倆心不會變

站在教堂的門前, 看見這一張親切的臉, 期待著溫馨的這一天.
共挽手的行前, 齊願真心真意並肩, 同渡每一天.
回想袮那天給我夢想, 袮能令我孤單了的心再不惆悵, 無用再受傷.
同走進教堂編製夢想, 有神在我的路上.
用無限愛心, 祝福我一生, 倆心不會變!
但願倆心不會變, 到地老與天荒也不斷, 仍然願意相守到終點.
若愛心減退了, 期望恩主把愛加潻, 神伴每一天.
用無限愛心祝福我一生, 倆心不會變!

係近期雋ma好喜歡嘅婚禮音樂之一 ...

雋ma冇去過上面video中嘅羊仔婚禮，只係好巧合地阿Pan搵雋ma做司琴時搵唔到呢首歌嘅琴譜、佢又想托雋ma搵，跟住o係YouTube竟然發現呢段片 .... 先係覺得background熟口熟面，係恩福18/F禮堂!!! 再影埋個新郎 .... ai ya ...係羊仔!!! 估唔到6、7年冇見好似大個咗好多(不過花子話佢其實一向都唔細 .... 係雋ma以前低估佢 ... hoho ...)，再見到司琴係Jayson，仲有熟悉又好聽嘅古董Steinway & Son Baby Grand嘅琴聲(咁清楚 ... 梗係啦，雋ma當日有份幫d傻人...[只係草擬+打咋吓 ... ]"老作"一大堆原因要教會向播記總會攞$$(即係b/s嘅奉獻$$ ...)o係老遠英國買返嚟ga .... 成廿幾萬ga，不過都唔及2/F正堂個七十幾萬咁癲，呢個真係濕濕碎啦!!!)，Oh!! 總之成件事真係極之巧合!!!

其實呢首歌都係Pan o係婚禮上獻唱送畀新娘嘅歌，原本係搵藝人之家嘅b/s獻唱，攪攪吓就變咗Pan自己唱 + Amazing May鄺文珣彈囉 .... 效果當然好啦，一個唱歌好聽、一個彈得好，而且同羊仔一樣唱得好情深ga，"num"屎人嘞 ... ，好可惜冇時間幫佢拍段片放上網呀 ...

o係度要代埋阿Pan多謝花子契媽同埋以前恩福兒童詩班partner Cherry，如果唔係你哋幫雋ma，雋ma根本唔可以o係咁短時間搵到晒所有譜畀阿Pan，而自己亦都會練唔切琴，你哋知雋ma唔多想返去揾譜，無奈YF嘅譜存量實在超級多同個library system好易揾，所以都要麻煩一吓你哋，更加要多謝埋羊仔，估唔到Cherry同佢仲係一個團契，可以幫雋ma直接問新郎哥借譜，所以無限嘅多謝同感恩!!!

花子契媽呀 ... 見到羊仔呢段片又勾起雋ma好多回憶 .... 有時想，作為一個會友，其實o係自己母會行禮結婚應該又有深一層意義係咪??? 當年仲係新入伙、又係我哋一眾人睇住成棟嘢落成嘅，記得我哋戴住安全帽走入去地盤睇嘅日子嗎??? 不過唔好記得同傻仔一齊去囉 ...haha .... 以馬內利浸信會都一樣好靚、而且大好多，雋ma同樣咁喜愛，所以到今日都冇後悔揀呢個地方，只係睇到呢段片 ... 都會有些少唏噓jeh .... 你有冇呀??

雋雋的第一次 -- 跌落地篇

好多人都有類似經歷，好似唔跌過都唔係細路咁 ... 不過雋ma真係盡力去避免，亦都做足預防措施 .... 可惜捉唔切就係捉唔切 ....

