雋雋の第一次 - 游水篇 ....

等咁耐終於都去到嘞，雋雋要你久等真係唔好意思 ... ^^

以前游過，oh ... 應該你o係屋企浴缸浸過幾次水，所以都未知佢去到泳池游有乜反應 .... 不過佢咁沙膽，應該唔會太驚掛 ....

好懷念你得幾個月人仔時嘅樣 ....


宜家更長更大隻，坐落shinkansen小船都有d"夾"住，迫爆feel ...


以前鐘意咬軚，宜家就放o係屋企當車揸，成日玩個軚嘞 ....


個Mambo Baby swimming float 當然都用唔著啦 .... (不過呢個真係好好用，BB初次游水用佢真係好好 .... )



大個囝，換上嘅係水泡、水袖、保暖泳衣 ....

go go go ... 出發去會所 ....


因為天氣熱，outdoor泳池d水係暖，反而indoor嘅池水就好凍，有件保暖swimsuit都好緊要 .... 不過小朋友池o係outdoor，所以都係主打o係出面游啦 ...


住咗5年昇仔今晚先第一次幫襯個會所泳池，反而以前好多教友就搭上搭攞住戶証入嚟游過n次，雋雋一家猶如大鄉里 hahaha ....

雋媽小六開始都正式學過游水，以前游自由式都幾好ga，不過又係n年冇游，最近一次都係5年前去Cairns honeymoon時游過一次咁大把 ....

之前自己出去游水都覺得麻煩，就算上次帶雋雋去赤柱玩沙都係，所以都唔知帶住佢去游水會點，佢又鐘意四圍走呢 ....

落會所就方便d，一家三口好輕便，雋爸媽仲求其笠件衫、笠條裙就碌落去，游完就返屋企先沖涼 .... 簡單好多，有過今次帶住BB去游水經驗，希望下次去游可以更輕便 ...

雋婆間屋個業主有家人住埋o係其他三小龍屋苑，佢係都要我哋留兩個住戶証quotas畀佢地一家可以返嚟游，因為佢話住過晒四個屋苑，昇仔嘅管理同埋會所都係最好最乾淨，今晚去完一次，的確覺得個泳池好好呀 ....

聽完佢咁講，又話保安都係呢度最好，加止自己係咁多年用家，又令雋爸媽唔係好捨得第時搬離呢度 .....


今次叫做正式帶雋雋游水，玩得好開心呀!! 特別係雋雋，佢一d都唔驚，o係大人池同埋小童池玩都ok，仲猛咁話"splash、splash、splash" .... 不過就成日話"sting ... sting"，但又唔肯畀人幫佢帶goggles，hahaha ....

佢好攰嘞，一早瞓到隻豬仔咁，不過希望佢唔會因為玩得太癲又發惡夢啦 ^^ ....

減壓 ....

好攰 ...

頸椎痛、膊頭肌肉痛、打風落雨再加腰骨痛 ....

好燥底、好易喊 ...

雋爸話要帶我出去減減壓 ....


KIMCHEE@北京道一號


之前見幾個朋友都去過，想試好耐，加止原本想去Elements食好味shabu-shabu 又話首影畀人包晒場，所以嚟咗呢度 .....


整體都好好味 ... 坐得舒服，又有靚景，價錢都算合理，服務又好 ....

(其實以往食親韓燒都係去明洞屋，自從佢結業之後都唔知去邊度好，因為呢間真係好味又正宗價錢又合理 .... 去過其他貴嘅平嘅都冇呢度咁好，好懷念!!!)



燥底仲o係度 放火.... haha ....


晚飯後餘興節目 .... 就係雋媽揸雋爸架車去兜兜風，雖然要趕返屋企睇雋雋，兜又唔兜得遠同耐，不過好過冇 ....


雋媽都ok鐘意揸車ga .... ^^

以前仲愛"刨"汽車雜誌 ....


有人成日驚c人整花佢架車，佢話驚有意外喎，又話唔同師傅d車咁佢個位有多個brake .... (有人自己一早整花咗啦 .... :P)


sighs .... 揸得車都係咁啦，唔係考個牌、買架車嚟做乜?? 我個牌都成10年嘞，只係少揸、又唔係唔識揸，同埋5月去東京前專登揾麥師傅補鐘揸8人車，Serena個size都同雋爸架車差唔多，係8人車高身d、睇位易d姐，都唔駛咁緊張掛???

不久嘅將來都係雋媽揸車接送雋雋返學放學、呢度去、o個度去，如果咁驚就四圍都唔駛去 loooooo .......

學麥師傅話要keep住成日揸吓，夜晚得閒落街又練多d泊位咁先好呀 ....

冇事呀，多謝天父我哋又平平安安返屋企繼續照顧雋雋啦 ....

題外話，之前去iSquare 牛藏食日式燒肉，又係好好味，仲好貴，原來同呢間同出一個集團，竟然係鴻星嘅dining club，真係估佢唔到 .....

Anfield field trip to HK Botanical Garden

雋雋嘅第一次 ... 好似學校去旅行咁 ... 坐佢喜歡嘅 bus!!!

