瞓得好、心情好 ....

剛剛瞓醒 .... 又影人哋個咁嘅樣啦!!! 又唔同人梳返好個頭先喎 .....

瞓得好、心情又靚，畀畀面部相機咋，所以先笑得咁開心嚟影相 ....

交足功課啦mama，收手啦 .... 唔好再影雋雋我呢個凌亂美模樣嘞 .....

雋雋的第一次 -- 自己扶住站立篇

聽日9個半月大嘞 ....

近一個星期又有d進步 ....

1. 成日o係度自己 / 同人揮手 ....

2. 雋ba唔o係屋企就成日叫"Ba BA Ba BA Ba ..."，雋ma行開咗就成日"Ma MA Ma MA Ma ..."，咁係咪有理由相信雋雋已經分辨到baba mama呢???

3. 愈來愈識享受囉，呢幾晚開始由雋ma幫佢"馬沙慈"咁再慢慢瞓著，嘆到佢吖，成個人大字型咁瞓著，直情連佢最愛o個兩隻左手食指&中指都可以暫時忘記唔再咬，真係唔講得笑ga .... 點解要"馬沙慈"?? 話說雋雋一眼瞓、但又心野唔肯瞓就會好癲狂，癲到不停碌來碌去、踢來踢去(雋ma餵緊奶咁緊係踢到mama死死吓啦 ...)、又會搣住人哋d肉、爪人哋、又會反轉"pa"o係度 (包括飲奶都係咁，係絕技之一!!!)，總之兩個字 --- 癲、喪!!! 真係baba mama一齊都"gum"佢唔住.... 直到有一次幫佢 "馬沙慈"，初時癲、慢慢就放鬆、然後好快瞓到好"num"又唔咬手指，開心到mama死，所以就開始咗呢個mama專人睡前按摩止癲服務囉.....

4. 今日1021自己第一次扶住床邊企咗起身(每次起身之前都要"吖...."咁大叫一聲，笑屎mama，好似人哋玩挺舉咁 .... wah haha :D) ....

好得係雋ma自己湊雋雋、又可以親眼目睹呢珍貴一刻，而且仲有時間拍video同影相 .... 好開心!!! 雋雋，你又大個仔咗嘞!!!

懶型咁做乜呀??? (不過mama好鐘意.... hahaha ...)

不過成日向下望又"鐘"個頭+少少上半身出去，嚇死人，好似就快跌落地咁，sighs .... 睇嚟mama又要將你嘅床仔再教低一格嘞 ..... 咁mama要o係床仔抱你出嚟又再加倍辛苦 .... 緊係啦，雋ma有條風濕腰ar ma ....

飯局@豬皮家

有美味又豐富嘅晚餐.....

(雋ba ma代食 .... 請小BB你由母乳途徑吸收是日晚餐之精華啦 .... hahaha)

又不絕嘅喊聲同歡笑聲襯托 .....
又有好多好玩攪笑嘅uncles & aunties提供暫托暫抱幼兒、及不收費"jump"茶遞水夾餸服務 .....
仲有免費享用價值兩皮嘢嘅按摩椅 ..... (睇雋雋我幾舒服!!! Baba你幾時整張過我嘆吓???)
如此殷勤款待 ....
就像小雋雋嘅第二個家 .... (遲早成日嚟反轉埋呢間屋 ....)
咁一定要拍吓掌多謝pigskin一族 .....
Thx a million!!!!!!!!

(特別鳴謝：Auntie pigskin 提供相片 ....
唔該得閒畀埋條片我mama做記錄，thank you!!!)

2009 雋氏大阪自由行後記 ....

總括嚟講呢個行程係算成功嘅，雋雋比baba mama預期中乖巧同合作，不過mama就真係唔多開心 .....

