心晴集

2010年1月17日星期日

雋雋的第一份生日禮物 ....

之前花子契媽幫雋雋造嘅"雋腳"已經大功告成!!!

雋雋的右腳 ....

估唔到牙模粉倒出嚟嘅模係可以令d腳紋出得咁幼細，好過一般用石膏粉整好多好多好多 ....

雋ma心水銀色 ... 金色o個d，"娘" + 驚 ....

專業 .. 就係專業 .... 內層又用矽膠，出面o個層係錫 .... 係呀，錫紙d錫，成隻腳，好重手!!!

再嚟雋腳多角度 ....

前睇 ...

就係契媽話雋雋d腳趾"差"開晒好有動感 ... hahaha ...

右睇 ....

左睇 ...

底座燒咗兩次，用不同溫度先整到d錫咁樣有唔同層次 .... 好似樹嘅年輪 ....

靚!!!

代埋雋雋向花子契媽講多謝，多謝您送畀雋雋嘅土第一份生日禮物 .... 多謝您嘅心意同時間 .... 多謝您送埋嚟昇仔畀雋雋，10 x 多謝!!!!!!!!!!!

2010年1月16日星期六

七日的終結 ...

過去呢七日，極之疲累 ...

係本身成個人已經體力透支，再加上生蛇，就更加攰，然後d藥嘅反應亦都係會令人攰，開始時又有少少輕瀉，又要繼續湊囝，所以都係唔多舒服得去邊 ...

唯一感恩係可能早食d抗病毒藥、又藥膏、又中藥，當然最重要係神嘅保守、同埋各位有心朋友為雋ma嘅代禱，所以雋ma先可以好得咁快，又或者咁講、o係生蛇嘅人嚟講雋ma都算唔嚴重，起瑪冇大痛、只係好痕 ...

不過生蛇可以恐怖在病緊唔痛、而係好返之後痛... 仲可以係大痛，因為d病毒依附o係神經線上、會成日整痛你 ... 可以跟隨你一生 ....

雋ma希望自己唔會，係好 .. 就希望完全好返 ....

七日，雋ma做咗七日BB，係呀，雋雋瞓覺，雋ma就即刻同佢一齊瞓，係連先抱佢去床仔瞓嘅力都冇，攰到要瞓就跟住一齊瞓，每日雋雋瞓幾多雋ma就瞓幾多，好似個BB咁，有時朝早佢爬咗起身o係雋ma側邊、雋ma都仲係瞓到迷迷糊糊，雋雋插雋ma眼、"lin"雋ma鼻、"hum"個頭落雋ma塊面同個肚皮 ...etc，雋ma都仲係瞓到隻DU DU咁，都係因為太疲累 ....

好多嘢，都分咗畀一樣疲累嘅雋ba做 ....

印印大家姐，就依舊o係呢D慌雋BA MA 唔死嘅日子不停做錯、忘記、做佢自己認為係啱嘅嘢，病咗 ... 都真係不忘仍要鬧爆佢 ... 同埋日日o係佢面前叫聲佢大小姐 ... 冇錯，係由雋ma我呢位小姐叫佢做大小姐，服未??? 雋ba鬧 ... 雋婆又鬧，日鬧3 x N次，唔知佢醒未呢??

不過雋ma醒咗好多嘞，琴日終於捱完7日抗病毒藥療程，再停一日等d藥氣過咗 (話18hrs後只淨最多1mg藥力wor ....)，今晚開始返可以BF嘞，好多日冇見過雋雋一飲完奶就爬起身笑又開心滿足嘅樣嘞，雋ma見到都好開心!!!

(病咗幫雋雋影相都衰過人ga ... haha)

今日去睇孟博士，佢都話雋ma好咗好多又好得快，唔駛針灸，不過要食多5日藥先 ....

希望快d好，唔好再痕 .... 因為宜家耐唔時都會突然好痕 ....

最緊要身體健康，祝人人都身體健康 ....

特別祝雋ma嘅寶貝囝雋雋要健健康康，兩星期潛伏期未過ga，而下星期日就係佢一歲生日會，希望天父保守佢可以安然過度呢個潛伏期，唔好出水痘、唔好敏感、要開心、要快樂、要健康，要有人生第一個值得紀念嘅生日會、又可以第一次同咁多哥哥姐姐同小BB一齊聚會 .....

God Bless ...

Amen!!!

2010年1月15日星期五

EVERCARE (小小心意街)

過去4年派利是嘅日子都係靠佢 ....

