每年一次種植時間又到，接過小樹苗得個驚字，好怕繼 K1 後又害了棵植物。
今年係新畿內亞小鳳仙，仲要咁凍天氣開始種。。。
暫時有所增長，未知捱到幾耐，希望今次種好少少，唔好咁快謝><
2013年12月13日 星期五
6-12-2013 HKPS PN 面試
朗人生第一次面試。
但面試前兩日開始病了，去到今天12-12-2013，仍未好，黃鼻涕長流。
不同雋當年，以一月超大仔身份面試。朗只有十六個月大，加上病了，很累，傻豬豬地去參加面試，人又比當年多，家長義工安排一貫的混亂，由個別面試變成近兩年的組別面試，連雋爸媽都不知發生何事，總而言之，感覺很求其，很亂就完成了。
算吧！若不是那些雙非及龍 B當旺，學位緊張，我倒沒想過讓弟弟讀學前班。有，都好，沒有，都不太介懷。相信天父會安排合適的學校給朗。
報了名的還有幾間，但今年競爭激烈，有些學校今年只會面見大仔，朗屬於中間仔，不大也不細，屬第二梯隊，有沒有，或者又有幾多間可以面試都不知道了，隨機應變，隨遇而安吧！
畢竟，我覺得一個三歲前的小朋友，是應該盡情去玩，開開心心地過每一天！
好好休息，早日康復呀♥
K2 Show & Tell
12-12-2013（四）
人生第二次 Show & Tell，題目：冬天。
雋今次做得好，終於取得三個貼紙了，除了 2B 班老師讚賞，放學時其餘兩班老師及同學也在場，Miss WONG邀請雋再講多一次，完了，所有人一同鼓掌，我和雋爸都知，雋覺得好開心，自信，因為他的表現受肯定。
跟K1那次一樣，Miss Wong 將雋Show & Tell 材料留在班中，貼在壁報板上供同學參考；今次，還有另一些班的老師會借用。
不枉媽媽捱通宵為你找資料，剪剪貼貼，亦多謝您的合作，所以今次可以順利完成，亦比 K1 時有進步。
要繼續努力呀！！爸爸媽媽知道您可以做得好㗎！
2013年9月17日 星期二
2013年9月7日 星期六
完滿的一天
06.09.2013 （五）
1030
因應下午班，溜冰時間由星期一1700，調動到星期五早上，好感激好朋友仔 Darren & Aunt Karen 配合，先可以繼續一齊學溜冰。
驚喜，撞到師姐兼以前音樂系秘書 Eliza，鍾伯光太太呢，原來生咗個囝，又係根德學生，K2，世界真細小！
1115
小貓五隻嘅冰場，雋可以落堂後溜多一陣，同步雋爸同朗先去 Simply Life 霸位。其實都唔駛霸，同樣得三數枱客。多得今日雋爸放假，我哋可以食一餐好好味嘅 early lunch，不迫不趕好自在，仲買定下午茶蛋糕，好滿足！
1230
雋朗喺車瞓晒，雋媽又可以揸吓架車周圍去，又返去大學附近影印鋪影印，順便探人。影完都未見，以為運吉，臨走突然見到 Marine 舅母（中學同學嘅舅母）停喺我身邊，仲認得我，好開心！！好似返咗去讀書年代咁，傾咗陣，但話題已變咗係講小朋友／讀書／啲家長搵佢哋點整 profolio ，哈哈
1325
今年開學後，雋媽第一次正式送雋入課室，見到佢定咗，大個囝咗好多，班主任走出嚟同我講話雋呢幾日都好 OK! 校長，羅主任，Ms Cheng 都讚佢定咗好多，好開心，希望雋繼續努力，爸爸媽媽知你會做得好好㗎，畀心機♡♥
1600
接放學。今日泳會 term break，唔駛學游水，所以直去荔枝角公園踩單車同去遊樂場玩，媽媽又第一次推埋 BB 單車出街，畀弟弟坐吓，兩兄弟晒晒太陽，跑吓，踩吓單車，攰又熱，但好開心 ^^
媽媽真係好鐘意見到你哋笑，你哋開心，我又會好開心 ^^
期待已久嘅好天氣，充實嘅活動，造就完滿嘅一天，多謝天父，多謝雋爸！！！^^
2013年9月6日 星期五
2013年9月5日 星期四
旨朗一歲生日會
14.07.2013
旨朗轉眼間就一歲，快到難以接受 。。。
以前專心湊哥哥，日日陪住佢，覺得時間過得好慢。到弟弟，因為分咗半時間畀哥哥，所以覺得陪得佢好少，連 blog 都好少時間再寫，冇記低弟弟好多重要成長點滴及片段 。。。
剛去完台北返嚟，之前亦冇好多時間預備，但好感激身邊好朋友好姊妹幫忙，買嘢，訂氣球，佈置，影相 ，湊囝 。。。 我先可以為弟弟預備好佢人生第一個生日會 。。。
旨朗，你長大咗好多，你長得好似好似旨雋哥哥小時候，望見你就好似重溫緊幾年前媽媽湊大哥哥嘅片段，好唔捨得你哋大得咁快 。。。你係粒開心果，經常笑，個個人見到你都好喜歡你，有性格，雖然好嗲又癡媽媽，但又好獨立，唔鐘意人哋幫你管你，比哥哥更坐唔定，但有時又可以好專心 。。。
只希望你開心，健康，愛神愛人，爸爸媽媽祝您一歲生日快樂呀！ I ♥ you, Ethan!!!
2013年9月4日 星期三
Happy 5th Birthday to Chaski
暑假完結，開學前最後一日，極忙極累！
上午先去 Adore 再補影少少相，下午Percussion class，六點去玥殷五歲生日會。
開心見到雋肯同其他小朋友玩，又見到玥殷細妹同婆婆，契爸爸媽媽妹妹，為2013暑假畫上完美句號。
玥殷，祝您五歲生日快樂，身體健康，小一面試順利，可以派到間合適嘅小學！！
02.09.2013 K2 第一天
正式開學，新一年，終於可以用水壼，雋幾開心！^^
一早先去搵 Mrs Fielding，返屋企食個飯，下午就返學，第一日，已經要咁充實。
熟悉嘅環境，熟悉嘅老師，雖然今年唔可以同最鐘意嘅同學Chloe, 和仔，汪寧同一班，仍然希望你每日過得開心，又可以識更多好同學♡♡♡
訂閱：
文章 (Atom)