總結一吓今次旅程中嘅點滴：

1. 同咁細個BB出外遠行、仲要係自由行，一定要事先好好計劃行程同埋做好資料搜集，唔好去到盲鐘鐘又興起想去邊就去邊，因為BB咁細個，盡量都要keep返佢哋基本作息食嘢時間，佢哋想瞓就要畀佢瞓、想食就畀佢食，唔好為咗shopping去玩就攪亂晒佢哋原本作息時間，唔係成個行程有排煩 .... 所以好同意帶d兩歲以下嘅小朋友去旅行嘅，千祈唔好去得遠 (Osaka只係要3.5hrs機程，所以比起去Tokyo / Hokkaido適合!!! 其他更遠地方根本唔會考慮，係都大個d先 ...)，又要去d可以隨時補給到BB日用品同物資嘅地方(日本都係必然之選!!!)，水要乾淨、地方夠衛生，要溝通到 (日本有漢字都okay!! 同埋去過咁多個地方，經驗中大阪d人英文叫做好好多嘞 ... )，好似雋ma咁要餵人奶嘅日本更加係不二之選，今個行程9成時間都係BF，雖然可能會覺得浪費好多shopping時間，不過BB唔係次次肯飲奶粉，已經幾日冇粥食，所以都唔好攪到佢想飲人奶都冇得飲，總之要盡量維持所有嘢同o係HK時差唔多....咁就會旅行得好順利嘞!!! 日本d餵奶地方又多設備又好，環境舒適，10個鐘意!!!

2. 雋雋6個半月開始已經係改咗去浴缸用花洒沖涼，仲係好鐘意o個隻!! 唔知點解去到用酒店浴缸好驚，雋ma抱住佢沖都大喊，返到HK第一晚都係大喊，第二日小喊，第三日先冇事適應番 ....

3. 同小BB去一定要隨身帶備一大袋佢哋玩開嘅玩具去，今次好得都帶咗唔少，可以閒時幫雋雋止吓咳，到夜晚雋ba ma要洗紗巾、洗奶樽時，唔得閒理佢都有一大堆嘢令佢分心唔會喊ma ....

4. BB車，一定要帶，仲要好似Susan mama講要大大架o個隻，千祈唔好係"士的車"，唔係shopping之後都唔知點攪ga，加上BB仔隨時要瞓，所以要有架舒適嘅畀佢瞓、baba mama就安樂好多.... 雖則今次用多$2000買咗架Peg-Perego SI，不過好得有買，真係好好用，話就話得12 lbs.，但係掛滿成車嘢都唔會反車，呢個亦都係Peg-Perego 嘅最大賣點!!! 底籃仲放到成個大奶粉袋，對ba ma嚟講係10個輕便!!! 有三個角度調教，雋雋可以坐直又可以瞓平，全程都好似坐緊原本部PlikoSwitch咁，再加埋個永遠包到BB"hum"一"hum"、橫風橫雨都冇整濕過BB任何地方嘅雨套，已經係再無話可說 .... 10個超值!!!

5. 買咗兩對好滿意嘅鞋畀小旨雋，一對係最尾一日行 INGs 嘅時候o係SHIPS 見到嘅，就係雋ma由讀書時期開始已經推崇備至嘅B仔鞋，雋ma都鐘意啦、咁都一早plan咗要買對畀佢，可惜香港靚細路款B仔鞋實在唔多見有wor，o係度揀完件靚靚背心羽絨畀雋雋後竟然發現呢對B仔，10個鐘意!!!! 仲要得一對!!! o係香港冇見過，雖然有排未著到，不過唔理嘞，因為o係雋ma幫雋雋試穿嘅同時已經有兩個日本mama對呢對B仔虎視眈眈，所以立即決定要帶佢返香港!!! YEAH!!! 仔，我哋終於有對子母鞋嘞!!!
第2對係Comme Ca ISM嘅雨靴，好cute又係last一對，好大對，最想要黑色 ....超型!!! 不過最細得中碼，粉藍都ok 嘅，又係最後一對細碼，平香港咁多 (應該都成6折，再另加遊客95折優惠，死人都買定先啦 .... o個d咁嘅女裝布鞋都係HKD 80 ja，如果阿仔係女仔我都買定畀佢ah .... 不過d布鞋係硬到屎唔舒服ga ...KAKAKA)
經過呢一役，雋ba ma決定以後都唔會幫襯香港嘅Comme Ca Kids，因為真係貴到食人唔"nur"骨，要買我哋都去Ourbaby度買水貨，起碼會平d囉 ....

