心情 ....

世事就是如此 ...


一個星期前，相安無事，還要高高興興的 ....


一個星期後，另一個結果，叫人難過 ...


難受及奇怪在、之前之後見同一些人、做一樣的檢查，不過結果兩樣，說法兩樣 ... 還要自己親自道出 ....

其實心裡一點都不好受 .... 起伏很大!


不過我還可以，有難過但亦有感恩的地方 .... 


很感激身邊一班好朋友及姊妹的支持，多謝你們的禱告，亦多謝與我同哭的朋友，多謝你們的愛及鼓勵，雖然還有少少時候有情緒及想哭，不過愛哭鬼可以那麼短日子不再哭及再談論一件不快事，心情亦好多了，相信是大家用禱告托住我吧!! 


我愛你們呀!!


但煩事總會一浪接一浪，那件事都未完，上星期已經大感冒，接著風濕腰痛、坐骨神經痛，好不容易每晚靠止痛藥及雋爸由物理治療部買回來的"電"神經線機才可入睡，到這幾天又胃痛，可能整個人太緊張又加上不開心，所以 ... 又這樣又那樣 ....


這些小病痛死不了，卻會令人更心煩及食不安又坐/睡不寧，但小病是福，總比大病好吧! 希望天氣不太差、少點打風落雨，下星期又可以針灸幫到我，讓我可以睡得好 ....


由此至終都知到餵母乳好，兩年零六個月的堅持，疲倦、痛、放棄已絕無僅有的私人時間，自己的信念一直沒有絲毫動搖及改變，因為我知道，這是天父賜的、亦是唯有媽媽可以給予孩子最好的禮物 ....


由三個月、六個月、九個月、一年、一年半、兩年 .... 一直幫雋雋戒不了，其實都好多原因、亦有掙扎及忐忑 .... 當然自己都有不捨，連雋爸都不捨得，真奇怪 :P

堅持與放棄都一樣 ...有時候並非旁人想那麼容易 ....



可笑及矛盾在 .... 當日食這個又飲那個 ... 為的都是要增加奶量 ....


但今日我要千方百計阻止它發生，我要它減少，甚至看著孩子不停在哭在哀求，就算有，我都要忍心去拒絕 ....


拒絕是為了他真的長大了，媽媽又累了，中醫又說對我身體不太好了，還有 ... 為了原本、但現在已消失了的他/她 ....

斷斷續續，總算在他兩歲零六個月來臨前完結了 .... 當然，這段日子自己不停食藥，始終都要停下來了 ...


換來，有比一般小孩好的抵抗力，有很好的親子關係，有很難忘又快樂的兩年半乳養日子，但近兩個月亦同時換來不一樣的孩子 ...


「麻煩的兩歲」，因為要戒母乳，卻另爸爸媽媽很難受，特別是媽媽 .... 可能他很愛媽媽，但又生媽媽的氣，所以近月經常整蠱媽媽 ...


媽媽很難過 ... 又很疲累 ....


不是刻意害孩子，都有自己難處，很想哭 ... 其實都哭過了，他有時都不想，我都知道，但忍心實行一件事的同時，他發難，又要兼顧愛及管教，開始覺得自己情緒很受影響 ....


心情很不安及難受 ....


希望你會慢慢明白，希望你快點跟「麻煩的兩歲」說再見，希望你會記得這兩年半日子，希望你不要生媽媽氣，不要再整蠱爸爸媽媽，不要在發脾氣時又吵吵鬧鬧要媽媽奶，不要在公眾場合掀媽媽的衫子，希望天父能夠安慰你、及令你明白及接受，可以做回一個開心又善解人意的孩子 ...

爸爸媽媽愛您呀!!!

再見 ......

這兩天，心不晴 ...


23 + 23 = 46 .... 

不是一堆簡單的數字，是一個生命的開始 ...


數字或多或少，就可能出現了丁點問題 .... 


每六個、只有五個可生存 ....


由預感、發生再估計，原以為都可接受 ....


但到確定事實後，又發覺真的很不捨及難過 .... 


是個愛哭鬼的我，又怎會控制到自己不哭 ....


眼淚不止地流 ....


雖然只有幾週，但畢竟都跟你共存過 ....


還來不及聽你的心跳及見你一面，原來已經要說再見 ...


一切都來得太快及兒戲 ....


不過一切都有主宰，人算甚麼? 又可以改變甚麼?


物競天擇、汰弱留強這些我都懂 ....


遺憾沒有機會去好好愛你 .... 


捨不得呀!!!


可怕，可否不再發生??


求求袮 ....

父親節 .... 父親不在家

雋爸要當值，所以今年父親節不在家 ...

跟雋爸及雋爺慶祝的飯局可能改在星期一吧 ....

 不在家但一早已有禮物收 ....

