雋雋の第一次 - 食飯篇 ....

今日午餐又嘗試畀隻匙羹雋雋食飯，之前試過好幾次係雋ma捉住佢隻手嚟食，今日想畀佢自己"筆"、自己放入口 ...


雋ma示範完，到雋雋，貪玩嘅佢一見隻匙羹就叫"bay bay bay"，即係畀佢呀! 以為佢只會咬，不過又唔係喎，佢真係學雋ma"筆"一啖飯放入口，咁當然第一次輪輪盡盡、都要d協助，不過見到佢第一次可以自己放啖飯入口食，真係好感動好開心喎，睇吓 ... 做媽媽嘅幾易滿足，見到小朋友有少少進步就好開心啦!!! 同埋 ... 真係覺得雋雋大個咗好多 ....

冇影相，因為食食吓都有D貪玩嘢，又周圍摸、又想反轉隻碗、又整跌咗D落地同個TRAY，掛住清潔，唔得閒，不過好似有人拍咗條片做紀念囉 :P .....


其實個個都會咁，雋雋已經比雋ma心目中食得好同埋唔算好dirty ... 希望雋雋會愈食愈好啦 ....


老積仔食飯之餘都古靈精怪，隻手猛o係度撥撥吓、話"hot"喎，HAHAHA，笑c雋ma ^.^ ...


唔止"hot"宜家開水喉d水未變熱之前、掂到D凍嘢、同埋沖完涼未著衫時又會叫"cool cool cool"，嘟埋咀登大眼講，超級攪笑，都唔知幾時學嘅，不過好佩服d小BB，有d字教一次，不過好快就一理通百理明，可以應用係唔同場景，0-3歲嘅小朋友潛能真係深不可測 HAHA ....


咁呢d係乜相? 咪就係雋少平時食飯時嘅最普遍狀態，雋ma餵食、佢就鐘意睇吓書、攪攪震、攪吓d生果同搖控器 .... 第時自己食就唔可以再分心嘞，不過佢都唔係成日係咁，但總好過有時見d小朋友又要睇電視、又要好多玩具"tum"食飯、又要食好耐、又或者最煩係未食就已經要扭落地又唔肯坐定，想死咩!! 我哋細個o個陣莫講話食飯時pat pat唔可以離開個位，揸筷子姿勢唔正確都會比大人話啦，更何況走來走去?? 所以呢，要雋ma攞住隻碗追囝食飯就冇乜可能亦都唔會嘞，食就食唔食就算，餓一餐又唔會死嘅 .... 雋雋，希望您大個之後唔會咁啦，要乖d呀 ....

又去米老鼠樂園 ....

今日約咗豬皮一家o係又一城翰騰閣飲茶，本來已經好多謝佢哋仕家相就由映月樓轉戰呢間 ，
(題外話，想講好耐：因為雋氏真係好厭同埋畀MKK Jade Garden一次就嚇怕咗，一言難盡，總之service食物都差，比起前身美心皇宮仲差好多，如果要食Jade Gdn，請移玉步去TST / CSB，會係有差天其地之感 .... 仲有最後o個句係，Maxims，其實好多好味極都有個限度，有d根本唔值太貴價，or 言過其實，e.g. TST 北京樓 & Simply Life，星巴掌d啡又難飲，o個d乜嘢8月x/5月x有時d staffs又臭串 。映月樓??? 茶$$超貴，dim sum同其他一樣，sorry應該間間dim sum都係一樣至啱，但係$$差好遠，咁點解要去間又貴服務又唔好嘅呢??? 以前o係文化中心Maxims衰到四間餐廳total 90幾萬租都走數，全因為會計部移施上大陸，我哋都好睇佢哋呢個集團唔起ga，離晒譜 ..... )

點知，畀個麻煩工人大姐大又整爛部DVD player個殼 (係爛到一大塊跌埋出嚟又唔出聲，自己放返上去，今日雋ba開機畀雋雋睇先發現，隻嘢話琴日我哋出街後佢見到已經係咁，不過好sorry我哋出街前用完都冇事，除非雋氏間屋日光日白都咁"猛"啦，唔係雋婆又冇落過嚟，雋bama真係唔知邊個"人"整爛囉....)，雋氏一家三口又一齊鬧爆佢，所以遲咗好多先到，十萬個唔好意思!!!!!! 不過見到uncle出咗院又精神返冇乜事就好嘞，thx god，又可以一家高高興興四圍食好嘢，各位家姐就唔駛再擔心啦 ..... weiwei，好多謝家姐s送畀雋雋嘅Thomas Train Set，佢好開心呀，雖然佢唔係特別鐘意Thomas，不過佢就非常鐘意train囉 .... 總之係車類就得嘞 haha .....

sighs .... renew contract .... hold住先唔該，雋bama又好想郁咗佢嘞 .....


