Aaden's 1st Orchestral Concert ......

06.03.2011

City Chamber Orchestra + Melvin Tix Meets the Orchestra

@CH, HKCH

這是雋雋人生第一次欣賞古典音樂會 ....

很精彩又適合兒童的一場音樂會!!!

比起本地x交的，真的相距十萬八千里 .... 

doda講得啱! 要聽就盡量聽有質素的，為小孩及自己耳朵著想，真的要作明智之選 .... 奈何香港是文化沙漠，音樂上之選擇更加少之又少，有時真的免為其難、揀無可揀才被迫去聽港樂或小交 .... 

今次不是City Chamber特別出色，當然都用心，但加多個出色的小丑conductor，將全件事質素提升了很多很多 ^^

90mins.，對三歲以下小朋友其實還可以縮短半小時就更好，但都可以接受，雋雋都叻囝，以他向來坐不定性格，當中只有15-20mins由雋爸帶佢出大堂冷靜 

(其實都不是太冷靜 ... 他見不到我喊了三、四回，雋爸要佢完全不再喊才可以返回坐位，最後為了見媽媽，當然肯收聲，但錯過了Melvin Tix 教小朋友指揮及唱 Where is Bunny ... 有點可惜 :P )

朝中有人好辦事，今次要多謝舊同事Auntie Marina幫雋媽check票房、還要幫雋媽先買音樂會門票，雋雋一家才可以坐到好位又趕到水尾買門票，否則又錯過一場好音樂會 .

Lunch with Uncle John and Auntie Gladys

10.04.2011

潮江春@JardineHouse

終於可以相約到老師食飯 ...

Prof. John CHEN ... 

我Yr.2-3 Composition Honours Project Supervisor ...

當然亦是前音樂系Electro-Acoustic Centre 掌舵人，同時是教我們 Recording Techniques 以及電子音樂的老師 .... 

在香港音樂教育界 (或者應該說作曲及電子音樂界)，他屬pioneer，很幸運當年可以成為他學生，跟他學作曲，到今日、仍亦師亦友 ... 

oh 錯，他常說已提早退休，不再是我老師，今日我們已是朋友 :P ....

想起一切，仍似昨日，很懷念 .... 很懷念我的校園生活，過得充實，學了很多，讀得辛苦，但很有價值 ^^

還記得第一次"打譜"生意，都是幫你和龍向榮老師打的，賺你們$$其實不好意思，不過很開心可以學習、嘗試及見識更多精彩敲擊作品 ....

回憶實在太多，到今日，要加上我的孩子和丈夫 ...

由Aaden出世至今，一直想約出來見面，不是我們出國就是你的John Chen Ensemble到處演出、又或是你和太太去旅行，很難約呀!!! 

皇天不負有心人，今次終於約到又真的食得到 ... haha .... 

本想相就老師，最後又要遷就雋爸on call要改期 ....

更應該由學生請老師，最後又給你搶了來付錢 .... 覺得不好意思呀 :P

 

不過今時今日可以跟以前的老師談天說地、分享生活瑣事、回想讀書年代，我覺得好開心、亦很難得 ...

想不到Uncle John見到Aaden食得開心又食得多就會好開心 .... 下次一齊再食炒飯 .... 雋雋會再食多一點給你看kakaka ....

多謝Uncle John 及 Auntie Gladys，這是代雋雋多謝你們的，他經常提及你們，他應該都對你倆很深印象，亦很喜歡跟Uncle John玩呀 ^^

希望好快好快又可以再見你 (媽媽會快跟同學又見你，不過雋雋要遲少少嘞 ...)，不過下一回必定是雋雋一家宴客呀 ^^

Bob the builder!!!

有一日乘車途中的對話：

A for Aaden .... M for Mama ....

A: Mama, do you know who built the buildings?? (指住車外的樓宇 ....)

M: I don't know .... you guess who built them??

A: builder (望住媽媽認真地想幾秒再回答 ....)

A: Bob the builder!!! (跟住奸笑 .....) 

笑壞雋BA MA .... LOL ....

2011 Mother's Day ....

由雋雋在媽媽肚內開始計算，今年是第三年和雋媽共渡母親節 ....

母親節前兩三天，古靈精怪.... 閒時跟媽媽說"I need You" .... 


母親節那天，跟媽媽說 "Happy Mother's Day .... I love you MaMa" .... 已經好開心又感動 .....


小朋友都沒有預備特別禮物，Anfield & Puggles 都有教他們做小手工，不過最重要其實是可以一齊渡過，雋雋你又健康及快樂，最好愈來愈乖啦，媽媽就會好開心 ^^


今年還相約雋婆爺一齊再去KTCC摘士多啤梨，雋雋又可以玩最愛的彈床，還有雋爸如他所願一家人到流浮山食海鮮，唯一有點可惜是原定想去濕地公園一趟，不過去到車位已滿，本來仍有門票賣，不過排隊之際已經到了禁止入場時間，所以只去了附近銀座公園再讓雋雋玩一會，然後再去食海鮮大餐 ..... 


