結婚4周年 ....

暫時一家三口都仲病病哋，所以都唔會有大嘅慶祝活動。之前係雋ba領先，宜家係雋雋最病，雋ma可能日日仲食緊好多supplement (都係為咗雋雋jeh ... )，所以呢個慣性藥煲竟然變成身體唔係太差嘅一個 ... 莫非Jany話坐月坐得好真係生完個身體仲好過以前??? 咁就要多謝天父、同埋o係坐月期間照顧得雋ma好好嘅舊教會好姊妹丹貝、雋婆同雋ba嘞 ....

一如往年，由於呢個紀念日子同國慶同日、又有煙花，所以去邊度食飯慶祝都會特別貴，去親Oyster & Wine Bar 都"nai"晒嘢啦，比平日貴到嘔 ... 所以攪攪吓都唔會特別揀o係呢日慶祝，寧願早/遲一兩日同埋之後去旅行囉，因為雋ma生日日子都好近，所以遲少少就可以一齊慶一慶，一舉兩得 ....

今年多咗個小B雋雋，都好開心，雋雋真係好得意，係天父送畀雋氏嘅最寶貴禮物，大家都病病哋，都係要好好調理身體，不過今年去返擺酒地方Sheraton食餐晏晝飯、係咁易賀一賀先囉，當然唔可以帶阿仔入Ballroom重遊舊地、亦唔可以重溫浪漫落雪景，不過可以去雋ma最喜愛嘅天寶閣飲餐茶、食返d攞獎叉燒包、攞獎蝦餃同埋好好味又多魚翅嘅灌湯餃都已經心滿意足 .... 因為最近一次去已經係生雋雋之前兩個月有多嘞，接近成年冇去嘞，好懷念!!!

新點心有脆皮燒腩仔，好味，唔咸又唔油，同乳豬都一樣好食 .... 唔知幾時開始，雋ma都鐘意咗食呢d咁"阿佬"嘅食物 ...hahaha。不過最愛嘅，當然都係蝦餃叉燒包啦 ...

灌湯餃真係yummy yummy!!!! 睇雋ba個樣就知啦 ....雋ma o個碗仲有食咁耐以來最大塊嘅魚翅 .... baba mama有得食，雋雋我冇得食，幾好都冇我份啦，都係食我最愛又暫時都係戒唔到嘅左手中指同無名指 ...好眼瞓，成枱玩具雜物畀雋雋玩，又睇書，係咁易消磨少少時間 .....

最後畀mama推出推入攪到瞓咗 .... 今日見雋雋瞓平o係度，發覺佢又長咗、可用嘅位又縮短咗，唔通發燒真係會令人變高嘅?? 雋雋瞓咗，要快速食埋甜品走人 .... 有雋ma喜愛嘅"懶富貴"金萡芒果布丁 .... 不過真係好好味，唔"粉"唔假唔甜又多芒果肉，況且成年冇食過，所以好濕毒又咳都要食返一個 ....

雋ba唔食最愛嘅蛋白杏仁茶走去試新嘢 ...最後係"nai"嘢，呢個千色流沙湯圓 .... 好甜!!! 雋氏一向唔食太濃味嘢，可能其他人okay，不過雋氏覺得甜得過份 ... NGGGGGG x 10 ........

入唔返去睇，咁o係度懷念吓先啦 ... 其實係雋ma好懷念呢吓落雪景，o個時o個刻都幾開心同幾sweet ga ... (不過 ..... 冇嘢嘞 .... )

好想睇真雪，不過成日怕凍，宜家帶住阿仔更加驚凍親佢，唔知何年何月何日先可以o係北海道過一個落雪嘅冬季呢???

今年雋ma結婚周年同生日願望係希望雋雋身體健康、聰明伶俐又精靈活潑，最緊要係愛神敬畏神，同埋一家上上下下、老老嫩嫩都平安、健康、快樂 .... 仲有係下星期旅程順利又開心、唔好病、有好天氣同唔好遇地震 (其實雋ma都遇過6點8級、又係大阪，不過帶住雋雋就唔好攪d咁嘢嘞，最緊要平安呀!!!!!! 真係要多多多多祈禱呢 ...)

返到屋苑平台影幅相先啦 .... 不過雋雋已經病到、攰到、又餓到呆晒又冇心機，雋雋今日猛打"克痴"、咳同流鼻水呀，baba mama見到都好心痛呀 .... 求天父醫治您畀您快d好返，唔駛帶病去旅行咁辛苦啦 ....

