七日的開始 ...

第一支要倒嘅奶 ... 好肉痛 ... 好浪費 ... 嗚嗚嗚 ...

當然，自己唔忍心，要由雋ba操刀 ....

隨後嘅每一支，為免督眼督鼻，都係放咗o係廁所吧啦，最後總會無聲無色消失咗 ...

再見!!!

總之今期真折墮啦 ....

今日又去埋黃可用度幫雋雋打chickenpox vaccine，差3星期先1歲，不過Dr WONG話都可以打左先，不過都唔關事啦，因為如果雋ma傳左畀雋雋，d病毒係有兩星期潛伏期，即係真係惹到嘅，呢支針都唔會防到 / 減輕病情，因為ANTIBODY O係佢呢個年紀要一至兩星期先做到出嚟 ...

點解仲要打?? 因為雋MA未知生蛇頭兩三日仲有餵人奶，係有抗體GA，假設雋雋飲咗、佢身體又夠叻自己造到D PASSIVE嘅ANtibody，咁就可以防護到佢一段短時間，咁o個支vaccine就係用嚟預防佢將來冇咁易被惹到水痘 / 出得冇咁勁囉 .... 所以最後雋ba都係決定幫佢打 ....

如果真係出 ... 好驚佢生日會攪唔成 .... 值得紀念嘅日子，就畀雋ma害到冇咗 .... 10萬個唔願意 ....


另外，要多謝孟博士 (我嘅御用中醫 .... hahaha ...)

佢真係好多好多好多 .... 人睇，甚至想睇都約唔到期睇 ....

不過見情況咁，今早立即派雋ba打去大學診所睇吓可唔可以加到位畀雋MA睇 ....

一開始，已經畀reception嘅護士截住，一路話孟博士今日full晒，冇位可以再加，又唔肯留電話叫孟博士打返畀我哋(佢好好ga，加上睇咁多年熟咗，佢平時係會覆電話畀我哋ga ...) .... 都不存厚望，亦知佢貴人事忙....預咗又要最快2-3wks後先有得睇 .... 咁其實自己都book咗TST 1月30號睇啦，sighs ...

雋ba唔放棄，叫d護士同孟博士講係雋ma個老公揾佢、又話雋ma生蛇，d護士其實都唔係好想，不過都幫我哋留咗個message畀孟博士 ....

隔咗一段時間，今次係d護士打嚟，係孟博士叫雋ma今日準時5pm到、可以加一個位畀雋ma睇 ....

真係好感恩，亦好多謝孟博士 ....

只係廣東人D俗語說法，佢地係叫返d學名，所以雋ma講 + 寫"生蛇"，佢都唔知係乜，索性畀個背脊佢睇，乜嘢都唔駛講，就知雋MA係生蛇 ... 勁過史大夫囉HAHA，因為最初佢都以庶係濕疹，第二次先知係生蛇，而Dr Wong亦係我哋講咗在先，所以計級數，呢個「全中國十大傑出女中醫」真係唔係浪得虛名ga ...

暫食5日中藥，同場要加針 .... 針灸呀，係雋ma嘅第一次 .... 針咗15mins.，落咗10針，雋ma向來唔怕打針，所以都ok，唯獨有兩針真係想痛到叫出嚟，就係o係兩隻手掌近虎口位落嘅兩針，開頭已經好痛，10mins.後再走嚟吉深d，個感覺好似係支針就快咭穿個舊虎口位嘅肉咁，真係痛到震一震 ...

一滴血都冇，話督就督，快人快語又快手，跟住仲同雋雋傾吓計玩吓，真係好鐘意佢 ...

係呀，孟博士係好鐘意雋雋 ... 仲有，佢仲好鐘意雋ba添 .... hahaha

其實平時西醫睇西醫，都已經係一個honor ... 宜家西醫肯帶自己屋企人去睇中醫，就天加係一個honor，因為好多西醫係唔buy中醫個套ga ... 所以，孟博士真係好鐘意同雋ba傾計 ....

