HKPS PRE-N Interview

D: 20101203
T: 1530
V: HKPS (KLT)

唔該考生799及其家長 ....

好鐘意你呢張相呢!!!!!! ^^

一場大龍鳳，全程計晒來回可能先得半個鐘，雋爸驚c等得耐又畀人抄牌，入咪錶就入足兩個鐘，無奈 ... 

學校又唔會畀你留多陣玩，應承咗雋雋完咗之後去玩，近近哋，就過咗去桃園街公園o個邊畀佢玩吓、跑吓 ....

 

呢個16個月大妹妹好攪笑，好似好鐘意雋雋，say hi又say bye 後幾次都唔肯畀雋雋走，一行開佢就yell、想喊咁樣 ...

不過雋少最後都有d唔耐煩，自己擰轉身要走 ... kakaka ... 成個小情聖咁 .... :P

我 .... 開始明白，以前HKCC同事叫雋雋花名做"迷眼"係有意思，果然唔係浪得虛名 .... 因為，咁嘅情況都唔係第一次 ^^

2010 十一月東京箱根七天遊 -- Snoopy 雨傘雨褸篇

今次東京箱根之旅，係2010年第二次東京之旅，好似有點秘密，實在係三個半月前早有編排嘅行程 ....

對於有個小朋友跟身嘅我，可以一年去兩次日本已經好滿足，當然密密去都唔介意，因為真係返日本有如返鄉下咁，100,000個鐘意!!!!!!

不過日元高企，買都冇以前買得咁疏爽 .... 不過一講到小朋友嘢，真係日本選擇多好多又靚好多，冇以前咁平，不過好多日本土砲都係又平又好過香港賣嘅好多，所以我呢個shopping精都絕不手軟!!! ^^


今回又返去VenusFort，當阿囝同阿爸玩到好開心之際，媽媽我又走咗去外圍嘅兒童天地大肆搜索 ....幫雋雋買咗好幾條好靚leggings、jeans、超喜歡嘅purple jacket、鞋啦 .... 不過最鐘意又可愛我哋揀咗呢兩樣 .... 


Snoopy raincoat + umbrella ....

只此一家，唔貴，一定平過香港d水貨店賣o個d，Anpanman 多人用亦唔太靚，選擇又少，香港都唔見呢款snoopy，所以一見到時雋爸媽都話要帶佢哋返香港 ^^ 

轉呀轉呀轉 ... 一把雨傘就玩到好開心 ... 

斗篷款，kawaii!!!!!!!


望佢對rainboots啦，似唔似賣魚勝??? kakaka .... 係上年Osaka時o係Comme Ca ISM買，今年終於啱著，仲成日o係屋企要著嚟玩，笑c人 ^^ ....

宜家又多兩樣嘢玩 ....

 媽媽小時候都係咁嘅豬樣 ^^ ....不過雋雋得意好多 ....

陶醉中 ... 成日走去照鏡 .... 雋爸媽好相信，雋雋都好滿意呢set落雨裝束 .... 

  唯一今次都係失望而回，再次買唔到Comme Ca black rainboots (M size) .... 今次第三次砸去揾都斷碼 .... 香港?? 唔會買啦，貴咁多都唔抵 .... 仲要畀個藉口自己下次去揾嘢買嗎 :P

用自己部私伙機睇playback ...

音樂系同學reunion

全靠嫁咗去Toronto 嘅Joanne又難得回港一段時間，經過HuenHuen & Agnes佢哋約完又約之後，終於攪咗次近年少有咁多同學仔出現嘅reunion .... 多謝多謝!! 

@小南國, T's Sq.

連以前成日幫我哋做recording嘅techician石仔、同埋幾錫我哋音樂系學生嘅宗哲老師齋sir都嚟埋，Rosa又帶個女，人才頂盛 ....

一枱max.坐16人，最後有20人 ....爆晒!!!

 

主角Joanna本來話一家都出現，有d同學又想見吓雋雋，所以我都帶埋佢去，要湊仔又想有飯食，咁雋爸都當然唔少得要出現 ....點知佢最後只帶個妹，老公同囡唔出現，個囝 ... 仲係Toronto添 ...  :P

 大家都話佢好似媽媽、又話佢好cute .... 不過 .... 事實又唔=媽媽都一樣cute .... 仲係差天共地 ... hahaha

 THank you Leanna提供上述靚相，我哋 .... 成晚畀雋雋舞來舞去，唔多有機會影相啦 .... 媽媽仲要忙住同同學仔傾計呢 ....

 Aaden影 .... Auntie Leann幫手托住部機 .... thx ^^

其實雋爸媽都冇乜嘢食過落肚，雋雋自己食完就扭出去睇的士 .... 最攞命成日話要purple and pink light .... wedding party .... 


原來隔離酒家有婚宴，新郎仲高唱媽媽喜歡嘅陶喆「愛很簡單」，雋雋鐘意聽又鐘意睇d閃燈，好攪笑 ....

 原來雋雋除咗Sound of Music嘅歌、bible songs、Mozart 同d兒歌，佢連pop songs都有興趣 .... 不過都有品味，因為佢鐘意陶喆嘅歌 ... kaka ....

呢張朦晒，因為有小朋友唔聽人講又用手指摸個鏡頭，又攪攪震話要食西瓜同橙，所以幅相連媽媽都冇咗影 ....

經過咁多年，除咗o係MO 同後段HKCC嘅日子係工作得開心又有一班好同事之外，諗嚟諗去最開心、最簡單嘅日子都係讀書嘅年代，特別係o係Music Department嘅日子，可能因為自己都參與咗好多、亦得到好多，所以 .... 宜家老咗特別珍惜同懷念 ....

