9個月的進步 ....

可以好準確咁用pincer grip 即係用隻食指同手指公攞起粒星星餅食、無需協助，亦都可以完全放入口唔會跌返出嚟 .... 每次完成呢個艱巨任務後baba maama會讚佢、跟住佢自己會傻笑 + 拍手掌 ....

每次放雋雋落浴缸沖涼、準備開花洒前會叫佢 VV，跟住呢排次次佢都真係會 VV，企o係度V，自己睇住自己乜嘢叫VV，VERY GOOD!!! Hahaha ....

好記得d嘢放o係邊，成日去偷嘢玩/咬，未完全可以抬起頭爬，不過會用個頭係咁鑽過去想要攞嘢嘅方向、再去攞d baba mama唔畀玩嘅嘢 ....

鐘意飲湯，都肯飲水，不過又開始揀飲擇食 ....

今日自己識用手指仔"gum"開個濕紙巾盒、然後再自己"蚊"一張濕紙巾出嚟，望咗一陣，然後掉落地下 ....

好多嘢講，牙牙學語 ....

成日周身郁，成日"hum"頭埋牆 / 櫃，經常起瘤 ....

司琴高娃又要出山嘞 ....

又係露兩手時間 ....

不過好耐冇呢d攪作，有d緊張添，畢竟都係人哋婚禮 ....

婚禮都彈過唔知幾多次，今次係好朋友阿鵬結婚，當年呢位靚聲王都幫雋ba ma做主席，今次開到聲要幫手，你話點可以托手踭呢??

其實正選唔應該係雋ma，係林軍勇，冇錯，係大律師、又係pianist嘅佢，雋ma都好欣賞佢 (除咗佢好串 ...hahaha ...)，阿鵬同佢係藝人之家時識嘅好友，當然一定會幫，可惜軍勇10月中要去澳洲公幹兩年loo，幫唔到11月結婚嘅阿鵬，雋ma見唔到佢都有d可惜，即係尖福又少一個勁司琴嘞 ....

今日uncle Pan o係昇仔附近開完會，以為佢專登上嚟派帖，但竟然唔記得帶，只係想探吓雋雋BB，又大家傾咗一陣 .... uncle Pan都想雋雋做吓花仔ga，可惜雋雋未識行囉，雋ba ma都覺得可惜添 ....
希望雋ma ok，又希望uncle Pan早d畀song list雋ma，等雋ma可以早d練，話晒太耐冇出山露兩手嘞，真係要好好操返手琴，唔好令到好朋友嘅婚禮出現撻Q事件呀 :P ....

古靈精怪雋

告別大阪 Day 5 - 晴天

Happy Birthday to ChunMa!!!!!! 是日正日，亦都係要同大阪再次講再見嘅日子 ....

要走嘞，走之前慶幸仲有2-3hrs去INGs (New Hankyu新裝後嘅BB/mama用品都聚集晒o係度 ....)行一轉，又幫雋雋最後掃到d靚衫褲鞋襪，接住去埋Hep5快食一餐，然後就返酒店攞返行李，剛好出到門口仲有5-10mins就有另一班limousine bus去Kansai Airport，時間係1440，去到機場1530，仲有時間可以再shop 一round呢!!! 雋ba仲臨走前o係Kan-Ku Sushi買多一大盒sushi上機食 (最後變返到屋企食 ...)，雋ma就趕去藥房再買mouthwash，好得早到機場，唔係又要幫雋雋換片餵藥，實會遲 ....

鐘意睇車嘞 ...

近距離睇飛機起飛，好好奇!!!

8個半月變到9個月大嘅雋雋第一次闖關西事件 ..... 成功!!!! 都幾乖添!!!!!仔，要走嘞 ....

出發去Gate 3等上機嘞 ....

Goodbye Osaka!!! 希望下之再嚟可以帶你去奈良睇小鹿啦 ....

唔知記時再可以帶嚟呢?? 下次又會唔會係去Tokyo / Hokkaido 呢?? 不過冇所謂啦，日本係去極都唔會厭倦ga，返鄉下ar ma，又咁多靚嘢得意嘢賣，去邊度都會開心啦 ....