我相信今次都係因為佢打去，所以加位畀雋ma嘅機會先高咗 ....

希望快d好，唔好咁痕，好痕呀 .... 今日仲開始有少少刺痛 ... 不過唔係好似人地咁痛到癡晒線，已經好感恩，所以雋ba同Dr WONG同孟博士都好奇怪雋ma點解唔係好痛，不停問好多次，好似有懷疑 ....

之後去又一城買外賣，一年冇嚟過嘞，順便畀雋雋睇人溜冰，係佢第一次睇，超級開心，唔信睇吓就知 ....

睇見雋雋咁開心，雖然痕得有d辛苦，不過見你開心就心情好好多嘞 ....

只希望你健康快樂，天父又保守你唔會出水痘，同埋出席到你人生第一個生日會 .....

暫時最後的一樽奶 ....

雋雋應該都估唔到自己一早醒來就咁突然冇咗MAMA奶飲，MAMA自己都估唔到啦 ....

食過宵夜，決定要自己泵嚟緊呢7日裡最後一支奶畀雋雋，得O個60ML JA ....同全盛時間嘅160-170ML / 一般以前都有嘅80-100ML，真係差好遠啦，冇法啦囝，臨瞓前呢餐夜咗，儲備不足呀 .....


希望你呢幾日會原諒MAMA，希望你開始習慣唔駛咁依賴佢，等第日戒奶冇咁唔開心，又希望天父畀你呢幾日唔好咁扭計又可以瞓得好 .....

對於要自己親手倒奶 ....

100個唔開心+ 心痛+唔捨得..... 好浪費 .... 又要攪到阿囝喊.....

雋BA可以留返畀你倒嗎??

MAMA食藥嘞，閉關7日，祝自己早日康復 ..... 最緊要7日後奶水仍然充足 ....

與蛇共眠 ....

其實 .... 呢排都已經夠唔開心 ....

前晚又已經作流感，超唔舒服，最終都要食粒藥，最後冇發燒，捱過咗沾寒沾凍 +標冷汗+周身骨痛嘅一晚，以為冇事....

點知今日發現仲大件事 .....

琴晚黃昏自己推雋雋落商場行一陣，返屋企換衫時覺得背脊好痕，"R"咗一陣，紅咗又少少損，不以為意，因為冬天有靜電成日都會咁啦 ....

琴晚又多一撻O係肋骨位 ... 好細粒，以為都係一般皮膚敏感 .... 因為真係成日發生O係我身上MA ....

今日又多咗痕咗，雋BA post call返嚟，咁緊係要揾人義診啦，因為皮膚敏感都要次次問佢可以查邊隻藥膏，其實好多人都知雋MA仲BF緊，所以有時D藥係可以食、但就唔可以亂嚟囉 .....

雋BA睇初時都話似濕疹，因為得O個一兩撻....

點知今晚發到BLA BLA聲，多咗好多撻，雋BA一睇話「死嘞，心怡你生蛇呀!!! 半邊身，一條神經線上，好classic!!! 」我問乜D人唔係話TUM TUM圈咁生嗎?? 佢話唔係，係D人個免疫系統差得極度緊要先生成咁，出半圈先係最典型，話我出O係L5神經線上 .... 佢仲猛咁死嘞死嘞又話過濾性病毒、雋雋又未出水痘 (因為生蛇其實係水痘O個種過濾性病毒嚟 ...)、未夠一歲又未打PASSIVE O個支水痘針，又話我要食藥、又話可能餵唔到人奶，已經夠唔開心，宜家又加多一樣畀我，喊到我死.....

雋MA喊唔係因為自己病，而係自己一直嘅堅持 ... 好想餵人奶餵到雋雋一歲，雖然有人覺得1月29日雋雋都一歲啦，都唔差得好多，不過自己想做到之餘、雋雋都仲好癡身，有時唔係你話想立即停就可以停，唔係佢又喊到癲晒.... 咁雋BA MA都會好惡攪.....

