安菲爾的第二天 ...

有過第一堂經驗，今日雋媽無論為自己或者雋雋預時間都好好多嘞 ....

雋雋今日又乖，1100就瞓咗覺，瞓足一個鐘0十個字有多，精神充沛!!

已經預到好遲出口，去到都1355，點知雋雋同媽媽都係最早到 ... 幸好今次唔駛再出去又晒又熱咁玩住等，可以入學校洗手然後到班房等，雋雋又可以玩車、雋媽又可以嘆冷氣，舒服得多 ^^

Jonah今日冇出現，唔知係咪病咗呢? 有一個同學又遲到，所以初時free play 時間只有三個同學 ...

同學晴晴同佢媽媽都幾好，冇Kenix陪，今次多咗同晴晴媽媽傾計 ... 佢話雋媽熟口面，以為雋雋讀過耀中同見過我，好攪笑 ...

雋雋今堂進步咗，可能story time故事又吸引d，所以坐得定少少 ....

不過有個反斗同學成日自己開門出去想玩車，攪到雋雋又車癮起、成日yell住要car car car又典來典去 .... 不過都係受控嘅 ....

今日teacher Sally有事，唔可以上普通話，下次先補返，變相其他各部份都長咗時間 ....

雋雋最開心莫過於snack time有得食耐d、同埋出去playground玩車可以玩耐d啦 .....

近月都留意雋雋喜歡聽歌、彈吓雋媽個琴同埋塗鴉，宜家大個囝咗，出街唔再需要靠睇DVD止喊止眼瞓，有車係必須，不過畀本畫薄同蠟筆佢畫畫就已經好開心、又可以好安靜 ....

今堂，唱遊時段又好乖啦，扭緊計要睇的士，不過有歌聽就乖晒 ....

之後，又扭要出去玩車，不過teacher Uma 話 painting 時間，今次係做一隻班馬仔，雋雋聽到paint，又可以乖乖坐定 ....

teacher Uma 一示範完，雋雋已經急不及待攞支掃塗白膠漿，雋媽當然有從旁協助，不過雋雋都好主動自己嘗試油d黑油彩上張紙度呀 ...

簡單一隻班馬仔，不過係雋雋嘅第一次，好鐘意!!!

加上見佢著住校服咁坐定定整勞作，雋媽就不停幻想佢將來自己返學嘅日子 ... 大個仔咗好多呀 ....

snack time，之前雋雋唔係好識用門牙咬開d大舊食物，成日一大舊塞晒入口，好怕佢"kun"親 ... 教咗佢好多好多次 ... 直情畀埋雋媽自己嘅手指佢咬做示範 ....

今日，雋雋竟然自己攞起d餅同蘋果食、而且係自己可以用門牙咬細舊先再放入口慢慢咀嚼，有時都心急，不過今次食得好有耐性同好乖，無限開心!!!!!!! ^^

更更更開心係 .... 今日有雋爸接放學，雋媽唔駛咁攰，雋雋見到爸爸突然出現又開心，之後仲一齊去新世紀下午茶同行一陣，非常之好呀!!!!!!!

安菲爾的第一天 ...

之前提及過雋雋七月六日將會第一次上安菲爾遊戲班 .... 其實只有爸爸媽媽緊張，因為唔知道雋雋有乜嘢反應 ...

對於一個咁細嘅小孩子，去到學校，都只係會有玩嘅概念 ...

雋媽今日特別緊張，因為雋爸當值，今日只有雋媽一個全力照顧雋雋，而且由一朝早起身就冇停過，梳洗過後就開始執雋雋嘅行裝、煮飯、又要陪雋雋睇DVD、玩、瞓覺，而且雋雋係磨到1130都唔願瞓，佢最遲1245要起身嘞，瞓唔夠又上堂疊住午睡時間，好驚佢發癲，得雋媽一個，真係好驚 .....


