ICE-SKATING LESSON

19.03.2012


雋雋第一次參加溜冰班


唔係爸爸媽媽叫，佢未夠兩歲時見人溜冰，已經成日O係屋企扮溜冰 ..... 兩歲幾時就叫住話要學 ....


最低要求三歲 ..... 到時候又乖，興趣未變，雋爸媽都好樂意畀佢試 ....


當運動也好、練信心及膽量也好，而且媽媽人生口試過一次溜冰，自此我就知自己與這項運動無緣。如果雋雋鐘意又有恆心學落去，亦未必係壞事 .....


不過班制都有壞處，雋雋係全班最細一個，亦係最初學嘅一個，一班十個人，TEACHER ALEX都幾好，不過多人就好難每個照顧得好，而且得30分鐘一堂，大家程度不同，所以雋雋唔適應，失敗又成日發脾氣同喊 .....


雋爸媽唔介意佢跌多D同失敗，安全就可以嘞，不過一個TERM六堂，雋雋病咗三堂，今個TERM，佢其實學到冇幾多，而且大部份時間心怖不佳，唔同坐居多 .....


多謝泥媽建議報半私人班，又好感恩膽粗粗問一問以前ANFIELD同學囝DARREN姨媽會唔會畀DARREN一齊學，佢原來一早計劃畀佢學，再誤打誤撞之下所有老師都冇時間教，但臨去台灣前GLACIER回覆有個TEACHER KENNY仲有時間教到佢兩個

就係咁，02.05.2012，AADEN + DARREN 一齊開始佢哋嘅溜冰半私人班 ^^


雋爸講得啱，教咁細個人仔，一個3歲一個快4歲，兩個都初學烏SIR SIR ..... 跌到又會喊同大叫 ..... 老師最緊要有愛心耐性，同識捉細路心理去教佢哋，技巧都係次要，雋爸媽又唔鐘意D好遷就孩子嘅老師，所以上堂前都有擔心 ....


不過經過短短兩堂，見到TEACHER KENNY真係幾好又有耐性教，最重要兩個男仔都幾鐘意佢又聽佢話，雋雋仲進步神速，雋爸媽見到都好開心，覺得冇揀錯畀佢 ....


最緊要有朋友仔一齊，人都醒D開心D .... 

兩個都冇叫冇喊過，真係神蹟 HAHAHA .....

DARREN好似哥哥，好鐘意AADEN，會拖佢手行又篤篤佢塊面 ^^

你兩個要一齊畀心機，唔好咁易放棄呀!!


02.05.2012  第一堂半私人班 -- 之前AADEN行都行唔穩，今日竟然OKAY! DARREN第一次學仲勁，原全唔似平日謄小愛哭嘅佢，兩個都叻仔呀!!!

09.05.2012 第二堂，平時扶住溜冰都企唔穩，第二堂，竟然拖住老師、再完全放開手都OK，進步好多呀 ^^  ....叻!!!

雋爸牛一 2012 .....

一年一度雋爸生日又到，今年好忙，又剛剛去完台灣旅行回來，家中瑣事又一大籮，所以都無大事慶祝 .....


其實去旅行都順道提早慶祝吖 ....


昨晚教會崇拜後同雋爸兩個人出外走走，到TST超市補貨，買外賣，坐車兜兜風 ....


今日正日呢 ..... 先同雋雋去僱傭公司辦理新/舊姐姐事宜，然後一齊買LUNCH外賣，他午睡時雋爸媽又偷走外出AFTERNOON TEA .... HEEHEE .....

原本想到喜歡的淺水灣THE VERANDAH，不過是日有婚宴包場，四季大排長龍又不準訂枱，所以揀了就腳又有位的GREEN@HOTEL ICON .... 

晚上再一齊外出食飯慶祝，今年生日 .... 都係不停食食食 .... :P

食得是福，又可以減壓 .... 好事!!

祝雋爸你生日快樂，身體健康，工作順利，主恩常在!!! ♥

**********************************************************************

P.S.

今次懷第二胎，食得冇上次咁好，前段狂作嘔，後段又頂心頂肺頂胃冇啖好食，所以今日咁食其實都幾辛苦 ..... 而且令我知道有得食、又食得暢快絕對唔係必然 ..... 

所以以前同事講得好啱 ..... 有得食就好食 .....

怎樣可以返到天父身邊?