不過只計自己O個何PART，都好唔開心，好似欠咗雋雋 ....

雋BA立即CALL陳大學醫生同學，PAEDI人、緊係問佢先啦.....不過應該ON CALL、未揾到。唯有CALL肥虎，大家開完一輪醫學小會議，得出以下幾個方案：

1. 都差唔多一歲，索性藉此機會停咗餵人奶

2. 食藥要食一個星期，呢段時間回復泵奶日子，不過 ... D奶要眼白白倒晒佢 (SOB ...SOB ...SOB ....)，咁雋雋其實都係唔可以飲 ....

3. 左邊要泵奶、唔可以埋身餵，怕雋雋掂到染菌；右邊照餵，好似呢兩日其實都係咁，佢哋仲話咁我D奶應該已經有抗體畀咗雋雋 ....

4. 考慮明日提早帶雋雋去打水痘針，以備無患....

5. 生蛇係因為身體免疫力唔夠強、加上太疲倦、再加上好STRESSFUL ..... 同埋成日有D人激雋MA囉、又令人唔開心，所以立即爆晒出嚟 ....

唔知出晒未GA，可以就咁唔出多D、又可以再出好多好痕添 .... 未來幾日話要夠休息WOR，咁樣3-5日可以好返，唔係要一至兩個星期 ....

叫雋MA畀工人湊..... N, O, NO!!!!!! 呢個係堅持，工人嘅表現更加唔可以令我哋咁做 ....

叫雋婆落嚟幫手睇?? OK，不過雋雋都係會喊，因為雋婆出現 = 雋MA出街唔要佢吖嗎 .... 同埋請D人唔好多多事實，唔係再畀D人多多說話又煩氣、激多幾激想唔蛇多幾蛇都難啦 ....

雋MA著住衫又有洗手掂雋雋係冇問題嘅，唔駛咁驚，而且係第一次出水痘先係高傳染性，雋MA小學6年級就已經出咗嘞 .....只係 ...都係O個句，雋雋細未打針、又怕抵抗力唔好，而且雋BA話雋MA真係要多D休息，所以先被迫O係呢段時間要咁 ....

10個無奈...... SIGHS ...... :(

佢哋嘅題外話：
其實我哋個個都冇打水痘針，肥虎醫生話畀D細路出吓有D抵抗力仲好，阿小虎都冇打到，雋BA MA都明，亦唔一定要打，不過等聽朝DR Leung clinic開咗門打去問吓先啦，都唔知揾返佢定轉返睇雋MA以前都睇嘅黃可用呢?? Dr WONG勁嘢，Paedi + I.D.，今次真係開正佢O個範呀，呢D都係由專業人士決定啦 ....

宜家1月8日凌晨，雋BA唔見咗，因為佢趕咗上PMH揾阿爺攞張藥紙，即刻去藥房攞抗病毒藥畀雋MA食 (係呀，HA宜家D藥房開24HRS GA ...)，仲有止痕藥膏，佢話早發O個時食先最有效，希望雋MA唔會太辛苦，而且見我痕多咗所以有咁嘅決定，係未至於好痛囉...希望天父畀雋ma快d好返，雋雋冇雋ma餵嘅日子，佢可以乖d啦，唔係baba mama都會冇覺好瞓 ....

D藥會好"LONG"胃，要食多D嘢飲多D水WOR，雋BA仲話買埋宵夜畀我送藥，等候中 ......

SIGHS ....咁代表咩?? 即係冇得揀，由聽日開始 .... 所有奶.... 要自己親手泵 + 親手倒晒落廁所囉.... 超級唔開心 .....

賽馬會創意藝術中心 + CaFe GOldeN 流金穗月

又與花子契ma有約 ....

因為知道雋ma好唔開心 ....