落晒形 ...泥ba ma，你哋見到下面幅相，有冇d熟口熟面嘅感覺呀??

唔知點解對住450D先會好開心笑，但係見人用G10同佢影又冇乜反應又唔笑 .... 仔，你係咪唔知呢部都係相機呀?? 咁攪法即係迫baba mama要帶部大機同你去日本影jeh ....

Grace Alone

遊日前言 ......

為咗去旅行，唔單止酒店機票住宿用咗好多$$ (要自由行、又想阿仔住得舒服d就係咁ga la ...)，雋ma返親鄉下亦都一定唔會留手，今次就算自己唔買都要幫雋雋買好多嘢，仲有好多雋氏用開嘅"日"用品呢，日元高企呀，雋ma以前HKD5.5 對YEN嘅時代都係一去不回頭，HKD8.5 蕭經理亦都話算okay，總裁一哥亦都冇任何指示雋ba YEN會回落(一哥係外幣專家，樣樣都中，好堅ga ....)，真係冇眼睇 .....

正所謂「妹仔大過主人婆」，其實未出發已經又洗咗一大筆，因為雋雋架出街龍床 PlikoSwitch 好大架 .... 重到成24lbs. (冇法，舒適又安全嘅BB車就係要付上"沉重"代價...)，而日本d鐵路系統已經好耐歷史又舊，有d站根本冇lift，有嘅又行好遠又可能得一部 (去過嘅都知大阪鐵路系統又多又轉線轉到暈都得嘅，根本都唔知會唔會揾到lift又啱自己要去嘅出口....)，有d舊站上地面又要上好多好多樓梯，所以 冇可能帶PlikoSwitch過去 ....

雋ma有Sling、雋ba又問Vally借定Combi咩帶，不過雋雋太重嘞，日日咁咩會屎ga .... 所以決定買架輕便嘅車，心頭好係2009新出嘅Peg Perego "SI"，因為用開呢隻牌子嘅BB車真係覺得好好同安全穩固、唔會驚反車，加上呢架得12 lbs，又可以調較角度 (雋雋呢個月齡仲好需要較低嚟瞓 ...)、又同PlikoSwitch一樣夠闊夠長 (咁當然宜家o個架係最闊落ga la，不過SI都唔差，好過其他牌子好多，雋雋已經75cm + 22 lbs. 嘞，Combi就太迫太短、雋雋試坐過唔係好得，亦都好易反車；Quinny o個d亦唔輕得去邊、而且小朋友坐得唔舒服又唔可以較低嚟瞓 .... 有人叫我哋買"士的車"，不過試過實在太牙煙嘞，雋ba ma都極力反對 .... )、車底籃又夠大可以裝好多嘢，而且多架細車第時得雋ma自己一個又冇渣車時 / 去d山卡啦地方都可以用到，基於種種原因，又因為Ourbaby Joe叔叔好人，平到$2000畀雋氏 (Combi、Quinny o個d都差無幾甚至更貴都有 .... 0/3雋氏都有折，不過估唔到Ourbaby仲平d畀我哋 .... )，雋氏最終買咗SI返嚟，睇吓..... 好似輕便版嘅PlikoSwitch，雋雋試過坐同瞓都冇投訴，車身都係差不多高、瞓o係度雋雋對腳都唔會突晒出嚟，真係幾好ga .... 唯一唔慣係冇得switch，baba mama 唔可以一邊推車一邊面對住雋雋囉 ....

第 二燒$$$ 之作，相機 .... 都唔係純為旅行嘅，係本身部IXUS都好耐好傻瓜，而今次又唔想再買返一部普通傻瓜機，咁去旅行又唔想行李太重 (都想帶單反機去影靚靚相，不過第一次咁帶個BB仔遠行，已經多好多行裝、個仔又夠晒份量，所以應減得減，慳得幾多位就慳啦 ...)，所以又接咗G10返嚟 .... 貪佢都可以影吓淺景深，同埋係一部"扮大人嘅小朋友 / 扮單反機又唔係好傻瓜嘅傻瓜機" (係專業攝影師Boogie咁介紹ga ... haha ...)，希望輕便得嚟d相嘅質素好d囉 (Oh ... 不過未計人嘅質素 ... Wah Ha Ha ...)
真係罪過 ... 雋ma實在應該留返多d $$$去日本消費ga ma ... 點解o係香港已經咁?? 仲唔係罪過??? 所以雋ma決定，要返鄉下振興經濟、洗多d YEN ...YEAH!!!! HO HO HO .....