6. 自從911之後出入境o個d咁嘅100ml液體限制真係煩到嘔，連Vaseline都話唔帶得o係身 .... 繼2007年雋ma嘅Paul & Joe 返"dou"事件後，今年又重演一次，不過今次係早知係咁同埋無可奈可要走多轉 .... 呢個CX小盒內有d乜呢???就係去親日本都要買、藥房又成日斷貨、好好用、次次喉嚨發炎用佢都好快好返嘅KOWA mouthwash，係有一次去Hokkaido登別時突然又喉嚨發炎，o係7仔買咗之60ml濃縮版，用過之好以後去親都要買200ml pump裝，今次去咗梅田好幾間藥房都斷咗貨，仲係貴咗好多都斷貨wor (60ml以前賣4xxYEN，宜家要8xxYEN，200ml以前8xxYEN，加陣要去到15xxYEN，加上日元高企，真係貴到嘔!!!)，不過屋企d用晒，真係要買，又好好用，都冇辦法，去到Kansai Airport藥房見到有，兩眼發光，其實已經check-in咗又行李寄晒倉，都要走返轉頭去check-in counter將呢兩枝小液體又一次寄倉，今次好過上次，地勤畀咗個小盒雋ma，唔駛又用個袋仔唔知點咁攞去寄倉 .... 當然唔仍止呢兩支啦，之前已經買左幾支60ml濃縮裝嘞，驚死冇得賣200ml ma ...
7. 前所未有咁失計策，雋ma都有帶兩件Cardigan去，雋ba就大膽到一件jacket都唔帶，去到機埸已經feel到唔對路，可能落雨，唔係大阪10月都好少咁凍 .... 今次好明顯d人轉晒冬裝，一見雋氏就知我哋係遊客啦，著到咁夏天 .... 係雋ma醒目執咗d長衫長褲畀雋雋ja，唔係凍到佢又病都似 .... 最後o係第2-3日雋ba ma分別都要買長同厚衫過埋餘下日子，不過買時買，雋ma去日本都係前所未有買咁少衫，只係得4件，所有quota畀晒雋雋loo .... 冇ga，掛住睇佢o個d，邊有時間睇自己嘢wor .... 雋ba叻咗，有一件Beams jacket、佢至愛日本版Nike Presto、另加兩條褲，係前所未有買咁多嘢嘅一次 ....

8. 下次一定唔再帶咁多尿片濕紙巾去，帶一日份量就夠，去到Akachan一次過買好過，又平又多選擇 ....

9. 今次識咗窿路知道點express d 嘢返香港，又唔算貴，時間又快，真係返香港都輕便好多，特別係帶住小朋友，所以以後都會識得咁做，又可以多個藉口畀雋ma買多d嘢返嚟loo ....

好 .... 食過翻尋味，就等我又策劃下年嘅日本之旅先 .... 應該1月定5月去好呢?? Wah HaHa ....

1010 生日蛋糕 2

又遲了5日出現 ...

明明人哋沖完涼要飲奶跟住覺覺豬，做乜突然畀人抱咗出廳?? 應該係有d攪作 ...

雋ma生日蛋糕之2，o係日本酒店食正日蛋糕時雋雋已經瞓咗，所以未見過蛋糕、又未見過點蠟燭、又未見過切餅、更加未聽過birthday song .... 今次一次過補返晒 ....

更重要係，雋雋要陪mama過第一個首次擁有孩子後的生日 .... 雖然遲咗一日，不過都好開心有您陪雋ma .... 不過個天使蛋糕您就冇份食嘞，大個d先啦，等mama親手做一個畀您食 ....

此情此境 ....

還有多少次???

生日真的快樂嗎???
見到雋雋笑就好開心，又成日古靈精怪表情多多，宜家係您先可以叫mama笑得開懷ja阿仔 ....

