Abraham's Happy 2nd Birthday Party .....

多謝啤宅邀請雋雋一家出席一一兩歲生日會 ....

@星星音樂天地 .....

沿途o係吐露港公路巧遇啤生架車 .... 係全靠+0 o係車上狂揮手引起雋媽注意，所以o係大埔失去晒方向感嘅雋爸有救星，後段跟實啤生，安全又快捷到達目的地 ^^ ....

我哋，應該係第一家客人到，係唔係?? ^^

不過有人扭眼瞓，早到就早早攪攪震 ....

一個喊、兩個喊、三個阿B一齊喊，喊都好，+0派餅，益晒雋雋，又攞人哋壽星一一d餅食囉 ....

一到場，雋雋想錫錫一一，雋媽o係屋企已經教到佢識講：一一哥哥 .... Happy Birthday ..... 不過一一初時未warm up，唔畀雋雋錫，咁雋雋乜都唔記得講 .... hahaha ^^

一齊食餅，好咗d，一婆叫雋雋再錫一一，今次ok，不過難為了一一 ..... kakaka ..... ^o^


朗哥幫我哋影嘅，好okay!! 叻仔!!! 對上一次幫我哋影相，仲係一個小朗B，就係JenJen大婚之日 .....


仲同雋媽玩反拍 .... 激c .....


朗B真係高咗好多，拿拿拿 .... 雋雋接近90cm .... 過咗雋媽一半身高，你可以比較到 ..... 但我想講，朗B只係P1 Boy 咋!!! Oh NO!!! 拍埋雋媽度過心口咁滯 .... 好高呀!!!!!!!!!

雋雋第時會唔會都咁高ga??? @@

雋雋全場最鐘意玩係乜?? 就係muimui，JenJen 6299隻狗仔 .... 係咁追住佢，仲想一手捉住muimui，佢想c呀 haha .....

不過估唔到佢咁鐘意又唔驚 .....

由內玩狗玩到外 ....
靚靚Toy Story Wall Banner ....


靚靚又好味Woody Birthday Cake .....


又想玩一一個終極Anpanman大玩具 .... 其實大人見到都嘩嘩聲，希望可以快d去啤宅玩 .... 雋雋有Anpanman火車坐一定開心好多日 ^^ ......

但係條長長路軌係唔係要鋪o係你出面花園先玩到呢??

又攪人頂Birthday hat .....

He said peekaboo ..... wor .....

多謝啤宅回禮cupcakes，仲有susan媽媽用心幫一一整嘅相，好靚 .... thx!

仲要多謝啤太幫我o係US訂返嚟嘅Thermos Mcqueen & Kitty Funtainer bottles，而且幫我哋攤分埋shipping，超級抵，免我畀個飛媽呃$$$，thx alot ^^!!!!!!!!

雋雋愛Painting ....

9月4 日，新一個term Anfield playgroup又正式開鑼，今期只返星期六，因為星期三預咗畀雋雋返Kids Gallery ArtPlay，費事咁奔波，一個星期返兩日playgroup暫時對佢同雋媽嚟講都好夠 ...

今次老師係Teacher Seema ....

新一堂，第一個artwork，不過由於油彩未乾，加上雋雋上的士瞓咗，所以落車時雋媽一邊抱雋雋、一邊要"咩"個大袋、又要照顧呢個artwork，手忙腳亂，不慎將個咀同鼻整"化"咗，very sorry @@ ....

都唔止，媽媽個Marc Jacobs都染晒紅色 .... sob sob sob .... 好得o係兩邊帶，抹完都唔係太起眼 ....


雋雋返playgroup最愛玩車、snack time ... 另外就係painting或者做artwork，係可以令原本好癲、又要扭玩車、扭眼瞓嘅雋雋安靜落嚟，又可以坐定定好耐 ....

閒時雋媽都愛陪佢畫吓畫 .... 儘管佢宜家都係似塗鴉為多 ^^ ....

興趣係培養出嚟，難得佢又鐘意，雋媽小時候都唔知幾想可以學畫畫，不過最後雋公只畀雋媽學鋼琴 .... 如果雋雋將來都鐘意，雋媽一定無條件支持佢 ^^ ....

