2010 十一月東京箱根七天遊 -- 第四天 ... Hakone-Yumoto 上

繼續收拾爛尾blog ....

1118

寒冷、但陽光普照的一天 @ Shinjuku

冰冷、大雷雨 + 落初雪 @ Hakone-Yumoto

等車中@小田急新宿站 ....

 周圍都火車，睇到呆晒 ... 不停train train train ....

  就係坐呢架去Hakone ...

 不停站特急，會快好多 ....大約1.5hrs ...

 多謝米太教路可以上網預早訂車票+要求坐展望席(車長位在上層，如果坐到第一、二行雋雋就可以睇得好清楚)，由於我早多咗兩個月，romance car職員真係好好，日子一到真係通知我有位又留第一行展望席畀我地，開心c ^^ ...

 見到富士屋同湯本站，到箱根嘞!!!  四年冇見，好掛住!!

 今次一泊兩食箱根溫泉之旅落腳點 ....

 Yaeikan ... 彌榮館

 雋媽指定要住的，因為夠傳統，有家嘅感覺，而且好地道、好日本 ^^ .... 最重要有家族風呂，而且間房大到好似部屋咁，有700幾800尺+ ....

出面小橋流水好寧靜，我鐘意聽呢d水聲同聞d水味，空氣又好清新，好適合我呢d鼻敏感人住 ^^

食過好味soba就出發去坐登山電車

到強羅再轉登山纜車 ...

再去坐雋媽最驚嘅吊車 .... 當年honeymoon去Cairns 嘅 Skyrail Kuranda都唔敢坐，累到雋爸唔可以睇rainforest，浪費咗坐咁長途火車同$$ .... 所以叫自己今次要勇敢d，克服畏高 ....


原本大風大雨又雷電警告停駛中，正當等候纜車落車之時又突然取消雷電警告，我知雋爸都想坐上大涌谷，難得去到箱根咁遠，唯有硬住頭皮又不停祈禱咁跟雋爸同雋雋上車 ....


另一個原因，箱根過山吊車係雙鋼纜吊車，比其他吊車穩定好多，又大架，坐成廿人都ok，唔會好似海浪公園個d搖來搖去，最後真係好ok，視覺上驚，不過實際好穩定，所以個心定好多 ^^

 上到大涌谷太凍，而且4pm已開始入黑，又雨又雪，最終冇帶雋雋出去睇火山，亦都唔可以繼續餘下兩程吊車再去坐海盜船，當然有d可惜，不過總算去咗一半，希望將來仍有機會再去，唔想掃雋雋慶，車站內有好多車玩意，所以同佢玩咗一陣 ....


冇冷氣，室內都凍到騰騰震 .... 仲要換尿片  ><

 烈火警車 .... lol

 

 想玩Shinkensen ... 不過壞咗冇得玩 ....

 

 

 坐完登山纜車，到強羅又要轉登山鐵道返箱根湯本 ....

呢一程雋雋冇瞓，坐得耐、天黑落雨冇景睇，開始攪攪震，好得同車有兩個日本太太陪佢玩，可以鎮住佢一陣 ....

 夜雨中的Yaeiken ...

 旅館其實有普通房、以及不同尺數景觀嘅家族風呂客室，雋媽又指定要呢一間 --

 　「蓬萊」，因為佈置最鐘意 ^^

 

知道唔細，但去到先知比想像中大，大過自己屋企 .... 一家三口開心到暈!!!!!!!

有幾大 ... 一齊睇 ....

門口 ... (「蓬萊」是唯一一間在地下的客室，在浴場的另一邊，除了旅館職員，冇其他人會行到呢一邊，所以好清靜，唔會大來人往 ^^ ....)

入門口過咗玄關有條長走廊 .... 轉左先係小廳及toilet ....

 

最入係大廳 ... 真係幾大，人多的可以o係呢度開tatami瞓 .....

 大廳外的小陽台，雋雋鐘意自己o係度玩車同油顏色 ....

 大廳外、圖右邊門通去梳洗間 + 家族風呂 .... 冇暖氣到，夜晚真係凍到騰騰震 .... 水仲好凍，唔知點解gas heater開咗都係出冰水 @.@

我最愛的 ....

 沖涼位即係風呂出面  ... 等同戶外沖涼，因為兩邊通風 ... 好凍，超出預期 :P

 咁沖涼都係第一次，即時再跳落onsen都ok，不過都係易冷親，雋雋應該就係o係箱根冷病咗，因為真係好凍，經過埋下午上大涌谷，凍親，對唔住呀 >.< ....

 另一個小廳可以休息同埋睇住人浸onsen，或者好似我咁食食吓宵夜走出去浸都可以 :P

 睡房，半Tatami ...

 睡房門對住大廳入口 ....

 雋爸身後面就係toilet ....

有專人照顧我哋間房，好好人的婆婆，樣樣照顧好及安排周到 ....

 婆婆又入咗嚟預備今晚嘅溫泉料理 ....

 好味、新鮮、服務好，價錢仲超值，因為香港食一餐可能仲貴過我租呢間個室，宜家呢一餐係包埋o係房租度，好食、好玩、好住、好浸，今次真係好爽!!!

 其實我好驚呢個 .... 生猛abalone ... 仲郁ga ....

 但睇住婆婆放上火爐生燒，其實好恐怖，因為邊燒邊熱到隻abalone要逃走 .... 跟住我話畀婆婆知，佢就夾返佢入殼度再燒，好似好變態呀 ....

 本人呢就唔好呢d高檔嘢，加上睇住佢燒死，所以食咗一兩啖就進貢咗畀好此物嘅雋爸 :P

有d雋雋食得，有d生又唔得，所以都要整多一大碗香蕉cereal + cornflakes畀佢食 ....

 全枱都係食物 ....

 大家都食得開心呀 ....

雋雋都好鐘意呢度，夠大可以亂跑又周圍玩嗎 ^^

重點，浸溫泉 ... 雋雋好好好鐘意，當去泳池游水 ...

 有水蒸氣，好朦 ...

 超愛你嘅浴衣look .... Kawaii ^0^

 佢自己都好滿意，開心四處跑 ....

 

 附近7-11買到一風堂即食麵，好好味，呢度冇分店，都可以止一止口癮 :P

望住個風呂個人好平靜又身心舒暢 ....

邊食邊浸onsen真係好好玩 .... 

凌晨呀 .... 其實凍到得幾度，出面冇暖氣，而且風呂兩邊全通風，只有兩扇竹屏風，真係凍到震，不過d溫泉水好熱，浸住腳好舒服呀  ....

*************************************************************************************************
雋媽其實好鍾意浸溫泉，加上經年腰骨痛，所以特別揀去箱根湯本浸溫泉，因為湯本嘅泉水係無色無味嘅單純泉，專冶風濕骨痛、神經痛、甚至中風康復，而且少硫磺味就更適合未浸過溫泉嘅雋雋 .... 


因為爛尾，留到今時今日先再寫，不過311日本大地震後再次回顧，真係超級懷念，因為
"我是一隻日本精"!!!

因為好多原因，未來一兩年都未必可以再帶住雋雋去日本嘞，所以 .... 會放好多相，去留住呢d開心嘅日本記憶，希望若干年後 ... 可以再同雋雋同遊箱根 ... 仲有好多好多佢未去過嘅日本好地方 .... 

仲有好懷念10個月前嘅雋雋，原來好BB，宜家大個咗好多嘞 ....