雋ba o係醫院派佢，d護士超鐘意，亦都一定知係雋ba派 .... 當然又知係雋ma揀嘅 ....heehee

有經文，公仔得意，所以係雋氏必然之選 ....

銀行 / 屋苑送嘅利是封，就算靚到上天，都唔會係雋氏首選，用到真係好唔夠用先會諗起佢，通常都係一早進貢咗畀雋婆散晒佢 ....

兩個幾星期前已經嚷住要去中環機鐵站買多d利是封返嚟預備包利是，無啦啦蛇一蛇攪亂晒雋ma嘅時間，加上體力尚未完全恢復唔想去運吉，心血來潮上網check一check .... OMG!!!!!!! 竟然冇咗，係最後呢間專門店都執埋??? 好唔開心呀 ....

相信好多christian都收過、買過、又擁有過EVERCARE嘅心意卡，市面上都已經唔太多又靚又得意又印咗經文嘅紙品，更何況利是封???

咁雋氏今年封咩呀?? 細路都可以用卡通版，雋ma手頭上得返好少存貨ja，就算以前大量入貨、但係多數都係用佢包利是，所以都所淨無幾 ...

有d唔開心同失望添 ....

唔知香港仲有冇地方有得賣呢?? 如果有人見到唔該通知聲 .....

2010年1月8日星期五

七日的開始 ...

第一支要倒嘅奶 ... 好肉痛 ... 好浪費 ... 嗚嗚嗚 ...

當然，自己唔忍心，要由雋ba操刀 ....

隨後嘅每一支，為免督眼督鼻，都係放咗o係廁所吧啦，最後總會無聲無色消失咗 ...

再見!!!

總之今期真折墮啦 ....

今日又去埋黃可用度幫雋雋打chickenpox vaccine，差3星期先1歲，不過Dr WONG話都可以打左先，不過都唔關事啦，因為如果雋ma傳左畀雋雋，d病毒係有兩星期潛伏期，即係真係惹到嘅，呢支針都唔會防到 / 減輕病情，因為ANTIBODY O係佢呢個年紀要一至兩星期先做到出嚟 ...

點解仲要打?? 因為雋MA未知生蛇頭兩三日仲有餵人奶，係有抗體GA，假設雋雋飲咗、佢身體又夠叻自己造到D PASSIVE嘅ANtibody，咁就可以防護到佢一段短時間，咁o個支vaccine就係用嚟預防佢將來冇咁易被惹到水痘 / 出得冇咁勁囉 .... 所以最後雋ba都係決定幫佢打 ....

如果真係出 ... 好驚佢生日會攪唔成 .... 值得紀念嘅日子，就畀雋ma害到冇咗 .... 10萬個唔願意 ....

另外，要多謝孟博士 (我嘅御用中醫 .... hahaha ...)

佢真係好多好多好多 .... 人睇，甚至想睇都約唔到期睇 ....

不過見情況咁，今早立即派雋ba打去大學診所睇吓可唔可以加到位畀雋MA睇 ....

一開始，已經畀reception嘅護士截住，一路話孟博士今日full晒，冇位可以再加，又唔肯留電話叫孟博士打返畀我哋(佢好好ga，加上睇咁多年熟咗，佢平時係會覆電話畀我哋ga ...) .... 都不存厚望，亦知佢貴人事忙....預咗又要最快2-3wks後先有得睇 .... 咁其實自己都book咗TST 1月30號睇啦，sighs ...

雋ba唔放棄，叫d護士同孟博士講係雋ma個老公揾佢、又話雋ma生蛇，d護士其實都唔係好想，不過都幫我哋留咗個message畀孟博士 ....

隔咗一段時間，今次係d護士打嚟，係孟博士叫雋ma今日準時5pm到、可以加一個位畀雋ma睇 ....

真係好感恩，亦好多謝孟博士 ....

只係廣東人D俗語說法，佢地係叫返d學名，所以雋ma講 + 寫"生蛇"，佢都唔知係乜，索性畀個背脊佢睇，乜嘢都唔駛講，就知雋MA係生蛇 ... 勁過史大夫囉HAHA，因為最初佢都以庶係濕疹，第二次先知係生蛇，而Dr Wong亦係我哋講咗在先，所以計級數，呢個「全中國十大傑出女中醫」真係唔係浪得虛名ga ...

