病 + HKPS報名 + Kids Gallery終極artwork

 

好耐冇update個blog嘞，真係係攰，又係懶，有時間，不如nap吓、執吓嘢、back-up吓電腦嘅幾千張相同無數videos好過啦 ....
不過 .... 有時又想繼續為旨雋留低多一點記憶 .... 或者為將來自己老咗冇記性又唔認得人o個陣有d嘢睇吓、刺激吓都好嗎 .... 

出發前，又病 .... 源起，當然係最易惹菌又高危o個個 - 雋雋 - 自己 .... 條線去得好合理又順，一個病、就一個好 ... 

但雋雋唔愁，食得玩得瞓得，病都係小事，可能自細有媽媽奶同好多抗體幫佢頂住啦，低燒一兩日 + 流鼻水，依舊playful = 冇乜事 ....

佢都不知幾開心，一聽到有syrup飲，搶住要，玩緊都唔玩飛撲去飲呀 ....
 

仲成日邊飲邊講："red、yellow、pink syrup .... trapped in the syringe .... " hahaha ....

 

好似執到金咁樣 ....

唔係講假，次次飲完都話 more please .... @@

11月6日，忙碌中 .... 晨早起身趕返Anfield，之後去HKPS攞pre-n application form ...

我哋真係比較"hea"同埋懶，當身邊朋友為雋雋著緊之時、加上Anfield嘅同學媽媽成日問住自己：「點呀? 你報幾多間學前班呀??」「幾時interview呀??」「預備晒d嘢未??」「近排忙住interview呢??」「吓??????? 報一間咁少???」....etc. 一大堆問題，攪到自己好似好冇用、同埋唔得緊張雋雋咁 .... 

唔係咁ga!!! 一開始已經話自己湊、自己教，捱到幾耐得幾耐，有幾開心就畀雋雋開心、舒服多幾年，免得過都唔想讀學前班。豬皮姨教開幼稚園都話唔好咁早入學攪到d細路咁老積，身邊又有其他同事、教友囝囡只讀Anfield playgroup，由一日至五日不等，都一樣入到好好又出名嘅幼稚園， 加上雋雋係超級大囝，講嘢又多又唔怕生保(當然扭眼瞓發癲冇得計啦 ....)，所以又唔係過份擔心 .... 唔讀，慳返d $$$ 報更好更開心嘅playgroup仲好啦 .....


最終，思前想後，都係得返原本結論，只係報HKPS一間咁大把做後備 .... 冇錯，只作後備 ...


雋爸都講明，就算要讀，都係一兩個原因，就係比佢早d適應吓群體生活，同埋等我自己舒服少少 ... (其實都唔係ga，要車出車入又早起身帶佢返學都唔一定舒服ga ....)


查實，佢一早已經有群體生活啦，16個都已經開始返Anfield同其他playgroups啦 ....


好矛盾，唔係串，有時諗唔收仲冇咁煩，到時收咗又唔知要唔要個offer好，因為我哋都有選擇障礙症嗎 ... 

求神開路啦，總之適合又好就畀、唔收就照舊返Anfield prep-programme， 一樣 very good呀!!! 

亦簡單嚟講，我哋真係冇乜準備，只希望雋雋12月3日當日瞓得夠、好精神，唔好發眼瞓癲嚇親人同攰c爸爸媽媽就好嘞 .... AMEN!!!

之後順路返Kids Gallery攞返個終極artwork .... 靚呀!! 係雋媽 + 雋雋 + teacher Annie一齊努力嘅成果 ....
 

 

 trunk 原本有隻squirrel o係度，不過有一次坐的士遲咗10mins.整唔到，有d可惜 ... 等媽媽遲d諗吓點整返隻畀雋雋擺入去啦 ....

老鼠仔好cute，用一隻襪仔整，仲係自己染色ga ....

樹屋 ...

跟呢隻birdy ... 


點解birdy出咗嚟sofa坐??? 因為媽媽大懵，貼雪條棍貼錯咗其中一條方向，攪到開唔到度樹屋門 ... 乜d白膠漿貼得咁實ga ... 用力"蚊"好多次想再貼過都唔得 ... sighs ....

冇咗squirrel、樹屋度門又畀媽媽封咗，birdy唯有寄居o係trunk度一排先 ^^ ....

Aaden kiss the mouse ^^ ....

暫時到此為止，唔係唔鐘意，雋雋愛painting，係有 .... 不過好多時主打都係做d較複雜嘅artwork，所以呢一個term停一停，等佢兩歲幾時再決定啦 ....

自家artwork -- HOUSE

又做勞作 ...

今次係 .... 一間小屋 ^^

媽媽預先將個盒開晒窿嚟做窗同埋門，跟住同雋雋一齊鋪d紙o係盒面，然後就畀雋雋油顏色 ....
平日你都係冇事定又講嘢講不停 ....