花子改咗原本行程陪雋雋同雋ma去咗JCCAC ... 就o係石硤尾白田邨隔離，即係舊政府工業大廈改建嘅賽馬會創意藝術中心 ....

早聞樓梯嚮，只係一直冇嚟呢度參觀過，呢度都係香港藝術學院同HKBU Visual Arts Dept嘅workshops所在地，今次都係想嚟參觀吓花子嘅工作室 ....

估唔到都幾多人嚟，而且都有唔少人帶埋BB同小朋友嚟 ..... 真係估佢唔到 ....

仲有更重要嘅地方要去，就係嚟呢個花子畀極高評價嘅咖啡室 .... Cafe Golden ....

到達先去醫肚，好得雋雋o係的士上已經瞓咗，而且由的士搬佢過小龍床都冇醒，好x 10 !!! 令花子同雋ma可以有餐好食同好好傾吓計 ....

花子同呢度嘅staffs好熟落，所以安排咗個好位置，冇人在內，好安靜，又招呼周到 ....

呢到可以畀d artists攪小型畫展，攪生日會都可以，$50一位，可以另訂食物 .... 聽講好多雜誌宜家都鐘意嚟呢度同明星做訪問ga ....

抬頭一看，雋ma見到呢個 .... 好鐘意!!! 聽聞每塊琉璃要幾K .... 貴但靚，都係老闆有品味，因為都係artist ... 做琉璃嘅，cafe都係一個副業，不過亦好鐘意cafe，所以d咖啡都係非常高質素 ... 當然啦，大家都係artist，一定有要求啦!!! YEAH ....
飲過最精緻又好味嘅熱蜜糖檸檬 (雋ma係痰精飲完都冇起痰同咳、咁就已經好嘢啦 .... )，好warm ... 心意在於為客人著想又要提供最優質嘅嘢，包括隻杯!!! 要靚、又要保暖、又要隔熱，係老闆專登老遠訂講返嚟、百幾蚊隻，有兩層ga，花子同雋ma都托佢哋幫手訂一隻 .... 仲兩塊檸檬都鋪得靚又有層次過人，haha ....


值得注意!!! 上方嘅blueberry muffin ..... YUMMY!!! 係同Anges b Cafe同一個supplier供應 (即係Agnes b好多嘢得個貴字、都唔係自家出品，唔知嘅又畀佢呃咗 ....)，不過o係呢度只賣$12，Anges b Cafe唔駛問實貴好多啦、而且一家唔會好似呢度咁幫你烘到個muffin面變脆，又唔太甜，好食，原來烘脆個面嘅muffin係好味好多ga!!!

煙三文魚三文治都好味，雖然今日冇意大利包，不過烘脆嘅全麥包都係雋ma心頭好 ....
聞到花子杯好香濃嘅黑咖啡，10個想飲，不過BF緊嗎，冇辦法啦，都接近兩年冇飲過嘞 ...雖然Mr Ben話呢度嘅咖啡豆好靚好純，咖啡因唔會好高，不過可免則免啦，都係忍多一段時間先啦 .... 聞啦聞啦 .... 呢段日子雋ma都係習慣索吓人哋d咖啡香頂頂癮就算嘞 .....

花子話飲過呢度咖啡會咀"diu"、唔鐘意亦唔想飲出面o個d，星巴掌同太平洋o個d??? 緊係唔可以同人哋呢度呢d咁專業嘅比啦，香港人都係扮外國人成日要渣住隻咖啡紙杯周圍行jeh，識飲又愛飲咖啡嘅，真係好應該嚟呢度試吓 .... 花子都屬識嘆識品嚐之人，所以一定唔會差 .......

食完雋雋又醒，粥又餵完，可以出發 ... JCCAC 一日遊，向各workshops進發 ....

G.O.D. o係度都有個showroom，d嘢好懷舊好好得意，唔係賣ga，setting會成日轉，雋雋見到d五花百樣嘅燈好開心又好大反應 .....

