215 花子飛Melbourne ....

2月15日

機場送別花子契媽 ...

雋媽的好友 ....

雖然唔係走好耐時間，不過又有機會多幾年，所以雋爸媽都有d唔捨得，特別係雋媽 ....

一個與自己喜好接近、又有相似經歷、而又可以明白對方心情及處境嘅朋友，好難求，有，但人生不會多，科技雖發達，不過唔係o係身邊，所以都會唔捨得 ...

所以雖然早，特別係雋雋都未瞓得夠已經整醒佢，都要帶埋佢去送契媽機 ... 初時去到都有d扭計 ....攪到你冇覺好瞓again， 對唔住呀:P

契媽錫雋雋，點可以唔去?? 而且都因為好早，所以雋爸可以返工前車我哋去機場，順道佢都可以送michelle一程呀 ....

花子，知道你好快就揾到屋又安頓一切，為你好感恩!!! 神供應真係足夠又及時，希望你好好保重，又讀書讀得開心 .... 想你早d返，返嚟又可以教雋雋畫畫 ...

不過又衷心想你可以讀多個Master in Arts Therapy 先再返嚟 (好矛盾!!! ^^)，因為我哋都知道好多人需要呢一種幫助 .... 畀心機呀!!!

宜家日本去唔到住，睇吓有冇機會去Melbourne探你，一個好artistic我又喜歡嘅城市 ... 

祈禱希望雋雋乖乖，8hrs + 機程真係好驚 .... 驚阿雋少嘈爆機，如果覺得佢ready，我哋一家會過嚟探你，等我哋呀!!! ^^

Take good care!!!

2010 十一月東京箱根七天遊 -- 第二天 ... 台場篇

1116

天氣陰及寒冷 ... 間中有雨

今早趕得切時間又有位，可以去Glass Court食早餐buffet ...

未瞓醒嘅雋雋 .... 又可以狂食最愛車厘茄及粟米 ...

 之前提過因為行程問題，所以今次冇租車，所以坐都營大江戶線去台場 ....係第一次....

 

 去到汐留再轉 YURIKAMOME 到Odaiba，第一次咁去，有媽媽，總算冇失拖 ^^ ....

 接近四年冇見嘅VenusFort@Odaiba

 

 雋雋喜歡嘅ferris-wheel ... 望不停又講不停 ....

  

始終都係靚 ....

 

 今次近christmas嚟，有埋聖誕燈飾 .... 媽媽影呢幅相，正正企o係聖誕吊樹下，好靚，雋雋又係睇住呆咗 ....

 

 

 主打，TOYOTA MEGAWEB，想去玩E-Com Ride ....

 咁o岩今日休館，有部份就限時開放，見到全場好多props同backdrops，有拆又有新擺，個個都好忙，好多functions咁 ... 唔可以玩E-Com Ride有d失望，不過再揾日嚟過啦，同埋又有好多懷舊TOYOTA車款，雋雋都睇得好開心 ....

 

得著係可以畀媽媽多d時間shopping ...

最愛日本地方好多都baby-friendly，呢層賣kids wear就有個play area o係中間，媽媽們圍住周邊嘅鋪買嘢，放低d小朋友o係度玩都ok，更何況有雋爸??

 有車玩，更加定 ....

 都有kitchen set、tent、波同其他嘢玩，媽媽睇o岩款又可以走埋去幫雋雋度身，好方便!!!

 中途自己一個走埋上去VenusFort二三樓幫自己同雋爸掃貨，最後衝刺嗎 .... 有嘢玩，雋雋又點會察覺媽媽閃開咗咁遠:P

走嘞，要返去Shinjuku Mimiu食udon，玩得耐，上車冇耐就瞓咗 .. 我哋，都可以休息一吓 ^^

 對UGG未o岩著，o係VenusFort見到另一對靚又有碼，所以買咗畀雋雋，佢好鐘意，一返酒店就要著住周圍走 ^^ ....

笑c人 ....

 model ^0^ ....

更多今日嘅相 ... https://www.facebook.com/album.php?aid=245801&id=573283192

日本 .......