今晚又係得自己o係屋企on call，睇住雋雋全日都已經累極 .... 因為佢一來好大隻好重 (應該25lbs. 或以上嘞 ...)，又成日好貪玩跳跳紮又鐘意"un un un"，今晚準備餵奶瞓覺之前佢就o係雋ba ma張床跌咗落地下 .... 仲要係個頭落地先，好大聲"bong"一聲，雋雋嘅激喊聲當然係立即爆出嚟啦，而睇住佢跌落地嘅雋ma都忍唔住大叫 + 流咗幾滴眼淚... sobsobsob ，都有d嚇呆咗幾秘先識反應跳落床抱起佢。雋雋真係喊得好淒涼，今次唔係詐嬌 .... 佢右邊額頭立即又紅又腫，右邊面珠同眼眉附近位置都紅晒，真係好痛 .... 應該佢出生以來都未試過咁痛 ....

當時雋ma係鋪緊雋雋d床鋪，雋雋o係身邊又坐又想扶住床欄企高咁，都已經捉咗佢幾次坐低，但都係貪玩要擒高擒低，就係o個一秒，佢個頭向外"鐘"到好出又好低，失咗重心，雋ma想捉住雋雋時佢已經連腰都跌埋出床欄外 .... 成個人倒轉向下"鐘"落地下，真係捉唔切。

雋ma都好對唔住，如果自己可以再快手d捉得住雋雋佢都係嚇一嚇 ... 唔會成個跌埋落地 .... :( .... 唯一係雋ba ma張床係唔高、矮過膝頭dd囉，如果張床再高咁跌法都唔知點算，已經得自己一個，真係嚇到個心都跌出嚟呀!!! 不過雋雋企o係度咁從頭落地都有返d高度，都係衰ga la ... 希望呢次係唯一一次啦 ....

其實呢兩日雋ma先諗緊不如買多d地蓆鋪o係自己床邊，咁隻衰豬就算百厭跌落地都冇咁傷ma。成日就係咁、未做就出事!!! 都係唔好諗咁多呢d嘢，同埋要快手將佢BB床都要再教低一格囉 (唔係唔想教，教咗啦，不過雋雋生得高大、企起身膊位高過床圍，係知危險，所以行開行埋都好小心又搵嘢圍住佢，只係雋雋未識完全靠自己坐 / 企起身，如果呢個階段將佢張床教到最低個格，要有風濕腰嘅雋ma由張床抱起佢真係好艱難，有時陪雋雋瞓覺想坐o係度拍吓佢都唔得囉，就算雋ba都話咁抱起雋雋有難度啦 .... )。希望雋雋乖d，經過呢次唔好再咁貪玩嘞 .... 雖然雋ma都知佢唔會，因為頭先激喊完一輪又開始作反想玩 .... 好明顯冇事囉 (人哋仲叫我點點點幫雋雋check呢度o個度、又點順序"gum"肋骨、又用電筒check瞳孔、又問有冇嘔....etc，攪到雋ma更加驚咁 ... 不過覺得自己好似醫生囉 .... hahaha .... )

雋雋瞓咗嘞，不過間中"er"幾聲 ... 發緊夢，希望佢唔係發惡夢啦 ....

聖誕燈飾....

近來TST夜晚好多人，因為聖誕燈飾出咗，好多人都夜晚湧出去影相，周圍都勁多拍友，特別係呢個一個海港只有一個嘅商場 .... 年年都熱爆....
舊年雋ma大住個肚d骨痛到飛起，所以都冇乜去出。今晚都唔係專登去ga，搵鬼有mood仲去影相咩 .... 只係要去BnM幫雋雋買尿片、防撞膠同埋濕紙巾，咁又要去Citysuper買急凍有機粟米粒煲粥畀雋雋食 (其實次次買親都4袋起碼，千叮萬囑雋婆同工人如果淨返一包就好出聲叫雋ba ma買，因為唔一定有貨，結果今次又係唔到冇得食之前o個一兩日先出聲話冇晒囉，次次都係咁!!! :( ... 所以死都要死出嚟買啦係咪??? 最緊要阿仔有得食吖 .... )，又要買多一兩套厚睡衣畀雋雋著，其實雋ma本來都有嘢想買ga，不過帶住阿仔又買咗咁多嘢，都唔夠時間又攰到屎，咁邊恕有機會再買自己嘢wor??? 淨係渣車路過Vick樓下買咗支護髮素，真係連頭髮都未約到時間剪呀 ........ 還好係架BB車負重量極高，所有嘢都可以掛晒o係車度，唔係真係攞到手都斷，o係人來人往嘅Canton Rd上行走都係幾"ar ja" ga，本身架車已經大、左右又幾大袋嘢吊晒o係度，不過唔理得咁多，畀得咁多$$都係要架車仔分擔吓我哋嘅嘢啦，所以少少阻"訂"都係咁話 ... 同埋佢成日都係雋ma嘅開路先鋒嚟ga ... hoho....