暫食5日中藥，同場要加針 .... 針灸呀，係雋ma嘅第一次 .... 針咗15mins.，落咗10針，雋ma向來唔怕打針，所以都ok，唯獨有兩針真係想痛到叫出嚟，就係o係兩隻手掌近虎口位落嘅兩針，開頭已經好痛，10mins.後再走嚟吉深d，個感覺好似係支針就快咭穿個舊虎口位嘅肉咁，真係痛到震一震 ...

一滴血都冇，話督就督，快人快語又快手，跟住仲同雋雋傾吓計玩吓，真係好鐘意佢 ...

係呀，孟博士係好鐘意雋雋 ... 仲有，佢仲好鐘意雋ba添 .... hahaha

其實平時西醫睇西醫，都已經係一個honor ... 宜家西醫肯帶自己屋企人去睇中醫，就天加係一個honor，因為好多西醫係唔buy中醫個套ga ... 所以，孟博士真係好鐘意同雋ba傾計 ....

我相信今次都係因為佢打去，所以加位畀雋ma嘅機會先高咗 ....

希望快d好，唔好咁痕，好痕呀 .... 今日仲開始有少少刺痛 ... 不過唔係好似人地咁痛到癡晒線，已經好感恩，所以雋ba同Dr WONG同孟博士都好奇怪雋ma點解唔係好痛，不停問好多次，好似有懷疑 ....

之後去又一城買外賣，一年冇嚟過嘞，順便畀雋雋睇人溜冰，係佢第一次睇，超級開心，唔信睇吓就知 ....

睇見雋雋咁開心，雖然痕得有d辛苦，不過見你開心就心情好好多嘞 ....

只希望你健康快樂，天父又保守你唔會出水痘，同埋出席到你人生第一個生日會 .....

暫時最後的一樽奶 ....

雋雋應該都估唔到自己一早醒來就咁突然冇咗MAMA奶飲，MAMA自己都估唔到啦 ....

食過宵夜，決定要自己泵嚟緊呢7日裡最後一支奶畀雋雋，得O個60ML JA ....同全盛時間嘅160-170ML / 一般以前都有嘅80-100ML，真係差好遠啦，冇法啦囝，臨瞓前呢餐夜咗，儲備不足呀 .....

希望你呢幾日會原諒MAMA，希望你開始習慣唔駛咁依賴佢，等第日戒奶冇咁唔開心，又希望天父畀你呢幾日唔好咁扭計又可以瞓得好 .....

對於要自己親手倒奶 ....

100個唔開心+ 心痛+唔捨得..... 好浪費 .... 又要攪到阿囝喊.....

雋BA可以留返畀你倒嗎??

MAMA食藥嘞，閉關7日，祝自己早日康復 ..... 最緊要7日後奶水仍然充足 ....

2010年1月7日星期四

與蛇共眠 ....

其實 .... 呢排都已經夠唔開心 ....

前晚又已經作流感，超唔舒服，最終都要食粒藥，最後冇發燒，捱過咗沾寒沾凍 +標冷汗+周身骨痛嘅一晚，以為冇事....

點知今日發現仲大件事 .....

琴晚黃昏自己推雋雋落商場行一陣，返屋企換衫時覺得背脊好痕，"R"咗一陣，紅咗又少少損，不以為意，因為冬天有靜電成日都會咁啦 ....

琴晚又多一撻O係肋骨位 ... 好細粒，以為都係一般皮膚敏感 .... 因為真係成日發生O係我身上MA ....

今日又多咗痕咗，雋BA post call返嚟，咁緊係要揾人義診啦，因為皮膚敏感都要次次問佢可以查邊隻藥膏，其實好多人都知雋MA仲BF緊，所以有時D藥係可以食、但就唔可以亂嚟囉 .....

雋BA睇初時都話似濕疹，因為得O個一兩撻....

點知今晚發到BLA BLA聲，多咗好多撻，雋BA一睇話「死嘞，心怡你生蛇呀!!! 半邊身，一條神經線上，好classic!!! 」我問乜D人唔係話TUM TUM圈咁生嗎?? 佢話唔係，係D人個免疫系統差得極度緊要先生成咁，出半圈先係最典型，話我出O係L5神經線上 .... 佢仲猛咁死嘞死嘞又話過濾性病毒、雋雋又未出水痘 (因為生蛇其實係水痘O個種過濾性病毒嚟 ...)、未夠一歲又未打PASSIVE O個支水痘針，又話我要食藥、又話可能餵唔到人奶，已經夠唔開心，宜家又加多一樣畀我，喊到我死.....