今晚靈修後雋問爸爸媽媽怎樣可以返去天父身邊，因為在天父那處很開心。

跟著簡單問雋，你相信主耶穌嗎？相信祂為我們的罪釘十架受死而三日後復活嗎? 又相信主耶穌的血可以洗清我們的罪嗎??

他說相信，跟著自己祈禱說感謝天父，希望可以到天父身邊。

雖然未知道雋是否真正明白，但知道雋已經相信及知道祂的存在。

一次很簡單的決志相信及跟從主 .... 爸爸媽媽都覺得很意外及感動!!!

長大後，希 望你認識主更多，更明白祂的愛，可以自己再正式決志就好了

當然，耶穌愛小孩祂會知道的，我相信天上的爸爸今晚聽到你的說話，同樣會歡喜快樂 ^^

小朋友的心，永遠都是最純真及可愛

LOVE YOU  ♥

暫別 EDEN ....

由去年7月到今年4月，不經不覺雋雋在EDEN MAGIC STICK已經有十個月時間 .....


多謝米太及啤太介紹我同雋雋到粉嶺這個地方 ..... 


一個很奇妙又充滿恩典的地方 .....


三個基督徒EE，充滿愛、忍耐、熱誠，愛主、愛孩子，關心孩子亦關心他們的家人，緊緊捉緊神的說話，用神的愛去愛孩子、教導及改變他們，無論行為及EQ，亦有很多家長因為見到孩子的轉變因而在此信主 .....


開始時，因著雋雋的情緒及行為的獨特性，有好多時間都令人好難理解 ...... 


曾經 .... 她們有懷疑過他是過渡活躍 / 自悶孩子 .... 我聽到，其實都好難受 .....

難處在，她們無受過專業訓練，她們不明白。當然，他們亦不是絕對堅持 .... 但覺得有這可能 .....


但我跟雋爸知道事實並非如此，因為很早時間，由好友兼教育心理學家EVA介紹到另一個著名兒童教育心理學家CHRISTINE WONG，跟她見面及做過評估，她是香港數一數二的、亦擅長找出過渡活躍 / 自悶孩子個案，她說不是的、就是99.9%不是;人家看不是但她看到有的、亦99.9%是真的 .... 

我們相信她及EVA，當然連大夫爸爸亦覺得不是。雋雋正常過不正常，當然情緒及EQ不太好，可能似爸爸媽媽吧!! HAHA .... 

他是資優，但年紀尚小，有些評估未能做到，但現階段知道他是語言資優，很聰明，跟皮紋測試結果一樣。還有當時只有兩歲多，但語言及思想已像5-6歲或以上的小孩，但行為仍是兩歲左右，因此兩方面不能同步，造成情緒EQ方面較差，容易發脾氣及忟憎 ..... 

掙扎了一段時間，大約2-3個月，雋雋去EDEN突然有好大進步!! 連三個EE亦覺得奇妙，慢慢EE跟我說對不起，她們之前看錯了，而且時間久了雋雋亦適應多了、又比較信任EE們，EE 又開始用新方法去教他及"對付"他的弱點，自此就愈來愈好，雋雋亦好有進步 .....

而EE們亦有新的體會及評估，我們沒有說過甚麼，但最後EE們的結論竟然是跟專業的AUNTIE CHRISTINE非常接近 ....

是神給她們的智慧嗎??? ^^

到後期，有很多心事及說話，雋雋沒有跟我們講，但會跟EE講 ....


最感動有一次，他跟菁E說自己不夠乖，令媽媽不開心，然後不發一言，自己在流眼淚 (但非大喊那種)。EE們都好難過及心痛，一個兩歲多的孩子，會有這樣表現，就如一個大人一樣 .....


山長水遠，每堂1.5小時，每次來回坐的士都不知花了多少錢及時間，天氣更壞、頂著肚子仍要帶雋雋去，因為見到他真的喜歡到EDEN，好多時玩到不捨得走，而且我知道他很喜歡華E -- 最嚴厲是華E，罰最多又是華E，但雋雋卻知道華E很愛他 ^^


到今日，當然仍容易有情緒，但已經比以往容易應付，很快可以平靜到下來，亦比以前定了一些。有惡攪時候，不過EE們都已經傳授很多方法給我，讓我可以"對付"他，同時亦要教雋爸婆如何教導他 .....


到5月份已經懷孕27週了，媽媽肚子很大，老毛病腰骨痛、加上雋雋又大大隻，上車抱上抱落真的手震腳又震，瞓了更加不得了，所以雋爸及華E都覺得是時候要停一停 .....


