哥哥新單車

其實2014年尾，哥哥已學會踩兩輪單車，全靠之前方 sir叫佢踩 Strider，所以好快就識平衡，唔洗再用輔助轆單車。

但哥哥高咗好多，之前嘅已經唔適合佢高度踩。終於的起心肝，生日過後去買部新單車送畀佢，係可摺合款式，又可以用到成年都得，開始時驚驚青青話好高，好快之後就上手，非常喜歡^^

要多謝爸爸，而且你要好好愛錫你部單車呀！

集郵

我哋兩老其實好少追求啲成績，獎項，獎狀 。。。

過往兩年 K1-2，其實老師有提及哥哥係班中成績最好的一位，校長都知嘞，只係病假日數多（全年11-14日不等），所以就算成績最好，都唔可以分到乜嘢獎項 。。。班主任仲問我哋有冇覺得奇怪及意外

今年少咗病假嘞，終於 。。。實至名歸，攞到應該屬於佢嘅獎狀

要繼續努力，唔好自滿呀！！

彈床

成日話跳彈床，但驚青豬咁嘅弟弟，從來乜都驚定先（完全同哥哥相反，哥哥係好獨立，冇有怕），又點會真係玩

但今日去錦田，奇蹟真係出現咗，雖然擾攘一陣，但最後佢第一次敢跟哥哥彈入去，仲玩到唔願走呀 ><

Miss Lee & Miss Wong

旨雋遇到的好老師又何止一位，根德園每年的老師都好好，好愛孩子，願意去幫助及理解孩子，真的很感恩。

今年又有她們 。。。 特別班主任 Miss Lee，真的很愛錫旨雋，又會分享她家中貓咪相片給哥哥，又稱他作 Honey，好開心的，哈哈

Mrs Fielding

能夠認識到一位咁好，咁愛錫旨雋嘅老師 。。。應該係名校前校長，榮幸之餘，係無限感恩。多謝你咁明白旨雋，教曉佢好多新奇有趣嘅知識，亦幫我哋更認識旨雋

旨雋六歲

Aaden，多謝您陪媽媽渡過了六個寒暑，仍然好懷念手抱時候的您，時間可以過慢一點嗎？？這些年，似乎從您身上去學習及發現自己，遠多於自己去教導您。

爸爸媽媽祝您六歲生日快樂，身心靈又健康，我們要一起繼續成長！愛您！

P.S.今年特意提早於1月25日為雋及同於1月29日生日的契囡，於廸欣湖舉行野餐生日會，大人小朋友都好開心呀

旨雋，希望你會喜歡媽媽的安排

年花

農曆年到，Teacher Sandy教小朋友畫年花，好靚呀，我唔敢相信幅畫係由平日粗枝大葉嘅 Aaden 畫，而且佢話連朵花一齊送畀媽媽，我好開心呀！

AE 整喊媽媽

“Aaden's  English standard is not good, but it's very good.  His English performance is not just  the level of CCKG, maybe even better than CCKG's.“

~~~From Ms Ebrahim & Mrs Fielding

係得今日唯一開心

因為今日同時係弟弟去 LH PN interview日子，眼瞓勁癲，大喊大叫，驚到我想搵窿捐

雖然PN 唔係我哋杯茶，但咁樣真係好恐怖同為我加添無比壓力，三 parts 都係咁，想喊

兩單我都想喊，但感覺，真係天與地！

Ms Ebrahim 教CCKG十幾廿年，出名嚴

Mrs Fielding 係前校長，佢話 Ms Ebrahim 好少讚，如果話好，就真係好，叫雋要畀心機

兩個都讚佢，都幾安慰，亦都係 Aaden嘅 honour，希望佢，繼續學同做得好 ！！

Ethan，希望你都加油，乖啲，畀心機，下年考 K1 唔好再咁嘞！

媽媽伴奏

幫人家孩子accomp就試得多，以媽媽身分幫自己孩子還是首次。今晚來個即興，哥哥又算可以，夾得比想像中好！雖然中間有扯過好輕微小火，哈哈哈 ^^

說到底，感覺仍然是開心又特別，這是我和旨雋音樂上的第一次合作。媽媽沒有收一分一毫，但我相信這次伴奏，會比以往任何一次都更用心。希望不會過份緊張吧！

有幸參與孩子的音樂成長路，亦感恩天父給哥哥這方面的天份，媽媽希望可以將自己所學過又懂得的都教給你，幫助到你。旨雋你都要努力呀！

K2 新年吊飾

夜闌人靜兄弟瞓晒，又係媽媽動手做手工時間。

有個別群組媽媽假期完結前收到風要交，漏夜趕工。問雋，好肯定話冇，咁我冇理。

6／1／2014
接放學，見班房有類似佈置，再問，雋終於話要整，但冇限期交！？！？

好得媽媽一向儲埋一大箱別人可能當係垃圾嘅美工材料，基本嘅材料都樣樣有啲，所以可隨時開工生產。一點半，眼瞓開夜車，約兩個鐘，等埋雋爸醫院返嚟，食啲嘢，終於完成。

銷了兩盒獅子銀行利是封，加釘到手軟。有啲寡，又整隻我最拿手嘅大吉同埋雋想要嘅揮春。所謂親子勞作，完成！

登登 。。。