基本上應該識又common嘅顏色、仲有金銀銅violet，中 + 英文名雋雋都認得晒又講到出嚟 .... 佢自細已經對顏色同d名特別有興趣 ....

最喜歡 .... 媽媽嘅心水顏色，PURPLE!!! 有品味 ^^ .....

前幾日家中painting之作 .... 其實只係畀咗紅、黃、藍三隻色，雋雋最鐘意亂溝一通 ..... 畫完之後雋雋話係"rainbow" ^^ .... lovely! 不過玩到o燧書展買嘅paint brush都爛埋 :P ....


又話要再畫，畀其他色佢，油多幾油又開始坐唔定 .... 係時間要玩其他嘢 ^^


9月8日，ArtPlay 第一堂，陌生環境，雋雋初時唔係好習慣，佢都係鐘意Anfield多d .... 不過雋媽都唔慣，一來得四個同學 + 四個媽媽/姐姐，兩個係闊太阿媽(仲係朋友、自成一閣)、另一個係菲姐姐，全部都傾唔埋冷 .... :P ....不過teacher Annie & Patsy都好好囉 ^^

雋雋愛painting，好專心，坐定定唔駛雋媽操心，不過有時都有麻煩嘢，就係因為雋婆呀、雋爸呀成日郁d又話佢呢度dirty、o個度dirty，攪到佢細細個已經有時有d潔癖，今堂ArtPlay要用手去畫，仲係一大撻gel paint咁畫落大咭紙度，雋雋一見到已經依嘩鬼叫，又話dirty、又話go down(要離開張枱呀 ...)、 go home、又叫wash hands ，喊咁口，不過係深藍色可能太恐怖嚇親佢，用銀 / 金色gel又好d喎 .... 其實雋媽都落手陪佢一齊，猛話ok唔dirty，不過用d時間啦，用brush就ok，希望佢下一堂會好d .... 加油!!!

作品，應該要四堂先可以完成，係一個海洋世界，好期待!!! ^^

為咗要訓練呢個囝唔好咁怕dirty，要學會對手係可以用嚟畫畫、messy ... but there's so much fun!!! 所以，雋媽又o係屋企開個壇畀佢painting，是日用手指同手掌畫，唔畀用brush ....

初時都有猶豫，不過有媽媽陪，加上猛話好玩，雋雋後來都一齊玩，仲玩得好開心 ...

orange + favourite purple，出奇地夾，呢幅係雋雋 + 雋媽hand prints + finger prints 之作，鐘意!!!

花子契媽，係係artist，畫畫又靚，得閒過嚟教吓雋雋同雋媽啦，等雋媽平時又可以多樣嘢教佢、又可以陶冶性情呀 ....

雋雋の第一次 - weewee篇

繼日前第一次O係POTTY POO POO，今早佢又好似想作去 .... 不過唔知大定細，問雋雋要唔要POTTY，佢又話YES，又畀佢試，問佢係唔係POOPOO，又答YES，仲谷咗一陣，不過最後交出嚟嘅係..... WEEWEE :P

暫時嚟講，都係唔刻意要佢戒，佢戒到就戒，佢有需要又畀佢試，總之唔畀壓力佢啦，至少呢兩次成功之後佢又好似幾開心，有成功感真係好緊要呀 ...

Thank you MaMA ...

成日都教雋雋要講THANK YOU，無論任何人幫佢或者佢有求於人之後 .... 有求於人之前就要講PLEASE .... 都係好正常姐 ....

其實佢都識嘞，不過有時掛住玩，見到好味食物又掛住食，真係連阿媽都唔記得 .... 所以成日都要提吓佢 ....

今晚幫佢沖涼後，雋雋準備出去著衫之際 ..... 佢自己講 "THANK YOU MAMA! "

今次冇人提佢，係第一次媽媽幫佢沖涼後咁講，開心到暈 .... ^^

都話個個媽媽都係易滿足又易被小朋友做嘅嘢、講嘅嘢感動 ....

今次又有排可以開心嘞，SO SWEET! 期待你下一次又同媽媽講 .... 又係要自己講，唔係人哋提你GA ^^

雋雋の第一次 - poopoo篇 ...

