冬眠 ...

天氣咁凍，做乜好?? 

當然係冬眠最好 ....


凍到唔想郁、唔想出街，又唔想食咁多嘢暴肥，瞓覺最懶，不過就最舒服又開心 ...

其實雋雋都好恩待我，唔計半夜有時嘈醒你，近來天氣轉凍之後佢好多時都瞓到九點幾到十一點幾不等 .... 

跟住一點幾又瞓到三點幾，有時連自己都可以跟埋瞓 ... 


不過今日就NO GOOD .... 因為今朝三個都瞓到唔知醒，連Anfield都冇返，係第一次 .... 亦希望係唯一一次 :P ...


咁就冇咗幾舊水 .... 


上堂係今季第一堂，可能冇返一段時間，一早整醒佢，奶又唔肯飲，心情大差 ... 返到學校自然攰，慶幸乖囝咗冇車玩、未到食嘢時間同普通話時段都叫安靜，進步過上一期 ....


希望下一堂時天氣回暖，雋雋起身唔會太扭計，爸爸媽媽又知醒，佢上堂又繼續乖乖，少D咆哮啦 ^^