上下晝班一齊出動，同場仲有kowloon tong campus嘅小朋友，好熱鬧!!!

亦都係雋媽第一次自己帶住個囝參加呢類形活動，我知將來機會多的是，今次係好好實習機會 ....

雋媽好攰，今早6am就起身，因為攪好自己，又要整醒雋雋，要準時8:30am返到學校呀 ....

平時食一入早餐都唔多飽，今早只有時間食幾啖麵包同飲杯豆漿，餓到雋媽暈 ...

雋雋返到屋企仲好記得orange flamingo 喎 ....


問返佢monkey乜嘢色，竟然又記得有black & brown，d細路記性真係好，所以千祈唔好呃佢哋 haha ....


好奇中 ....

成頂keroro帽咁 .. 雋雋係大頭囝囝，頂帽其實都唔啱戴，天氣仲咁熱又焗，辛苦晒一班小朋友 ....


同班同學，成日o係學校同屋企都叫住嘅晴晴 ^^ ....

人哋姐姐嚟ga .... ^^


上下晝兩班，雋雋係最細嘅一個 .... 但身形除外 ....



Teacher Uma叫大家影小朋友影大合照，走散晒啦，咁叫齊ga la .... ^^


今次你前，下次我又退後，hahaha ....


仲要撞，人哋撞跌雋雋，整喊雋雋喎 ....


有趣在，該名中國藉小男孩，係總裁一哥個囝 Julian .... 緊係一早知啦，一哥同雋爸係由幼稚園到中學嘅同學，當然後來先知大家個囝各自報讀上 & 下晝班playgroup啦 ... ^^

爸爸同囝囝，兩個都有一種緣份 .... 不過囝囝就唔會做同學嘞，因為雋雋唔係排國際學校條隊嗎 .... :P，不過希望你哋將來都做到朋友啦 ^^

Jaguar (Siu Fa)，以前真係有呢隻小花存在ga .... 唔知點解teacher Uma好鐘意佢，叫我哋逐對行埋去幫我哋影相 ... hee ...



Aaden said: Leaf!
最後時間唔夠，playground去唔到，只可臨走前去個亭休息吓 .... 雋雋有奶飲，媽媽就攰到嘔，唔係講笑，係熱到同埋脫水到想嘔，有d暈 ....

本身條頸椎同埋右膊已經超痛，應該係咩奶粉袋太重拉傷咗肌肉，每日貼十幾粒Phiten Tapes + 揸 Bengay 都唔係好有用 ....

好想揾盈博士針灸，不過又未有時間 ... sighs ....


d小朋友細個，動植物公園又多斜路，上上落落，個個都扭抱，咁個個媽媽/姐姐都係超攰囉 .... 加上又早起 .... 好多人都心情麻麻，特別d小朋友 ....

所以今日雋媽係完全地散咗，係散到要急call雋爸去紅磡車我哋走 ....

本來想自己o係麥當勞道飛的走、唔跟巴宜返學校，因為晴晴都頂唔住，晴媽叫司機嚟接走佢先，原來可以唔跟巴士走，咁斷膊feel嘅雋媽當然都想走啦 ....

不過話說回頭，雖然攰，不過都係開心同埋係一種體驗，將來都會係咁，慢慢學習又適應一吓啦 ....


P.S.
今次去完d所謂動物園，就更加想去日本嘅動物園，新加坡o個d都好好ga，因為o係香港真係冇乜機會畀小朋友接觸唔同類別動物，望都唔得多有得望啦 .... sighs ....

自己畫 ...

@Anfield

有時都要媽媽幫幫手 ....

今次，只係幫佢點顏色，因為唔幫佢會推跌杯油彩 ....

雋雋鐘意painting，而且鐘意用paint brush，所以今堂一見到有brush就兩眼發光，由原本扭計要出去玩車立即變靜 ....

件t-shirt同褲型畫紙都係雋雋自己揀顏色 .... 問佢、佢話衫要orange、褲要white喎 ... haha ^^

冇刻意揀顏色，見到就用，自己一撻撻用支掃印落畫紙度 ...

最後teacher Uma"浪"起所有衫褲，成個班房好攪笑，好似屋企"浪"衫咁 :P ...

落堂乾咗teacher Uma 釘好一齊畀大家帶走 ....

仲有好幾幅都未帶得走，要等下星期最後一堂先攞到，因為做緊壁報呀 ....

好期待!!

因為全部都係雋雋嘅第一次，而且充滿童真，好鐘意!!! 亦好值得父母珍藏呀!!!

四歲前最後一次健康院針day ....

睇見個topic都已經開心，因為雋爸媽最唔鐘意去健康院，多人之餘d姑娘又長氣，所以次次問乜嘢雋爸都叫雋媽附和d姑娘算數，全部答係係係 / 健康院"想要"嘅答案，根本 ... 亦都唔會有問題問佢哋，所以要快快快速戰速決、唔好阻我哋去街 ....


不過事與願遺，有時遇著d super long-air nurse，煩到你嘔，係咁講 ..... 講到雋爸撻"朵"先肯收一收聲 ...

今次又有突發嘢 .... 就係畀人抽中做發展評估 ....

