畀無良業主玩完一轉 ...
再畀癲狂司機玩多一轉 .... (有睇FB嘅就知啦，雋媽都唔想將d咁嘢再post多一次出嚟 .... 因為好癲 ....)
加上近來雋雋竟然轉咗凌晨三/四/五點谷poo poo ....
其實，真係冇覺好瞓同埋令個人更加神經質 ....
感謝天父，雋婆租屋事件暫時告一段落，因為好奇妙上星期六有一間新盤放出嚟，個agent又覺得欠我哋一個人情，一直hold住條匙到最後收工一刻 (限期一日，之後就要放出去畀埋其他分行 ...)，個好好人業主又肯等我哋 .... 雖然當日已經見咗另一個租客、仲係肯貴d租，不過因為雋爸嘅職業，所以就算知平d租都想見埋雋爸一面先下決定 ..... 最後，當晚十點幾，業主見完就決定租畀我哋，話會放心好多喎 .... 而且仲一次過簽埋臨時租約，咁雋爸媽就更安樂，亦都唔駛再疲於奔命咁周圍睇樓，真係好攰呀 ....
再開心係，雋雋近兩日開始又轉返正常用餐時間poo poo，免除雋爸媽凌晨起身處理佢poo poo、又攪到一家三口都醒晒之苦，oh ... 舒服好多 .... 希望唔好再反彈，唔係好想c ....
琴日，雋媽又打敗將，不過唔緊要，最緊要大件事攪妥，唔係日日都食唔安瞓唔落又勞氣，希望d黑雲唔好再成日o係頭頂，快d散、快d散 ...
阿門 ...
沒有留言:
張貼留言