要多謝的說話實在太多，雋爸媽無限感激!! 亦明白為何米太家住老遠仍堅持多年送孩子到EDEN那裡 ..... 我覺得一切都是神恩典，無論是EDEN或是對家長及孩子 ..... 


很喜歡EE們，要暫別多月，希望生了弟弟之後、雋雋返K1的時間及生活適應之後，可以每星期再到EDEN一日，上上EQ班也很好呀!


有EE們為雋雋及我們一家大力禱告，我相信更難應付的孩子也有辦法應付得來。

爸爸媽媽會加油，希望雋雋都會加油!! 大家都知道你可以做得好好的!!! ^^

最終買了 ....

早在AADEN出世前雋爸已經考慮要幫BB儲臍帶血 ....

不過時間耐了加上3-4年前冇現時咁流行 ....

知道有用，不過好多同事加同行朋友又冇買，所以最後不了了知 .....

今年到弟弟 .... 

基於之前嘅考慮 + 哥哥有需要時都可用 ....

2月EXPO 又有特別優惠 ....

又有名貴ROCKING CHAIR送，弟弟用得著 ....


到現場傾完一大輪知道大夫行業仲有額外85折 ....


所以就 ..... ^^

多年前做過RESEARCH，雋爸覺得呢間最好 ....

臨場有大抽獎，多謝小童子AADEN抽到第三獎 ~ $1,700名牌旅行喼一個 ....

今個四月，雋雋你可以帶住自己抽到嘅贈品去旅行嘞 :D

確認 ...

兩個小王子 ......


19.01.2012 - DR LAU


13.02.2012 - DR MO


應該冇走雞 ......


冇人繼承我嘅身外物 .....


但有人承接雋雋所有用得著嘅 ......


但仍然很開心感恩 .....


健康就可以嘞! ^^

Aaden and Heidi Birthday Party 2012 ^^

29-01-2012 (SUN)

年初七人日

又係寶貝囝AADEN三歲及得意契囡HEIDI 一歲生日!!!

原本各自都唔會大攪生日會，不過兩個好朋友兼契媽媽傾傾吓，又想試吓一齊攪個生日會....

都係同月、同日、同醫院生嘅兄妹嗎!!! 

大家亦有部份係共同朋友，小朋友亦都互相認識，農曆年不如一齊玩吓、食吓、開心吓 ^^

 

1530-1800@昇仔會所

 

 多謝啤太好介紹，教會姊妹幫手設計嘅BIRTHDAY BANNERS，得意!!!

CONNIE契媽媽、JACKY契爸爸、HEIDI契妹妹

 

 契爸媽為人師表都冇時間，所以就由攪活動出身嘅我負責燒錢+攪攪震 :P

網上竟然揾到HK TOY CLUB，大膽試一試，果然係好嘢!!

 

 有AADEN最愛的彈床....一於彈過夠，應該好玩過媽媽張床好多吖 ^^

  正值NAP TIME，今日有得玩，點都支持住 .... 但呆呆豬 ^0^

 

 難得的合照 .... 三歲.... 同哥哥姐姐距離好似拉近咗少少 .....

 細嘅未識彈，要揾嘢畀佢哋玩，有個波波池，但原來大個嘅都鐘意玩 ....

 

 少不了主角大愛嘅車 ....

 扮的士司機，好似冇停過 ....

 

 其他小朋友都鐘意，乜都抵返晒....

 

 鐘意一一同DARREN呢張 ^^

 

 一如以往，搵CANDY訂好味又靚嘅生日蛋糕 ^^

 

 AADEN要求BANNER同蛋糕都要B. DUCK，大個囝有主見，生日就應佢所求啦 ....

 

 多謝AUNTIE MEI YIN協助，以友情價揾ROLL幫手造ANPANMAN MACAROONS當回禮...

ADA佢哋真係整得有心機呀! 

冇影堆食物，不過依舊係喜歡嘅AMY'S KITCHEN，多謝貞姐又幫忙安排好一切又免費過海送貨呀! 當然食物亦依舊好味 ^^

有冇發現兩次生日會都唔見雋爺婆??

其實農曆生日已經慶祝咗，兩老唔鐘意食又唔鐘意玩，怕悶，雋婆仲專登約生日會當日走去拜年，冇眼睇咁 ..... HAHAHA

 兩家人 ....

 WOW阿囝成日鍚女仔.... 仲要咀對咀，都唔問吓人家長，契妹都要問準GA .... :P

 有爸爸媽媽錫 ^^

 攪好耐嘅小朋友合照 .....