兩大發現 ...

病到雋雋好攰好忟心情不佳、唔係好似上次齋發燒咁仍然好playful嘞，佢聲又變埋，今日收咗少少鼻水、夜晚低燒返d，不過今日咳多咗又好多痰，睇見佢病到口腫面腫 + 黑眼圈、又要食3種藥水咁多，雋ma真係好心酸又心痛，雋ma真係寧願病o個個係自己囉 (其實都已經"au"緊好幾日，總之係輪流病啦) .... 呢期流感果然好毒好厲害，唔怪之得醫生都話會拖好長時間 ....

睇佢至愛嘅YBCR都冇乜心機，係仲係鐘意用佢嘅飛毛腿踢開晒d嘢囉 ...

琴日雋ma o係一號風球下自己一個帶雋雋去睇醫生 ..... 係第一次ja .... 好緊張，驚好"le hea"ar ma，你知啦，自己雖則用sling咩住雋雋，但雋雋又好重、雋ma又要抽住一大袋嘢，落雨又要同人爭的士，上落都麻煩，如果唔係見雋雋好辛苦咁，都想等到雋ba收工車雋雋同雋ma出去，咁就舒服好多啦 .... 更好嘅選擇應該係畀架車雋ma去渣，咁都可能會好d，不過旺角中心o個頭泊車又超級麻煩嘅 。嘩!!! 診所多人到，都未試過去Dr LEUNG度咁多人，有諗過去更好嘅黃可用度，但咁嘅情況，以砰日都多人睇到暈嘅Dr WONG應該仲多囉，所以都係死守o係Dr LEUNG度一個半鐘，要等成十個人呀，仲係好多細路都係流感，超級驚 .... 雋雋咁細都戴唔到口罩、戴咗佢都會扯開啦，好怕佢又畀人傳染多d病菌呀，如果再病d，下星期一都唔知點飛Osaka呢??? 希望你早早日康復又開開心心咁同baba mama去玩啦 ....

今日係雋雋又典來典去之際 (佢成日飲完奶 / 好攰唔肯瞓時都會好似飲醉酒貓咗咁 .... 今晚先同佢搏鬥咗45mins.先瞓咗 ....)，雋ma發現佢上排右中門齒爆咗出嚟，左邊o個隻都開始爆咁，發牙痕得好緊要。冇陰功嘞 .... 已經病，再加上出牙，唔怪之得咁忟咁冇心機 .... 所以都好驚佢去旅行心情麻麻呀 ...

第二發現係，雋ma上個月開始成日畀佢試吓用第三階段學習杯飲水，雋ma自己又示範畀雋雋睇點用飲管，不過都唔係好見佢用到 .... 第二階段o個種雋雋好唔鐘意用ga，都唔肯飲，要用返奶樽 / 用匙羹餵佢先肯飲水飲多d，今日下晝又畀佢試吓用飲管飲水，佢竟然自己飲到呀，雖然吸嘅過程都有流返d水出嚟，不過見到病到懵豬豬咁嘅佢肯飲好多水不特止、仲識用埋隻學習杯用飲管吸水，mama真係好開心好開心好開心呀 .....

雋雋恭喜你，你又有進步嘞!!!! mama可以見證你每一次嘅進步同成長都好感動，多謝你!!!

Adore - II + 雋雋第2次發燒 ....

今日都係返唔到教會，因為先有Baby Sign class、下晝再接多劑影家庭相，莫講話雋ba仲病到wing wing哋 (本來好少少，真係o個少少，點知琴日陪雋雋去My Gym .... gym一gym又病返多咗 ...)，如果雋雋一日連走三場、仲要係晨早要佢爬起身返早堂都會頂唔住 .... 所以o係身體同實際能力嘅限制之下，雋氏唔可以返到崇拜 .... 抱歉抱歉!!

其實雋雋踏入8個月大之後，佢嘅生理時鐘都有所改變，就係朝1200-1330、跟住1400-1600都會超級攰，係可以全程係咁瞓，所以無論係1500嘅My Gym class、1200嘅Baby Sign class、仲有今日1600再戰Adore ... 全部都係極之高危，因為完全係雋雋好疲累又冇乜心機嘅時段 .... 雋ba ma都有晒心理準備雋雋會不停咆哮嘞 ....