飲完茶突然又想去米老鼠樂園，近來雋ma都隨身帶備annual pass，所以想去即有得去，繼上次雋雋睇完Golden Mickey好有反應又開心之後，今日主打：獅子王慶典 + 馳車天地 ....

好成功呀!!! 去到換完片飲完奶雋雋好乖咁跟babamama去周圍揾嘢玩，今日雖算少人，但係想玩嘅Dumbo & Rainforest坐船都比較長龍，所以行吓食吓嘢，去到獅子王慶典等一陣就入咗場，等睇6pm場呀 ..... 雋雋好開心又睇到好專心，睇完攰即刻瞓咗，babamama 可以去食個快"硬"飯，d飯真係好硬，雋ma要撈湯食呀 ....

食完7:15pm，就快fireworks，就乘機去馳車天地，真係好，只要排15-20分鐘，今次雋雋度高又夠81cm，所以可以入場玩車嘞 .... 沿途等玩同玩緊都不停 car car car .... 好開心呀!!!

由於是日臨時走去玩，所以冇帶相機，手機memory card又滿晒冇得影，所以，係乜都冇影 .....

囝，冇相為証你嘅第一次添 ... heehee


另外仲要多謝阿鵬，等雋氏去完樂園返到昇仔都2030，佢同鵬嫂Katherine由九龍城專登車兩大袋書 + CDs + DVDs 畀雋雋，係Katherine o係Longman幫雋雋掃返嚟ga，員工開倉價，有d碟去到$10隻，其實我哋都唔知，總之係Katherine幫雋雋掃貨，由宜家用到小學程度都有，聽好多人講話好嘅Phonices for Kids & Picture Dictionary都有買到呀，雋bama好開心，知唔知幾$$$?? 兩袋超過40本英文書 + 多過20隻disks，只盛惠$880，抵到嘔!!! 唔好計雋雋鐘意睇英文書，淨係雋雋如果唔讀N1、雋ma都有大量英文教材可以教佢同埋同佢玩 (好多worksheets係填色同貼貼紙 ... etc.)，咁雋ma又可以諗少樣嘞 .... GOOD GOOD GOOD!!!!

愚人節自娛 ....

今日係愚人節 .... 做d無聊嘢 ....


愚蠢嘅人都係適合做d愚蠢嘢自娛 .....


心情不佳，好想出吓街，竟然 .....


決定自己推住架都好重又好大嘅BB車，自己推雋雋出街 .....


出街唔奇奇在雋ma係由昇仔出發，經荔枝角道，轉入幸福街，途經雋bama結婚嘅以馬內利浸信會，再轉出車來車往又食塵嘅長沙灣道，再o係西九龍中心出返去荔枝角道，後轉入太子道西，直往聯合廣場，歷時剛好一小時，雋雋o係長沙灣govt office附近已經畀雋ma"o"到佢瞓咗，瞓到小豬咁，至於雋ma ..... 雙腿 .... 有點麻痺，雙手 .... 有d抽筋 (因為又咩手袋、架車又有個大奶粉袋，雋雋已經重，加埋架車嘅重量，路面又唔平，嘩 .... 沿途架車震到雋ma雙手呢 .... sighs ....)，好得架車避震都好好，雋雋冇醒過，直到雋ba返家發現唔見咗兩母子，再駒車直出聯合廣場接雋ma雋雋去TST 買嘢中途先醒囉 ....


雋雋就好啦，有人推，mama都想呀!!! 今次超級癲，冇下次，仲有，令雋ma好想有攞返架車嚟揸嘅衝動 .....


坐先月時補過一次鐘，因為接近8年冇揸車 ....