冇特別想立即要雋雋學戒尿片，雖然佢有時識講，不過始終唔係次次中 ...

想兩歲開始，不過到時正值冬天，所以又未必適合 ....

都係隨遇而安、又隨機應變啦 ..... 即係學戒尿片要用嘅嘢就預備好晒，雋雋D嘢估佢唔到，好多時突然間好快又學識，所以都要有嘢旁身至得 ....

今日朝早見佢作POOPOO，問佢係唔係，雋雋點頭，(有時係假GA .... HAHA...)，再問佢要唔要POTTY，佢又話YES，咁就畀佢試一次，就係咁，成功咗!!!

WEEWEE埋，不過清潔完又突然WEEWEE，地下濕晒啦，不過唔緊要，都預咗係咁，今次係好開始，自古成功在嘗試，失敗好多次之後總會成功嗎 ...

畀心機呀雋雋!!

單拖雋雋去游水 ....

思前想後、一直想做又驚有難度 ....

今晚雋爸不在，因為係HA GERI.每月例會，所以雋媽膽粗粗自己一個帶囝落會所游水 ....

驚，係因為佢正直扭眼瞓時段 .... 有乜事，又係自己一個受晒 ....

再驚，係更衣室內好濕滑，雋雋實在太活潑，四圍走。上次去游都係雋爸媽輪流照顧雋雋，一個攪掂晒就接力再睇囝，今次就怕自己攪唔掂 .... 不過最怕都係雋雋跌親.....

結果 .... 又成功咗，一切安好，只係媽媽自己得返半條人命，累爆仲要抱住雋雋返屋企、再加煮飯、餵飯、沖涼 .....

不過好開心，同埋以後會好放心咁自己單拖帶雋雋去游多D水 .... 因為雋雋好鐘意玩水呀 ^^

今日都係一個值得記低嘅日子，就係雋雋唔駛再用奶咀瞓覺已經一個月 ....

其實雋雋都算幾乖嘞，727 .... 媽媽以前成日同佢講奶咀係用到18個月咋，之後唔會再用，咁頭2-3日瞓覺前都有提起，到第6-7日其實都已經冇再提，瞓前都係有D掙扎，換嚟係要媽媽攬住 / 唱歌 ....

不過陪佢瞓著再走開，總好過第時大個囝仲要咬住奶咀瞓覺為好係咪??

真係好怕D小朋友2、3、4歲咁大，甚至唔係瞓覺都要咬住奶咀，我唔想雋雋咁 .... 唔靚仔呀 ....

奶咀，由雋雋10個月大開始，一直陪咗佢都有8-9個月 ....

其實兩、三個星期前雋媽都已經將佢哋封存晒嘞 .... 係時間正式講再見 ....

雋雋，媽媽多謝您嘅合作，希望你愈來愈叻，可以唔駛媽媽陪都可以自己瞓著就更叻!!! 加油!!

Toys Library + 維園 + 和三味

隨著812嘅過去，雋雋12堂Anfield summer camp就咁就完結，除咗要同剛剛混熟晒嘅同學仔晴晴、Jonah、Ivan講再見 (連雋媽都有d唔捨得晴晴媽媽同Jonah媽媽 .... 佢哋一個返耀中，一個就上Anfield Nursery .... 不過將來一定會再一齊約出嚟見面!!!)，同樣 ... 亦都要同Teacher Uma 講再見 ....

相信可見嘅將來都唔會再見到Teacher Uma 嘞，因為o係Anfield教足10年嘅佢話好攰、要take a long break!!! 原來佢6月已經向學校遞咗辭職信，只係學校想佢教埋呢個summer camp先正式收山 .... 所以每一堂Teacher Uma 都話雋雋呢一班係好幸運嘅一班，因為係佢最後一班o係Anfield任教嘅班 ^^ ....

冇錯，唔單止幸運，亦係感恩，因為Teacher Uma 真係一位好好又有經驗嘅老師，又有耐性，而且教咁細個小朋友好有辦法，因為係下午班比較少學生，佢可以每個學生都用多d時間去教同埋觀察，然後將佢察覺嘅問題話畀家長聽，又會教你用乜嘢方法去改善同埋提高小朋友嘅專注力 .... 所以我同Jonah媽媽都好鐘意Teacher Uma ....