Baby Sign class今日有好多嘢玩，又有雋雋好喜歡嘅bubbles，Van姐姐帶咗好多架餐畀小朋友玩，所以雋雋今堂都叫做多咗好多反應、冇提早 zzzzzzz ....

1330，本應耍打道回府畀雋ma餵奶然後雋雋休息，點知呢個Collen叔叔打嚟話CSW今日國慶節目、1600會封路，先問雋氏會否改期 (唔好玩啦，又改???今日呢個日子係你assign畀雋氏ga bor??? 何況再下星期雋氏已經人在大阪嘞 .... 如果再改，都唔知又要改到幾時可以影埋輯相 .... )，後叫雋氏一係要早d到達CSW避開封路 .... 就係咁，雋雋唔可以返屋企charge電，唯有去最近又肯定有BF 地方嘅新世紀 .... 由別榭一居開車到新世界都唔駛10mins車程，雋雋已經瞓到隻Du Du咁，雋ma都好唔忍心叫醒佢，不過一1落車就醒，都冇計 ... 唯有直奔5/F BF room餵飽佢先 .... 極累 .... 可惜之後o係雋ba ma lunch期間都唔肯瞓，佢自己玩吓同餵佢食餅仔，都好少咆哮，已經好乖乖啦 .... 對眼"dup"咗一大半，好擔心1600點樣影相 ....

1530，好趕，要o係封路前入到高士威道ar ma .... 一上車雋雋好快又瞓咗，因為真係好攰，1550去到天后廟道口，好可惜前面已經封咗路，點樣?? 又要去返電器道又再入大坑o個邊去返銅鑼灣道囉，入面好塞車，1605到摩頓台 ... 雋ba唯有畀雋ma落車行去Adore先 (如果唔同雋雋上去影相先，好驚佢一到1700飲奶時間又攰又餓會勁發癲呀 ... )，開始頭幾個字都okay，不過好景不常亦都係雋ba ma一早預料ga la，可以帶去"tum"吓雋雋嘅Over The Rainbow music box、星星餅、CDs、公仔 ... etcs.真係成袋咁執去，佢要扭喊、扭眼瞓都冇辦法 (再重申每日1700-2000都係TERRIBLE 5-8!!!!!!!!!! 雋雋超級眼瞓都唔肯瞓，然後好忟，成日咆哮 + 喊，除咗o係屋企睇DVD，或者推落公園商場散步令佢瞓，唔係做乜都冇用 ....)。

一邊影一邊喊、又喊又笑、又典來典去，抱到雋ba ma手都斷，要抱住佢jump jump jump先會大笑，影唔到45mins又要餵佢飲支奶，再接再厲，又唔係好得，心情壞透啦，又要停囉，雋ma要抱住佢先唔喊，對眼得返一條線，以為抱佢瞓到，心野，係都唔瞓，見佢好少少，立即再影，唔到5mins，再喊喊喊 .... OMG!!!!!!!! 雋ba ma都攰到想死，係直情心理壓力好大呀，都唔知可唔可以完成到 .... 最慘係差唔多5點時雋ma抱住雋雋已經覺得佢好熱 ... 唔係平時d熱，係好似上次發燒o個種，mama直覺+經驗都好準ga ma ...... 仲要除衫影浴袍相，雋雋出晒汗，再只係著條片影相，又驚佢凍親 (雖然熄咗冷氣影 ....)，不過大熱天時最忌就係忽冷忽熱，咁樣好易病ga ...

雋ma估Collen叔叔都知再拖落去唔掂 (其實佢真係好ARTISITC 囉 .... 藝術家追求完美係好，不過佢慢過Boogie好多好多，有時追求完美都要睇睇形勢先得ga ma .... )，最後影埋個木馬就冇再影嘞，今日都要換咗4套衫，叫做快上次少少，不過以個人認為 ... 係上次仲慢、拖得過長時間囉 ..... 1830終於可以走，沿途去聖保祿攞車雋雋已經好攰好攰、亦都"慶"咗好多，雋ma好唔開心又好擔心，情急之下攞d又凍又濕嘅Suzuran濕棉撻住o係額頭仔降溫，全程車又幫佢用濕棉抹面同手腳，希望佢唔好發高燒 ....又忍唔住喊嘞，雋ma又覺得累咗佢 ...