其實，雋ma係full time mom，第時都係要車雋雋返學放學周圍去，或者又好似好多mama一樣，星期五放學可以自己一個車阿囝去米老鼠樂園玩，都好開心ga，車程又近 (只需15 mins.!!!)，所以，攞返架車嚟揸，都係遲早嘅事囉 .....


是日雋ma大攰，運動量極之充份，要早抖 .....

多謝 ......

今日雋ba畀平時晏咗返 (通常星期一都可以早返嚟一齊食lunch ...)，佢順道帶咗呢d嘢返嚟 ...

係雋ma最愛的白色馬蹄蘭，而且是來自以色列 (原來會襟擺d又唔嘢蚊 ...)，令束花好似更加有意思 .... 仲另加一大袋天寶閣點心，雋ma心頭好，好好好好好好好好味 .... 非常之咁驚喜又多謝囉 ....


唔知為乜ga，可能今日又係雋雋一歲0兩個月大，慶祝吓 .... 又可能係平時畀人激得多，補償吓 .... 又可能見雋ma攰又成日冇乜心機、加上都有一段時間冇收吓花 (上一次係生雋雋之後o係醫院收到 ....)，"tum"吓雋ma開心 .... etc. ，呢個要畀$$o個位先知嘞 ....haha ....

例牌菜，又係返Raymond度訂花，即係Sheraton 嘅Liberty Florist，佢d花好靚ga，係好姊妹Wendy嘅朋友，當年結婚所有雋ma花球、頭花、花女花環、教堂祭壇花 .... 基本上所有花飾都係佢提供，兩個MUAs同好多朋友都話顏色靚又新鮮，仲有教堂同酒店房嘅花都係佢送，而且佢係酒店指定佈置花店，所以每張枱都係有佢嘅花飾，托Wendy鴻福，當年酒店枱唔可以改嘅花都因為咁改咗畀雋ma，而且有Raymond同酒店d熟人搭搭路，又攞到好多平d又多d嘅offers，所以好多謝佢，而之後每逢雋ma生日/ 周年紀念嘅花都只會o係度訂，因為知道雋ma鐘意乜嘢花 .....

今次冇藍鬱金香，係Raymond專登幫雋ba染色嘅，不過雋ma最愛都係白色馬蹄蘭，有佢就得嘞 ....

不過 .... 都收咗咁多年咁嘅pattern，我諗Raymond都包到上腦，其實，雋ma又唔介意轉吓其他pattern或者其他花種嘅 .... hahaha

但係，雋ma都好開心同好多謝您，Thank you!!!

屋企要安全 ....

自從活潑好動兼多嘢講嘅雋雋開始識自己行、又會o係梳化同床擒上擒落、仲有係爬得好快之後，雋ma其實每日都忙於追住雋雋、又要由危險嘅地方捉返佢返安全嘅地方 .... 好攰呀 ... 又好驚呀 ....

防撞賿、Door Stopper、防開櫃桶/櫃門嘅膠扣、廚房door gate .... etc.古靈精怪樣樣有，癡到成屋都係，Eva幫雋氏整嘅靚靚兼簡約design一早蕩然無存 .... 不過都冇辦法啦，阿囝安全至上嗎 ....

前日又要多一樣，Door Shield .... 又係Ourbaby Uncle Joe嘅好介紹，其實雋ma都想買呢類產品，因為雋雋成日走來走去又會用手扶住d門"na"度行，次次都好驚佢夾爆手指 .... 有留意市面產品，不過唔係好合心意，今次見到Joe鋪頭嘅實物，覺得好okay，所以一試 .....

聽啤太講原來早幾年樂基都開始用佢，就係因為佢有學生夾斷咗手指 .... yi ya .... 好驚!!!

不過雋bama真係第一次見，同埋知道原來唔係好多地方有得賣，亦都主要係d幼稚園用囉 .... 不過阿Joe話d客用咗反應幾好，佢一向老實又幫襯開佢哋買嘢，只有買好嘢冇試過衰嘢，咁今次都信多佢一次啦 ....

當然 ...呢d粗重手作仔嘢 ... 又係由雋ma操刀啦 ....