第一堂，都係早去好d，不過一早就早成25mins.，學校職員話太早，叫我哋出去遊樂場玩一陣等到1356-57pm再過去未遲喎 .... 又熱又晒、滑梯對上單位做緊窗台維修工程，有d危險，都係o係度坐吓遊蕩一陣算吧 ....


今日上堂先會攞校服，所以仍然好似去街咁款去上堂 ....

等候期間，認識咗將會同班嘅Jonah及佢媽媽Kenix，佢哋來自北宣，Kenix好好人，Jonah都好似幾鐘意雋雋，一直望住雋雋微笑又想同佢玩，不過又怕醜 ... 我哋呢個交際能手雋雋發揮佢出街成日同人say hi同埋掂人個鼻本色，用同一方式去同Jonah打招呼，笑c我哋兩個媽媽，好得人哋兩母子唔介意咋 .... ^^

今次呢一班只有五個學生 + 三個媽媽及兩個姐姐，一如之前嘅朋友所講，呢筆學費真係畀得好抵!! 因為少d學生就老師可以分多d時間同資源去教佢哋嗎 (上午同中午嘅班都有十幾人ga) ...

我希望，雋雋會開心、會學習同成長更多 .... 學習過群體生活、服從老師、有紀律、慢慢學習自理，為將來正式入學時做好準備 .... 更加希望佢可以o係呢間學校認識到更多朋友仔 ....

每堂兩小時，初時都好擔心，咁細個專注力好低，而且雋雋一扭眼瞓就不得了 ....

第一堂，其實比自己預期中好好多嘞 .... 一入班房，雋媽都未放好自己行裝，有人已經唔理三七廿一自己走咗去玩 ... 係呀，有車就得嘞，又好奇，一邊播歌佢已經手舞足動，仲要係雋媽同佢日唱夜唱、又成日彈畀佢聽嘅歌，呢位小朋友就走去CD機旁跟節奏跳舞，有時仲想攪teacher Uma 嘅教具添 ... haha

雋媽有種感覺，將來雋雋自己正式返幼稚園，佢應該都唔會點喊、或者唔喊得耐，因為今次雋雋已經頭也不回冇搵媽媽，就算雋媽去洗手間，佢都冇喊又冇出班房要揾媽媽，自己就同d同學同老師一齊；同o係屋企好唔同(如果有其他人在場，包括雋爸/婆，只要雋媽行開去煮飯/沖涼/只係一關廁所門就會喊 ....) ，估錯晒!!!

所以雋爸媽都話佢唔怕生保、同埋適應新環境嘅能力都幾高 (當然係要佢唔眼瞓扭計先得啦 ^^ ....)

雋雋整體都好開心，今日主題係jungle，提及嘅動物雋雋都已經識晒，所以聽o個時個人定晒好留心，story time有d坐唔定，唱埋歌就好少少，普通話時段都ok，雋媽感覺雋雋都幾喜歡teacher Sally，可能因為靚女haha ..... 不過都有原因，因為雋媽有用普通話教過吓佢讀自己個中文名同數字，所以佢可能覺得好熟悉 ....

玩具時間，當然離唔開車，班房內玩細車，出去playground又係要揸大車，任何時候都叫 car car car car car ... car到雋媽暈 ...

扭眼瞓，中段同尾段都出現過，唔肯坐o係cushion上面，成個人"sin"晒落地毯度，一係企起身又行去teacher Uma 度攞d公仔玩 .... 好得Jonah同另外有一個男仔仲比雋雋坐唔定，不停行來行去又尖叫，所以雋媽先覺得冇咁大壓力 .... 起碼，覺得有人陪 .... haha

不過雋媽同kenix都話好攰 .... 遲幾堂要去公園field trip都唔知點攪 ....

最乖，係snack time啦，原來佢都幾為食，同雋雋講要乖同坐定先有juice同埋蘋果、餅，一d都冇叫又冇離開個位，全班五個人、四男一女都定晒，三個媽媽 + 兩個姐姐 .... 終於可以定一定神同休息吓 ^^ ...