有人都自覺累咗雋雋，其實有病嘅人住埋一間屋互相傳染 ... 有時真係無可避免，亦都冇乜話邊個累邊個，如果係"嘢"畀雋雋嘅，都冇辦法ga .... 雋ma都開始作病啦。不過如果有人係烏鴉口、又為咗貪一時之便、去講一d黑心 / 唔經大腦嘅大話，例如「我個仔要去醫院，佢發緊高燒呀 ....」，100000000000000 x 差!!!!!!!!!!!!!!!!!!!! 前半部份可能係真，後半部份係冇必要囉，雋ma一向最討厭、最憎人講大話，係厭惡到極點，唔好同雋ma講乜嘢善意唔善意，總之講大話就係講大話，唔好揾藉口砌詞狡辯嘞 .... 好啦，黑心 / 唔經大腦嘅大話終於成真，雋雋真係又發燒，8個半月人仔第2次燒，成為38.4度，多謝多謝 .... 多謝黑心唔經大腦大話精嘅咒詛 (聰明人自會知道雋ma講緊邊個啦....) ..... 真係承你貴言!!! (雋ma嬲到爆 x 無限!!!!!!!!!!!!!!!!!!!!!!!!!!!!!!!)

返到屋企立即餵藥又癡退熱貼，夜晚臨瞓前好似冇咁"慶"，雋雋亦仲算playful，所以唔差得晒，不過小朋友發燒係好反覆嘅，今晚唔燒唔=聽日唔燒，所以求天父保守雋雋你今晚瞓得好，唔好太反斗又"fu"晒d被，又叫你快d退燒，唔好再高燒，阿門!!!

mama鍚晒雋雋你呀 .... 乖呀!!!

(P.S. 好得d相都真係影得幾好，唔係雋ma更加"慶"過火屎，不過唔理解都最後畀d相雋氏睇時，有好多用咗好多時間、又要雋ba ma又抱雋雋又jump jump jump嘅相唔見晒?? 約咗10月2再去揀相，好好醜醜o徙咗咁多時間心機影嘅、又攪到雋雋喊晒又攰仲病埋，係咪應該都畀雋氏睇一吓先呢??? 希望到時會重現雋氏眼前啦 .... )

好火 ......

成千蚊一件新衫著得一次又畀工人熨到起晒鏡面，已經千叮萬祝千囑 .... 都係咁，如果可以做得到嘅，係咪真係想等我"lin"屎佢呀??? 已經係唔知第幾多樣嘢又畀佢破壞整爛整壞又做錯晒嘞 ....

係咪真係博雋氏炒佢呀???

好得雋ma係自己湊仔唔畀工人掂嘅，佢做錯嘢真係唔會同佢客氣，之前成日雋雋d衫褲又洗唔乾淨都好唔鐘意，以前雋ma未生只係主打照顧雋婆，晏晝"hea"到冇嘢做要問雋婆可唔可以瞓晏覺 (冇嘢做係雋ma一向都唔想有個陌生人一齊住又攪亂自己檔攤，大住個肚時都係自己做返d家務，係好後期先間中叫工人落嚟清潔ja ...)，又可以自己瞓一間房(唔係工人房wor，樓上兩房單位就係雋婆同工人一人一間嘞)，真係好食好住，佢自己都話比起以前好好多好多，咁就唔該佢精乖d啦 .... 好火呀 .... 有時唔明又唔出聲問，自把自為 (不過呢樣拍馬都比唔上個陪月，所以個麻煩陪月都畀雋ba ma鬧到七彩ga .... )

其實一直都係咁諗，如果阿仔大d雋氏都寧願請鐘點，因為到目前庶止都好唔想同工人一齊住，好得宜家都仲係同雋婆住jeh .... 茶實都係雋婆教佢監督個工人，有時仲醒過佢快過佢好多，初時雋婆中風就話好需要工人照顧佢jeh，根本都好似掉轉咗咁，唯一係可以幫輕d家務囉，但係工人可唔可以醒多少少又快多少少呀???　

好 ... 外傭稅已經畀晒，雋氏唔會咁蝕嘅，即管睇到個工人出年5月滿約，如果呢幾個月有改善就放你一馬，唔係到時雋雋已經甘唔多一歲半 .... 最非常時期已經過咗，雋ma時間應該會鬆動多d，到時再轉嘅亦都冇咁多擔心 ..... 總之，希望佢好自為之 ....