雋雋對d燈飾極之好奇，成日掛住望燈　唔記得望鏡頭 ....

另外係mama覺得自己好似高咗 ... 同埋係謝咗 ... wah ha ha *0*

好攰，但既然都路過呢頭買嘢、又o係附近嘅6號停車場泊車 (宜家如果帶住阿仔又有BB車就一定唔會泊海運，因為對有BB車嘅人極之咁唔user-friendly!!! 上落超級麻煩，而6號停車場就好好多，去買BB嘢可以由地面去，去商場又有lift直達，最緊要少好多人泊呢度，乾淨企理，所以好耐之前開始已經係泊呢度多 .... )，所以o係咁2、又唔好失手勢、快手影咗幾張唔多好嘅聖誕燈飾相，呢個 ... 都係雋雋嘅第一次!

午茶@科學園

今日約好Vally同玥殷去科學園飲茶、又諗住帶埋單車仔畀兩個細路o係海旁踩吓，我哋嘅新聞之花WingWing就冇咗影，約唔到佢一家出嚟，懷疑佢係上咗Da Lu ....

由於FungFung Sir去咗跑Nike馬拉鬆，所以雋氏既然約得人去玩，當然有義務同責任去接載人哋妻女啦，又凍又落雨，況且佢都係住科學園附近jeh ... 咁緊係要管接管送啦!!

出奇地多人，好得訂咗枱，食物都okay喎，好過雋氏樓下o個幾間先啦 ... 主打小朋友節目：踩踩三輪車 (其實都係大人o係後面推、扮吓嘢咁囉 ...)，very sorry!!! 飲飲吓茶又走嚟落雨，飲完仲好似愈落愈密，原本Vally話朋友會去佢屋企探佢，雋ba ma都諗住畀雋雋玩吓先走，費事成日好似去親街都冇乜機會畀佢玩，呼吸吓郊外新鮮空氣都好啦，點知雋雋踩單車先嚟落雨、天公不造美，少少掃興而回 ....

仲有係雋雋第一次出外時喊得咁緊要，係一坐埋枱就喊，全程大人一邊食就一邊抱出抱入，就咁抱佢、留o係茶樓內都好唔鐘意，食粥、飲奶、食餅、瞓覺、玩具、睇風景睇車通通唔work!!! 雋ba ma真係諗到冇嘢好諗，好懷疑雋雋係咪撞見d dirty嘢呢???

驚恐又緊張嘅一餐，雋ma一邊食皮質醇一邊增加，成身汗、有d暈，都唔知雋雋做乜，出返去九龍都係咁，返咗屋企先好dd ...短短嘅一聚，兩個mama帶咗相機都未有時間影吓相，好多話題亦都未講，sighs .... 希望快d再約下次聚會啦，雋ma好掛住自己d朋友 .... 好多都好耐都冇見嘞 ....

雋雋的第一次 -- 紫菜米餅篇

第一次畀呢d口立濕雋雋食，話就話6個月大就可以食得，不過為防呢個生於高危敏感家族嘅小B受到不必要嘅敏感疾病折磨、亦唔想佢食到咀"diu"，所以雋氏一向都好嚴格控制雋雋嘅飲食，呢d小食畢竟都算濃味(相對於其他baby food而言)，而且少.....極都係有d咁多鹽份，兩歲前no salt no sugar .... 雋氏一定會盡自己所能去達到呢個目標，所以雋雋去到成10個月有多先畀佢食第一塊咁嘅餅 .... (平時只准食星星餅 & organic apple puffs，不過唔會咁濃味囉 .... )

原來世界上有d咁好味嘅嘢食ga???