大阪 Day 4 - 有雨、下晝停雨見返太陽伯伯

可愛的雋雋B今日9個月大嘞 .... 祝您身體健康，每日快高長大，但係唔好超重，唔係mama對手好快會斷 .... 仲有要乖d又多d耐性，唔好成日咆哮，又唔好成日食左手中指同無名拍嘞 ... 乖乖!!!

今日原本想去天王寺動物園同埋有時間會去埋黑門市場，不過一個茉莉攪到好大雨，雖然吹咗去東京o個邊，不過今朝都大雨呀，所以都係不宜帶住阿仔去戶外活動嘞 .... 希望下次嚟大阪可以再去到啦 ....

所以今日主打係去Comme Ca Store狂掃雋雋嘅嘢，真係好多款又好抵，平香港好多好多，遊客再有折，最後埋單九百幾已經執咗起碼十樣嘢，雋ma諗o係香港應該要用多6-7倍價錢先可以買返咁多嘢囉 ... 仲要人哋日本d sales又好禮貌，點試點揀都好好服務，唔會好似香港咁白鴿眼或者冇耐性，所以o係日本買真係開心好多好多!!! 然後繼續梅田shopping最後衝刺，早去早回，要早休息、又要早執嘢ma ...

不經不覺就o係大阪過咗4日嘞，又係時候要pack返d行李，仲有o個一大堆嘅戰利品，見到都唔想執 ....

睇雋雋幾開心!!! 好似知道佢面前9成嘢都係佢咁 ...

又o係度揾嘢咬嘞 ....

近期最愛拍拍拍 ....

雋ma買咁多嘢係好開心，因為完完全全滿足晒自己嘅購物慾，真係由有BB開始忍到家吓ga la .... 不過諗起屋企又會多咗咁多嘢，又有d頭痕囉 ...

今晚雋雋好hyper .....

由於要執嘢，是日晚餐外賣攪掂，唔好睇少佢哋，係New Hankyu做緊"北海道物產大會" (年年呢個月份Hankyu & Hanshin 兩大百貨都有ga，好多Hokkaido名物賣，好抵!!!，雋ma一早plan咗又要去買Royce & 好味元貝畀雋婆煮餸用，可惜今次最後冇買Royce，只買咗好多靚瑤柱，同埋食咗好好味嘅北海道牛乳雪糕。) 見到有著名蟹王船o係度擺檔，所以就順便買份蟹三味(有埋好多好多魚子同海膽)便當、蟹sushi、和牛肉便當返酒店食算嘞 .... 排隊等咗好耐呀，因為好食、好多好多人買呀 ....

係咪知道返香港，所以咁開心???

返嚟房有盒咁嘅嘢 ... 都知知哋ga la....

唔食得住，影幅相先啦 .... (不過都係Bangkok Peninsula 大手筆d，起碼係自動自覺送，又係大大個又好味，日本唔興呢d嘢，要自己畀錢訂 .... 唔知好冇味呢???)

由於多咗好多行李走　又要帶住BB，雋ba ma兩對手真係唔係好掂，唯有要空運部份玩具同藥物返香港 .... total 9點幾kg，oh .... 超晒標 ...返港後10日先再見到你哋，希望你哋可以平安同完好無缺抵達雋宅啦 ....

通常臨走前都係戰況混亂 ....

雋雋瞓咗嘞，踏入9/10凌晨，進行切餅儀式 ... 第一年有阿仔，不過唔可以同mama一齊切生日蛋糕，少少可惜啦，不過雋雋o係身邊，都一樣開心嘞 .... Happy Birthday!!!

蛋糕做nightfood，同場仲有o係"北海道物產大會"買嘅著名"十勝農場"香滑牛奶，雋ma只係飲咗幾啖，鐘意飲奶嘅人係會覺得好好味嘅 .... 結果成支就畀某人一次過飲清囉 .... 真係見到咁大支都有d滯呀 ....

大阪 Day 3 - 有雨 ... 5點幾茉莉好近勁大大大雨、好大風

整裝待發扮到靚靚去邊呀?? 今日只去一站，就係老遠嘅Rinku Town，即係去返Kansai Airport對面臨海區，個幾鐘車程，就知真係好遠，雋ba ma都有d壓力，希望雋雋你要乖乖呀!!!

好得好快瞓咗 ....