評估次次都做，冇乜奇?? 只係我哋一家三口被揀中，會接受幾個"準醫生"評估雋雋嘅發展，咁即係雋爸媽都要落水答埋一份啦 .... 有senior 嘅MO 在場問幾個"準醫生"問題，又觀察吓呢幾個準MO囉 (即係考埋MRCP (PACE)、真係好快會出嚟做 paedi. 人o個d新仔呀 .... )


簡單講，今次係雋雋 + 幾個準MO嘅assessment，一齊嚟，好有趣!!!

更有趣在雋爸嘅身份，緊係知道晒佢哋講乜同答得好唔好啦 .... 不過又要忍住唔出聲 .... hahaha ....

雋雋嘅assessment，係好好!! 由於就快關門同埋連支針都末打，所以只係做到一部份，不過已經話雋雋宜家係18個月大、但基本發展同語言能力 ... etc. 係最少等同一個兩歲小朋友或以上 ....


都唔意外，因為都好符合個growth chart，雋爸成日都係咁講 .... 所以我哋成日話佢都有trouble two 嘅徵兆 .... haha ....

佢哋話雋雋好好玩又得意，想繼續問、同玩落去，而且佢哋都好amazing雋雋識咁多字同講咁多嘢，仲有識晒好多顏色形狀同埋數字，而且係identify到、唔係只係name到喎，不過真係要走 .... 再test落去，都唔知玩幾耐 ....

講緊係玩我哋一家喎，haha .... 同埋雋雋都攰呀 ....

另一方面，其實爸爸媽媽又好想知你去到乜嘢level ....


總之今日都唔知佢哋好彩定我哋好彩，有雋雋答問題，易好多啦，佢哋話有d好唔合作、又唔答嘢、一係又好noisy同扭計ga ....

今日唔=將來，更好、都要用辦法同用心留住佢、而且要將佢發揮得更好，同埋最最最最最緊要唔好驕傲，要繼續努力學習啦 .... 希望您繼續好落去，好好善用您嘅聰明，您擁有嘅一定唔係爸爸媽媽畀您，因為我哋都唔叻，全部都係天父賜畀您嘅，要珍惜，同埋幫自己又幫到別人就最好 ....

有時都驚唔識點再教好您 .... 或者點樣再教您多一d ....

求天父畀智慧啦 ...

要再讚，今日打booster，都幾痛，有雋媽優良遺傳，一d都唔怕，今次仲係一滴眼淚都冇，只係yell咗幾聲，錫晒您雋雋 .... 啜!!!!!!!!!!!!

再讚，識講"vaccine" ... 而且係指住媽媽粒卡介苗話係vaccine，仲話係"miu" (苗)，笑c雋爸媽呀!!! ^^

下一次針day，係四歲，到時應該o係學校打嘞 ....

HappyFarm@Asia-World Expo

晏咗起身，Asia-World Expo 嘅lunch buffet一早畀人book晒枱，所以轉戰Sky City Marriott tea一tea，近又冇咁多人之餘，有車又不停有飛機同船畀雋雋睇，而且酒店有3hrs free parking，食埋嘢、去埋happy farm 再返嚟攞車都夠，有人代泊車又唔駛行得遠暴晒，點樣計都係好 ....

有不同種類羊仔睇，仲可以餵食 .... 不過多人餵，d羊好似食滯咗咁 haha .... 所以都好明點解推晒d瘦猛柴羊羊嚟，因為畀大家有多d機會餵食之餘又可以幫手砌肥d羊 ^^ .....

呢隻BB黑小綿羊好可愛，仲有人抱起畀小朋友餵菜，雋雋同雋媽都可以摸到佢呀 ....



有雋雋喜歡嘅兔仔 .... 雋雋不停話hop hop hop .... ^^

賣晒tix，冇得同馬仔影相 .... 不過雋雋都好眼瞓 ....

可以就地眠咁樣 .....

想畀$$去少人嘅場餵奶，又唔得，因為d小羊5pm要返歸 .... 齋睇 .... 不過雋雋都好留心同好奇 .... 仲話d羊 vv .... ^^

真到好假嘅龜仙人 ....


走去邊?? 返酒店攞車後又出發去飯堂 .... @HK Disneyland Hotel

成日日光日白追月 .... moon moon moon ..... 笑c人 ....

又錫老友記 ....

呢頭豬 ... 灰咗d ..... ^^

雋雋都ok鐘意piglet ga，不過今次就嚇人d，好似"cool"到雋雋好辛苦咁 ... 過份熱情咗，好得雋雋見慣大場面冇喊咋 .....

繼續食最愛水果蔬菜餐 .... ^^


去親翠樂庭，米奇米尼呢對痴纏鼠都成日玩雋雋d車仔 .... 今次仲攪到雋雋有d發老脾 .... hahaha ....

因為米奇對手大成日整跌晒雋雋d車嗎 ....

不過最後都冇事 .... 仲kiss .... 定bite 呢 .... hahaha ... 要問雋少先知 :P ...

次次話唔買、不過最後又會買嘅嘢 .... 咁當然有D都冇買，明刀明槍偷影帶走佢哋都好普遍 ^^ ....