發洩完畢!!!

雋雋靚相 (mama自己話嘅 haha)...

中和一吓沉屈又不快嘅心情，最好就係睇多d雋雋嘅笑臉 ....

雋ba發燒 .....

雋ba返屋企冇幾耐 ... 因為發燒上返醫院睇急症，o係自己醫院睇可以攞埋醫生紙，大條道理唔駛返工 ... 係醫生開咗兩日病假畀佢ga .... 唔係優待，只係因為高危 ...

其實前晚on call，個個ward有d病人唔知點解都中咗H1N1 (原先唔係呢個病入院ga....)，可能又太忙，攰加上忙，就變成琴日post-call好唔妥，夜晚就發燒嘞 ....

o係A&E辰要驗埋H1N1先走得，過兩日先有結果，不過佢屬於高危人士(因為每日都要接觸好多病人...)，加止屋企有大有細，所以都係要食定TAMIFLU，要食5日，不過佢話d藥好"long"肚，食完嘢再食藥個胃都好唔舒服wor ....

雋ba成日都係咁，一係唔病，一病就病好耐同好大件事，希望今次冇事啦 ....

能醫不自醫又一例證 .... sighs

雋ma想"lin"屎佢哋呀 ...

真係火到嚟 ... 都嚟咗好多好多好多日，不過今日見到咁嘅情景真係既傷心又激氣 ....

未有BB仔之前雋ma已經有個囝囝 ... Cello，雖然畢業後再 + 冇o係YF玩 praise team之後，雋ma都多年冇再拉吓囝囝嘞 ... 真係好抱歉 ....

琴日收到花子來電話想造個Cello木雕塑交功課，雋ma當然十萬個支持啦 .... 當中意義，雋ma想應該都係我哋兩個最明白 .... 無論如何，係為自己定係功課，只要幫到嘅，都一定會幫，所以今早收到花子來電要借自己隻Cello一用做model，就立即叫雋ba揾工人下晝搬隻琴落嚟 ...

太耐冇攪佢又搬過屋，都要清潔一吓先可以借畀人ga ma。我已經知道呢d嘢都係自己做好d，佢哋又唔識攪，都唔想假手於人 .... 點知3pm餵完奶，雋ba話工人已經幫我抹乾淨個cover，出去廳一睇加一摸，大鑊!!!!!!!!!! 濕嘅 (囝囝唔係用case，只係用一般cover，濕咗唔得ga ...)!!!!!!!!!! 仲係處於最危險位置 (就咁棟直o係度 ...)，見到已經唔高興 ...直情想鬧人，再開埋個cover，大家睇吓 .... 睇吓囝囝變成點樣???

Bridge "num"咗，d strings都離開晒fingerboard，tailpiece都塌咗落嚟 ....

雋ma直情大叫 ..... 好想"lin"屎佢哋呀!!! 特別係個工人，仲有叫工人用濕布抹個cover嘅雋婆 .... 都唔明，雋ma讀書已經拉啦，又唔係第一日見我點打理囝囝，都咁樣對佢 .... 工人已經成日整錯嘢又整爛嘢，唔清楚又唔問、自把自為，最憎呢d人，嬲到震!!!!!

strings都鬆晒lor，當然pegbox4個馬都鬆埋啦，加上d潮濕天氣，o係27/F又冇人好好打理囝囝，想唔死都難啦 ... 走音走到嘔呀 ....

一衰就樣樣都衰，攪咗好耐雋ma先將隻琴還原，諗住tune返好佢，但係tuner冇晒電(唔係普通筆芯電 .... 所以冇得用)，就咁tune住先啦，由於雋ma部鋼琴都好耐冇tune，所以一定唔係A440啦，都係是是但但ja ....

花子，相信你會感受到雋ma件樂器受到如此對待之心痛 .... 但雋ma亦知你一定會好愛鍚樂器同雋ma隻琴，我千萬個放心，希望你個project做得好、隻琴整得好、個心又醫好，努力呀!!!!!!

P.S. - 花子好多謝你送畀雋雋嘅大量兒童衣架，仲要幫雋氏多謝埋你Daddy公司嘅贊助 :D

雋雋的第一次 -- 文化中心篇

琴日Adore一役唔知點解可以將雋氏上上下下折騰到得返半條人命，係真係成個人散晒，連近兩個星期都成日半夜紮醒嘅小旨雋都可以一覺瞓返到7am，而雋ba ma真係無能為力，起唔到身返崇拜，very sorry ......

