雋雋一直以來都係主打食人奶，佢到宜家都係有時食奶好唔正經，係餓到痴線先會同你好快咁食奶奶，平時用奶樽更加係"磨爛蓆"咁飲添，我哋都驚佢會成日唔 飽，但係我真係覺得佢愈來愈重手，都話重到我抱佢都唔夠力、又手腕痛。今日o係健康院上磅竟然已經4.82kg、就算扣咗條片片應該都有成4.5kg，成 10 lbs.嘞，一個月04日人仔、平均每星期重1 lbs.，正常都係0.125kg ja bor，所以d 姑娘同醫生都話好勁呀!!! 唔怪之得mama 隻手咁攰又冇力抱起雋雋咁啦，好大鑊
d 姑娘同醫生話叫我唔駛畀咁多奶粉佢，其實都冇乜畀，補奶粉更加少，唔好問我點解，我哋都唔知點解食人奶食到咁重磅，不過佢健健康康咁就算嘞，醫生同老公亦 話唔駛佢節食，希望佢將來唔會超重啦。而雋雋嘅頭圍、身長都多咗好多，佢係100個裡面排到90或以上o個d BB呀，都算大隻妙，唔知佢第日係咪好似baba mama咁都幾"長條"呢??
沒有留言:
張貼留言