多謝您、mama愛您!!

9個月的進步 ....

可以好準確咁用pincer grip 即係用隻食指同手指公攞起粒星星餅食、無需協助，亦都可以完全放入口唔會跌返出嚟 .... 每次完成呢個艱巨任務後baba maama會讚佢、跟住佢自己會傻笑 + 拍手掌 ....

每次放雋雋落浴缸沖涼、準備開花洒前會叫佢 VV，跟住呢排次次佢都真係會 VV，企o係度V，自己睇住自己乜嘢叫VV，VERY GOOD!!! Hahaha ....

好記得d嘢放o係邊，成日去偷嘢玩/咬，未完全可以抬起頭爬，不過會用個頭係咁鑽過去想要攞嘢嘅方向、再去攞d baba mama唔畀玩嘅嘢 ....

鐘意飲湯，都肯飲水，不過又開始揀飲擇食 ....

今日自己識用手指仔"gum"開個濕紙巾盒、然後再自己"蚊"一張濕紙巾出嚟，望咗一陣，然後掉落地下 ....

好多嘢講，牙牙學語 ....

成日周身郁，成日"hum"頭埋牆 / 櫃，經常起瘤 ....

司琴高娃又要出山嘞 ....

又係露兩手時間 ....

不過好耐冇呢d攪作，有d緊張添，畢竟都係人哋婚禮 ....

婚禮都彈過唔知幾多次，今次係好朋友阿鵬結婚，當年呢位靚聲王都幫雋ba ma做主席，今次開到聲要幫手，你話點可以托手踭呢??

其實正選唔應該係雋ma，係林軍勇，冇錯，係大律師、又係pianist嘅佢，雋ma都好欣賞佢 (除咗佢好串 ...hahaha ...)，阿鵬同佢係藝人之家時識嘅好友，當然一定會幫，可惜軍勇10月中要去澳洲公幹兩年loo，幫唔到11月結婚嘅阿鵬，雋ma見唔到佢都有d可惜，即係尖福又少一個勁司琴嘞 ....

今日uncle Pan o係昇仔附近開完會，以為佢專登上嚟派帖，但竟然唔記得帶，只係想探吓雋雋BB，又大家傾咗一陣 .... uncle Pan都想雋雋做吓花仔ga，可惜雋雋未識行囉，雋ba ma都覺得可惜添 ....
希望雋ma ok，又希望uncle Pan早d畀song list雋ma，等雋ma可以早d練，話晒太耐冇出山露兩手嘞，真係要好好操返手琴，唔好令到好朋友嘅婚禮出現撻Q事件呀 :P ....

古靈精怪雋

告別大阪 Day 5 - 晴天

Happy Birthday to ChunMa!!!!!! 是日正日，亦都係要同大阪再次講再見嘅日子 ....

要走嘞，走之前慶幸仲有2-3hrs去INGs (New Hankyu新裝後嘅BB/mama用品都聚集晒o係度 ....)行一轉，又幫雋雋最後掃到d靚衫褲鞋襪，接住去埋Hep5快食一餐，然後就返酒店攞返行李，剛好出到門口仲有5-10mins就有另一班limousine bus去Kansai Airport，時間係1440，去到機場1530，仲有時間可以再shop 一round呢!!! 雋ba仲臨走前o係Kan-Ku Sushi買多一大盒sushi上機食 (最後變返到屋企食 ...)，雋ma就趕去藥房再買mouthwash，好得早到機場，唔係又要幫雋雋換片餵藥，實會遲 ....

鐘意睇車嘞 ...

近距離睇飛機起飛，好好奇!!!

8個半月變到9個月大嘅雋雋第一次闖關西事件 ..... 成功!!!! 都幾乖添!!!!!仔，要走嘞 ....

出發去Gate 3等上機嘞 ....

Goodbye Osaka!!! 希望下之再嚟可以帶你去奈良睇小鹿啦 ....

唔知記時再可以帶嚟呢?? 下次又會唔會係去Tokyo / Hokkaido 呢?? 不過冇所謂啦，日本係去極都唔會厭倦ga，返鄉下ar ma，又咁多靚嘢得意嘢賣，去邊度都會開心啦 ....