落堂冇雋爸接放學，雋雋好攰，要媽媽抱，一上的士又瞓咗，返到屋苑商場落車，一個人托住個瞓咗又加倍重嘅囝、再加一大袋奶粉袋，天氣又超級熱，雋媽真係成個人散晒@@ .... 對手唔夠力，雋雋不停下滑，好緊張 ....

好耐冇試過咁攰，個人又緊張、皮質醇好高呀，雋媽返去放雋雋落床都冇醒過，以為執拾完可以休息吓，點知執完洗個面雋雋又醒咗，咁又要開奶同餵生果畀佢食，咁之後佢唔瞓又要玩啦，真係好想c呀 ....

暈暈地 .... 虛脫，好想瞓15mins，叫咗雋婆落嚟，不過不停有人入房騷擾，瞓唔到幾多，好攰 ....

今晚 .... 有排捱呀 .....

又身痕 ....

其實一直都痕未停過啦 ....

過去、現在或將來 ....

總共有五家朋友去完/去緊/會去大阪、一對會去廣島、一個身在沖繩 ....

嘩嘩嘩 .... 見得多呢d消息真係人都癲 .... @@

因為雋媽上年去大阪就想住下次要去東京 ....

5月去完東京，未返香港個心就已經諗下次要去邊度邊度 ....

沖繩同大阪都係首選 .... 不過又掛住東京，但係又唔想咁短時間又去過 ....

雋媽自己去shopping，去東京緊係好，不過又想等冬天時去輕井澤同雋雋玩雪 ....

oh .... 好心癢呀!!!!!!!

北海道，緊係好好好 No. 1啦，不過對於小小朋友、仲係雋雋呢d有時坐唔定嘅，6個鐘頭有多嘅機程實在太遠嘞 ..... 過多一年啦 ....

不過盡量都唔想暑假去，貴d，去到又多香港人 ....

日本痴 ....

一生只去日本都完全冇問題，總之唔該一年兩次 ....

最少一次呀 ....

2009生囝少咗一次，今年補多一次得掛??

重要，雋雋有特惠機票，距離兩歲前仲有大半年喎，要好好利用 .... 佢係大隻囝，雋媽抱到佢都幾辛苦，個位又迫，不過有得返家鄉，乜都有得傾 .... (不過雋媽唔介意你個提議，就係upgd 去商務畀我坐，咁點抱都ok ... heehee ....)

雋爸，你 .... 其實一直都知啦, rite?? ^0^

口痕完畢 ....

腦不停運作 ....

靈魂飄咗去家鄉 ....

個心 .... 痕到呢 .... haha ....

雋雋の第一次 - 安菲爾篇 ....

踏入7月6日，係雋媽同雋雋嘅新開始同新挑戰 ....

因為雋雋將會成為安菲爾嘅一份子!!! YEAH!!!

雋媽認識安菲爾，最初係因為o係文化中心做時接觸到安菲爾學校嘅展覽booking開始，佢哋每年o係E1-4都有畫展，同學校d老師 / 職員聯絡，都覺得佢哋好好人、有禮貌 ....

係呀，好多hirers都係冇禮貌、當你老馮咁、又遲交資料啦，但係安菲爾唔會，有早冇遲 ....

加上以前o係Music Office接觸大量學校老師同校長，嘩!!! 好多真係嚇c人，你唔會覺得佢哋係一個為人師表 .... 而且有出自d名校都係咁 ....

之後對安菲爾嘅認識，係嚟自教會朋友、以及雋爸嘅同學及同事 .....

每一個家庭對佢嘅口卑：只有讚、沒有彈!!! 學校好、老師好、有熱誠 .....etc.

有d上playgroup、有個就讀學前班 .... 有兩個一星期返足5日，仲要有個由老遠太古城搬出LV住，為嘅就係方便個囝返安菲爾 ...