新一季9月開課，今次只報星期六上晝班一堂，想下晝少d人，不過時間真係唔係幾好用，所以都迫住要咁揀，星期三另外報咗ArtPlay，所以只報一堂playgroup .... 希望雋雋同媽媽都可以適應到咁多同學 + 媽媽/姐姐 + 新老師，仲有係要咁早起身去返學 ^^ ....

Teacher Uma 之前同雋媽提及過HKCL Toys Library 係一個非常適合小朋友去嘅地方，超級多玩具可以借嚟玩，地方ok，有人流限制，而且免費，鐘意玩完出去睇書又得，所以雋媽都聽Teacher Uma 介紹去玩一次 ....


場內又係唔畀影相 .... 門前留影算吧啦 ....


雋雋坐車唔肯瞓，去到都成隻懵豬豬咁，不過一入到去見到咁多玩具同小朋友，兩眼即時放光，自己周圍走去揾嘢玩，頭也不回望吓雋爸媽 ....

坐o係隔離一對小兄弟及媽媽，好好人，媽媽又教得好，o個哥哥主動教雋雋點玩佢套玩具車，弟弟之前話唔鐘意同陌生人玩，雋媽叫雋雋都share玩具同o個弟弟玩，後來個弟弟都share佢自己嘅玩具畀雋雋，玩玩吓 .... 3個大中小男孩一齊玩，雋爸媽見到都好開心 ....

覺得雋雋返咗playgroup後真係大個咗，同埋會識得同人哋玩、學sharing、學tidy up .... 要知道佢成日o係屋企都係對住雋爸媽婆，所以有時都驚佢唔識同人哋相處，又怕佢變小霸王唔識分享呀 ..... 出去見多d人，係會好一d ...

好得，佢都唔怕醜，成日周圍撩人哋玩 ....


雋雋成日斬要追星、追月，日光日白，雋爸媽見唔到，但係又畀佢真係揾到個峨眉月，雋雋好開心 .... ^^


順道去埋維園玩，又追月同追飛機 .....


打韆鞦打到想瞓 .... 因為攰到暈 ....


仲撞親個頭 .... 雋媽惡夢又開始，喊、扭眼瞓，又唔肯o係bb車瞓，要媽媽抱先瞓 .... 抱到手都斷 ....

去到和三味之前總算瞓咗，希望今晚有啖好食 ....

係都要食shabu-shabu .... ^^

其實呢度食鐵板燒好似受歡迎d，不過和食都好ok，咁帶住雋雋，都係去返和食呢一邊方便d啦 ...

yummy yummy shabu-shabu!!!!!! 第一次唔跟udon，轉食粥，呢度d牛肉同豚肉都好好味 ... d精華落晒去d湯到做粥底，呢個日式粥真係冇得頂!!!!!!

呢度d枱好大、坐得好舒服，卡位仲有無敵靚海景，食物同服務又好，真係好日式，又夠乾淨同唔多人，10個鐘意!!!


Wasanmai 和三味 ... 真係好和味，無論係食物定價錢 .... ^^


一定要揾次同雋爸自己嚟試鐵板燒 ....

食完等雋雋玩完車仔，出發走人，9點幾嘞，要過返去天后攞車 .....

開心滿足嘅一日!!!

雋雋の第一次 - 游水篇 ....

等咁耐終於都去到嘞，雋雋要你久等真係唔好意思 ... ^^

以前游過，oh ... 應該你o係屋企浴缸浸過幾次水，所以都未知佢去到泳池游有乜反應 .... 不過佢咁沙膽，應該唔會太驚掛 ....

好懷念你得幾個月人仔時嘅樣 ....


宜家更長更大隻，坐落shinkansen小船都有d"夾"住，迫爆feel ...


以前鐘意咬軚，宜家就放o係屋企當車揸，成日玩個軚嘞 ....


個Mambo Baby swimming float 當然都用唔著啦 .... (不過呢個真係好好用，BB初次游水用佢真係好好 .... )



大個囝，換上嘅係水泡、水袖、保暖泳衣 ....

go go go ... 出發去會所 ....