總括係開心嘅一晚，希望好快再有下一次咁大型聚會 .... 不過，雋爸媽是晚真係好肚餓同皮質醇好高，返到屋企等雋雋瞓咗先可以食麵醫返個胃呢 ....

Anfield artworks

1113 Anfield artwork .... Autumn Tree ....

樹幹咁粗、同埋d用fingerprint組成嘅樹葉部份咁大堆，堆到好似火咁，就知係雋雋自己整啦 ... 媽媽好鐘意 .... 


o係班上，你都係最唔怕用手去畫畫嘅一個，多得媽媽o係屋企同埋kids gallery訓練有素，有時都會嘈住快d去洗手，不過好多謝你好乖可以自己完成，總好過好多時其他都係全部由媽媽幫小朋友去完成啦 ....

1127 .... snowman .... 


成日都話 sprinkle of glitters 喎 ... 次次一知道有得咁玩就起勢咁灑灑灑 .... 重手得滯，好多返到屋企都跌晒出嚟，成身成地閃粉囉，唯有笠個袋包住佢 .... snowman，你熱嗎??? :P

 

今年chrismas tree都未出場，就先有雋雋你呢個小雪人做屋企聖誕裝飾，因為係你整，簡單不過有童真，鐘意!!!

病 + HKPS報名 + Kids Gallery終極artwork

 

好耐冇update個blog嘞，真係係攰，又係懶，有時間，不如nap吓、執吓嘢、back-up吓電腦嘅幾千張相同無數videos好過啦 ....
不過 .... 有時又想繼續為旨雋留低多一點記憶 .... 或者為將來自己老咗冇記性又唔認得人o個陣有d嘢睇吓、刺激吓都好嗎 .... 

出發前，又病 .... 源起，當然係最易惹菌又高危o個個 - 雋雋 - 自己 .... 條線去得好合理又順，一個病、就一個好 ... 

但雋雋唔愁，食得玩得瞓得，病都係小事，可能自細有媽媽奶同好多抗體幫佢頂住啦，低燒一兩日 + 流鼻水，依舊playful = 冇乜事 ....

佢都不知幾開心，一聽到有syrup飲，搶住要，玩緊都唔玩飛撲去飲呀 ....
 

仲成日邊飲邊講："red、yellow、pink syrup .... trapped in the syringe .... " hahaha ....

 

好似執到金咁樣 ....

唔係講假，次次飲完都話 more please .... @@

11月6日，忙碌中 .... 晨早起身趕返Anfield，之後去HKPS攞pre-n application form ...

我哋真係比較"hea"同埋懶，當身邊朋友為雋雋著緊之時、加上Anfield嘅同學媽媽成日問住自己：「點呀? 你報幾多間學前班呀??」「幾時interview呀??」「預備晒d嘢未??」「近排忙住interview呢??」「吓??????? 報一間咁少???」....etc. 一大堆問題，攪到自己好似好冇用、同埋唔得緊張雋雋咁 .... 

唔係咁ga!!! 一開始已經話自己湊、自己教，捱到幾耐得幾耐，有幾開心就畀雋雋開心、舒服多幾年，免得過都唔想讀學前班。豬皮姨教開幼稚園都話唔好咁早入學攪到d細路咁老積，身邊又有其他同事、教友囝囡只讀Anfield playgroup，由一日至五日不等，都一樣入到好好又出名嘅幼稚園， 加上雋雋係超級大囝，講嘢又多又唔怕生保(當然扭眼瞓發癲冇得計啦 ....)，所以又唔係過份擔心 .... 唔讀，慳返d $$$ 報更好更開心嘅playgroup仲好啦 .....


最終，思前想後，都係得返原本結論，只係報HKPS一間咁大把做後備 .... 冇錯，只作後備 ...


雋爸都講明，就算要讀，都係一兩個原因，就係比佢早d適應吓群體生活，同埋等我自己舒服少少 ... (其實都唔係ga，要車出車入又早起身帶佢返學都唔一定舒服ga ....)


查實，佢一早已經有群體生活啦，16個都已經開始返Anfield同其他playgroups啦 ....


好矛盾，唔係串，有時諗唔收仲冇咁煩，到時收咗又唔知要唔要個offer好，因為我哋都有選擇障礙症嗎 ... 

求神開路啦，總之適合又好就畀、唔收就照舊返Anfield prep-programme， 一樣 very good呀!!! 

亦簡單嚟講，我哋真係冇乜準備，只希望雋雋12月3日當日瞓得夠、好精神，唔好發眼瞓癲嚇親人同攰c爸爸媽媽就好嘞 .... AMEN!!!

之後順路返Kids Gallery攞返個終極artwork .... 靚呀!! 係雋媽 + 雋雋 + teacher Annie一齊努力嘅成果 ....
 

 

 trunk 原本有隻squirrel o係度，不過有一次坐的士遲咗10mins.整唔到，有d可惜 ... 等媽媽遲d諗吓點整返隻畀雋雋擺入去啦 ....

老鼠仔好cute，用一隻襪仔整，仲係自己染色ga ....

樹屋 ...

跟呢隻birdy ... 


點解birdy出咗嚟sofa坐??? 因為媽媽大懵，貼雪條棍貼錯咗其中一條方向，攪到開唔到度樹屋門 ... 乜d白膠漿貼得咁實ga ... 用力"蚊"好多次想再貼過都唔得 ... sighs ....

冇咗squirrel、樹屋度門又畀媽媽封咗，birdy唯有寄居o係trunk度一排先 ^^ ....

Aaden kiss the mouse ^^ ....

暫時到此為止，唔係唔鐘意，雋雋愛painting，係有 .... 不過好多時主打都係做d較複雜嘅artwork，所以呢一個term停一停，等佢兩歲幾時再決定啦 ....