小朋友，整體見到每一個都係學習同玩得開心 ....

就算唔讀名校嘅學前班，都會選擇嚟呢度讀 ..... playgroup、summer camp 都係大熱之選 ...

因為咁，雋爸媽襯住雋雋一歲零六個幾月、適合參加呢度嘅playgroup、再加上 My Gym都上咗九個月playgroup (而且lovely teacher Heidi又唔做嘞 ...)，就選擇咗人人讚好嘅安菲爾 .... 今次summer camp，揀咗一星期兩日，如果雋雋鐘意而雋媽又帶得佢ok，下季開鑼就先再決定報多d / 少d日子 ....

雖然係playgroup形式，不過都要上2hrs.，其實形式都應該有d似學前班，分別只係有媽媽陪雋雋一齊上囉 .... 當係雋雋正式返學前嘅試金石，都好吖! 而且等媽媽觀察佢多一d都係好事呀....

從來都係諗自己湊就未必會畀雋雋讀學前班，就算係都可能臨入讀K1前返半個學期，畀佢適應幼稚園生活 .....

雋雋係超大大囝 (一月出世)，出年9月佢先足齡入學前班 (如果要讀的話 ...)，K1好遙遠 .... 係2012年9月嘅事嘞，咁長時間，雋爸媽都要畀d嘢佢學同去玩係咪?? 成日o係屋企又對住雋媽，都發霉啦! 而且佢都要學習一吓群體生活嗎 .... (雖然雋雋都算外向、又唔怕陌生人 .... )

豬皮姨係教幼稚園專家，見得多學生，成日話返學前班d小朋友好多都好早熟又老積，如果家人要返工、只得姐姐 / 爺嬤公婆傭去湊，要咁細個上學去，都係無可口非 .... 可能都非佢哋所願 ....

不過如果自己湊，豬皮姨同身邊媽媽朋友都覺得學前班唔係必然 .... 豬皮姨都提議過有媽媽陪上堂嘅playgroup好，陪囝學習又可以親子，所以就咁決定咗 ....

小朋友，三歲前應該玩多d、體驗多d，呢個係佢哋人生最無憂同最快樂無壓力嘅時間 ..... 雋爸媽一直想，可以的話，畀雋雋遲少少入學、開心多幾年先啦，開心，學習都會好好多啦 .... (而且雋爸荷包可以慳多d錢 ... HaHaHa ^^ ....)

唔主張咁細個小朋友要舟車勞頓、長途拔涉咁返學，坐車嘅時間，畀佢哋瞓、食、玩仲好啦；如果又長途又要自己坐校巴o個d小朋友更慘，冇陰公，一定會唔開心! (所以雋媽下定決心將來雋雋返學都一定會由自己親自管接送 .... 陪到幾大得幾大啦 ....)

今次去LV都已經係極限，的士唔塞車大約15-20mins.就到，都接受到，再遠d、雋雋肯、雋爸媽都唔想呀 ..... 咁細個唔好玩佢哋嗎，離得遠、自己又掛心呢 ....

雖然都未正式帶雋雋上學去，不過都有d緊張同忐忑 ....

因為雋媽今日嘅下午就會自己第一次帶雋雋去playgroup，通常外出都有雋爸同行 + 做柴可夫，雋媽帶住咁大隻嘅雋雋 + 架重型BB車，又唔會畀姐姐同行，真係遠行極都有限，最遠o個一次同係佢小時候發燒而雋爸又返緊工，先自己帶雋雋坐的士出旺角睇醫生咋 ...

上堂時間係2-4pm，前段係食午餐時間、要改早 ... 後段掂到作眼瞓時段，所以好多個驚!!!!!!