雋婆，希望今年的母親節你也覺得快樂 .....


還有雋雋的兩個契媽媽 .... 遠在Melbourne 的花子 & Connie，及其他已為人母的好朋友，母親節快樂!!!

第一次自己返AWANA ....

20110429，兩歲零三個月 ....  

20110501，第一次自己返AWANA .... 其實都係突然決定撤退，都要多得PUGGLES導師鼓勵同畀信心，話雋雋OK，所以雋媽先會試 :P ...

由二月尾開始返，中間又缺席過，數數埋埋都唔知返咗有冇7、8堂，而且對於一直都幾痴媽B嘅雋雋，有時主日學時間又會扭吓計，雋媽初時都係心大心細同有D驚 .... 加上今日又係未瞓夠專登整醒佢返教會，所以好怕佢又發脾四 ....

見到其他PUGGLES喊，OK又冇一齊喊，初時都有發現雋媽"呢"埋咗O係門口，不過又冇走嚟揾雋媽喎 .... 好徵兆!!!!!!

間中都有阿伯咁行來行去，不過導師捉返佢O係地蓆坐又專心返 .... 想去攞玩具玩，導師講完又肯放低冇扭計，最開心崇拜後返上去接雋雋，導師話佢冇喊過，又肯同其他Puggles分享食物，GOOD!!!

真係大個囝咗! 雋爸媽都覺得好意外，而且好開心又感動 ^^

唔知道之後會點，可能都會有反彈，不過今日絕對係轉捩點，起碼畀雋爸媽知道雋雋有時候都係可以獨立 .... 雋媽又會有多一D信心去放低佢、自己走去崇拜 ^^

AWANA係一個開始，五月頭返Anfield又會開始另一個學期，今次係Prep-Programme，唔係playgroup，即係如果老師覺得佢OK，有部份時間雋媽唔會再跟佢一齊一班房上堂，慢慢可以就會全身而退O係外面等，比較似返nursery呀 .... 希望雋雋可以愈來愈乖、又愈做愈好 .... 

天父任何時候都會同你一齊，唔駛怕，你要加油呀!!! ^^

在基督裡眾人也都要復活 ....

In Christ all will be made alive. 1-Corinthians 15:22

 

多謝花子契媽送給雋雋一家的復活節祝福 ....

很掛念你，希望你一切安好 ...

New Car Seat

一直都好想換個新CAR SEAT畀雋雋 ....

原因一：

佢好重又高，用開嘅CHICCO由NEW BORN用到宜家，每次要托咁大隻嘅雋雋上去，真係手都斷 ....

原因二： 

當年其實想買0/3嘅Maxi-Cosi，因為最好嘅CAR SEAT品牌就係佢 .... 當時唔買，只因為全部ISO-FIX 都冇背向CAR SEAT，0M-9M安全理由係一定背向咁坐，如果買INFANT CARRIER又用得唔耐時間，所以被迫買咗次選CHICCO唔係ISO-FIX嘅款 .... (我最討厭的品牌 :P ...)

原因三：

夠大隻，已經可以坐到4Y-12Y o個種款CAR SEAT，又想佢可以自己上到去 ...

 望穿秋水，斷貨斷咗唔知幾耐，終於有貨返，不過唐小姐同我哋講話全線呢一款只會返24個 .... 係24個!!!!!!!!!!! 咁少 .... 每隻色6個咋 ....

多謝0/3 嘅人留一個畀我哋，終於今日送貨嘞 ....

有人話似racing car seat，自己攪攪震 ^^

 

 睇佢幾長又大隻囝!! 成個三歲囝咁，出街個個都係咁講 .... 

 

 有人好滿意!!

咁雋爸媽都好滿意，起碼係自己心儀又覺得好嘅品牌嗎 ...

 可以由26.5M用到12Y (如果冇損耗 .... 雋雋又肯坐 ... 同埋如果佢唔係超超超高、高到又重到未夠12Y已經坐唔到的話 .... HAHA)，好抵呀!!!

2010 十一月東京箱根七天遊 -- 第三天 ... Lalaport + Odaiba篇

1117

寒冷 + 大雨

今日預定行程，Lalaport + Toyota MegaWeb again ...

食完早餐又出發去搭都營線 + YURIKAMOME ... 

兩個想去嘅地方都係去到，按天氣同雋雋情況而定，所以最方便 ....

 連雋雋都認得嘅彩虹橋 .... 雋雋火車上又瞓咗，剛剛係Odaiba，即係唔駛玩，所以坐多幾個站轉去Lalaport先 ....

 Arrived Lalaport@Toyosu

天氣凍再加落雨又大風，包到雋雋好似隻糉咁 ....