效果 .... 好好好 okay!!! 而且裝完之後塊門盾有回彈力，所以度門唔會再咁易畀雋雋閂埋 .... 而且冇日本出o個d風琴式門盾咁厚咁大舊，真係幾好 .... 宜家雋bama安心晒，因為好安全，雋雋嘅手指仔再唔會夾到入門"na"度嘞 .... 最緊要係第時拆得到又可以用得返，非常好!!!

嚟緊仲有一樣，就係裝窗花，係唔想，不過好清楚知道要做，不過又未就到時間揾人上嚟裝 .... 希望下星期內可以攪掂埋佢，咁就會更加安心嘞 ....

隨文附送雋雋短片一段，睇吓佢自己用新飲管奶樽飲奶 (係奶粉開嘅奶，真係難得一見 .... hahaha ...)，仲有聽吓佢講嘅一兩個英文字啦 .... :D

Potty Training??????

之前試過，不過佢未識坐穩+坐定定O係POTTY度，都唔知POTTY 係咁用，仲以為雋MA同佢玩.....

近一個星期開始，雋雋差唔多每次WEE WEE完都會指住自己條尿片、然後望住雋BA雋MA講"WEE WEE"，初時冇為意，以為佢學雋MA講，因為每日花洒浴前習慣除咗條尿片叫佢WEE WEE嗎.... 後來發現好多時尿濕指示都有變色，加上佢POO POO都幾定時，咁又令雋BA MA想同佢開始POTTY TRAINING嘞 ....

唯一有D煩係POO POO，雋雋好興食食吓就POO，都唔知點攪，食緊嘢，雋MA搬佢去POTTY度又要除片.... 攪得嚟都趕唔切啦，唔通坐o係potty度食咩 ....

宜家戒片... 言之過早，不過，同尿片講BYE BYE嘅日子似乎又唔會太遠嘞 .... 希望你自然嘅情況下學得會又做得好，唔會覺得唔開心唔舒服，咁雋BAMA嘅苛包仔又可以慳一大筆嘞 ....

(唔講唔知，雋雋宜家每日平均都用成6-8條尿片GA，因為佢飲得水多，加上平均有2-3次POO POO，所以同小小小時候好多人奶POO POO時候一樣都係每日消滅好多條片，小數怕長計.... 都真係好襟計GA .....)

7年0 ... 8個月紀念日 ....

0316 .... Brain .... 從來冇人教過或者提及過嘅字，今日呢日雋雋自己攞起呢張拼圖卡，竟然自己讀出Brain .... 有時有R音，有時冇 ....不過 ... 雋BAMA已經覺得好驚又喜又神 奇....

佢 .... 咁快自己識併音?? 雖然YBCR & YCCR 都有教，但唔係快到咁呀?? 定係雋MA懷孕期食嘅高劑量DHA產生功效??? HAHAHA ... 乜都唔係，係有神助!!! WAH HAHA ....


仲有好多好多冇諗佢記得或者留意過雋BAMA講嘅未都記得，識指住嚟講，問佢又識指返出嚟/做到嘅新字，Door Gate / Table / Chair / Play / Tree / Shoes / Kick / Box / Couch / Pillow / Bread / Comb / Stove / Cut / Pen / Heart / Hair / Wall / Ice-cream .... etc., 仲有係教佢認交通燈邊D顏色要停車開車都知道嘞，所以真係唔可以睇少小朋友嘅潛能，3歲前...果真可以嚇死人，雋MA已經考慮灌D MUSIC THEORY畀佢嘆吓，而雋BA ... 緊係負責教人體的奧秘啦....HAHAHA ....

重點，自己湊、自己教、寓生活於教學，乜嘢有趣都教吓講吓，咁就開心又快好多好多啦.....

0318，" kok ... 知 ... um"，雋雋第一次跟著雋媽說出自己個名 .... 個雋未，有時讀"UM"、有時讀"CUM"、有時都會讀"專"，笑死雋BAMA呀 ....

0319，還嘢畀Auntie Wendy，拖人好耐嘞，真唔好意思，多謝您幫雋氏慳返咁多$$$，MANY THX!!!!!!!!!

小聚片刻影D相....
之後返去MA Cafe 食飯，順便畀雋雋第一次現場睇"維港亂咁Fing" ....