雋MA喊唔係因為自己病，而係自己一直嘅堅持 ... 好想餵人奶餵到雋雋一歲，雖然有人覺得1月29日雋雋都一歲啦，都唔差得好多，不過自己想做到之餘、雋雋都仲好癡身，有時唔係你話想立即停就可以停，唔係佢又喊到癲晒.... 咁雋BA MA都會好惡攪.....

不過只計自己O個何PART，都好唔開心，好似欠咗雋雋 ....

雋BA立即CALL陳大學醫生同學，PAEDI人、緊係問佢先啦.....不過應該ON CALL、未揾到。唯有CALL肥虎，大家開完一輪醫學小會議，得出以下幾個方案：

1. 都差唔多一歲，索性藉此機會停咗餵人奶

2. 食藥要食一個星期，呢段時間回復泵奶日子，不過 ... D奶要眼白白倒晒佢 (SOB ...SOB ...SOB ....)，咁雋雋其實都係唔可以飲 ....

3. 左邊要泵奶、唔可以埋身餵，怕雋雋掂到染菌；右邊照餵，好似呢兩日其實都係咁，佢哋仲話咁我D奶應該已經有抗體畀咗雋雋 ....

4. 考慮明日提早帶雋雋去打水痘針，以備無患....

5. 生蛇係因為身體免疫力唔夠強、加上太疲倦、再加上好STRESSFUL ..... 同埋成日有D人激雋MA囉、又令人唔開心，所以立即爆晒出嚟 ....

唔知出晒未GA，可以就咁唔出多D、又可以再出好多好痕添 .... 未來幾日話要夠休息WOR，咁樣3-5日可以好返，唔係要一至兩個星期 ....

叫雋MA畀工人湊..... N, O, NO!!!!!! 呢個係堅持，工人嘅表現更加唔可以令我哋咁做 ....

叫雋婆落嚟幫手睇?? OK，不過雋雋都係會喊，因為雋婆出現 = 雋MA出街唔要佢吖嗎 .... 同埋請D人唔好多多事實，唔係再畀D人多多說話又煩氣、激多幾激想唔蛇多幾蛇都難啦 ....

雋MA著住衫又有洗手掂雋雋係冇問題嘅，唔駛咁驚，而且係第一次出水痘先係高傳染性，雋MA小學6年級就已經出咗嘞 .....只係 ...都係O個句，雋雋細未打針、又怕抵抗力唔好，而且雋BA話雋MA真係要多D休息，所以先被迫O係呢段時間要咁 ....

10個無奈...... SIGHS ...... :(

佢哋嘅題外話：
其實我哋個個都冇打水痘針，肥虎醫生話畀D細路出吓有D抵抗力仲好，阿小虎都冇打到，雋BA MA都明，亦唔一定要打，不過等聽朝DR Leung clinic開咗門打去問吓先啦，都唔知揾返佢定轉返睇雋MA以前都睇嘅黃可用呢?? Dr WONG勁嘢，Paedi + I.D.，今次真係開正佢O個範呀，呢D都係由專業人士決定啦 ....

宜家1月8日凌晨，雋BA唔見咗，因為佢趕咗上PMH揾阿爺攞張藥紙，即刻去藥房攞抗病毒藥畀雋MA食 (係呀，HA宜家D藥房開24HRS GA ...)，仲有止痕藥膏，佢話早發O個時食先最有效，希望雋MA唔會太辛苦，而且見我痕多咗所以有咁嘅決定，係未至於好痛囉...希望天父畀雋ma快d好返，雋雋冇雋ma餵嘅日子，佢可以乖d啦，唔係baba mama都會冇覺好瞓 ....

D藥會好"LONG"胃，要食多D嘢飲多D水WOR，雋BA仲話買埋宵夜畀我送藥，等候中 ......

SIGHS ....咁代表咩?? 即係冇得揀，由聽日開始 .... 所有奶.... 要自己親手泵 + 親手倒晒落廁所囉.... 超級唔開心 .....

2010年1月2日星期六

賽馬會創意藝術中心 + CaFe GOldeN 流金穗月

又與花子契ma有約 ....

因為知道雋ma好唔開心 ....

花子改咗原本行程陪雋雋同雋ma去咗JCCAC ... 就o係石硤尾白田邨隔離，即係舊政府工業大廈改建嘅賽馬會創意藝術中心 ....

早聞樓梯嚮，只係一直冇嚟呢度參觀過，呢度都係香港藝術學院同HKBU Visual Arts Dept嘅workshops所在地，今次都係想嚟參觀吓花子嘅工作室 ....

估唔到都幾多人嚟，而且都有唔少人帶埋BB同小朋友嚟 ..... 真係估佢唔到 ....

