以雋ma嘅性格、加上每次起行前都仲有好多濕星嘢要擺落行李度，自己唔緊要，只怕帶漏雋雋必需用嘅嘢，仲要係 0930機，嘩!! 已經做咗online check-in，不過由於上機前又要餵藥同換片，即係要 8am要泊好晒車過機場啦，所以 .... 雋ma瞓得唔好，4:30am就醒咗執嘢同煲飯畀雋雋嘞 .... Zzzzzzzzzzzzzzzz *0*
例牌菜，架車泊4號停車場 2/F 係最方便又最近客運大樓，上次BEA visa有泊車優惠，今期又到citi visa做推廣，$300/四日，雖然我哋去7日，不過都慳唔少 ....
CX548@Gate 2，前所未有咁近，以為唔駛last call先到閘口啦，不過有人出門口前扭計唔肯飲奶，一來又早醒，所以擾攘咗一陣，最終又攪到8:30am先泊好晒車 .... 咁 ... 今次好少少，人哋多幾分鐘就開咪last call，呢個時間雋氏到咗閘口嘞 ....
所以呢，雋ma一早預早晒好多d時間係正確嘅，唔係我諗都唔駛飛嘞 ....
今次過關時嘅機場保安們，又走嚟撩雋雋玩，上次去同返香港都係咁，好攪笑 ..... 不過全靠有位大懵男士由未結婚到生埋囝、過親關都唔記得攞走部手提電話同鎖匙先過X光機，吓吓畀人截住，d人可能太得閒又悶，就走嚟同雋雋social一下 .... 不過今次好玩在，d保安畀埋支電棒 (即係o個支成日用嚟掃人哋個身、check吓有冇危險或違禁品支棒呀 ...) 雋雋玩，一"gum"就閃綠燈，雋雋最愛燈，即時醒晒攞嚟玩 .... 玩完一轉d叔叔又再攞嚟引多雋雋一轉 .... oh ... 好似唔係幾好，好似d保安好唔嚴謹同貪玩咁 hahaha .....
今次見到airplane，終於有反應，識講plane嘞 ....
等BB車中，好耐，已經係door side攞，不過其實個個嘅車都係放咗落cargo度，所以次次清晒人先會攞到 ....
Toyota Rent-A-Car 攞車，充滿障礙，因為畀"東ing遊"所累，多謝天父Rent-A-Car 嘅職員超好人，而且又唔怕煩同時間耐，細心用英語解釋過後再叫雋ba補返所有資料同文件副本，雋氏要求嘅銀色WISH + 禁煙車 + car seat全部冇問題，最感動係呢位女職員最後幫雋氏安排埋O係南新宿Toyota還車，話近Keio，最後車又到埋、見雋bama仲處理緊情緒十分之壞嘅雋雋，又餵飯又要去換片，叫雋氏唔駛急，可以慢慢等我哋，日本人(大部份)細心同埋有禮貌、仲有服務至上，就係可以o係呢d地方見到同感受到 ....
"東ing遊"話唔得嘅嘢全部都得，多得佢乜嘢資料都冇畀東京Rent-A-Car?? HAHA .... 不過，呢間廢旅行社害雋氏等多45mins.，去旅行，一寸光陰一寸金呀 ... 我哋嚟7日，扣埋坐車坐飛機瞓覺時間、實在得5日，為d咁嘢而浪費，好貴又唔值囉 ....
our WISH ...
check好晒架車有冇花咗同其他問題，簽收好，再教雋氏set好個GPS - 第一站 Narita Aeon Mall，準備出發 .... 緊張中 ^o^
有人開車前話栓好個尾門，點知行咗冇一分鐘、轉第一個圈，個尾門彈開咗，d行李同BB車仲向出口移動，嚇死人!!!!! 10個驚!!! 好危險，仲唔識立即停車攪返好，理由係後車跟得貼，咁唔該打死火燈啦，再盡快揾位停囉，唔係點呀?? 我覺得後面架車都好驚我哋，一嚟就出師不利，都係有人唔小心 ...
有個仔同個怕死嘅媽媽，唔該小心d啦 .... 一額汗 ...
呢架唔係自己香港架車，亦唔係最新2010 model，架車咁多人用過，會老化得快，所以都係要暴力d栓個尾門先栓得實 ....
http://rent.toyota.co.jp/en/index.html
Narita Aeon Mall，大人細路都啱去嘅地方，又大又多嘢賣，泊車又唔駛$$$，有小朋友嘅怕悶，o個度有好大個indoor playground係玩 Anpanman嘅嘢，又有thomas train坐，mama去shopping，baba 可以帶細路去kill time ...
http://narita-aeonmall.com/index.jsp
有多間日本名店 Comme Ca ISM、 MUJI、同埋大大間 Matsukiyo藥房都有，又有好多童裝店，絕對係入貨好地方呀!!!