 好鐘意日本呢d親子遊樂地方，日本多全職媽媽呀，佢哋嚟自己可以學料理，又可以放低小朋友去另一邊學整小食，十個讚!!! (點解香港冇d咁嘅好地方畀媽媽同雋雋去玩???)

常滿又長龍的Kidzania .... 3+以上先玩得，等多一兩年啦雋雋 ...

 又凍又餓要醫肚 ...

 Super yummy omelette rice@Rakeru (除咗條做deco嘅生西洋菜heehee ....) .... Shinjuku都有分店，仲好近Keio Plaza Hotel ...

 呢個都好好味 ... 諗起都想食 ....

 雋雋去唔到kidzania玩，不過 .... 食嘢見到呢個playroom，雋雋有得玩之餘，雋媽知自己又可以shopping嘞!!!!!!! 超開心!!!

 

 300yen / 30mins.，都好啦 .... 最緊要又有佢至愛嘅racing car .......

 聽雋爸講每玩唔夠兩分鐘就要轉車，purple ... red ... purple ... yellow ...green，轉到暈，抱到佢手都軟 ....

 你好爽，right?? ^^

 屋企有一樣嘅嘢，又唔見佢玩得多 .... 果然係人哋嘅好玩d ....

香港，絕對唔會畀佢玩波波池 (唔係媽媽嘅命令啦 ...)，太dirty又多菌!!! 唯有o係日本，真係覺得環境都乾淨好多，所以放生你一次畀你玩過夠 ....

 媽媽又開心咁shop完一輪，heehee買咗幾件衫裙畀自己咁啦，連埋之前幫雋雋入咗好多童裝，o係Lalaport，呢度真係大有收穫!!! 去接返雋雋同雋爸，換埋片，出發返去Odaiba ...

又係Toyota MegaWeb ....

 終於可以坐無人駕駛導航車嘞 .... 夜 + 凍 + 大雨，冇人等 (平時 ... 特別weekend會打蛇餅 ...)，好開心!!!

 

 有咁多車款，不過冇得揀，因為d車冇人坐都一直郁緊，所以你你上車時邊駕最近到、就坐o個架lor ....

有兩個上車地方，地下一個，我地去二樓呢一個 ....

 有car seat，所以BB都可以玩 ^^ .......

 SAYORALA!!!

 個車程都唔短，上上落落又出埋外面，雋媽邊等邊周圍影lor ....

 好多我喜歡嘅Alphard / Vellfire / Previa ... o係下層呀 ....任坐任試 ... 唔係冇時間，一定走去book一個時間揸夠本 ....

 

沿途見到呢架，媽媽最想坐，不過坐唔到呀 ...

 返嚟嘞 ....

 等咗你地好耐 ... ><

 Mama's turn!!! 

 下次嚟雋雋大個d又可以玩下層呢d車 ....

 其實呢架chinese deco嘅車好嚇人 ....

 d車任坐任掂任影相，雋雋十個投入lor ...

 佢話自己係taxi driver wor ... hahaha

 

 唔捨得走啦 ....

當然最後都要夾佢走，太大雨嘞 ... 重要，明早去箱根，要早d返酒店pack行李，部份要寄存酒店，又要pack一個細喼去Hakone，所以今晚都係返到Shinjuku買外賣算嘞 ....

 

更多相 .... https://www.facebook.com/album.php?aid=246113&id=573283192

215 花子飛Melbourne ....

2月15日

機場送別花子契媽 ...

雋媽的好友 ....

雖然唔係走好耐時間，不過又有機會多幾年，所以雋爸媽都有d唔捨得，特別係雋媽 ....

一個與自己喜好接近、又有相似經歷、而又可以明白對方心情及處境嘅朋友，好難求，有，但人生不會多，科技雖發達，不過唔係o係身邊，所以都會唔捨得 ...

所以雖然早，特別係雋雋都未瞓得夠已經整醒佢，都要帶埋佢去送契媽機 ... 初時去到都有d扭計 ....攪到你冇覺好瞓again， 對唔住呀:P

契媽錫雋雋，點可以唔去?? 而且都因為好早，所以雋爸可以返工前車我哋去機場，順道佢都可以送michelle一程呀 ....

花子，知道你好快就揾到屋又安頓一切，為你好感恩!!! 神供應真係足夠又及時，希望你好好保重，又讀書讀得開心 .... 想你早d返，返嚟又可以教雋雋畫畫 ...

不過又衷心想你可以讀多個Master in Arts Therapy 先再返嚟 (好矛盾!!! ^^)，因為我哋都知道好多人需要呢一種幫助 .... 畀心機呀!!!

宜家日本去唔到住，睇吓有冇機會去Melbourne探你，一個好artistic我又喜歡嘅城市 ... 

祈禱希望雋雋乖乖，8hrs + 機程真係好驚 .... 驚阿雋少嘈爆機，如果覺得佢ready，我哋一家會過嚟探你，等我哋呀!!! ^^

Take good care!!!