大阪 Day 4 - 有雨、下晝停雨見返太陽伯伯

可愛的雋雋B今日9個月大嘞 .... 祝您身體健康，每日快高長大，但係唔好超重，唔係mama對手好快會斷 .... 仲有要乖d又多d耐性，唔好成日咆哮，又唔好成日食左手中指同無名拍嘞 ... 乖乖!!!

今日原本想去天王寺動物園同埋有時間會去埋黑門市場，不過一個茉莉攪到好大雨，雖然吹咗去東京o個邊，不過今朝都大雨呀，所以都係不宜帶住阿仔去戶外活動嘞 .... 希望下次嚟大阪可以再去到啦 ....

所以今日主打係去Comme Ca Store狂掃雋雋嘅嘢，真係好多款又好抵，平香港好多好多，遊客再有折，最後埋單九百幾已經執咗起碼十樣嘢，雋ma諗o係香港應該要用多6-7倍價錢先可以買返咁多嘢囉 ... 仲要人哋日本d sales又好禮貌，點試點揀都好好服務，唔會好似香港咁白鴿眼或者冇耐性，所以o係日本買真係開心好多好多!!! 然後繼續梅田shopping最後衝刺，早去早回，要早休息、又要早執嘢ma ...

不經不覺就o係大阪過咗4日嘞，又係時候要pack返d行李，仲有o個一大堆嘅戰利品，見到都唔想執 ....

睇雋雋幾開心!!! 好似知道佢面前9成嘢都係佢咁 ...

又o係度揾嘢咬嘞 ....

近期最愛拍拍拍 ....

雋ma買咁多嘢係好開心，因為完完全全滿足晒自己嘅購物慾，真係由有BB開始忍到家吓ga la .... 不過諗起屋企又會多咗咁多嘢，又有d頭痕囉 ...

今晚雋雋好hyper .....

由於要執嘢，是日晚餐外賣攪掂，唔好睇少佢哋，係New Hankyu做緊"北海道物產大會" (年年呢個月份Hankyu & Hanshin 兩大百貨都有ga，好多Hokkaido名物賣，好抵!!!，雋ma一早plan咗又要去買Royce & 好味元貝畀雋婆煮餸用，可惜今次最後冇買Royce，只買咗好多靚瑤柱，同埋食咗好好味嘅北海道牛乳雪糕。) 見到有著名蟹王船o係度擺檔，所以就順便買份蟹三味(有埋好多好多魚子同海膽)便當、蟹sushi、和牛肉便當返酒店食算嘞 .... 排隊等咗好耐呀，因為好食、好多好多人買呀 ....

係咪知道返香港，所以咁開心???

返嚟房有盒咁嘅嘢 ... 都知知哋ga la....

唔食得住，影幅相先啦 .... (不過都係Bangkok Peninsula 大手筆d，起碼係自動自覺送，又係大大個又好味，日本唔興呢d嘢，要自己畀錢訂 .... 唔知好冇味呢???)

由於多咗好多行李走　又要帶住BB，雋ba ma兩對手真係唔係好掂，唯有要空運部份玩具同藥物返香港 .... total 9點幾kg，oh .... 超晒標 ...返港後10日先再見到你哋，希望你哋可以平安同完好無缺抵達雋宅啦 ....

通常臨走前都係戰況混亂 ....

雋雋瞓咗嘞，踏入9/10凌晨，進行切餅儀式 ... 第一年有阿仔，不過唔可以同mama一齊切生日蛋糕，少少可惜啦，不過雋雋o係身邊，都一樣開心嘞 .... Happy Birthday!!!

蛋糕做nightfood，同場仲有o係"北海道物產大會"買嘅著名"十勝農場"香滑牛奶，雋ma只係飲咗幾啖，鐘意飲奶嘅人係會覺得好好味嘅 .... 結果成支就畀某人一次過飲清囉 .... 真係見到咁大支都有d滯呀 ....