花子老師砌嘅作品，好型嘅長木椅 ....
雋雋好似好鐘意呢個workshop嘅男主人，猛同人揮手 ... heehee ... 事實佢擺到成地嘅嘢都好得意，雋ma鐘意籠裡公仔 ....
仲有呢個水上飄 ...haha ...

行完都4點幾嘞，雋雋又攰作眼瞓，雋ma又想食blueberry muffin同飲多杯熱蜜糖檸檬，所以花子又陪去多一轉，餵埋奶，愈夜愈凍又落埋雨，都係時間要走嘞 ....

總結：鐘意呢度 ...

仲有有個workshop為慶祝新一年擺部咖啡機畀人免費任飲 ...

鐘意賣小克嘢嘅workshop好可惜今日唔可以睇佢d爆笑「聾貓」漫畫 ... 希望下次有機會 ....

o係common area又有人排話劇 .... 又有jam歌嘅地方 ....

又有教琴、教古琴、畫畫、教化妝、教跳舞、陶瓷 ....etc. 各式各樣嘅workshops ...

仲有「香港有格」畫展，好鐘意江記畫嘅企鵝系列!!! 笑屎人 .... haha ...


去完覺得成個人又artistic返晒 .... hahaha，好有靈氣，好peaceful，仲有係唔知點解，雋雋都好開心好鐘意咁，成日笑啦、揮手同尖叫，好攪嘢 .....

雋雋，如果你都鐘意藝術同音樂就好啦!!! 無限量支持你，音樂mama一定幫到你一把，美術、雕刻、設計就要揾花子契ma嘞 .....

再次多謝花子，無限感激!!!!!!!!!

感激你嘅相伴、鼓勵同安慰，同路就真係同路，呢d咪真係主內同路人囉!!!

更多謝你幫雋ma一齊做阿4將雋雋同d BB嘢抬上抬落，又多謝你管接管送，仲有今日又專登出去YMT買,矽膠整雋雋隻小腳模，麻煩晒!!!!!!

雋雋踏入人生第十二個月 ....

即係滿晒11個月 ....

又即係明日20100101開始、倒數29日就到雋雋第一個生日.....

同時都係雋MA生咗雋雋 + 湊囝 + BF生涯一周年紀念 .....

20100129 .... 期待中!!!!!!

20100124亦要期待，因為係屬於雋雋人生嘅第一次生日會 .... 囝，豪一次ga ja ... 因為第一次係值得紀念嘅，咁當慶祝埋mama辛勞咗一年囉，不過唔知幾時同會唔會再有機會咁攪嘞，成日咁攪法mama會冇命ga .... 好傷神 .... hahaha ....

1、2、3、4、5、6 .... N歲，其實時間真係過得好快，唔知mama可以陪您過到幾多個生日呢??? 自己當然希望多d啦 ....

新一年、新開始，希望您身體健康，愛天父愛人嘅心都與日俱增、靈命日進，仲有每日都過得開心同充實!!!I Love you Aaden .....

雖然心情唔多好 .... 不過 ....

都祝大家2010新年快樂 .... 最緊要身體健康 ....

『看顧』

作品名為 .....

『看顧』


設計者詮釋 .....

在愛中我們經歷了酸甜苦辣，
但無論我的景況如何，
我知道不管在地上或是在天上也有疼愛我的人，
父神永遠會打開祂那一雙堅固如山丘的手，
讓我依靠、讓我恬適。


花子嘅一對巧手 ... 近鏡再睇真d ... 有個字 ... LOVE!!!


花子，多謝您!! 第一次有人為我造一件藝術品，而且當中滿載您嘅心意同鼓勵 ... 講講吓，都有d眼濕濕 ....

感動，唔單上止你嘅心意，當中好大部原因係大家都屬同路人 .... 都真係好同一條路，我受過嘅，你都受過，你經歷過嘅，我亦都唔會少，好相信除咗神，唔係咁多人會明 ...