食咗一啖自己o係度偷笑，跟住就充滿疑惑 ... 係咪真係食得落肚???原來自己可以用牙齒咬開塊餅ga???

mama ... 係咪真係可以畀雋雋成塊食晒???

今次係，有得食好食嘞，有衣食之餘 ... 最重要係mama唔知又隔幾多個月之後先會再請你食ga la ... 仔，少食多滋味呀!!!

雋雋你真係大個仔咗好多，唔係只係個樣好似食咗大量老積散咁變得大個樣，而係你嘅行為表現各樣都大個咗 ... 好快，快到、大到mama都好唔捨得 ... 以前你連渣塊牙仔餅都渣唔穩，今次唔駛mama幫你都可以食得好自在又算企理，進步咗，應該為你高興!

再會律師樓 ......

夜闖迪迪尼 ......

有人pat pat痕，無神神話renew咗個annual pass、又話想去，咁就去囉，原本三點幾出發，雋ma發皮四之後變咗5點幾先出發，再加上去到d樂園職員效率唔太高，攪咗十幾分鐘先畀雋氏攞得到個新annual pass，最後6點有多先入到樂園內.....

攪乜東東個天都黑埋先帶我嚟呀??

是晚所有遊戲設施1930就收爐，放煙花影響範圍 ... 又即係想同阿仔玩o個d ... e.g. Dumbo、Coffee Cup、木馬就收更早，1900已last call，好得最後都仲玩到 Dumbo & Coffee Cup，加埋Winne the Pooh，仲有真係全場得返雋氏一水嘅小小世界(不過好多謝d職員畀我哋坐員工lift落去、又快又慳時間又唔駛抱住雋雋重咁耐 ....)，就係咁今次無離啦更、夜闖迪迪尼事件就此完結，去廣場食埋個超緊張(雋雋眼瞓就會令佢自己同身邊所有人都好緊張 ... )、催命符(雋雋見人食嘢、自己又得奶同星星餅食，玩又玩到冇嘢好玩就會催到人七彩啦 .... )、又唔飽嘅晚餐(比較細份，當lunch okay! 不過晚餐唔掂，雋ma宜家需要好多能量先得ga ma .... )

出世後第3次去到小小世界，好似好熟悉，今次亦比以前更加留心去睇每樣嘢，同以前一樣 .... 渣到拳頭實一實、好緊張咁!

8點幾嘞，唔該快閃，BB我要瞓覺呀 ...

HKCC 20周年 ...

有人要on call，已經得自己湊住雋雋，出唔到街咁又點會返到去睇吓呢??

多謝Klaus咁有效率share條片畀我，唔可以親身返去睇都有個紀念。有d舊同事都成日話想見雋雋，不過都仲未有機會帶佢返去會一會各位，希望遲d有機會啦 .... 仲有我擺咗成兩年幾嘅細軟都未搬走呀 ... haha

http://animoto.com/play/1XVRJDKu61eamIawExci2w

睇完有d掛住d戰友 .... 當然係有好又有唔好啦 .... Klaus, Viola, Rowena, Janet, Mon, 中學小師妹Emily, Alex, 蕭公子, SM(M), SM(V), CM, Peter, 前台同事 ...... etc.

有d係睇住雋ma大ga，因為一畢業第一份工就係Festival Ofc，d阿姐阿哥當年仲係AMs，到去CC做 (查實都係佢哋叫返雋ma返去做 ... in就in啦，都係少少造馬成份想邊d人入去做就係邊d人嘞，但話雖回頭、都係要好認真in一次ga，不過得自己同加多一兩三個人囉，其他係陪跑，因為老闆們心目中都有晒人選、都好人工化ga，hahaha!!!)，佢哋好多又升晒上M/SMs，所以真係陪住雋ma成長 ，工作上都係亦師亦友啦，都係幾有緣ga!!! (其實係LCSD Culture field好細jeh，o係MO時成日book場rehearsal、攪concerts、music camp 咪又係同返佢哋合作 .... 其實都係同出一系 .... )

唔知PS同事又散晒o個堆好廢、又唔知整嚟做乜、放o係Tom Lee Souvenir Shop 又賣極都賣唔去嘅CC souvenirs未呢?? haha，每年都係等呢日"Fun Day"散咗佢哋，祝佢哋好運同埋個倉唔好再年年月月日日都咁淪陷feel ....