不過一知道有painting就會乖乖又安靜同專心咁畫畫畫 .... 當然首要條件係要夠精神啦 ....

當然又手工粗糙，不過雋雋同媽媽整完又好開心 .....

與此同時又係時間諗諗下次整乜勞作嘞 .... 好傷腦筋呀 ><

淘到的寶 ....

真係會上癮 .... 亦真係平到笑 .... 又發現香港d鋪超級食水深深深深深!!!!!!!!!

計埋運費都係平 .... 不過少d就更好 .... 要用D智慧計好條數 ....

主打韓日貨品，質素出奇地好同靚，而且O係CSB嘅鋪都見過，不過貴TAOBAO成好幾倍 ....

呢個有D阻滯，不過最後都嚟到嘞，係正版迪迪尼反斗車王儲物架，所以貴少少，但香港少有、有都貴 ....
一家都鐘意，仲可以好好整理雋雋嘅玩具，蝸居內終於可以騰空多少少位出嚟用 ..... 最緊要整齊嗎 ^^

自家artwork -- CROWN

有時間、玩玩具玩到悶 .... 又嚟一次自家勞作課 .....

張紙 .... 其實剪得好求其 .... 真係突然想整就咁整 .... ^^


呢個樣影得你好女仔 .... 好得意 .... 好鐘意!!!!!!


前後顏色總有d唔同，不過最重要係雋雋同雋媽一齊落手落腳油顏色囉 ..... 仲有個皇冠圈太細，又可以話係雋雋個頭好大 ....

雖然唔係好靚，不過見你整完都好鐘意又肯戴，媽媽都好開心 ^^ .....

自家artwork -- TRUCK

閒時雋雋都鐘意painting，玩玩具又有時玩得唔專心，甚至自己有時都覺得玩到悶，既然雋雋鐘意畫，油油顏色都不失為好選擇 ....

雋媽，一向係創意型嘅人 ..... 所以自小都係自己製造好多玩具同小玩意出嚟玩嘅 .....

今日雋媽見到有個吉盒同一大條廁紙筒，宜家要教小孩子環保同埋廢物利用，所以突然想同雋雋整吓artwork .....

個盒緊係由雋媽操刀剪剪貼貼啦，雋雋未叻到可以整到成架車咁 .....

亂油一通比較啱佢 ^^ ....

宜家最愛用手油呀 .....


咁掃都okay ....
愛佢專心嘅樣 .....

更愛佢古靈精怪嘅樣 ..... ^^


初時要媽媽整double deck bus .....


整整吓又話要red truck .....


又話bumper要深藍色 ....


wheels又話要媽媽最愛嘅紫色 ..... 係呀，雋雋成日話媽媽favourite colour is purple .... 笑c我 ^^ (不過係真嘅，希望佢大個後都記得 ....)




又亂咁tap tap tap 拍d顏色上車頂嘞 ....




等媽媽畫個門同埋寫幾隻字上去，攪掂 ^^ .....

自家親子勞作課，雋雋喜歡嘅red truck!!! 可能不太美 .... 不過係媽媽同雋雋合力之作，超級開心，雋爸都讚，勝過玩玩具好多啦係咪???


我鐘意呢種親子活動，媽媽要努力學同埋發揮更多小宇宙 ....

同樣，都希望雋雋長大後都會係一個充滿創意、想像空間又廣闊嘅孩子 ......

生日 ....

好味午餐@和三味 ....

上次食過Shabu-shabu翻尋味，想食佢個yummi yummi 鐵板燒好耐，book 咗n次，又因為好多突發事 / 雋雋緣故又取消咗n次 .....

今年生日，上午陪雋雋返Anfield，放學後返屋企settle咗個得意囝之後，襯雋雋午睡中，又揾雋婆頂更，可以成功逃脫 ..... hahaha ....

其實內心呢 .... 每一次逃走後都有d內疚及不安，因為總知道雋雋見唔到自己一定會喊，更何況一瞓醒就突然唔見咗人 ....

我經常諗，如果有乜事我突然唔再o係佢身邊會點呢??? 會喊幾耐呀??

所以閒時都係要習慣一下好 ....

今日揀咗個商務午餐，好好味，當然又有人追加好多額外食物，燒呀燒，好味不過好熱 .... :P

最想食嘅燒象拔蚌，係招牌，不過可能來貨唔靚，是日冇得供應，轉咗蠔，好得一樣好美味 ^^

好少午餐食得咁豐富，咁食完最好就係運動一下，就近碌落樓下Sogo、同埋附近最愛逛嘅沈家偉街 .... 係呀，成條街都係佢嘅鋪，少女時代已經成日一日行到黑，愈開愈多，行到自己都覺得好累同埋好驚 ....

驚 .... 係驚放血過度 ... hahaha ....