好朋友、或是枕邊人，好心、亦都知道感受到，不過都唔係切膚之痛嗎 .... 所以d人永遠唔明我哋點解咁唔開心，可以唔開心到depression ....

算啦，最緊要今日你冇事嘞，o係我哋呢個話題上，已經唔再係受害者，因為神用咗好多年時間去幫我哋洗刷咗呢個傻人事件薄，我更加開心見到你o係藝術路上又可以闖出另一遍天 ....

至於我 ... 喔喔 ... 你心裡明白啦 ....

唔開心嘅話題，都已經唔再係o係傻人事件薄上，其實都拋開好耐，唔係邊識攞傻人講笑 .... 要計嘅，就計其他人其他事啦 ...

好抱歉，唔可以唔計唔理當冇事 ....

有d人同事，你已經係唔會再有任何動力及意慾再去投放更多時間及心意落去 ....

算了吧 ....

希望神真係會繼續『看顧』 ... 就如您所說 ....

Again ... Many thx!!!!!!!

花子鑄腳 ....

雋ma好友、又係雋雋契ma到 .....

我哋藝術家花子契ma納晒嫁餐上門幫雋雋倒模，為嘅係要幫雋雋造隻金屬手/腳雕塑 ....

佢話係上契+生日禮物 .... 當然好啦，因為之前雋ma自己幫雋雋倒嘅手印同腳模都唔係好靚，唔專業不在話下，o個d石膏粉真係唔易整ga ...

人一到、雋ma先有禮收 .... 花子大作 .... 10個鐘意 ... 有含意，下篇講 ....
1500-1600，尚算精靈，心情都好，唯一係一見契ma初到步時又懷疑雋ma會走咗去(係 ... 佢宜家係經常懷疑又係咁諗 ... 見外人就=見雋婆 / 工人姐姐一樣 ... 即係以為雋ma一定出去，作喊、bin晒咀、雙眼又紅咁囉 ...) ...
雋腳倒模過程全面睇 ....

先開一大杯套牙用嘅模粉 ... 初步倒模用 ...
花子話好過用石膏粉，好快乾、d手腳紋仲好清晰呈現 ....
好似整餅咁 ....
第一劑乾咗，要整第二劑先可以整到個右腳模 .... 冇整手，因為雋雋太鐘意擺手入口，雖則牙模粉入肚應該都冇大礙，不過花子話小BB免得就免啦 ....
好似水鞋，好得意 ....
乾咗再倒石膏粉整隻腳嘅副模 ....
"dung"返d泡泡出嚟 .....
花子契ma工序尚未完成，仲有排攪，因為佢係要造隻金屬雋腳，好期待，不過唔係催你呀 .... 只係覺得有心思心意，好想快d見到製成品jeh .... heehee ...

臨走嚟個合照 ....

花子契masend嚟嘅相 ....
好可愛嘅小雋腳 ... 攪笑在雋雋d腳趾叉開晒 .... 呢樣係雋ma遺傳 .... kakaka ...
果真有紋有路 ...
牙模粉倒出嚟d腳紋好清楚呀 ...
底部有少少瑕疵，冇計啦，小BB隻腳郁ma .... 不過花子契ma實有辦法嘅 ....
雋腳 ... 熱切期待中!!!

2009平安夜 ...

全日果真好平安 ... 冇嘢做，就同雋雋影相啦 ....

其實有人話出去ga，不過超多patients，好夜返，出乜姐 ... 又攰又凍，不如留o係屋企好過啦 ....

雋雋的第一次 -- 2009聖誕節篇

旨雋出世後的第一個聖誕節 .... o係平淡、同埋o係白濛濛煙霞、乜都睇得唔係好清楚嘅日子中渡過 ....

一早有人要返醫院巡房 .... 都係有d掃慶ga la ... 不過唔駛on call，咪算偷笑囉 ...

同雋雋一齊等，等好耐，因為天氣一轉凍又係多人入院時節，仲要好多症好ill呢，實惡攪啦 ...