311日本東北地震 + 海嘯 + 核電廠問題 .... 骨牌咁，這次一震，震碎好多日本人嘅夢同心血，同時都震醒好多人心 .... 


日本痴，自己同身邊好多朋友都好難過，而且唔知幾時可以再去日本 ... 好無奈 ...


現時東京嘅水都驗到有輻射，政府冇錯係唔會即時影響人體，又搬出一大堆數字話你飲幾多食幾多先 = 一個人一年照幾多次x-ray .... 


不過正常人都唔會再去住，係唔係??更何況我地帶住個囝，正所謂大人自己有事都算，唔好攪著小朋友，去旅行呢d事，遲少少先，或者暫時去其他國家先 .... 


原定今年又會再去東京 / 大阪 / 北海道，未落實地方之際已經出事，唯有擱置 .... 大阪 / 北海道好似隔好遠，不過件事一日未平息，輻射都係無形嘅，日本政府都唔肯定，我地好想好想去，不過都要冷靜一d想清楚先 .... 


自己懶，2010十一月去東京，一直未有時間追回所有網誌，到一月先出了一篇 .... 一直好怕唔可以再去東京，宜家冇核爆，感謝神，總算仲有一線生機 ... 唔係講旅行，起碼自己視為家鄉嘅日本唔會就此消失，日本人又唔駛咁絕望，心裡面都替佢地高興，希望神繼續祝福呢個國家，佢地嘅團結、自律有序、無私、忍耐、不怕死 .... 好多地方都值得經常懷住"走難"心態嘅中國人學習 ... 盲搶鹽，d傻人連累d正常嘅都畀外國同日本人笑 ....又好無奈 .... 

奶粉，感恩自己唔駛同d人搶 (特別d衰嘅da lu水貨客) ... 二月尾早已訂定多一箱Beanstalk (最多人搶就係呢一隻，日本都斷晒 ....)，加埋原有嘅，雋雋飲唔多，所以有望如期飲到三歲 .... 

因為三歲後根本就會停奶粉，亦唔會特別再飲奶 .... 特別鮮奶，多飲冇益!!! 日本人都係靠食固體食物 + 豆奶 / 鮮奶給取營養，宜家好多study都知牛奶唔係一個MUST ITEM!


還要特別多謝Eva EE，幫雋雋再訂多幾罐Meiji，Eva EE人面廣闊又識 d日本水貨店老闆，Beanstalk真係無能為力 ... 斷晒!! 只買到Meiji，雋雋好細個時飲過一罐，勝在有少量貨，多買幾罐就可以飲得鬆動d，完晒唔夠先再轉奶粉 ... 就算飲唔晒，身邊都有朋友囝囡飲Meiji，到時再轉手都可以呀 ... Thank you so much Eva EE!!! 因為你幫忙，所以雋爸媽就唔駛周圍去撲奶粉，下次見面一定要叫雋雋錫多你幾啖呀 MUUUUUUUUUUUUA!!!

其實屋企仲成日幫襯日本organic food、蔬菜，通通都要停一排 .... 最受影響另一樣，時裝，haha，冇錯，雋雋90%衫褲都係雋媽每次去日本大掃貨 ，好多仲係香港冇入，買唔到，都唔合點好，好得11月時買大咗部份衫褲，好希望可以夠著到下次再去日本 .... for 媽媽，都買日本衫多，不過香港都仲有好多日本選擇，加止存貨多 :P，所以ok ...^^


因為懷念日本，所以自己要努力d，追返剩餘6日嘅2010年東京箱根之旅 .... 

兩歲了 ....

補補補 ..... 補極都補唔完，可能要等到雋雋返學之後先會再有時間追回所有要記低嘅日誌 ... 

追blog真辛苦 ....

雋雋兩歲，唔可以唔補返 :P ...