仲有更重要嘅地方要去，就係嚟呢個花子畀極高評價嘅咖啡室 .... Cafe Golden ....

到達先去醫肚，好得雋雋o係的士上已經瞓咗，而且由的士搬佢過小龍床都冇醒，好x 10 !!! 令花子同雋ma可以有餐好食同好好傾吓計 ....

花子同呢度嘅staffs好熟落，所以安排咗個好位置，冇人在內，好安靜，又招呼周到 ....

呢到可以畀d artists攪小型畫展，攪生日會都可以，$50一位，可以另訂食物 .... 聽講好多雜誌宜家都鐘意嚟呢度同明星做訪問ga ....

抬頭一看，雋ma見到呢個 .... 好鐘意!!! 聽聞每塊琉璃要幾K .... 貴但靚，都係老闆有品味，因為都係artist ... 做琉璃嘅，cafe都係一個副業，不過亦好鐘意cafe，所以d咖啡都係非常高質素 ... 當然啦，大家都係artist，一定有要求啦!!! YEAH ....

飲過最精緻又好味嘅熱蜜糖檸檬 (雋ma係痰精飲完都冇起痰同咳、咁就已經好嘢啦 .... )，好warm ... 心意在於為客人著想又要提供最優質嘅嘢，包括隻杯!!! 要靚、又要保暖、又要隔熱，係老闆專登老遠訂講返嚟、百幾蚊隻，有兩層ga，花子同雋ma都托佢哋幫手訂一隻 .... 仲兩塊檸檬都鋪得靚又有層次過人，haha ....

值得注意!!! 上方嘅blueberry muffin ..... YUMMY!!! 係同Anges b Cafe同一個supplier供應 (即係Agnes b好多嘢得個貴字、都唔係自家出品，唔知嘅又畀佢呃咗 ....)，不過o係呢度只賣$12，Anges b Cafe唔駛問實貴好多啦、而且一家唔會好似呢度咁幫你烘到個muffin面變脆，又唔太甜，好食，原來烘脆個面嘅muffin係好味好多ga!!!

煙三文魚三文治都好味，雖然今日冇意大利包，不過烘脆嘅全麥包都係雋ma心頭好 ....

聞到花子杯好香濃嘅黑咖啡，10個想飲，不過BF緊嗎，冇辦法啦，都接近兩年冇飲過嘞 ...雖然Mr Ben話呢度嘅咖啡豆好靚好純，咖啡因唔會好高，不過可免則免啦，都係忍多一段時間先啦 .... 聞啦聞啦 .... 呢段日子雋ma都係習慣索吓人哋d咖啡香頂頂癮就算嘞 .....

花子話飲過呢度咖啡會咀"diu"、唔鐘意亦唔想飲出面o個d，星巴掌同太平洋o個d??? 緊係唔可以同人哋呢度呢d咁專業嘅比啦，香港人都係扮外國人成日要渣住隻咖啡紙杯周圍行jeh，識飲又愛飲咖啡嘅，真係好應該嚟呢度試吓 .... 花子都屬識嘆識品嚐之人，所以一定唔會差 .......

食完雋雋又醒，粥又餵完，可以出發 ... JCCAC 一日遊，向各workshops進發 ....

G.O.D. o係度都有個showroom，d嘢好懷舊好好得意，唔係賣ga，setting會成日轉，雋雋見到d五花百樣嘅燈好開心又好大反應 .....

花子老師砌嘅作品，好型嘅長木椅 ....

雋雋好似好鐘意呢個workshop嘅男主人，猛同人揮手 ... heehee ... 事實佢擺到成地嘅嘢都好得意，雋ma鐘意籠裡公仔 ....

仲有呢個水上飄 ...haha ...

行完都4點幾嘞，雋雋又攰作眼瞓，雋ma又想食blueberry muffin同飲多杯熱蜜糖檸檬，所以花子又陪去多一轉，餵埋奶，愈夜愈凍又落埋雨，都係時間要走嘞 ....

總結：鐘意呢度 ...

仲有有個workshop為慶祝新一年擺部咖啡機畀人免費任飲 ...

鐘意賣小克嘢嘅workshop好可惜今日唔可以睇佢d爆笑「聾貓」漫畫 ... 希望下次有機會 ....

o係common area又有人排話劇 .... 又有jam歌嘅地方 ....

又有教琴、教古琴、畫畫、教化妝、教跳舞、陶瓷 ....etc. 各式各樣嘅workshops ...