"ICMA"好友 .... 

ANTHONY信主又剛受浸，九月又終於結婚嘞，最後一次派利是畀佢，大家安樂晒，希望下次佢拖埋一家大細出現 :)

 從恩福到現在，經常伴隨我左右的好姊妹 .... WENDY一家 ^^

林氏 .... 哥哥去咗玩冇影相:P

 柔氏 ....

啤宅.... 一心兩個又去玩，只有啤王、啤后做代表 :P

 麥氏 ....

 HUNG HOM ANFIELD好同學DARREN及超好嘅姨媽 ....

眼瞓就要食嘢CHARGE CHARGE電 ....

 曲終人散，幾個陪我出嫁的好姊妹 .....

2005到2012 .... 6年多，已出嫁又生養眾多嘅，幾開心!!! 

全部都係主恩典 ^^

好開心有你哋伴隨我左右多年，一直見證我、我一家、到雋雋嘅改變及成長 ....

 

應姊妹要求，揾D陳年相對照一吓當年及今日嘅轉變 ....

01-10-2005

 連當年司琴都成為咗姊妹好老公，真係個個都好幫手 ^^

 再一次多謝大家出席雋雋同HEIDI生日會，好開心!!! 

希望其他人及小朋友都可以盡興又食得開心 ...  

多謝各位AUNTIES & UNCLES厚愛，送上一大堆生日禮物，我會按時、及按STAR CHART積分慢慢送畀雋雋 ^^

*****************************************************

後記： 


由10/1開始完全冇姐姐嘅日子，OH 錯錯錯 .... 由15-12-2011 WIRI返印尼、到即日換個新姐姐開始，其實都冇日安寧又冇覺好瞓，好多嘢都係自己加雋爸婆一齊做返晒，真係好攰好攰 .... 

撞正非常時期、遇上非常不可思議嘅人、要做不一樣嘅事、時間又唔多、身體又唔多舒服，其實真係會發脾四!!! 不過阿囝同契囡生日係開心事，好想佢哋都開心同有個難忘回憶，所以好眼瞓但都堅持而最後完成到，我自己都好開心呀 ....


要繼續努力，最少捱到3月 .... 希望快D有好幫手!!

110 .... 清理門戶

心跳 ^^

開心見到你又聽得到你 ....


要大家一齊畀心機呀!!!


LOVE U!!! ^^

雋雋K1有著落 ....

經過幾個月嘅折騰 .... 

每次出戰前後又驚呢樣、驚個樣 ....

又要預備好自己同雋雋嘅心情及表現 .....

跟住又要等 ....

感謝天父 ....

及大家嘅代禱及幫忙 ....

雋雋2012年K1有著落嘞 ....

 KV .... 雋爸媽一直嘅首選!!!!!!

收咗雋雋，仲係想要嘅上午班 ....

16-11-2011之後 ....

其他得與唔得或者WAITLIST嘅都唔再重要 ..... 

剩餘幾間INTERVIEWS都唔去嘞 ....

最重要及覺得最好嘅已在手，唔駛再擔心，唔駛浪費$$去留位，我哋亦唔需要阻住其他人嘅學位 ..... 

希望您會讀得好又讀得開心，就如其他朋友囝囡及以前媽媽的學生一樣，要好好珍惜及畀心機呀!!!

因為係8000幾份一嘅機會，真係一額汗!!

但其實雋雋當日表現都幾好，起碼冇之前去部份學校咁十問九唔應又掛住玩車 ....

呢間，真係全程有問有答有好表現 .... 心情上佳，絕對係神蹟!!

再一次感謝!! 好感恩!!! ^^

*************************************

雋爸媽本身已鐘意呢間學校 ，但經過一輪報名及面試大作戰後，更加喜歡!! 好好又抵讀之餘，我鐘意佢唔查人家宅同學歷。

佢張報名表係最簡單嘅!!!

唔係雋爸媽學歷或者工作有乜唔見得人，而係唔鐘意出面有部份學校要人小、中、大學、到工作都填到一清二楚，其實要問小中學歷，都知道學校係會考慮將來小朋友派位啦 .... 睇職業同住址嘅更差!!! 

我哋唔鐘意呢D，好白鴿眼!!! 就算讀到將來都想噴火 ....


讀書就係讀書，應該係跟學生嘅表現及能力 ....


呢個年代加變咗質嘅教育制度，真係無話可說 ....


連父母都會覺得辛苦 ><