2011年1月29日(星期六)

冇大攪生日會，雋雋只係同家人及好朋友丹貝慶祝 

(丹貝係兼半個陪月 -- 當年用咗兩日後怒炒個陪月之後，丹貝日日送完約禮返學就去買餸、然後再嚟煮好味飯餸我食，又陪雋媽湊囝同傾計，一分一毫都唔收，車馬費同買餸$$都唔肯多收，又自己成日買水果同湯圓畀我地食，咁嘅好朋友去邊度揾?? ... 就係雋媽第一個教會嘅好姊妹，約禮囝又係我地花仔 ^^ ....)

可惜係雋爺呢一日又發燒，雋叔又話工幹，丹貝老公又返夜，豬皮家姐s又去咗西班牙 ... 都唔可以嚟 ....

生日BBQ@會所

仲有個個都讚好味又唔甜、又好靚anpanman birthday cake 一個 (黑森林加朱古力脆米夾心) ....

http://hk.myblog.yahoo.com/candychan9996

 上網揾到呢一間，猶豫之際發現啤太都訂過，自己都食過好味，所以試candy呢間，個師傅好得!!!

仲有豬皮姨幫媽媽訂造嘅anpanman phone case，襯到絕!!!

雋雋見到個anpanman cake就陰陰咀偷笑，又想撲前去攞嚟食，真係流咗條口水出嚟，笑c人 :P ...

雋雋許願喎 hahaha ....

佢見有蠟燭吹好開心呀 ^^

呢次BBQ唔多人，不過食物就厲害，一早警告個某人唔好亂買，其他人都已經叫住話食好少，點知最後某人買咗四位數價錢、夠20個人食有餘嘅食物 .... 燒極都燒唔完 (事後分咗d食物同蛋糕畀丹貝同豬皮兩家人，其餘扒類攞返屋企食咗兩個星期都未食完 kaka ....)

http://www.tastychoice.com.hk/

呢一間買，係丹貝介紹，10個LIKE!!! d扒類同海鮮同citysuper、sogo o個d同級數，甚至更好味，不過價錢平一大截，近我地又可以送貨，真係打邊邊同BBQ以後必然之選!!! 

今次買咗好多安格斯牛扒同約禮愛嘅羊架，好好味!! 仲有佢嘅香港製脆皮腸同埋日本烏冬都係好出名，見好多人都專登揸車去買 .... 我地個個食完讚讚讚呀 ^^

雋雋兩歲生日快樂，希望你愈大愈乖又精叻、愛主愛人，最緊要身體健康!!!!!!

Baba Mama Love YOU ^^ .....

扇貝殼 VS 聖靈果子

0224 ... 媽媽又同雋雋做小手工 ...

材料係之前打邊爐食剩嘅扇貝殼 ..... 又好一次廢物利用 ^^

 

 

 

 睇雋雋玩得幾開心又專心 ^^ ...

(雋雋除咗學生字、玩車同埋食嘢以外，最專心就係溝顏色同埋做勞作嘞 .... 希望做多d又可以訓練到佢嘅耐性啦 ...)

雋雋負責幫扇貝殼油顏色，然後又畀佢加d閃粉，大功告成!!! 

簡簡單單，一個平平無奇嘅扇貝殼變成咁，雋媽都始料不及 ... 

多謝雋雋幫手油顏色油到靚靚 (因為係佢自己亂溝顏色，我只係負責揀定幾種色畀佢自己發揮 ....)

雋媽最終決定將佢哋轉化為九種聖靈果子 ... 

仲有兩個扇貝，可以寫埋聖經章節 ....

先用最愛紫色油加字，然後再上gloss ...  

聖經加拉太書第5 章22-23節 -「聖靈所結的果子，就是仁愛、喜樂、和平、忍耐、恩慈、良善、信實、溫柔、節制。」

希望雋雋長大後都會為呢九個果子而努力，做個蒙神喜悅嘅人 ....

而呢幾粒聖靈果子，仲未有最終定案點樣擺 ....諗過做多一棵樹掛起佢，不過蝸居冇咁多位擺 ... 又諗過貼上canvas度，不過又唔知點貼得穩(因為扇貝又弧度) ...

所以我諗最終都係要問遠在澳洲嘅藝術家花子契媽點整 ... ^^