立立雜 as @ 04112009

雋雋呢幾日勁食手指、又狂咬硬物 (e.g.坐BB車就咬圍欄、出街食飯就咬張餐枱、鞋底、雋ma嘅drum sticks、某人嘅boxer ... etc. 咁囉)，都知唔係好嘢，又係出牙時節囉，今次係上排中門側齒，兩隻一齊嚟，要幾痕有幾痕、想咬乜又同你咬乜，阻到一時阻唔到成世，不過睇見佢咁痕咁辛苦都幾心o翕ga，心情當然又冇咁好啦，總之全屋都係衰氣啦，Jennie，你o個日話自己諸事不利，我都覺得好適用於雋氏呢排嘅生活裡面囉 ....
咁開心做乜呀你郭雋雋?? 睇你個樣 ... 又食咗老積散啦!!! 一見相機又自動交足笑容 .... 如果你係經常交畀阿ma就好啦 .... 你阿ma我呢排好唔老泥呀 ....
仲咁得意做乜，係 ... 冇錯雋雋你著咗件Elmo上身的確kawaii，不過你要理解點解你換咗套咁嘢 .... 就係你爆大屎!!!! (以下內容會令人有嘔吐感ga吓 ....)

話說雋少近期最愛roll over又成日"un un un ..."，攪到條片好易移位，已經成日o係highchair爆屎，爆都唔係問題，問題係佢動作太大，爆完又坐到好"pei" ... sir晒個人落去，咁d屎就 .... 唔駛多講詳細情況，總之係super dirty!!!!!!!!!! 張cotton seat pad成日都要洗、洗咗又好耐都唔乾，所以都係決定要去買多張SLEX PVC seat pad畀大少坐，唔係攪唔掂 ...

好 ... 餐返隻艇返嚟繼續講今次呢督自雋雋出世以來爆得最dirty嘅屎，程度達9.9級，佢身同腳全部都係，由highchair抱佢出嚟時未知爆大嘢，就咁抱左佢上身.... 即係雋ma全身都係啦，真係一條粗直線咁落ga，好多粟米、菜、紅蘿蔔殘渣癡晒o係雋ma件衫同衭度囉，跟住唔夠力先放佢上highchair枱面，咁又成枱面都係，行經sofa旁應該係雋ma條衭又"high"咗埋去，成個側邊都係屎屎囉 .... 9秒9一 齊沖入toilet沖涼，阿仔好掙扎 (因為未鋪好一向o係浴缸沖花洒浴張鴨仔墊 ... 係連埋一個坐位ga，冇咗雋雋有d驚，情況同o係日本酒店沖花洒浴時一樣 ....)，掙扎得來又癡落阿ma件衫度，咁就有一舊屎仔 (都有2-3cm ga ...)癡咗落雋雋個頭度，仲癡實d頭髮攪好耐先整走晒 .... sighs .... 知唔知乜嘢叫做由頭屎到落腳呀?? 直情係遍浴缸都係黃金，前所未有咁messy!!!!!!!! 雋雋，你要好好記住，大個你要多謝mama呀 .... mmmm 諗起都仲聞到陣味想嘔呀 ... 10 x 反胃 ... sorry sorry 影響埋大家添 hohoho ....
o係街d人成日問雋雋係唔係女仔，到宜家都仲有人成日問，其實阿ma已經打造到雋雋好boyish，唔知點解都係每日有人問 .... 好得之後都話雋雋得意又lovely，算係補返數啦 ...
生咗BB後都少咗好多去CWB，因為好多地方育嬰設施都不足，所以唔係有嘢買都唔會多過嚟。不過近期喜歡去Cafe 1 afternoon tea ... 係weekday去，唔係weekend同d人爭食tea buffet ...