自己帶佢坐的士去上堂，都ok，因為佢有車睇就定好多，只怕去到等 / 上堂期間眼瞓 / 放學扭攰扭眼瞓 / 天氣唔好 .... etc.，咁就大件事，要理解佢一扭就唔肯行，就算用sling，雋媽咩住個接近 30lbs.而又不斷掙扎嘅BB、再咩住一大袋自己 + 雋雋嘅隨身用品 .... 不過係冇咗架BB車喎，加止7月6日第一日上堂雋爸就on call .... 調極都調唔到 ...sighs，諗起都一額汗 ....

今次會係試金石，如果唔得可能將來都要搶返人哋架車嚟用，weiweiwei .... 畢竟有個小朋友o係身又帶咁多嘢，係咪應該有優先使用權先??? ^^

媽媽呢，生完囝跟囝作息時間，慣咗十點幾先正式起身 (因為中間夾雜咗餵奶時間)，宜家雋雋上堂，食飯時間又要改早，所以雋媽都要好努力咁學習早起，因為又要執嘢、煮飯、上堂前陪雋雋玩陪瞓覺、出門前又探熱 加餵奶，都未計執自己嘢、食嘢同裝身時間，嘩 .... 諗起又好驚會遲呀 ....

希望天父保守每次上堂嘅天氣、雋雋嘅心情、雋媽嘅體力、交通、時間安排 .... 各樣各樣都好好好ok!!

最緊要，希望雋雋學同玩都開心，又可以學習同進步更多!!!

仲有 .... 如果可以，嚟緊兩個月雋爸逢二、四都no call、Geri. Day又早走到，咁就每次都有爸爸接雋雋同媽媽放學嘞 ....

Amen!!!!!!!

近月雋雋學識 ....

一歲零六個月多幾日 .... 即係17個月嘞 ....
(雋媽自己成日數到亂晒，話佢係一歲零七個月 .... haha ...)

SCARED -
當畀人嚇親、媽媽跌咗嘢大叫、雋雋自己撞親、聽到d好大嘅聲音 .... 各樣各樣 .... 最愛講"scared"、"scared"!! 仲要瞪大對眼、拍拍心口做埋動作畀你睇 .... 人人見到都畀佢笑c ....

BREATHE -
見到lungs呢個生字或者圖像，就自己立即做深呼吸動作，然後一邊講"breathe"、"breathe" ... 第二樣笑壞爸爸媽媽 ....

CAREFUL - 不過係講成 "CA CO" ... 笑壞人之三!! 爸爸媽媽成日叫活潑好動又周圍爬嘅雋雋要小心，講得多，宜家我哋未出聲、佢一跌親撞親碰到嘢就自己會講 "CA CO" 、 "CA CO" ....

TAXI - 極愛的士，成日撥吓撥吓隻手學大人叫的士，落街 / 企窗台見到的士就大叫 "taxi"、"taxi" .....

SCREW - 近期鐘意玩screwdriver，扮上鏍絲呀! 揸住架玩具車、見個車窗/門開咗，當係screw，又攞支筆扮screwdriver，不停講"screw"、"screw"，將支筆扭入車仔度，攪到d車仔花晒，都係時間要買個玩具toolbox畀佢玩嘞係咪??

小寶寶 -
知道小寶寶都係baby、BB，成日話自己係寶寶baby ... ^^

認得晒所有應該要識嘅顏色，金銀銅色都學埋嘞，英文絕對冇問題，係時間要測試吓中文 ...

0-12，順序數都應該ok，不過好多時又鐘意skip咗個7 ....

26個字母，全部都應該識嘞，不過當然唔會全部可以順序講啦， 不過佢鐘意玩串字，玩住學，又學得開心，希望佢會吸收得快d容易d啦 ....

講英文字好似講德文咁，最經典像真度又足十成嘅係：
BUS - Bach (變咗"巴哈" ... haha ...)
FISH - Ich (變咗 "I")

學與教 .... 一齊繼續努力 ....

香港鐵路博物館

七一回歸紀念日 ...佗囝同生咗囝都唔會去遊行住嘞 ....