去程要先去Namba換線坐南海電鐵，又要成日揾lift搭，攪好耐，所以回程轉坐JR，唔駛換線，來回都係坐特急，所以飛咗好多站，都叫快咗好多，但都要成1hr15mins.-30mins，好攞命 ....如果下次雋ma再plan得好d，一定要o係回程前一日改住Kansai airport對面嘅Hotel Nikko，咁樣就可以慳來點兩程車時間，留返嚟shopping耐d都好吖嗎 ....

對面有兩個太太都讚雋雋kawaii ,,,, 其實呢幾日都好多婆婆同日本太太讚佢係kawaii baby，又以為佢係女仔wor，仲成日摸雋雋塊面 ...mmm 話晒宜家咁多菌，雋ba ma都幾驚ga，又唔知佢哋對手乾唔乾淨，雋雋又未完全好返晒，所以讚時讚，最好都係眼看手勿動好d啦 ....

第一次坐JR，仲係第一次夜晚坐火車，非常之好奇 ...

每日辛勞過後總要有nightfood 獎勵一下自己 .... New Hankyu百貨食品部一向係入貨必然之選，今年度愛上呢個好多蟹肉+蝦+帶子嘅海鮮意粉salad，仲有個粟米salad，不過今日粟米salad賣晒冇得食 .... 改咗食鮮果，冇乜特別，不過都好食過香港o個d .... 當然有雋ba ma去親日本日日都要飲嘅baba之選Meji香滑牛奶、同埋mama之選Glico青紅蘋果汁 ....

今日Rinku Premium Outlet +SEACLE Pleasure Town之戰利品，9成都係雋雋嘅衫同玩具 ..... 多到攞唔晒，要o係As Know As買咗個大大袋先可以運到返酒店 .... 好大雨，個風好近Osaka，臨走前一個鐘已經好似打到嚟咁，好驚，地方又空曠，唔捨得又未買完都要走嘞，唔係冇車返去都唔知點算好 .....

又要一讚SEACLE ，真係好啱小朋友去，d設施好好又完善，由餵奶房到遊戲設施、food court、鋪頭都好適合有小朋友嘅家庭去，10個鐘意，雋ma仲o係度買咗好多靚褲仔同衫仔畀雋雋呀!!! 唯一可惜係雋ma最愛行嘅日式雜貨店冇乜時間行，見到個好靚大滕籃只需1800 yen都買唔到，因為好大個，比著以前冇雋雋唔駛諗就托咗返香港啦 .... mmmmm

另一樣要讚吓雋ma自己嘅係做咗好多資料搜集，之前不停上網揾資料又睇吓點玩係最慳錢、慳時間又可以買得最多嘢，暫時過咗三日、唔計天氣嘅少少影響，其實都好成功 (買咗好多嘢 ...wah haha ....)，好似0係Rinku Outlet咁，原來遊客可事先上網download discount coupon換領劵，去到outlet遊客服務中心可以憑passport每人換到d優惠劵，好多鋪頭都會再有額外折扣，真係抵好多ga!!! 所以去旅行呢家嘢唔做搜集唔plan行程仲帶住個小B實在係唔可能囉 ...

大阪 Day 2 .... 間中有雨

今日行程：

一早先去港區海遊館，係全球最大嘅水族館，8層樓高，好值得去，小朋友更加應該要去見識一吓!!!


雋雋呢個瞓覺樣就係其中一個得意樣wor，每日o係街同百貨公司都有d姐姐同auntie們走埋嚟話佢kawaii，行過咗又再走返轉頭一次同baba mama講佢真係kawaii baby ... 笑屎人嘞 ...海遊館隔離係天保山商場+摩天輪

餵完佢飲奶當然開心啦，不過幾分鐘前心好差又大喊ga，因為o係授乳室內百厭周身郁成個人跌咗落地，好得係個身先落地、再打側"hum"個頭落地ja，"bom"一聲!!! 當時嚇到雋ma個心都離一離，雋雋喊到七彩呀!!! 如果個頭頭落先都唔知點好嘞 ....第一次o係日本d靚靚又乾淨先進嘅toilet換片，又係第一次坐o個d 廁所BB椅，雋雋覺得好新奇咁...