Weekday只提供a la carte、當然係貴d啦，不過食物都ok，最重要係乜呀??? 就係冇乜人囉，唔駛等、唔駛迫、樓下有carpark(不過冇優惠)、又有lift直到(唔似一個海港先有一個o個個商場咁唔baby/mama-friendly ... 但係$$$就照賺你，果然係陰質$$$ .... )，全場數埋得o個5-6枱客，每枱又隔得遠，如果雋雋發癲都唔會太嚇人嗎 .... 而且少人所以一定會坐到window seat，咁雋雋又可以睇佢近期喜歡嘅"car" .... (喜歡到baba mama教佢講"car"、佢都可以幾準咁講"car"，唔係講笑亂咁o翕ga，雋雋真係知道"car"就係車，攞架車仔畀佢都知ga .... )，雖然又要加埋餵雋ma唔係好想餵嘅奶粉奶同餅仔、又要同佢玩車仔，不過多樣嘢畀佢睇、又望吓維園、好多車塞車、同d街境都係好事、又可以分散佢注意力呀，望住人哋個開放式廚房炒吓udon、整吓燒鵝咁都可以望好耐嘅，幾好吖 !!! 仲有係呢度商場toilet改咗，比以前進步好多，就係另有兩個預留畀cafe客人用、要酒店匙card先入得去嘅toi toi，所以乾淨咗好多、又唔會多閒雜人用、又有換片廁格，所以係雋ma近來最喜愛去嘅CWB食食肆之一 ....
今次食咗好大隻hotdog .... 成百蚊隻，係好好好大隻，不過都係比唔上何文田勝利道熱狗店嘅熱狗 .... 特別係個醬汁 .... 咁又唔係唔好食，都幾ok ga，不過熱狗店又平又好味又夠地道德國feel，成年冇食嘞，所以好懷念jeh ....

聽日雋雋10個月大，大個仔咗好多，又長咗重咗，宜家識扶住嘢企、mama扶住佢可以o係個廳行一轉同埋自己都識識哋左右腳輪流郁、唔肯爬、只係用個頭鑽地加"gut"起個pat pat、識shake head、shake hands、wave hands、識自己攞住隻杯飲水飲湯、都只係識講baba mama同car car、對腳同手板大隻咗、 ... 同埋最新係有6隻牙仔囉 ....

10個月大報告完畢 ...

Sexy??? 既然都跌咗一邊膊，都唔差在整跌埋另一邊啦係咪??? kakaka ...

仲有兩個月多d .... 第2個屬於雋雋同雋ma嘅attachment .... 即將要完結 (暫定jeh，阿仔接受唔到住都可能要再遲d實行 .... 都係要一步一步慢慢嚟啦 ....)第一個最直接嘅attachment，當然係雋雋仲係小BB、係雋ma肚內孕育成長嘅39週啦 .... 係完全屬於雋ma嘅，好多感覺同感受亦只有自己知 .... 所以生完都好多不捨，冇錯係開心見到個真B，不過覺得個肚平返亦好空虛同唔捨得ga ....BF係第二次屬於雋ma同雋雋嘅attachment，都好close，所以愈來愈近要幫佢戒奶嘅日子，有時諗起都好多不捨同埋幾傷感，唔係講笑ga! 莫講話呢個都算好癡mama身嘅仔到時實會喊，就算連餵大佢嘅雋ma都會唔捨得啦!! 看似會係一身輕又乜都可以食 (其實雋ma都冇戒口 .... 只係d令人食咗會少奶嘅先唔食，魚生朱古力綠茶中藥辣都通通照食冇問題wor ....)，不過o係呢段似長還短嘅10個月裡，每日都有好多只屬於雋雋你同mama嘅時間，mama會同你一齊祈禱，又會唱好多詩歌、兒歌畀你聽，食完瞓咗會幫你剪指甲，有時又讀聖經畀你聽，mama又會睇BB食譜睇吓整乜好嘢畀你食，又會講mama嘅開心同唔開心事畀你聽，一邊餵奶又不停爆人奶屎屎要一餐換3條片都有 ..... etc.，其實係你陪咗mama好多好多時間就真!!! 都係快樂時光嚟!!! 每次見你飲完奶如果瞓咗、個樣真係好peaceful，而且會瞓到笑笑吓，mama都會好開心好安慰ga ... BF係天父畀mama送畀雋雋你第一份最好最有益又最珍貴嘅禮物，mama好感恩可以做到又堅持到咁耐，令mama重拾返一d"自己都有毅力、都可以做得到ga"呢種感覺 (好似遺忘已久 ... 因為唔知幾時開始個人學會好容易放棄 .... 以前為咗考試、表演而可以一日練12hrs.鋼琴嘅雋ma ...唔見咗! 可以作曲作到凌晨6am、然後瞓一個半鐘起身返學、只飲一杯齋啡又可以好精神咁開始第二日打仗嘅雋ma ... 唔見咗! 可以同一時間完成好多個projects又做得離奇快嘅雋ma .... 唔見咗! 人哋睇死你做唔到、但偏偏要咬緊牙關再去做好佢捱埋過去嘅雋ma ... 都唔見咗!!! 請問"自己"去咗邊呀??? )