又晒又熱嘅一日，33度，仲有酷熱天氣警告 ....

冇特別節目，一早約定Vally同學食lunch，本來想去科學園飲茶，不過唔夠時間，佢要會合阿妹，所以都係去MOS市中心食個快飯 ...

Daddy's Kitchen，都幾好味，又冇味精(係vally特別為我揀，因為知我對味精好敏感 .... thx) ! 不過好多人 ....

香港鐵路博物館 .....

小學時學校帶隊雋媽去過一次 ....

相隔n年，今次再去，當然面目全非 ....

旨雋好鐘意車，火車當然都係其中之一，慶幸佢唔鐘意Thomas .... ^^ (媽媽超級驚，只可以接受到Percy個樣係比較好d ... haha ... )

o係日本坐過又睇過火車，眼都定埋 ....

香港暫時仲未坐過，與其玩玩具火車，不如睇d真嘅火車啦 ....

重要 .... 可以畀佢見到同行落去火車軌，仲可以親身掂吓d熱辣辣嘅石頭 ....

行落去火車軌，雋媽都係去德國同維也納坐火車時試過咋 ... 仲係同萱萱幾個同學襯走咗班車即刻走落去影相，諗起都緊張呀!!!

原本Vally同玥殷要返屋企，不過佢都好想一齊去，所以索性叫阿妹唔好去佢屋企住 ....
就係咁 ....
一行五人即興去咗大埔墟香港鐵路博物館 .....

今日旨雋同玥殷都玩得好開心，大人都係啦，係就熱咗d ....

旨雋唔怕生"保"又偏外向，玥殷怕陌生人 (見過4567次都仲可以係好怕醜 ...)同偏內向，不過旨雋又幾鐘意佢 (女仔嗎 hahaha ...)、玥殷又係幾鐘意雋雋 ....

最攪笑係雋雋叫佢姐姐 .... 玥殷叫雋雋做哥哥 hahaha ....

其實出面好多時見到d陌生人及小孩都叫雋雋做哥哥，後來發現原來係弟弟都好surprise ^^ ...

冇所謂啦，兩小無猜，一齊長大、一齊學習，咁係最開心!

等佢哋大個d一定會再去，呢d係香港嘅歷史，呢類型景點買少見少，所以一定要去 ....
FungFung Sir放工由機場返咗屋企，又想畀旨雋同玥殷玩多陣，所以又即慶買埋蛋撻上Vally家慢慢玩慢慢食 .....

12年同學仔 .... 嚴格嚟講係joint-u music society識、一齊做庄員混熟咗 .... Vally遲我兩個月結婚，雋媽又遲佢四個半月生囝 .... 總之乜都差唔多時間啦 ....

希望佢哋兩個大咗都會係好朋友 .....

兩個睇DVD睇到又點咗穴 ....

將來讀書學樂器做嘢係咁專注就好囉 ....

爭波都少不免 .... ^^
講數咁 ... haha .... 呢度係人哋屋企嚟ga 囝 ....

見到玥殷，又有d掛住六座嘅旭旭 ....

係o係平台玩時識嘅小女孩，21個月大，好得意又靚女，佢媽媽又好人 .... 第一次見面就一齊玩，旭旭仲走埋嚟鍚同攬住雋雋，雋爸媽都係第一次見咁sweet又nice嘅小女孩，總之係一見佢就會對佢好有好感 .... 雋雋都好開心呀 .... 不停傻笑又錫返旭旭 ....

好耐冇見佢嘞 .... 唔知幾時再見到呢 .... 雋媽都好掛住旭旭呀 ....

希望可以 .... 再多一個兩小無猜嘅朋友 ....

感覺好幸福!

遲來了的 .... 2010 東京親子購物自駕遊 - Day 4

5月9日

繼續晴 .... 感恩!