1215照舊要去上Baby Sign嘅堂，次次上堂到後段雋雋都會好攰又肚餓，所以會好忟又yell yell yell .... 今次已經叫好咗d，不過一上車就立即瞓著咗 .... 上完堂仲要去TST買嘢，1400 o係新世界泊好車 (由於雋ma仲有一疊CC嘅免費車飛成4年都未用完，所以今日又走去泊咗呢度 ....)，雋雋亦都醒咗，所以好順路咁返咗去CC揾育嬰室餵奶 ....

近水樓台，每次都會探吓班舊同事，今日PRAs仲係最好嘅組合當值，有Marina, Karen, Susan，當然要入去會一會佢哋，佢哋見到雋雋亦都超級開心，所以就返咗入office裡面坐嘞 .... 呢一次，係雋雋第一次踏足雋ma曾經工作嘅地方 ....

熟識但已遺忘嘅fax No. .... 「請你係節目公演/展覽前最少30個工作更將節目/URBTIX 飛版資料傳真到呢個no.畀我 .... attn. 邱小姐 .... 」--- kakaka，以前一日講幾十次，每日好似收數婆咁呀 ....

愛屎雋雋嘅Marina mama ....

仔，見到後面d文件嗎??係對面同事肥David叔叔ga，估唔到雋ma走咗兩年佢都係唔會執吓自己d文件，仲由個櫃擺到出張'dun"度，連fax機都淹沒咗 .... 話時話，雋ma以前個位又轉咗手，仲轉咗三手，查實雋ma之後已經變返做perm. AM位，唔知點解佢哋都係不停走??? 咁考埋個CRE嚟做乜呀???

Pantry + mini storeroom，公關部獨有，係舊咗d，冇計，政府嘢係咁ga la，不過係大家嘅小天地，係以前o係前台"幸都幸唔到"，樓上5/F更加唔駛旨意有得hea嘅地方 .... 仔，後面係PRAs女同事更衣地方，不得亂闖!!! 呢度係大家每日食飯、tea一tea、睇雜誌小說好地方，個櫃仲有好多明週同cup noodles o係度ga .... YEAH!

雋雋突然又想咬雋ma個鼻 .... 掛住雋ma??? ... so sweet!!!

Auntie Susan ... Putonghua超好，阿仔學普通話可以揾佢啦，大家打去CC 普通話錄音就係佢嚟嘞 ....

英文超好又講得非常好聽嘅Auntie Karen ，又係超鐘意雋雋 .... 成日抽水呀，仲自稱係金魚婆婆， hahaha ....

成日亂咬硬物，令一直唔畀奶咀雋雋食嘅雋ba ma都專登買個佢咬，點知佢係好好好唔鐘意、亦都唔識食奶咀，只係會咬個框幾啖就"nu"出嚟，寧願咬水樽 ....或咬鞋 ....
近兩個星期成日講「ma baba mama bababa ma ba ....」，日講夜又講，喊緊都講 .....以前工作就想放假，因為好忙好攰 .... o係屋企時間長咗宜家又會有少少掛住以前嘅日子同d好同事 .... 不過最後都係同雋雋一齊開心嘅，雖則有時都百厭，但係呢d歡樂時光真係唔係好長，過咗佢呢個BB階段就唔會返轉頭ga la，所以都係好值得 ....

今日CC開晒3個場 (即係concert hall / grand theatre / studio theatre 都有日間節目)，佢哋係好忙，都有d唔好意思，仲要招呼雋氏又同雋雋玩，多謝晒三個超好人aunties!!! (佢哋以前已經好幫得手，嚴格嚟講好多嘢仲係佢哋教返d AMs轉頭，絕不可以睇少 ....)

但係mama今次路過又仲未執返自己嘅細軟同鞋返屋企wor，快兩年嘞，真係好懶 ....

UCC lunch/tea??? (新世界呢間真係唔係幾好食...) ba ma好餓，雋雋自己有得坐又有星星餅食就自得其樂 .... 仔，你想彈琴??? 手形OKAY wor ....
又咬扇 ....
唔畀佢咬又喊 ...終於催到ba ma走，點解d細路總係咁???