其實最重要，係想你健健康康、又開心快樂咁長大 ....

無數嘅日與夜 ... 瞓得唔好、又好疲累、一對變咗更大更黑嘅眼圈 ... 又算係d乜呢???

就係想見你呢個最classic、最屬於雋雋你、最幸福快樂又滿足嘅笑容 .... I Love You!!!其實醫學上最大效用係頭半年，之後就唔差太遠 .... 咁當然都仲係好過奶粉嘅 ....

孟博士o係中醫立場就話max. 9-10個月就好嘞 ....

不過西醫一般情況可以嘅就係話9個月至1年最好啦 ....

加上雋雋都係不幸被列入高危敏感家族嘅其中一員 ....

所以雋ma選擇1年 .... 即係起碼困身1年 ... 不過係自願嘅 .... 冇人迫我，亦都冇人叫我放棄過 ....供應尚可，一直唔駛補奶粉，只係6個月大開始食固體食物，加上近期都要開始為戒奶鋪排吓，所以好間唔中o係5pm o個餐飲得好少嘅下午茶奶 / 出街就會畀奶粉奶奶雋雋飲 .... 等佢再適應多d (因為佢都係唔太鐘意飲ga ..... )真係要再再再再多幾次多謝天父畀雋ma可以做得到 ....

多謝雋雋畀面鐘意飲 ...

多謝孟博士嘅中藥 + Organic Mother's Milk Tea + Yogi Tea for Nursing Mom + 屋企人每日去美孚買畀雋ma飲嘅鮮榨無糖黑豆漿及間中煲吓嘅木瓜魚湯 .... Gina Ford書中教嘅餵奶方法 ....... etc.，各樣各樣，都係惠及我可愛嘅又大大隻嘅雋雋BB .... 尚餘兩個月，雖然雋ma都未達到最終目標，不過都容許雋ma自己o係度唔知醜咁為自己鼓掌幾吓 ..... clap clap clap .... YEAH!

最後立立雜又水蛇春咁長嘅文章中又要多謝Adore一次，今個星期六可以先攞大相、全部4R相同埋大相架，相薄要做layout所以要遲d。要多謝Collen叔叔嘅就係呢本新上市嘅相薄，唔計kick-nick-card-nark嘢都8舊幾9百蚊，出layout仲貴多d，不過好睇d又可以放多d相(around 30張啦 ...)就冇計啦 .... 當雋ba ma千辛萬苦花咗好多個晚上揀咗相薄d相後 (因為好多都好靚，係要花時間揀最最最鐘意o個d囉 ... )，隔左兩日Collen叔叔話雋雋d相影得好好、唔好揀咁少浪費晒 (咁係你哋話只可以揀30張先ga ma ...)，可以唔額外收錢畀雋氏加多十幾二十張相wor .... wow!!!!!!! 真係開心屎同埋兩眼發光，ja ja nam 揾返之前被迫要放棄嘅相，都有成23張ga，再排好次序畀Collen叔叔揀，因為預佢要delete一d所以要排序，點知佢之後冇話要delete仲應該可以放晒落相薄，咁係咪真係要再一次咁多謝Adore先??? 雋雋都要讚你，因為你表現好 ... 雖然喊不停但又影得好，所以張張都得意，宜家終於大部份相都可以分別落晒o係相薄同相架嘞 ....

