今次老師係Teacher Seema ....
新一堂，第一個artwork，不過由於油彩未乾，加上雋雋上的士瞓咗，所以落車時雋媽一邊抱雋雋、一邊要"咩"個大袋、又要照顧呢個artwork，手忙腳亂，不慎將個咀同鼻整"化"咗，very sorry @@ ....
都唔止，媽媽個Marc Jacobs都染晒紅色 .... sob sob sob .... 好得o係兩邊帶，抹完都唔係太起眼 ....
雋雋返playgroup最愛玩車、snack time ... 另外就係painting或者做artwork，係可以令原本好癲、又要扭玩車、扭眼瞓嘅雋雋安靜落嚟，又可以坐定定好耐 ....
閒時雋媽都愛陪佢畫吓畫 .... 儘管佢宜家都係似塗鴉為多 ^^ ....
興趣係培養出嚟，難得佢又鐘意，雋媽小時候都唔知幾想可以學畫畫，不過最後雋公只畀雋媽學鋼琴 .... 如果雋雋將來都鐘意，雋媽一定無條件支持佢 ^^ ....
基本上應該識又common嘅顏色、仲有金銀銅violet，中 + 英文名雋雋都認得晒又講到出嚟 .... 佢自細已經對顏色同d名特別有興趣 ....
最喜歡 .... 媽媽嘅心水顏色，PURPLE!!! 有品味 ^^ .....
前幾日家中painting之作 .... 其實只係畀咗紅、黃、藍三隻色，雋雋最鐘意亂溝一通 ..... 畫完之後雋雋話係"rainbow" ^^ .... lovely! 不過玩到o燧書展買嘅paint brush都爛埋 :P ....
又話要再畫，畀其他色佢，油多幾油又開始坐唔定 .... 係時間要玩其他嘢 ^^
9月8日，ArtPlay 第一堂，陌生環境，雋雋初時唔係好習慣，佢都係鐘意Anfield多d .... 不過雋媽都唔慣，一來得四個同學 + 四個媽媽/姐姐，兩個係闊太阿媽(仲係朋友、自成一閣)、另一個係菲姐姐，全部都傾唔埋冷 .... :P ....不過teacher Annie & Patsy都好好囉 ^^
雋雋愛painting，好專心，坐定定唔駛雋媽操心，不過有時都有麻煩嘢，就係因為雋婆呀、雋爸呀成日郁d又話佢呢度dirty、o個度dirty，攪到佢細細個已經有時有d潔癖，今堂ArtPlay要用手去畫，仲係一大撻gel paint咁畫落大咭紙度，雋雋一見到已經依嘩鬼叫，又話dirty、又話go down(要離開張枱呀 ...)、 go home、又叫wash hands ，喊咁口，不過係深藍色可能太恐怖嚇親佢，用銀 / 金色gel又好d喎 .... 其實雋媽都落手陪佢一齊，猛話ok唔dirty，不過用d時間啦，用brush就ok，希望佢下一堂會好d .... 加油!!!
作品，應該要四堂先可以完成，係一個海洋世界，好期待!!! ^^
為咗要訓練呢個囝唔好咁怕dirty，要學會對手係可以用嚟畫畫、messy ... but there's so much fun!!! 所以，雋媽又o係屋企開個壇畀佢painting，是日用手指同手掌畫，唔畀用brush ....
初時都有猶豫，不過有媽媽陪，加上猛話好玩，雋雋後來都一齊玩，仲玩得好開心 ...orange + favourite purple，出奇地夾，呢幅係雋雋 + 雋媽hand prints + finger prints 之作，鐘意!!!
花子契媽，係係artist，畫畫又靚，得閒過嚟教吓雋雋同雋媽啦，等雋媽平時又可以多樣嘢教佢、又可以陶冶性情呀 ....
1 則留言:
Haha, 有趣有趣~~~~看來雋雋色感強，有 art sense！ Orange + Purple夾，係因為那個橙色偏黃，在色彩學內Yellow & Purple係 harmony！
如果留意一下我o地日常生活遇到的顏色，其實是應用了色彩學內的原理，even看書你都會發現d圖會係o甘。
雋媽，我建議雋雋可以先用手控制到處理繪畫顏色，之後先比o佢用brush會好d，因為有時候用筆反而有局限，當雋雋練好用手、再練好用筆就可以互補不足。你可以教雋雋用自己手指當brush，之後再加手掌。雋雋繪畫時有沒用圍裙仔？
雋媽你都可以用你的手示範一d，基本形狀(triangle/ Square / Circle)雋雋見過 ge，可以從中看他可以模仿到幾多。
自問繪畫不是我的強項，不過都可以同你們一齊畫。
張貼留言