PUGGLES的小手工

(已是再早一星期的事，不幸地所有puggles的父親節小手錶個"模"都是出於雋媽手筆，時分針就是諾諾媽媽幫手穿，因為teacher Judy忙於畫其他畫，當日又少導師當值，所以我倆才幫上忙。看上有點粗製濫造，因為只有幾分鐘時間為廿多隻手錶畫草稿，所以 ..... :P，希望其他puggles自己填色後會好看一點 .... ^^ )

昨天崇拜雋爸又收到泉福堂送給各父親的禮物，很有意思又很精緻 ... 

是一個音樂盒，音樂是"Amazing Grace" ...

「敬畏耶和華是智慧的開端」箴言 1:7

希望雋雋以後 ... 就算長大後，每天都會抽時間跟爸爸媽媽讀聖經 ....

其實母親節時教會也預備了類似的禮物給各位媽媽，不過 .... 不知何解雋媽收不到，可能當天遲了、而且上了十一樓陪雋雋返AWANA吧 .... >.<

還有雋雋跟媽媽一同畫的畫 ... 

無無聊的畫，就畫了一幅水果畫出來，看得出有多少種水果嗎?? 全部都是雋雋的最愛 ^^

送給能醫不自醫、叫人要健康、但食宵夜多過食水果的你 ....

Happy Father's Day@Hospital :P

Aaden's 1st Orchestral Concert ......

06.03.2011

City Chamber Orchestra + Melvin Tix Meets the Orchestra

@CH, HKCH

這是雋雋人生第一次欣賞古典音樂會 ....

很精彩又適合兒童的一場音樂會!!!

比起本地x交的，真的相距十萬八千里 .... 

doda講得啱! 要聽就盡量聽有質素的，為小孩及自己耳朵著想，真的要作明智之選 .... 奈何香港是文化沙漠，音樂上之選擇更加少之又少，有時真的免為其難、揀無可揀才被迫去聽港樂或小交 .... 

今次不是City Chamber特別出色，當然都用心，但加多個出色的小丑conductor，將全件事質素提升了很多很多 ^^

90mins.，對三歲以下小朋友其實還可以縮短半小時就更好，但都可以接受，雋雋都叻囝，以他向來坐不定性格，當中只有15-20mins由雋爸帶佢出大堂冷靜 

(其實都不是太冷靜 ... 他見不到我喊了三、四回，雋爸要佢完全不再喊才可以返回坐位，最後為了見媽媽，當然肯收聲，但錯過了Melvin Tix 教小朋友指揮及唱 Where is Bunny ... 有點可惜 :P )

朝中有人好辦事，今次要多謝舊同事Auntie Marina幫雋媽check票房、還要幫雋媽先買音樂會門票，雋雋一家才可以坐到好位又趕到水尾買門票，否則又錯過一場好音樂會 .

Lunch with Uncle John and Auntie Gladys

10.04.2011

潮江春@JardineHouse

終於可以相約到老師食飯 ...

Prof. John CHEN ... 

我Yr.2-3 Composition Honours Project Supervisor ...

當然亦是前音樂系Electro-Acoustic Centre 掌舵人，同時是教我們 Recording Techniques 以及電子音樂的老師 .... 

在香港音樂教育界 (或者應該說作曲及電子音樂界)，他屬pioneer，很幸運當年可以成為他學生，跟他學作曲，到今日、仍亦師亦友 ... 

oh 錯，他常說已提早退休，不再是我老師，今日我們已是朋友 :P ....

想起一切，仍似昨日，很懷念 .... 很懷念我的校園生活，過得充實，學了很多，讀得辛苦，但很有價值 ^^

還記得第一次"打譜"生意，都是幫你和龍向榮老師打的，賺你們$$其實不好意思，不過很開心可以學習、嘗試及見識更多精彩敲擊作品 ....

回憶實在太多，到今日，要加上我的孩子和丈夫 ...

由Aaden出世至今，一直想約出來見面，不是我們出國就是你的John Chen Ensemble到處演出、又或是你和太太去旅行，很難約呀!!! 

皇天不負有心人，今次終於約到又真的食得到 ... haha .... 

本想相就老師，最後又要遷就雋爸on call要改期 ....

更應該由學生請老師，最後又給你搶了來付錢 .... 覺得不好意思呀 :P

 

不過今時今日可以跟以前的老師談天說地、分享生活瑣事、回想讀書年代，我覺得好開心、亦很難得 ...

想不到Uncle John見到Aaden食得開心又食得多就會好開心 .... 下次一齊再食炒飯 .... 雋雋會再食多一點給你看kakaka ....

多謝Uncle John 及 Auntie Gladys，這是代雋雋多謝你們的，他經常提及你們，他應該都對你倆很深印象，亦很喜歡跟Uncle John玩呀 ^^

希望好快好快又可以再見你 (媽媽會快跟同學又見你，不過雋雋要遲少少嘞 ...)，不過下一回必定是雋雋一家宴客呀 ^^

Bob the builder!!!

有一日乘車途中的對話：

A for Aaden .... M for Mama ....

A: Mama, do you know who built the buildings?? (指住車外的樓宇 ....)

M: I don't know .... you guess who built them??

A: builder (望住媽媽認真地想幾秒再回答 ....)

A: Bob the builder!!! (跟住奸笑 .....) 

