返到屋企當然唔少得同雋雋嘅傻瓜合照啦 .... Baba，生日快樂ah (雋雋 上!!!)
(仔：唔好掛住睇電視啦 ... )
2009年5月6日 星期三
雋 Ba ... Happy Happy ... Birthday!!!
今日係雋ba 嘅牛一，生日快樂!!! 祝身體健康、主恩滿溢、EXIT 考試順利同合格、同埋順利轉做perm. MO!!! 願主祝福您呀!!!
今晚原本又plan咗同埋雋雋出去食晚飯，今年訂咗枱o係洲際食dinner buffet，不過酒店d staff話今晚都幾多人訂枱 (流感高峰，雋ba驚BB受感染 ... )，而且雋雋又唔食得，齋瞓同埋一餵奶樽又喊，所以我哋掙扎好耐之後又忍心唔帶佢出去，寧願早去早回返屋企陪雋雋。就係咁，今晚雋ba ma又可以有marriage time，已經係呢兩個星期嘅唔知第3定第4次嘞，好幸福!! 遲d、又或者唔知幾時先又可以有咁多marriage time嘞，所以我哋真係好好好珍惜，亦好多謝天父!!!
今晚成晚就一邊食一邊掛住雋雋，但係我哋兩個亦好開心，一來d嘢好味，二來側邊兩張大枱d人冇嚟，所以都好安靜，可以畀我哋好好傾吓計食吓嘢，感覺良好 .... 最開心應該係雋ba，又有buffet食唔在講，佢最開心係收到雋ma我嘅特製禮物，係真係好特製，雖然我耐唔耐都自製好多禮物同card送畀佢，又會買唔同禮物畀佢，不過今年我同雋ba都異口同聲話今次呢份禮物係最珍貴、最好、同最鐘意，係無價ga，由內至外都係雋ma一手包辦，總之裡面就裝滿晒呢7年來嘅美好回憶同天父恩典嘅見證 .... 我同雋ba見到都喊，真係幾感動ga ... 雋ba仲傻到叫我再包返佢又再送畀佢，佢真係好鐘意同好好好開心ah .... 見到你開心，我都好開心ah ....
(仔：唔好掛住睇電視啦 ... )
(仔：唔好掛住睇電視啦 ... )
訂閱：
張貼留言 (Atom)
3 則留言:
泥爸都計劃緊下個月泥媽生日食餐好嘅。本來都想去洲際食buffet，不過見"開飯"入面的comments好似好差咁！
食家雋爸媽，有冇意見呀？
"開飯"都係讚多過彈bor，你都係講The Steak Hse Winebar + Grill係咪??
食嘢呢d真係好主觀，不過雋bama亦都唔係冇要求嘅人。o個度嘅sunday brunch buffet係出名過dinner buffet，但就要好早前book位先有，我哋趕唔切所以食dinner，不過都好ok喎，d海鮮 (特別係龍蝦、帶子同蟹"kim"都幾新鮮，但就冇生蠔...)同刺生sushi都好味，熱盤都好多選擇，燒豬脾好味過燒牛肉，又有片皮鴨同竹笙翅。甜品好多選擇，不過我地食開淡味嘢，所以覺得偏甜，但係d cookies同豆腐花好好味 ... 仲有佢哋嘅日本綠茶都女1好好飲，加咗炒米ga，好似日本飲o個d，係我第一次o係香港食buffet飲到嘅味 ...環境你就唔好預好好，係個view幾好，但d枱比較密集。service好ok，呢個唔駛擔心。
如果你想再食好d，呢間餐廳嘅西餐都出名，牛扒同朱古力布丁都好好味，你都可以考慮!!!
其實我哋原本都想去Grand Hyatt嘅The Grill，都好好味ga，d海鮮又係好味好新鮮，好多salad款式，但主打係BBQ食物，我哋好"hot-air"，所以最後放棄咗 :P ... 但係室外，係泳池旁邊，得大風扇，你要預埋有BBQ爐、同埋會展工程有d"天秤"o係你面前郁郁吓，所以近期個view打咗好多折扣 ...
點都好啦，真係人人觀點唔同，當晚隔離枱有個女人一路食一路鬧 (主要係話甜品唔好..)，但係佢又不停係咁食同攞，仲係打尖o個隻(慌死會輸蝕咁 ...)，所以d人真係好奇怪ga...
嘩，多謝雋爸媽的詳細意見，泥爸一直都想試吓州際嘅buffet。不過近期"開飯"的意見麻麻地以為水準差咗ｄ！
我決定book咗先，除非泥媽特然想食其他嘢先改啦！
話時話，食家雋爸媽有冇諗過係"開飯"寫吓食評畀我地參考參考呀？
張貼留言