哥哥 ... KV 情意結

4／9 正式返全日小學了，所以襯1-2／9兩天早放，都去 KV 接弟弟放學。知道他很喜歡這個校園及老師，嗯，好多老師都喜歡你，K3 Miss Lee, Miss Wong亦好掛念你，所以特地相約在 A 閘，老師送校巴前見一面！

（上落校巴時間，真的遇見很多老師，有些見過，更多不知名，但好像每一位都認識你，又很開心見到你 。。。哥哥，為何這麼多老師會認識你？哈哈）

還有，你懷念的 3B 課室 。。。媽媽特地拍照給你，喜歡嗎？

空巢現象

兩個囝都返學了，哥哥小學返全日後亦不可以一齊食午餐，會見少了時間，有點不習慣吧！

媽媽好掛住 Aaden & Ethan!！

嗯，有點失落 。。。

1／9 ／2015 哥哥小一的第一天

六歲七個月，升小一了，去一間傳統，嚴謹，講求品格紀律的小學，APS。知道你好懷念KV，但仍希望你喜歡小學，適應得好，快樂學習，健康成長，加油！

今年開始坐校巴，相信是你覺得最期待，最開心的事，對嗎？^^

爸爸媽媽愛你！掛念你！

31／8 ／2015 弟弟 KV 的第一天

三歲一個月，升 K1了，要努力學習，要乖乖，希望你快樂，喜愛 KV，享受校園生活！

爸爸媽媽愛你！加油！

P.S. 爸爸媽媽離開時喊，但後來都 ok，放學見到媽媽哥哥，弟弟好開心呀^^

30／3-3／4 台北2015

出發前一個多月，臨時決定復活節假前去一趟旅行，就揀近近哋嘅台北啦

兩兄弟好開心，今次連爸爸媽媽都唔夠喉，好掛住台灣，美食，人情味，飛牛牧場，樂園，溫泉，tatami ........

小模特兒

又要多謝 Teacher Sandy，佢真係好錫同喜歡旨雋，今年 IM Creative 新年搵咗哥哥做模特兒，印咗幅相喺畫室宣傳揮春度，羊咩咩，好可愛呀^^

哥哥新單車

其實2014年尾，哥哥已學會踩兩輪單車，全靠之前方 sir叫佢踩 Strider，所以好快就識平衡，唔洗再用輔助轆單車。

但哥哥高咗好多，之前嘅已經唔適合佢高度踩。終於的起心肝，生日過後去買部新單車送畀佢，係可摺合款式，又可以用到成年都得，開始時驚驚青青話好高，好快之後就上手，非常喜歡^^

要多謝爸爸，而且你要好好愛錫你部單車呀！

集郵

我哋兩老其實好少追求啲成績，獎項，獎狀 。。。

過往兩年 K1-2，其實老師有提及哥哥係班中成績最好的一位，校長都知嘞，只係病假日數多（全年11-14日不等），所以就算成績最好，都唔可以分到乜嘢獎項 。。。班主任仲問我哋有冇覺得奇怪及意外

今年少咗病假嘞，終於 。。。實至名歸，攞到應該屬於佢嘅獎狀

要繼續努力，唔好自滿呀！！

彈床

成日話跳彈床，但驚青豬咁嘅弟弟，從來乜都驚定先（完全同哥哥相反，哥哥係好獨立，冇有怕），又點會真係玩

但今日去錦田，奇蹟真係出現咗，雖然擾攘一陣，但最後佢第一次敢跟哥哥彈入去，仲玩到唔願走呀 ><

Miss Lee & Miss Wong

旨雋遇到的好老師又何止一位，根德園每年的老師都好好，好愛孩子，願意去幫助及理解孩子，真的很感恩。

今年又有她們 。。。 特別班主任 Miss Lee，真的很愛錫旨雋，又會分享她家中貓咪相片給哥哥，又稱他作 Honey，好開心的，哈哈