笑壞雋BA MA .... LOL ....

2011 Mother's Day ....

由雋雋在媽媽肚內開始計算，今年是第三年和雋媽共渡母親節 ....

母親節前兩三天，古靈精怪.... 閒時跟媽媽說"I need You" .... 


母親節那天，跟媽媽說 "Happy Mother's Day .... I love you MaMa" .... 已經好開心又感動 .....


小朋友都沒有預備特別禮物，Anfield & Puggles 都有教他們做小手工，不過最重要其實是可以一齊渡過，雋雋你又健康及快樂，最好愈來愈乖啦，媽媽就會好開心 ^^


今年還相約雋婆爺一齊再去KTCC摘士多啤梨，雋雋又可以玩最愛的彈床，還有雋爸如他所願一家人到流浮山食海鮮，唯一有點可惜是原定想去濕地公園一趟，不過去到車位已滿，本來仍有門票賣，不過排隊之際已經到了禁止入場時間，所以只去了附近銀座公園再讓雋雋玩一會，然後再去食海鮮大餐 ..... 


雋婆，希望今年的母親節你也覺得快樂 .....


還有雋雋的兩個契媽媽 .... 遠在Melbourne 的花子 & Connie，及其他已為人母的好朋友，母親節快樂!!!

第一次自己返AWANA ....

20110429，兩歲零三個月 ....  

20110501，第一次自己返AWANA .... 其實都係突然決定撤退，都要多得PUGGLES導師鼓勵同畀信心，話雋雋OK，所以雋媽先會試 :P ...

由二月尾開始返，中間又缺席過，數數埋埋都唔知返咗有冇7、8堂，而且對於一直都幾痴媽B嘅雋雋，有時主日學時間又會扭吓計，雋媽初時都係心大心細同有D驚 .... 加上今日又係未瞓夠專登整醒佢返教會，所以好怕佢又發脾四 ....

見到其他PUGGLES喊，OK又冇一齊喊，初時都有發現雋媽"呢"埋咗O係門口，不過又冇走嚟揾雋媽喎 .... 好徵兆!!!!!!

間中都有阿伯咁行來行去，不過導師捉返佢O係地蓆坐又專心返 .... 想去攞玩具玩，導師講完又肯放低冇扭計，最開心崇拜後返上去接雋雋，導師話佢冇喊過，又肯同其他Puggles分享食物，GOOD!!!

真係大個囝咗! 雋爸媽都覺得好意外，而且好開心又感動 ^^

唔知道之後會點，可能都會有反彈，不過今日絕對係轉捩點，起碼畀雋爸媽知道雋雋有時候都係可以獨立 .... 雋媽又會有多一D信心去放低佢、自己走去崇拜 ^^

AWANA係一個開始，五月頭返Anfield又會開始另一個學期，今次係Prep-Programme，唔係playgroup，即係如果老師覺得佢OK，有部份時間雋媽唔會再跟佢一齊一班房上堂，慢慢可以就會全身而退O係外面等，比較似返nursery呀 .... 希望雋雋可以愈來愈乖、又愈做愈好 .... 

天父任何時候都會同你一齊，唔駛怕，你要加油呀!!! ^^

在基督裡眾人也都要復活 ....

In Christ all will be made alive. 1-Corinthians 15:22

 

多謝花子契媽送給雋雋一家的復活節祝福 ....

很掛念你，希望你一切安好 ...

New Car Seat

一直都好想換個新CAR SEAT畀雋雋 ....

原因一：

佢好重又高，用開嘅CHICCO由NEW BORN用到宜家，每次要托咁大隻嘅雋雋上去，真係手都斷 ....

原因二： 

當年其實想買0/3嘅Maxi-Cosi，因為最好嘅CAR SEAT品牌就係佢 .... 當時唔買，只因為全部ISO-FIX 都冇背向CAR SEAT，0M-9M安全理由係一定背向咁坐，如果買INFANT CARRIER又用得唔耐時間，所以被迫買咗次選CHICCO唔係ISO-FIX嘅款 .... (我最討厭的品牌 :P ...)

原因三：

夠大隻，已經可以坐到4Y-12Y o個種款CAR SEAT，又想佢可以自己上到去 ...

 望穿秋水，斷貨斷咗唔知幾耐，終於有貨返，不過唐小姐同我哋講話全線呢一款只會返24個 .... 係24個!!!!!!!!!!! 咁少 .... 每隻色6個咋 ....

多謝0/3 嘅人留一個畀我哋，終於今日送貨嘞 ....

有人話似racing car seat，自己攪攪震 ^^

 

 睇佢幾長又大隻囝!! 成個三歲囝咁，出街個個都係咁講 .... 

 

 有人好滿意!!

咁雋爸媽都好滿意，起碼係自己心儀又覺得好嘅品牌嗎 ...

 可以由26.5M用到12Y (如果冇損耗 .... 雋雋又肯坐 ... 同埋如果佢唔係超超超高、高到又重到未夠12Y已經坐唔到的話 .... HAHA)，好抵呀!!!