今晚重點，去好大間又貨品齊備嘅JUSCO入貨，其實可以乜都唔帶、嚟到先買都ok，大人同BB都係，用淨就唔會帶返香港，個喼慳好多位ga ....
大大超市，係入水入飲品入生果零食、同埋買餸嚟煲飯畀雋雋食嘅好地方，決定咗每日都係DHA 餐 - 三文魚 + 蛋 + 春菊 + 豆腐，樣樣都係又靚又平過香港好多，一定要食盡佢 hahaha ....
鐘意日本超市間間都有免費冰任攞，所以幾遠車程都唔驚 ....
其實有好多餐廳選擇，不過雋雋好攰又心情麻麻，所以揀最安全又毫無壓迫感嘅food court比較適合 .... 日本嘅food court質素係好過香港好多，所以一d都唔難食同失禮ga ....
呢個鐵板燒好似香港有個food court都有，不過日本細心好多，唔會將d飯放埋o係好油嘅鐵板上，而且有好多菜，香港係冇乜ga .... 而且日本d牛肉靚，所以係會好味過香港食囉 ....
udon 好味不過雋bama一向食得清淡，所以日本嘅湯底對我哋嚟講太咸嘞 ....
雋雋寧願食白飯同淨udon 都唔係好肯飲奶，雋bama又要食飯，又係佢DVD time ....呢個墨魚小丸子好好味!!!!!!!! 日本好多大商場都有分店ga .... 我哋揀咗淡咖哩粟米薯仔汁，鐘意!!!
買埋雋雋嘅衫褲同雋bama嘅藥物同日用品，都差唔多8點幾9點，雖然日本時間快一個鐘，不過預埋揸車個幾鐘又可能要揾路，所以都唔可以留得太耐嘞 ...好可惜唔可以帶雋雋落indoor playgroud度玩Anpanman .... 如果慳返"東ing遊"累雋氏o個45mins，乜都去玩完啦 ....
順道一提，GPS只會顯示Aeon Mall 其中一個入口，不過Aeon Mall有成十個或以上停車場出入口，基本上商場內所有店鋪都通晒，你可以推住架shopping cart周遊列國，不過太大、行到腳軟，所以雋氏聰明d，唔跟GPS，一見JUSCO個停車場入口就入去泊車買嘢先，然後攞住六大袋嘢上返車，再驅車去另外嘅停車場入口，再去揾食同shopping，超級方便!!! 橫掂都唔駛畀$$$，所以泊去邊又泊幾多次都冇問題啦，好過做"咕喱"嗎 ...
日本揸車必行有料道路，唔係行小路又難行，好o徙時間 ... 不過就預咗貴嘞 ....夜媽媽，人又攰，又第一晚o係日本揸有料高速路，心驚驚呀 .....
最後，當然兜咗幾次路啦，有個收費亭仲經過咗三次添，原本過咁多個站都係總共5000YEN咁上下，但後兜完一輪，計計埋埋應該用多咗成2-3000YEN 呀 ....
冇塞車，終於到KEIO hotel，攪完一輪泊好車、又check-in埋，終於可以返房嘞 .... 不過唔=有得休息 ....
好大間房，緊係啦，upgrade咗去king size bed (咁就=係deluxe room喎 ...)，畀多咗$$，所以係去日本咁多次以來住得最好最舒適又乾淨嘅一次 ... 雋ma最開心又有自己一個梳妝台位，唔駛爭位用，係繼去Bangkok Peninsula 後嘅第二次 ....
長長工作枱，煮飯放嘢好呀! 有電視、又有Hi-Fi畀雋ma 播碟畀雋雋聽歌，非常好 ...
雋氏同酒店爭持好耐嘅BB床同safeguards，就係咁樣嘞 .... BB床，換片用多，safeguards 矮到無輪，一d都唔安全喎 ....
雋雋攰可以瞓，不過雋bama先係開始，因為好多嘢要執，仲要洗雋雋嘅奶樽同埋紗巾 .... 所以一定要食吓宵夜補充返 ....
日本藥靚都係出晒名啦，所以次次都唔會留手咁買 .... 超級好用去印暗瘡膏、好有效又好味漢方喉糖、喉嚨發炎噴劑 ... 樣樣都唔可以少啦，對於病緊嘅雋ma，真係好需要 ...係呀，前所未有坐飛機對耳同個鼻痛到雋ma想喊，真係好好好 ... 痛，一邊landing一邊畀好多針"吉"咁，個鼻又塞晒，個喉嚨又痛，所以話感冒未清就上機就實死，攞苦嚟辛 .....
沒有留言:
張貼留言