仲有「香港有格」畫展，好鐘意江記畫嘅企鵝系列!!! 笑屎人 .... haha ...

去完覺得成個人又artistic返晒 .... hahaha，好有靈氣，好peaceful，仲有係唔知點解，雋雋都好開心好鐘意咁，成日笑啦、揮手同尖叫，好攪嘢 .....

雋雋，如果你都鐘意藝術同音樂就好啦!!! 無限量支持你，音樂mama一定幫到你一把，美術、雕刻、設計就要揾花子契ma嘞 .....

再次多謝花子，無限感激!!!!!!!!!

感激你嘅相伴、鼓勵同安慰，同路就真係同路，呢d咪真係主內同路人囉!!!

更多謝你幫雋ma一齊做阿4將雋雋同d BB嘢抬上抬落，又多謝你管接管送，仲有今日又專登出去YMT買,矽膠整雋雋隻小腳模，麻煩晒!!!!!!

2010年1月1日星期五

雋雋踏入人生第十二個月 ....

即係滿晒11個月 ....

又即係明日20100101開始、倒數29日就到雋雋第一個生日.....

同時都係雋MA生咗雋雋 + 湊囝 + BF生涯一周年紀念 .....

20100129 .... 期待中!!!!!!

20100124亦要期待，因為係屬於雋雋人生嘅第一次生日會 .... 囝，豪一次ga ja ... 因為第一次係值得紀念嘅，咁當慶祝埋mama辛勞咗一年囉，不過唔知幾時同會唔會再有機會咁攪嘞，成日咁攪法mama會冇命ga .... 好傷神 .... hahaha ....

1、2、3、4、5、6 .... N歲，其實時間真係過得好快，唔知mama可以陪您過到幾多個生日呢??? 自己當然希望多d啦 ....

新一年、新開始，希望您身體健康，愛天父愛人嘅心都與日俱增、靈命日進，仲有每日都過得開心同充實!!!

I Love you Aaden .....

雖然心情唔多好 .... 不過 ....

都祝大家2010新年快樂 .... 最緊要身體健康 ....

2009年12月30日星期三

『看顧』

作品名為 .....

『看顧』

設計者詮釋 .....

在愛中我們經歷了酸甜苦辣，
但無論我的景況如何，
我知道不管在地上或是在天上也有疼愛我的人，
父神永遠會打開祂那一雙堅固如山丘的手，
讓我依靠、讓我恬適。

花子嘅一對巧手 ... 近鏡再睇真d ... 有個字 ... LOVE!!!

花子，多謝您!! 第一次有人為我造一件藝術品，而且當中滿載您嘅心意同鼓勵 ... 講講吓，都有d眼濕濕 ....

感動，唔單上止你嘅心意，當中好大部原因係大家都屬同路人 .... 都真係好同一條路，我受過嘅，你都受過，你經歷過嘅，我亦都唔會少，好相信除咗神，唔係咁多人會明 ...

好朋友、或是枕邊人，好心、亦都知道感受到，不過都唔係切膚之痛嗎 .... 所以d人永遠唔明我哋點解咁唔開心，可以唔開心到depression ....

算啦，最緊要今日你冇事嘞，o係我哋呢個話題上，已經唔再係受害者，因為神用咗好多年時間去幫我哋洗刷咗呢個傻人事件薄，我更加開心見到你o係藝術路上又可以闖出另一遍天 ....

至於我 ... 喔喔 ... 你心裡明白啦 ....

唔開心嘅話題，都已經唔再係o係傻人事件薄上，其實都拋開好耐，唔係邊識攞傻人講笑 .... 要計嘅，就計其他人其他事啦 ...

好抱歉，唔可以唔計唔理當冇事 ....

有d人同事，你已經係唔會再有任何動力及意慾再去投放更多時間及心意落去 ....

算了吧 ....

希望神真係會繼續『看顧』 ... 就如您所說 ....

Again ... Many thx!!!!!!!

花子鑄腳 ....

雋ma好友、又係雋雋契ma到 .....

我哋藝術家花子契ma納晒嫁餐上門幫雋雋倒模，為嘅係要幫雋雋造隻金屬手/腳雕塑 ....

佢話係上契+生日禮物 .... 當然好啦，因為之前雋ma自己幫雋雋倒嘅手印同腳模都唔係好靚，唔專業不在話下，o個d石膏粉真係唔易整ga ...

人一到、雋ma先有禮收 .... 花子大作 .... 10個鐘意 ... 有含意，下篇講 ....