0314@HK Disneyland + SkyCity Marriott

今日又去老鼠籠玩.... 攪完一大輪，去到又係差唔多到PARADE時間，超多人.... 係本身今日已經唔知做乜咁多人，周圍都有條"龍"，玩嘅意欲大減，同埋以雋雋成日眼瞓又唔可以定係一個地方太耐嘅脾性，根本唔可以吓吓要等45MINS + 先有得玩.... 咁 .... 不如唔玩....

第一站，去廣場餐廳飲茶，即係又係美心啦，係冇趣冇新意亦都唔多好食得去邊，不過好過成日都食快餐啦.... 冇嘢好食、都叫有啖好食，因為好坐D嗎....

食完換埋片，GO GO GO .... 第一個遊戲，旋轉木馬 .... 係雋雋第一次玩... 係自己坐上隻馬仔度玩喎 .... 好新奇，周圍望.... 但雋MA就受傷，應該係上馬時撞親腳踏，初時都唔知乜事，一邊玩邊痛到入心入肺，返到屋企先見到左小腿瘀到成個檸檬咁大撻呀 .... 作死!!!

第二個，想睇獅子會至慶典，今日唔開、連想帶雋雋坐佢喜歡嘅TRAIN都唔開，又作死!!!

第三個，Golden Mickey，剛關門，又超多人，姐姐們見雋雋咁得意都愛莫能助，只有送上貼紙慰藉 ....

第四個，去小小細世界，先影相....

雋少第一次O係迪迪尼WALK ..... 要影低留念...

又畀人影到blur咗 .... 呢張叫好d嘞 .... 不過今日同雋雋著子母裝 (blink blink VS 毛臣臣紅心)，點都要放一張上嚟 ... hoho

雋MA出手 .... 係會好好多... kakaka ....


唔好笑得咁開心，係冇得玩AGAIN!!! 作死AGAIN!!!!!! 知嗎，今日條"龍"去到頂，即係起碼等成粒鐘+先有得玩，唔好玩雋氏啦，咁 ...只有走人....

第五個，去玩雋雋最愛的CAR!!! 要度高，差1cm都唔知有冇 ... 不過哥哥話有高度限制，差d ... d都唔畀玩喎 ... 咁唯有同雋雋最愛嘅車影張相留念啦 .... 作死again again & again!!!!

囝，下次，一定會 玩到 ...因為你不停標高，應該OKAY HAHA ....

第六站，BUZZ LIGHT YEAR，等得最短時間，因為飛船郁得快嗎HAHA ...不過宜家次次抱住雋雋、雋MA都冇乜得點玩....

最後玩埋佢喜愛嘅pooh就要走，攞咗fast pass都等咗30mins.呀，仲要前所未有多人到要同唔識嘅人坐埋同一條船..... 冇趣again!!!

古靈精怪.... 但好鐘意....

巧乖咁樣喎 .... (背後係 ... 扭眼瞓同唔肯飲奶 ... 當然係奶粉開嘅奶啦 ....)

頂頭kiss....

下一站 .... 東涌 .... 準確D，係赤立角，亞洲博覽館對面....

Dinner Buffet @ SkyCity Marriott Hong Kong ..... 見d人成日話要一個月前訂枱，今晚去之前10mins.叫AE 幫手訂枱，一訂即有，仲係好舒服大梳化位，雋雋玩到反轉都冇問題喎 .... 嚟嘅目的又係想佢可以近D 睇 Ship & Airplane，寓食飯於教學嗎!!!! 點知....

有人O係樂園唔肯瞓，上車即瞓，瞓到天都黑埋先醒.... 睇黑影就有....

出街四寶，大水壺、餅盒，仲有未入鏡嘅一大袋玩具 + DVD player

其實本想去迪迪尼酒店翠樂庭食嘅，唔知做乜又FULLLY BOOKED，今日認真冇運行，所以先轉戰呢度.... 以庶呢度冇，最後又有，咁就將就將就啦 .... 有啖好食係緊要過有嘢好食.... 係對於有小朋友嘅人嚟講.... HAHAHA ....

出奇地冷盤okay，仲有生蠔 供應，熱盤就 ... 少咗d，甜品 ... 好想食 ... 特別係好多雪糕揀，不過有人醒咗，大少有行動暗示父母要快D走 ....冇得食.... *0*

呢餐仲有75折，都算好OKAY嘞 ....

雖然多阻滯 ... 不過今日整體都係開心嘅!!!