望乜呢?? heehee 好多小丸子好乖咁排隊洗手呀，o係度八掛緊人地囉 .....
呢度嘅洗手盆一個就習齊晒自動洗手泡抹機、水喉、乾手機在內，係TOTO出品，好方便又先進，請問香港幾時有??? 同埋日本d小丸子真係好有禮貌同有規矩，雋雋你大個都要向佢哋好好學習一吓呀!!!準備就绪，等雋ba去用300YEN租埋部5種語言翻譯機就可以入埸嘞 ....

嚇到雋ma心仔"bokbok"跳係由2/F搭電梯直上8/F，畏高的雋ma真係想死同埋好腳震 .... 好得之後一直係行斜路落返去，唔係雋ma會嚇死o係呢度 ...

好，就由頂樓一路掃落去，係一個8層樓高又大嘅海洋世界，好緊張!!!! 一切由小白鷺同鴛鴦開始!!!

皇帝企鵝瞓晒覺?? 瞓都瞓得抵死過人 ...睇到呆咗 ... 生平第一次見咁多又咁大嘅海洋生物ga ... 呢條big shark應該重過部鋼琴ah ... 長過我哋間書房呀 ....好似書房天花板咁大嘅魔鬼魚 ... 不過有張哈哈笑臉 ...

全部都係沙甸魚嚟ah ...

行完要醫肚先，阿仔又想瞓，竟然發現天保山都有平靚正嘅Kan-Ko Sushi (雋ma只知天王寺同Kansai機埸有ja ... )，咁當然要去食啦!!!

有和式非吸煙區太好嘞，可以放低雋雋畀佢瞓 ...

好境不常又喊醒，最終要一邊食一邊抱雋雋瞓 ...手都斷 ...

兩份大餐埋單先百幾蚊，又好食，好過香港o個d貴格唔飽鋪頭好多呀 .... 好大雨，要去下一站掃貨 ... 食完快閃!!!

回程：本町Akachan本館+別館，勁掃BB用品同埋Anpanman玩具，因為真係平好多!!! 其實香港嘅B&M、好多水貨店都係o係呢度入貨ga ja，所以自己嚟買仲多款揀 .... 奶粉尿片平呀，都想托一大箱返香港，不過宜家日元高企，所以同B&M o個d又唔差得太遠，費事搬餐死，所以都係冇買，只係主打買Anpanman玩具同埋一d香港唔入嘅貨 ....

想買Anpanman大廚房同大樂隊仲有摺得埋單車畀雋雋，不過計返原來香港嘅童夢國度訂貨都係差唔多價 (香港呢間嘢嘅麵包超人玩具真係最平ga la ....)，所以又唔買返香港嘞 ...因為實在太重太大舊 ...

最後狂風掃落葉買咗3大袋，放工時間又落雨實在不宜再坐地鐵，仲要本町呢站係冇elevator 落去車站，10個想死ga!!! 所以決定 .... 第一次o係日本坐的士，返梅田盛惠HKD 16x，都真係幾貴，不過都貴唔過Hokkaido分分鐘成千幾二千蚊的士錢囉 .....

AKachan不愧係一間乜都有嘅嬰兒用品公司，6層高已經可以畀人行成2-3hrs都行唔厭，仲有超舒適授乳室，香港真係冇一處地方可以比美 .... 基本上，係日本所有有餵人奶地方嘅都好好多好多 (唯一係成日唔畀baba一齊入 ....)，唔餵人奶都有好多餐枱+ microwave oven畀mama用，換片設施又好，男女廁都有，所以雋ba ma都覺得雋氏真係好適合o係日本住，因為樣樣都啱心水.... hoohoohoo ....

返到梅田去Hep5食好味蛋包飯，每次都要食，今次又點可以例外呢?? 食完仲要去雋ma喜愛嘅Love Girl Market買件厚衫，唔係聽日去Rinku o個實凍病呀 .... 好可惜，雋bao燧呢度買唔度啱心水嘅厚衫 ....

mama唔好影啦，9pm嘞，遲晒嘞!!!雋雋好攰，快手幫雋雋沖涼餵奶 ....

然後畀佢瞓到隻du du咁 ...不過baba mama要繼續努力執嘢　同洗紗巾奶樽 .... zzzzzzzzzzz

King size嘅床特別好瞓、點碌點反都得 .... 緊係啦仔，每晚要額外加$$ ga ...