食鐵板燒嘅相，去呢度睇啦，自己成日睇返都好想再去食呀 .... yummy!!!!!!!

http://www.facebook.com/photos.php?id=573283192#!/album.php?aid=234173&id=573283192


其實生日除咗紀念自己又老一歲，其實都係雋婆生自己嘅紀念日，今年，晚餐選擇一齊出去食 、一齊慶祝 ....

@夢上海 .... 都係雋爸媽喜愛飯堂之一啦 .....

少有地，今次同埋姐姐一齊出，雋爺呢 .... 成日都唔舒服又有約，唯有後補 ....

係呀，以往通常都係日頭返工、夜晚先可以出去慶祝，雋婆又唔想阻我哋，所以正日都係兩個人過為多 ....

同埋雋婆係老一派，都係著重我八月十六農曆生日多過西曆，所以每年中秋做節餐飯就已經順便同我慶祝埋，年年食九大簋咁，而中秋節收生日利是，亦都係每年指定動作 ^^ .....

多謝今年有好多朋友送上生日祝福，又多謝你哋嘅禮物同埋請食飯，雋爸平時都送唔少，今日又畀我開心shopping一日 (拿拿拿，好耐冇好似今日咁唔帶雋雋又可以shop咁耐，好輕鬆，不過唔知幾時又有下一次 ....)，總之都高興啦，Thank you very much!!!!!!!!!!

OCEAN@ArtPlay

10月6日 .... ArtPlay嘅第5堂 ....

之前四堂分段做咗好多個artworks，主題係"Ocean"，當中有獨立作品，不過大部份其實都係同一個主題嘅組件 ....

近兩堂陸續派返呢d作品 ....

黑色底紙同兩條魚仔都係雋雋自己油顏色 (其實應該係用個海綿"碌"上色，不過佢又鐘意用手同掃囉 ....)，雋媽有幫佢 .... 點顏色同埋貼對眼，顏色成日都係雋雋自己亂溝啦 .....

呢條大魚雋雋都幾鐘意，又係佢自己油顏色，媽媽幫佢到d白膠漿，跟住佢自己亂咁貼d stickers上去 ....


學Teacher Annie話齋，d作品咁樣先至有童真同埋反映到小朋友嘅創意，太完美太工整又幫佢哋太多嘅，就已經失咗原意 .... 所以盡可能，我都參與少d ....

宜家雋雋都叻咗好多，雖則一眼瞓都係冇情講又冇耐性畫，不過佢已經唔怕dirty，就算攪到成手成腳都係油彩，佢都唔會再好似之前咁喊咁口、又話成日要洗手呀、dirty呀、go home呀 .... 老師都有讚佢進步咗呀 ....

呢四堂做咗好多個組件，為嘅係以下嘅artwork ....

好靚，雋爸媽都好鐘意 .....

雋雋自己參與咗好多，雋媽當然都有幫手啦，親子playgroup嗎 .... 最後由Teacher Annie佢哋將所有組件併合而成，估唔到會咁靚，而且當中有好多都係冇諗過原來用d咁簡單材料、又可以整到咁靚嘅效果 ..... 雋媽又學到嘢!!!


老師整嘅，其實只係將d飲管貼上魚、八爪魚同埋海馬 ....仲有係幫手封個膠袋o係面頭 .....

整整吓，原來雋雋同媽媽都參與咗咁多 ....

見到個artwork最後出嚟咁靚真係意想不到 ....

學費貴d，不過真係有價值，同埋老師真係好用心 .... 好欣賞^^


有得玩又有得睇，不過最幸福都係雋雋你，因為有媽媽幫你儲起你從小到大嘅一事一物，無論係文字、相片、又或者呢d playgroup整嘅artwork，媽媽以前o個d，一早冇晒啦 ..... 記憶在心中，不過如果有實物畀你睇，咁起碼你出生後頭幾年嘅嘢、o係長大後仲可以見得返，唔記得總好過乜都唔知係咪??

呢d係你同媽媽一齊成長嘅經歷，唔可以唔見ga ....

不過宜家愁緊愈儲愈多，都唔知第時放o係邊呀 .....

雋爸發燒 ....

大家都疲累 ....

不過 ....

媽媽生完囝之後身體壯健過從前，由怕冷變成怕熱 ... 更甚是變了上火 .....

爸爸就 .... 由怕熱變成怕冷又怕熱 .... 不過要病的話，一如以往，一發不可收拾 .....

每次 .... 包括今次，都最少4、5、6日 .... 仍然未清 .....

燒到一舊雲 ....

祝身體健康!

今日Anfield Playgroup 由Teacher Kathy頂上，因為Teacher Seema 請假 .....

其實每個老師都好好又有經驗，不過暫時心目中都忍不住自行製定一個排行榜，很主觀、不過有理據支持 .... Uma - Kathy - Seema ..... 很好奇，好想、好想極度想知道下一季度老師是何許人，如果可以自己選擇就更好 .... ^^