因為今日又要去好想好想去嘅地方 .... Mother Farm!!!!!!

http://www.motherfarm.co.jp/en/

每日朝早例行公事 ... 煲飯畀雋雋食 ... 煮落米再去Glass Court食個美味自助早餐再返上嚟就剛好煮熟飯 .....


用咗GPS o係東京出車已經熟晒嘞，加上好天氣，就算今日去老老遠嘅媽媽牧場都唔怕 ....


最愛您嘅笑容 .... 乜仇 & 愁都冇晒 .... ^0^


例必經過嘅彩虹橋 .... 總會想起哲平同埋理子 (即係本村同松隆子囉 ....)


過埋羽田機場冇幾耐就要入一條好長好深嘅隧道，係去木更津必經之路 ...


條隧道真係好長 .... 因為行咗成半個鐘，而且好直，揸車同乘客都覺得好眼瞓 .... 好深 .... 一直慢慢斜落海底，唔經唔覺，竟然落到接近成30層樓咁深嘅海底 .... 好誇 ...


雋媽又諗衰嘢，如果有事都唔知點走返出去 :P

塞車都c啦 ... (回程真係慢車咗十幾分鐘 ... 好攰 ...)


雋爸就男士角度理性咁諗，話呢條咁勁嘅隧道打將時一定係用嚟運送戰機 .... kakaka


重見天日，個天好藍好靚 .... 我愛晴天!!!!!!


過埋橋先係木更津呀 ....... 仲有排先去到Mother Farm ....


自己出車去，一個半鐘，已經好快 .... 如果要坐火車 + 轉 shuttle bus連埋等，要接近兩個半鐘，所以根本唔會去 ..... 來回好浪費時間 ....


初時以為雋媽都要出動幫手揸一陣車，因為條路真係長得緊要，好可惜沿路不停站，所以就由雋爸揸全程啦 ....

雋雋剛瞓醒就見到Mother Farm d路牌，差唔多到嘞，好開心!


開始入d單程路 .... 有d緊張 ....


呢d就真係入深山嘞 .... 沿途都真係有對頭車落山ga，左閃右避囉 .... 小心小心!!


正門停車場滿晒，要落南面停車場，今日好晒，仲要行返上山，好攰又好熱呀 .... 不過都好過泊再落嘅西面停車場，呢個仲遠呀 ....

不過天氣好、空氣又好，又有我最愛嘅藍天 .... 靚呀!!!

一入去就撞正鴨子巡遊，由佢哋嘅屋企行去廣場，好可愛呀!!!

雋雋都鐘意鴨仔 .... 話 "duck" ... 又扮 "quack quack quack" ... ^^

睇到呆咗，因為未試過咁近距離睇真鴨 ......

呢個牧場真係大得緊要，不過好喜歡日本人將佢打理得好好又乾淨 ....

東京鐵塔主人為紀念佢媽媽而建立嘅牧場，當然會整得好好啦 ....

山下面全部都係花田同屬於牧場部份，好多人帶埋狗嚟玩同行山 .... bb 入埸免費，反而狗狗入場 1600YEN，好攪笑 .....


趕得切去睇羊群大巡遊 .... 嚇C人 .... 臨去到羊圈之前真係一大群羊又山坡衝落嚟，沙塵滾滾呀 .....

睇見D羊就熱同辛苦，咁晒仲跑來跑去 .... 好得大部份都剃咗毛，唔係實中暑 .....

之後有羊群大接觸 .... 親親大小綿羊 ....


雋雋第一次摸綿羊，佢知道係SHEEP呀，初時有D緊張，不過後來就好好奇想繼續摸 ....


雋雋係咁話 "hot"、又撥吓撥吓隻手，雋爸媽摸吓，原來隻羊個身真係好熱，著火咁 ... 唔怪得佢話 "HOT" ...HAHA ...

硬係用個羊PAT對住我哋 KAKA ....

又要摸 ....
雋媽咁大個女都係第一次咁近摸D羊 .... 好得意 ....