冇辦法ga，雋ma要帶囝出街，咁就要等，ma囝暫時未可以自己遠行住，因為雋ma仲要補多幾次鐘先可以再渣返車呀 .... 8年冇渣嘞，雖則自己都係膽粗粗照渣可也，不過 .... 費事害人啦 ... 嘻嘻 ...

一個月前有人想訂洲際食buffet ... very sorry .... 已經太遲，因為d人10月已經訂咗枱 ....

member ... 可以留waiting .... oh ... 都係sorry，因為都排隊排到第35位 .... 等嘅話，咁就蚊瞓啦 ....


所以，轉戰迪迪尼酒店，oh .... 再一次sorry，喜歡嘅翠樂亭又係full晒 ....

不過，由於需求者眾，酒店開埋個Cinderella Ballroom嚟畀人食聖誕buffet，都有公仔到，不過唔好期望好似o係翠樂亭咁多隻公仔成日走來走去囉 ....

1730到，超級多人多人多人 ... 因為多人食buffet之餘，是晚仲有兩場婚宴 .....

好驚中招，因為近日知道好多人去完迪迪尼都變咗流感精 ... 好大程度及有理由相信，係同好多好多 "Da Lu"嚟咗呢度有關，唔係bias，而真係o個d人成日口水鼻涕滿天飛，又唔興用口罩，唔抹手又會周圍摸 .....

所以 ... 要加倍小心 ... 唔好畀雋雋亂掂嘢，亦都唔好畀人亂掂佢 ....

不過，一去到等lift，竟然有個似印裔女子又遠處走過嚟雋雋BB車旁，仲伸出隻右手、想同雋雋握手，嚇死人，佢呢個舉動好古怪囉，可能雋雋都有d驚，冇同佢笑、亦唔肯同呢個女人握手，避過咗可能染病機會 ....

好大煙霞，全日好似置身於仙境中 ... o係青馬大橋上，係連個海面都睇唔到ga ....

都話Cinderella Ballroom少好多公仔，全晚得兩隻鴨情侶走來走去 ... 唯一有幸o係lift撞到聖誕老人，不過雋雋都唔知呢個肥叔係邊個呢 ...

好似女仔呀 ...

佢真係好鐘意percussion同埋好有節奏感 ....

有人扭眼瞓，扭到喊到七彩，七彩到隔離d阿豬阿狗八掛大叔搭爹話邊個喊到咁淒涼呀 ....

save 啦大叔 .... 自己d囝百厭到暈，扯爛d紙同玩具走來走去滿天飛都未管得掂，又去八掛人哋喎，真係好想掌佢幾巴咀 .... 我個囝扭眼瞓又瞓唔到，BB囝嚟，佢都唔想ga ma ...


咁安樂影大人相，緊係終於有人瞓咗啦 .... 好攰呀 ... 負責睇住佢o個兩個大人 ... 雋雋攰極，出街都仲有張龍床吖 ....

自己攰 ... 阿囝係唔會知亦唔會理ga ...

所以透一透氣影吓相先走囉 ....

臨上車都未醒，瞓到成隻豬仔咁 ...


今次出嚟行新路 -- 昂船洲大橋 ... 超快!!! 唔駛15mins.已經返到屋企嘞 ...

以前都快，不過都要25mins，有呢條新路，車又少好多，咁以後又多個藉口去多d樂園囉 ... :)2009聖誕節就此渡過，雋雋，等你大個咗，mama畀你睇返你第一個聖誕係點樣過 ...

不過，重點係，以後每到呢個節日，你知道唔單止係食、玩同收禮物，而係 ... 要記念同感謝主耶穌，一切已經好足夠 ......

mama其實都有個心願，係好想好想過一次白色聖誕，當然係去最愛嘅Hokkaido!!! 秋天去過，但係未試過冬天去，希望等你大個d，可以一齊去呢個冰天雪地嘅地方一齊過聖誕 ...... ^.^