原來 ......

幸福? 唔知呢? 每個人標準唔同，又或者旁人睇同局內人自己經歷又係天與地兩回事 ....實在太多可能性嘞 ...

好唔鐘意明明覺得有d人唔好，但旁邊每個人都讚佢好 ... 係好主觀，她自己先係受眾，當然自己感覺經歷行先啦，係真係覺得唔好就係唔好ga 。好多人一直都唔理解，以為她是身在福中不知福咁，有苦又幾多個人同明白呢? 幸福嘅人、又或者一生冇乜大上大落、又家庭完整嘅人係永遠都唔明呢種人，可能有人會覺得怪，其實一d都唔怪，只係旁人見得少、經歷得少....

唔開心經歷同記憶係唔會被時間洗去，因為係發生過、係事實，有時亦唔需要刻意抹走去，抹走咗，就唔再係自己人生一部份，呢部份係可以提醒自己好多好多口嘢ga ... 天父有時都係要人經歷好多唔同又特別嘅事，為嘅係要人去更認定神、認識自己、又令人更堅強。不過通常又會有兩種結果，好嘅係更堅強更堅定，相反係變成咒詛、行咗去另一個方向囉。

每次事件都會有不同結果，有d係令人堅強咗，有d別人以為冇乜重要性又唔特別起眼嘅事就 ....唔駛多講啦。其實事情嘅開始同終結都真係好人為，到最後個結果係唔好，有時好可能係當日有d人處理得唔好，識同唔識處理、要黑/白/或要做別人討厭嘅牆頭草常站於灰色地帶而令人生厭 .... mmmm ....其實種種，都唔係自己可以控制得到 .... 因為係別人自己選擇，不過唔好事後成日講後悔囉 ...

有多一樣令自己開心嘅人或事出現，亦都唔等於可以洗刷以往嘅一切 ....因為一個人並唔等於另一個人 ... 有個傷口就係有，唔會貼塊膠布遮一遮就同自己講個傷口冇咗 .... 仲要有一種人好鐘意係人哋傷口洒吓鹽，咁又有冇可能好返或者冇疤痕呢???

輔導也好、臨床心理學家也好，佢哋成日提醒人，唔好叫唔開心嘅人「你唔好唔開心啦」、唔好叫滿眼眶眼淚嘅人「你唔好喊啦」、「你諗多d開心嘢啦」、去喪禮唔好同人哋家屬講「節哀順變啦」 ...etc.，呢d所有所有，其實無補於事，理智上係知道出於好意同關心，不過，情感上對人哋係一種傷害同壓抑。

傷心嘅人想喊，你叫佢喊出嚟啦，唔開心嘅人想講說話想抒發，係好朋友嘅就畀佢講同發洩啦，已經諗唔起開心事嘅人就唔好再迫佢諗開心事啦、諗到又有幫助就唔會唔開心啦 .... 其實種種都只不過係聖經所講 --「與哀哭的人同哭」嘅道理，冇錯，受傷的人、難過的人，就只係需要呢種最簡單嘅對待，陪佢哭、陪佢笑、好想有人同行，好朋友也好、家人也好、弟兄姊妹也好，唔係最簡單就係咁嗎?? 愛同關心就係咁簡單囉。唔需要多說話、多教訓、多道理，有對聆聽嘅耳朵、有個真心、有雙可以隨時相借一用嘅膊頭、有對溫暖嘅手 .... 好多受傷嘅人就係咁諗ja ma ....

又有幾多人真正明白呢??