，咁又點會理解用家嘅需要呢??? 唔單只係自家，仲有其他同埋後來好多好多家ga ma ....

又話想教會生養眾多，其實現有同嚟緊嘅都唔會少，呢間房，有乜可能夠用呢 ....

除非教會唔諗d人帶BB返嚟囉 ...

有問題出現又未有人正視到，又或者一開始設計唔周全而現時同可見將來都解決唔到，雋氏都係舒一舒口氣，又講吓用家心聲jeh ....

雋雋仲有7個月先夠兩歲參加AWANA，呢段日子點過好呢?? 仲滿心歡喜過埋嚟，但真係有少少難度 ....

舊嘅，唔會去啦 .... 冷清清又唔多人識 ...

唔帶雋雋返，唔想囉，原意都唔會係咁啦，更何況去My GYm都去到1615，咁點會又走來走去又掉低佢呢?? 畀佢習慣吓都好ma ....

孫太原來都係恩福人嚟ga，都係畀雋bama估中應該係姓黃嘅人揾d舊拍檔過嚟幫手啦，佢都仲有o係星期日崇拜幫手做兩堂兒童關顧ga ....

最差、亦都唔係特別想嘅 7個月逃難方法，返去自己母會避一避?? 話晒都曾經係自己地頭ma ....都仲有好多人識嘅 .... 而且都真係會友，點解唔可以去??

不過，唔係首選，都係可免則免，除非試多幾次都係咁，就要好好考慮呢個折衷辦法 ....

咁都不忘有d邪人，不過今日唔會再影響到自己囉，雋ma諗d人會心虛驚自己多d ... hahaha .... 花子，你話係咪呀?? 如果雋氏返嚟，一定會返children"s choir 探大家!!!

2010東京親子購物自駕遊 - 預備篇

國際駕駛執照 .... 前兩個星期申請咗，10個工作天後寄到 ....

雖然雋ma 8年冇正式揸車 (其實上年一坐完月都走咗去補鐘一堂嘅 ....)，不過既然自己都有駕駛執照，去到日本係就係雋ba主打揸車，不過都唔差在畀多$80 ... 攞多個國際牌自己旁身，起碼雋ba攰或者有乜頭暈身"慶"雋ma都仲可以頂上嗎 .....

當然都信唔過自己，要補補鐘啦，以前教雋ma嘅朱師傅係朋友嘅老爺，好人又教得好又平，可惜宜家只教貨van，又唔想攞雋ma架尚算新嘅車去補 .... 費事有乜事就衰啦 .....

唔想揾坐月o個次個Mr. Lau，好多嘢講，攪到雋ma唔可以專心揸車 ....

估唔到雋ba，去李健幫雋ma一book就book咗架8人Serena 去補鐘，wow!!! 90mins.要$520，其實超級貴，不過市面上好似得佢有8人車補鐘，更重要係全李健都係得呱一架，所以 ... 係貴好多 .....

其實初時有d擔心，驚咁耐唔揸，一嚟就揸架8人車，真想c .... 因為Serena都唔係小嘢，size係泊得住 Alphard 咁大架 ....

去到見到實物，上埋車，好似 ... 又好少少 .... 鐘意佢呢架補鐘車冇個"P"牌貼o係車身，唔知 .... 好唔鐘意，畢竟都10年牌有多，好唔like有塊咁嘅嘢標籤自己，佢用咗個"補"字代替　又寫8人車補鐘，好似好聽d，HAHAHA .... 又呃自己 ..... :P

結果 .... 都好okay，大家出街唔駛驚，由太子、九龍塘揸揸吓上埋龍翔道，師傅話下次想過埋海都okay，不過雋ma最想係補補d泊位先，因為去日本租咗架Wish 7人車，車身都長，同雋ba架車一樣，不過緊係冇人肯借架車雋ma咁玩啦，所以就要畀錢人嚟補補佢囉 ....

另外係 ..... 原來8人車仲好揸同埋睇位容易同清楚好多，雋ma驚第時揸返Camry仲唔習慣呀 ....

仲有，呢位 ... 亦都只此一位教8人車嘅"李健"師傅 ... 阿麥師傅，教得好好，好人、指示清晰、講嘢精簡夠重點、理論同技術都好得，又補返d以前其他師傅冇講嘅嘢，好鐘意佢教，所以都會揾佢再補 ... 連雋ba都好有興趣呀 ...

唯一係，佢今日好病 .... 而雋ma學完返到屋企，仲病 ..... 佢 ... 又會唔會加重雋ma病情呢 .... haha

好玩，車癮又起咗!!! heehee .... 希望雋ma睇"人車誌"嘅癮唔會起住，唔係又會好似讀書時咁燒錢成日刨汽車雜誌嘞 .....

病咗 ...

4月22日，又發燒 .....

一開始又係雋ba .... 都成個幾兩個星期loo .... 又發燒又重感冒 .....


同上年去大阪前一樣，下一位病人係雋雋 .....

初頭幾日發燒都仲好playful ... 冇問題呀 ..... 仲係好鐘意睇書、又飲得食得 .....

笑得幾開心 .... hee ....

唔好開心住，雋ma都預期咗，重頭戲係退燒後 ..... 病到七彩 ......

勁咳、多痰、猛打"hug痴"、變聲，終日流鼻涕，除咗瞓，雋ma主打工作都係追住雋雋抹鼻涕囉 ....

佢又忟又易喊，見到佢辛苦，雋ma又喊，寧願自己病 .....

終日痴媽B，痴到好緊要，行開陣都唔得 .....

琴日好返好多，5日冇出街，playgroup教會都冇去，悶! 雋ba on call，等雋ma帶佢落平台玩吓啦 ....

四圍走，開心返 ....


不過都係呆豬同好快攰 ....

由義手推雋雋踩一陣單車、吹吓bubble、同遊一遊花園就走嘞 .....

一返屋企換完衫好快就瞓著loo ....

如雋ma所願，亦都係預期，又係上次臨去日本前嘅pattern，隨住雋ba同雋雋好返好多，今日 .... 到雋ma好病嘞 .....

上次去大阪，係雋ma負責帶住口罩重係好病咁上機，希望 ... 今次唔好啦 ....

雋ma諗可能係自己太掛住鄉下掛到病咗啦 .... hahaha (係苦笑!!!)