隻羊仲錫雋雋架BB車 .... ^^

鞋底、衫尾、BB車癡晒羊POO POO，嚟得咁玩都預咗 .... 不過小朋友都係要小心d，要徹底清潔呀 ....

側邊有晒handwash 同水喉，洗完手就可以去食LUNCH ....

招牌自家鮮奶 ....


最鐘意飲奶嘅係另有其人 ....


自家牛漢堡，冇好靚嘅裝飾同賣相，不過好味 (雋媽又係覺又少少咸，都冇辦法 ... 可能係我習慣咗食得好淡掛 ...)，好有家嘅感覺，鐘意!!

成日話"clean"，仲搶埋抹咀嘅濕紙巾清潔喜歡嘅ernie's truck ....


再抹apron ....

又抹返ernie .... haha ...
食完有得周圍走就開心 .....

WOW有人想衝落樓梯 .... 大膽小孩!!!


紀念品店有好多自家出品出售，有人想買鮮奶同雪糕返酒店食，其實佢有保冷箱連乾冰出售，又唔係話唔得嘅，而且自揸車，不過想前想後、後來又冇買嘞 ....


綿羊都要小休 .... 巡遊時咁熱，真係辛苦你哋嘞 ..... 咩!!


順路去睇咗一陣賽豬同埋牛仔馬仔 .... 揸牛奶睇唔到，好多人d牛又有排都未出嚟喎 .... 騎馬仔，又唔夠大 ....

時候唔早，更重要係攰到 ... 隨時o係地下瞓著都可以，花田、摘士多啤梨，通通冇得去玩，仲要畀錢坐車返去正門 ...

兩種選擇，坐得4個站、架巴士又會發出汪汪聲嘅汪汪巴士 ....


其次係平d，但係又可以遊花園嘅tractor ... 我哋 ... 揀咗後者 .... 唔可以摘生果同睇花田，o係車上遠觀一下都好嗎 ...


唔知係乜品種嘅羊 .... 雋媽覺得有d似 poodle ... standard o個種 ....


係Lazona都食過嘅媽媽牧場雪糕，好好味 .... 不過牧場呢度食好似仲好味 .... 雋雋都想分一杯羹 ...


又要準備潛入水底 ... 又深又長嘅木更津隧道 ...

慢車中 .... 加倍眼瞓 .... 辛苦晒雋爸要揸咁耐車 ....


去到Shibuya-ku、東京鐵塔附近有意外，有少少塞，係咁多日以來第一次塞車，其實都只係慢車少少，加埋都係20分鐘到，都唔可以話好塞嘞 ....


之前有d朋友話去東京唔好揸車、就係話易塞車，不過又真係冇乜點塞喎，連出晒名高危嘅代代木雋雋一家都冇塞過 (代代木好興6-7點大塞 ...)，可能又避咗d上落班時間，所以完全冇朋友所驚所講嘅問題發生 .... 感恩!

有人鐘意聞臭腳 ... mmmmm ....

扯咗窗簾落嚟同媽媽玩peekaboo ... 係咁 "boo boo boo" ....


超級攰攰攰 .... 是晚room service算 ... 都唔平，過千蚊，c未 .... 不過係JURLIN出品，都幾好味嘅 ...


經過幾次自遊行，發覺自己帶部laptop係方便好多，無論係做online check-in、check每日日本天氣、又可以check當日想去景點/遊樂場開放時間 (日本成日變ga，有時又突然收早/遲、又乜乜感謝日有特惠 ...etc.)，今次雋雋仲可以用埋嚟睇DVD，酒店又免費上網，真係一舉幾得呀 ....


Mother Farm，一家大細嘅真係好值得去，我見有好多拍拖 / 一班青少年都係咁去，今次有好多嘢都未玩，仲有個遊樂場，希望下次再帶雋雋嚟過，到時大個d，佢一定可以玩到更多、體驗更多 ....

都係o個句，太遠，要去就要自己揸車去啦 ....