0224 ... 媽媽又同雋雋做小手工 ...
材料係之前打邊爐食剩嘅扇貝殼 ..... 又好一次廢物利用 ^^
睇雋雋玩得幾開心又專心 ^^ ...
(雋雋除咗學生字、玩車同埋食嘢以外，最專心就係溝顏色同埋做勞作嘞 .... 希望做多d又可以訓練到佢嘅耐性啦 ...) 
雋雋負責幫扇貝殼油顏色，然後又畀佢加d閃粉，大功告成!!!
簡簡單單，一個平平無奇嘅扇貝殼變成咁，雋媽都始料不及 ...
多謝雋雋幫手油顏色油到靚靚 (因為係佢自己亂溝顏色，我只係負責揀定幾種色畀佢自己發揮 ....)
雋媽最終決定將佢哋轉化為九種聖靈果子 ...
仲有兩個扇貝，可以寫埋聖經章節 ....
先用最愛紫色油加字，然後再上gloss ... 
聖經加拉太書第5 章22-23節 -「聖靈所結的果子，就是仁愛、喜樂、和平、忍耐、恩慈、良善、
希望雋雋長大後都會為呢九個果子而努力，做個蒙神喜悅嘅人 ....
而呢幾粒聖靈果子，仲未有最終定案點樣擺 ....諗過做多一棵樹掛起佢，不過蝸居冇咁多位擺 ... 又諗過貼上canvas度，不過又唔知點貼得穩(因為扇貝又弧度) ...
所以我諗最終都係要問遠在澳洲嘅藝術家花子契媽點整 ... ^^
2 則留言:
我記得那些是叫 gesso, 你可以去美術用品店找到～～
你地點啊，看到日本的新聞真係好恐怖, take care... Just finished my class and staying in the library... :P
係呀，最愛嘅日本攪成咁，原定今年去都唔可以嘞 ... 應該係話可見一段長時間都唔會去，有AADEN同行搏唔過，何況RADIATION咁大鑊，D水土其實都會出現問題，食物鏈一出事根本成個日本任何地方都會有問題，將來連日本奶粉都未必敢再四買啦，SIGHS ...
唔知會唔會因為咁可以去MEL. 探你呢??
你都要TAKE CARE，MISS YOU!!
張貼留言