雋婆今日又順利咁遷移去第8座 ....
最初第1座，就o係我哋隔離，已經覺得好方便 ...
第二次搬埋去第2座，一家上上下下連姐姐都覺得一百個方便 .... 樓上樓下，方便照應，真係著住對拖鞋咁走上走落都okay .... 最重要係有時有急事 / 趕時間要出去，雋婆由樓上落嚟照顧雋雋都可以好快到嗎 ....
今次，希望係短期內最後一次雋婆遷移行動 (起碼兩年約可以完到先啦 .... )，係就真係遠咗，初時覺得唔係好習慣，可能過去兩年真係太近太方便嘞 .... 宜家，一座東、一座西，後生嘅行吓ok，不過雋婆中過風又年紀大，雖則都算健步如飛，但係都要棟住支柺杖先安心，要佢成日行嚟行去好似辛苦咗d，特別係落雨天 ....
住近娘家永遠都係最好又最方便，我知道可以住同一個屋苑已經係好幸福 ....
雋爸媽宜家日盼夜盼係樓市快d見底 ... 跌跌跌跌跌，咁就係最好嘅入市買大屋時機 ....
如果下一次搬大屋，就好大可能會搬埋同雋婆、姐姐一齊住嘞 ....
沒有留言:
張貼留言