因為天氣熱，outdoor泳池d水係暖，反而indoor嘅池水就好凍，有件保暖swimsuit都好緊要 .... 不過小朋友池o係outdoor，所以都係主打o係出面游啦 ...


住咗5年昇仔今晚先第一次幫襯個會所泳池，反而以前好多教友就搭上搭攞住戶証入嚟游過n次，雋雋一家猶如大鄉里 hahaha ....

雋媽小六開始都正式學過游水，以前游自由式都幾好ga，不過又係n年冇游，最近一次都係5年前去Cairns honeymoon時游過一次咁大把 ....

之前自己出去游水都覺得麻煩，就算上次帶雋雋去赤柱玩沙都係，所以都唔知帶住佢去游水會點，佢又鐘意四圍走呢 ....

落會所就方便d，一家三口好輕便，雋爸媽仲求其笠件衫、笠條裙就碌落去，游完就返屋企先沖涼 .... 簡單好多，有過今次帶住BB去游水經驗，希望下次去游可以更輕便 ...

雋婆間屋個業主有家人住埋o係其他三小龍屋苑，佢係都要我哋留兩個住戶証quotas畀佢地一家可以返嚟游，因為佢話住過晒四個屋苑，昇仔嘅管理同埋會所都係最好最乾淨，今晚去完一次，的確覺得個泳池好好呀 ....

聽完佢咁講，又話保安都係呢度最好，加止自己係咁多年用家，又令雋爸媽唔係好捨得第時搬離呢度 .....


今次叫做正式帶雋雋游水，玩得好開心呀!! 特別係雋雋，佢一d都唔驚，o係大人池同埋小童池玩都ok，仲猛咁話"splash、splash、splash" .... 不過就成日話"sting ... sting"，但又唔肯畀人幫佢帶goggles，hahaha ....

佢好攰嘞，一早瞓到隻豬仔咁，不過希望佢唔會因為玩得太癲又發惡夢啦 ^^ ....

減壓 ....

好攰 ...

頸椎痛、膊頭肌肉痛、打風落雨再加腰骨痛 ....

好燥底、好易喊 ...

雋爸話要帶我出去減減壓 ....


KIMCHEE@北京道一號


之前見幾個朋友都去過，想試好耐，加止原本想去Elements食好味shabu-shabu 又話首影畀人包晒場，所以嚟咗呢度 .....


整體都好好味 ... 坐得舒服，又有靚景，價錢都算合理，服務又好 ....

(其實以往食親韓燒都係去明洞屋，自從佢結業之後都唔知去邊度好，因為呢間真係好味又正宗價錢又合理 .... 去過其他貴嘅平嘅都冇呢度咁好，好懷念!!!)



燥底仲o係度 放火.... haha ....


晚飯後餘興節目 .... 就係雋媽揸雋爸架車去兜兜風，雖然要趕返屋企睇雋雋，兜又唔兜得遠同耐，不過好過冇 ....


雋媽都ok鐘意揸車ga .... ^^

以前仲愛"刨"汽車雜誌 ....


有人成日驚c人整花佢架車，佢話驚有意外喎，又話唔同師傅d車咁佢個位有多個brake .... (有人自己一早整花咗啦 .... :P)


sighs .... 揸得車都係咁啦，唔係考個牌、買架車嚟做乜?? 我個牌都成10年嘞，只係少揸、又唔係唔識揸，同埋5月去東京前專登揾麥師傅補鐘揸8人車，Serena個size都同雋爸架車差唔多，係8人車高身d、睇位易d姐，都唔駛咁緊張掛???

不久嘅將來都係雋媽揸車接送雋雋返學放學、呢度去、o個度去，如果咁驚就四圍都唔駛去 loooooo .......

學麥師傅話要keep住成日揸吓，夜晚得閒落街又練多d泊位咁先好呀 ....

冇事呀，多謝天父我哋又平平安安返屋企繼續照顧雋雋啦 ....

題外話，之前去iSquare 牛藏食日式燒肉，又係好好味，仲好貴，原來同呢間同出一個集團，竟然係鴻星嘅dining club，真係估佢唔到 .....